極尚大瀛喜日本料理

营业中

休息中

每次去到一段時間，就好想食放題，因為咩都有得食而且價錢又吾貴，今次約了女仔朋友當然又諗不如食放題，今次就選擇了這間，等了一陣就入去坐。去到當然即點食物，炸物不會錯過，這裡的吾太油又夠新鮮幾好食，當然仲有勁多芝麻的芝麻雞翼啦，香口惹味帶濃芝麻香。朋友必叫的就是蟹柳天婦羅，新鮮而皮整得不錯幾薄身，好香又惹味的羊架，最後仲叫多咗一次來吃。食到中段就出去拿了雪條雪糕，選擇都不少，我地一人一杯，完再食其他食物。刺身希靈魚，鮑魚，八爪魚，款式都多而質素都可以吾差，串燒夠熱但肉質不錯，最後出面仲有沙律和春卷等熱食當然沒有錯過啦，味道不錯用熱燈照帶微溫，沙律都夠新鮮。

一向對放題既印象係新界西都冇咩好食，要搵高質放題就要騎牛出城，但大瀛喜就顛覆左我既諗法——原來唔洗騎牛都食到CP值極高既放題架～大瀛喜裝修偏向華麗風，坐又坐得舒服，岩晒一班朋友食飯吹水！話說我有個「壞習慣」，唔係點左刺身、壽司先，而係衝出去拎甜品！甜品櫃冇令我失望，款款都細細件，精緻又好味，試晒幾款都毫無削弱我既戰鬥力！前菜就可以揀沙律、水果，仲有啲熱食可以打下底。返到張枱，朋友已經叫晒野食，都係例牌嘅刺身串燒天婦羅，然後我就乖乖等食喇～有冇人覺得食日本野，只係擺盤已令人賞心悅目？未食已經好開心！刺身好新鮮，亳無腥味，完全表現高水準！其次推介就係我最愛既燒菠蘿，上盤時仲係微熱，咬落去非常甜美。之後就係一啲燒物同天婦羅，最令我深刻係燒牛舌、雞翼等唔單止肉質鮮甜有口感，調味仲岩岩好，夠晒入味又唔會過咸，畢竟好多任食餐廳都求求其其，但求有貨上，但係大瀛喜唔單止用料、烹調都達到私房菜水平，服務仲好細心添～

今日成家嚟喪食，原因係呢間夠哂近，其二呢間符合到各家庭成員對食的要求。我真係超鐘意食刺身，當晚D刺身溶雪度夠，最推介是大赤蝦和甜蝦，相當新鮮，好食。另外希靈魚，劍魚和油甘和北寄貝都是中級水準，以呢個放題價嚟講OK。另外我地都好鐘意食夀司，其實D壽司唔可以同高級壽司店比，但以任食來說，你盡食的話，呢間算唔錯，因為個飯底唔錯，唔會散修修，火灸類的夀司食材都新鮮，創作料理類D食材match得幾好，尤其推介胡麻三文魚卷和喜壽司。另外軍艦D紫菜好食，唔會太濕腍，如黃金魷魚軍艦和蟹籽軍艦幾好食。一品料理都係非高級食材，但煮得幾好味，好似係蒜片牛柳粒，咖喱蟹都加咗佢分。燒烤類上菜都快，食材新鮮的，好似燒鰻魚，鯖魚，雞翼，海蝦，比目魚都好食。另外D煮物，我就愛上了蟹粥，好鮮味。出面有個自助區，有得㚒下野，裝下軟雪糕(有埋D配料)比你加下，都好小朋友大人出去㚒下野，叫可以玩下，另外有埋雪糕，雪條，飲品任揀，呢點細佬最開心，我覺得呢個價，有咁嘅野食，好好的。

這是第二次去呢到食放題，距離第一次應該大半年，相比之下，無咁多款，例如：生耗、蜆鍋都無左。雖然依然抵食，但刺身無以前咁新鮮。最滿意係羊架、番薯，希望能改善一下！

一班人係元朗約食飯唔知食咩好~朋友提議食下放題 大家諗都唔洗諗即刻say yes 估唔到依間大喜屋裝修又幾靚~價錢都算親民既 我地係平日既九點後黎 人頭$210咋~就咁睇已經好似好多野食咁啦一坐低朋友負責tick野食~我就九秒九出去睇下有咩食/野飲野飲選擇都幾多咖喎首先係沙律bar~不得不提啲芝麻八爪魚真係好大粒好好食仲有唔同既熱食~上湯煮豆苗啲菜煮得好淋 好好食 第一次食到咁高質既放題既中菜而且同時個湯都會話太咸估唔到竟然有糖夾 同小朋友黎既話實開心死佢地啦仲有大量甜品~ 好吸引呀食放題又點少得刺身~ 估唔到依到個啲係咁鮮甜特別係吞拿魚同希靈魚 真係好好食而且一次過上曬 夠曬睇頭 影相一流另外係羊架都係每次都要食既~依到燒得好香 又唔會話太硬咬唔開而且啲調味料仲十分入味添呀~不得不講下依啲小手卷都係我既至愛細細舊食落去 過下口癮之餘又唔會飽肚 可以繼續食仲有牛油票米都好正仲有講下個芝麻雞翼都係超級高質~新鮮熱辣炸起之餘 又唔會太油食落去真係有陣陣既芝麻香咖~ 好正總括黎講 依到啲野完全係超過左一般放題既質素因為真係好高質~下次可以帶屋企人黎試下啦

放題店好多地區都有不少，但整體不錯就要睇邊間比較好，而這間我地都有常來，覺得整體吾錯而且坐得舒服吾會好迫，因為常常來關係都大約會食咩食物，今次一來就即叫，大大件燒得好香得燒粟米，我地每次食完再食。牛肉鍋材料都不少而牛肉質地都不錯，湯底少許甜，帶出肉香。這裡有各款飲品，次次出去都會拿吾同飲品返來飲，岩晒心大心細嘅我。炸物我地都覺炸雞翼幾好，都新鮮雞肉口感不錯，湯足料吾太咸，除了炸雞翼，香煎雞翼都是我地每次必叫的雞食物。今次的蒜片牛肉蒜味重又熱夠新鮮，重點來到當然叫刺身啦，好多款式每款叫一二件岩岩好，如甜蝦，三文魚，鮑魚，蛋，北寄貝等，新鮮程度都可以。其實出面仲有不少前菜選擇，可以在寫完餐紙後拿食物回來吃住等好嘢食。

好耐冇食過放題啦，今次仲要係去食極尚，係懷住都幾高既期待去食。同一堆朋友好準時入去坐低左剔紙仔叫野食，然後發現尼間放題都有自助戈d沙律吧、熟食吧、甜品櫃之類，唔洗咩都寫紙仔等人拎過黎，可以瘋狂自己出去拎。出面自助既野比較喜歡個泰式雞腳，酸酸地真係夠晒開胃，仲要係無骨咖添，正！至於其他寫紙仔既野食，個人就真係好鐘意尼間既熟食，上到台都仲係熱，好似個雞軟骨咁，真係好似新鮮炸起即刻上菜咁！同埋食左個幾鐘都冇話漏單，因為以前去食其他放題真係好興漏左一兩樣野咁，尼間放題不但只冇漏，仲上菜上得都幾快，唔會話要你等，等完d食物又唔新鮮咁。至於放題既highlight緊係刺身同壽司啦，尼間整尼2款野食都係出色，唔係梅既刺身，壽司雖然比普通迴轉壽司既細舊，但賣相都好好，味道都唔錯添！

好開心阿，去食極尚，成日都覺得極尚既放題既質素一定係好過普通戈d lol 至少我係咁諗，嘻嘻。因為今次係食9點鐘開始戈個時段，所以真係好餓咁等到夠鐘入去食。一坐低就同d fd瘋狂叫野食，然後出去出面自助區拎下小食開下胃咁。上菜上得都幾快，拎完番黎就已經有刺身同壽司放左係台，正！不過我個人認為尼間放題既熱食同炸物都比刺身同壽司出色，羊架同炸一口芝士真係不得了，好想係咁食，不過都比較heavy，所以都係食左兩舊就算。不過講番個刺身，個吞拿魚可能係我食過最難食既，唔係個味唔好，而係個口感出晒事，又多渣又多筋，食落完全唔係吞拿魚刺身應有既口感。

唔知有無人同我一樣耐唔耐就想食下日本菜 有時叫幾碟刺身壽司都已經百幾二百蚊 所以我耐唔耐都會食轉放題放肆下 呢間餐廳唔係第1次食 食物質素好得 選擇又多 樣樣都想食少少 夠晒滿足個個食放題都攻刺身 我都唔執輸 劍魚腩一向我至愛 蝦當然都唔少得 唔好以為放題質素就唔得 錯錯錯 唔會好似某d放題刺身只係食到雪藏味 呢到刺身另外 呢到仲有一口手卷 食左6件好味海膽手卷 欣賞呢間餐廳唔會因為放題就想塞飽你個肚比大大舊飯你 壽司軍艦創作料理內所有壽司飯都唔會好大件題外話 仲貼心到有熱飲 其他飲品都好多選擇 餐廳性價比咁高 一定會多多幫襯

雖然放題食黎食去都係呢啲，不過都有質素高低之分。呢間放題既質素就真係算幾好，我地9點幾去到，都有好多人等緊位，所以都等左一段時間先入到去！我哋一入到去就兵分幾路有啲人就點嘢食，有啲人就出去拎嘢飲，有啲人就梗係睇下有咩熟食啊沙律啊甜品等等啦。刺身十分出色，亦都上得好快唔會漏單，而我最鍾意嘅呢度都有包括甜蝦虎蝦海蝦等等，對於我呢個鐘意食蝦既人來講呢度嘅下都算係好新鮮㗎啦！而我就最鍾意呢度嘅雞翼啦，講真雞翼我都算食得多，呢度嘅雞翼食得出係即叫即炸，而且油份唔算多亦都食得出佢唔係用萬年油黎炸啲雞翼所以我都encore左幾多隻嚟食🤤不過最令人驚訝嘅就係喺喺呢度先食到嘅芝士玉子燒鰻魚，真係超級超級好食！入口即溶，而且佢份量唔多，所以食多幾舊都冇問題，同埋佢次次都係新鮮整出嚟所以極之吸引㗎！

連續放幾日假 決定要暴食一輪放縱下放題當然係最滿足架啦 但其實本人唔太好刺身 但係yoho mall呢到個早段優惠$200加一 比起出面市區要平 決定試試入到去 早段時間都已經好多人 快快趣落單先點刺身 我主要食蝦同帶子 食左應該都有成10隻珍寶赤蝦 相信回本都好有望 朋友大讚劍魚腩油脂味濃 不約已同隔離檯個位同佢朋友傾計都係講劍魚腩好好食 之後熟食 大推黑松露系列壽司 無錯又係蝦 同帶子 但多左黑松露就係另一種享受 其餘熟食 例如蒜香牛柳粒 煎鱈魚 天婦羅 玉子燒 卷物全部都超級推介 我好鐘意食蟹柳棒 所以都食左好多 之後見到雪櫃入面有特別口味雪櫃 都食左2枝 飲品選擇都好多仲有少少特別就係有軟糖 總捨而言 就算唔食刺身 都絕對絕對超值 過足口癮 *侍應上菜快收碟都好快 畢竟檯比較細 人手充足好緊要 最後加單野食無黎 好友善咁同我say sorry 不過都無所謂 其實我都好飽 加上佢咁有禮貌 絕對no problem

有朋自遠方來，所以選了這間放題。因為早放工，選左17：30-20：00時段，價錢不算太貴，$238＋1,對得起食物的質素，雪糕就令人失望。坐位算舒適，餐台與餐台之間不會太逼，方便傾計。食物上得快，餐台都大，食物唔會放到好亂，而且服務員會主動收碟換碟，比較值得稱讚。

新年流流 同啲朋友食好少少 揀咗五點半至七點嘅時段 特登 去到元朗 試食日式自助餐不論魚生 炸物 其他熟食 飲品至甜品 都幾多選擇上菜嘅速度都快 冇漏order 服務員嘅態度都好好 佢哋幫我哋收返啲食完嘅 碗碟 都好勤快 又坐得舒服 值得推薦特別推介嘅:鮑汁燴花膠 好入味 燒香草羊鞍 比目魚西京燒 都好惹味 (本身都好怕羊肉 嗰種 羶味 佢呢個做法 我只係覺得好好味 仲好juicy 結果大家再order)另外 估唔到有一個糖果bar 暖飲櫃 暖住嘅朱古力奶咁雖然唔係啲咩貴價嘢 但我覺得 幾驚喜$230 一位 (如果冇記錯 因為由友人先埋單 再畀返錢佢)總結200幾蚊食到捧住個肚走 抵食!!!

香港有很多以日式放題為主題的食店，極尚大瀛喜是比較有品質的，平時都建議可以同朋友，屋企人去食下，難得今天路過不用排隊，故順道光顧。個日我和朋友去左呢間餐廳，朋友也喜歡去極尚大瀛喜，以一個價錢，任飲任食，就是吃到飽的意思。日式放題不能缺的當然是刺身和壽司，選擇甚多，上菜也快，大都算是新鮮，喜歡日食的大胃王定必能滿足。自助飲品及甜品選擇也多，午餐放題每位只需$198，價格相宜。食品有很多選擇，包括壽司、刺身、炸物和鐵板燒等等，我和朋友最喜歡燒羊架，肉燒得剛剛好，不會太老，再加上燒過的味道。另外刺身新鮮，最喜歡三文魚和赤貝，還有炸物，炸雞翼炸得香脆入味。整體出品好，性價比高。

早排同同事放工去食大瀛喜，嗌左好多round野食。食物黎得快，冇乜漏嘅情況，而且收碟都快，唔錯。佢啲刺身都幾好食，尤其係甜蝦，好鮮甜。燒菠蘿簡直冇得輸呀，仲有牛舌，壽司都唔錯。以$200左右黎講性價比都高。