極尚大瀛喜日本料理

营业中

休息中

我老實室，極尚大瀛喜放題喜我食過唔止一次因為價錢抵食、選擇有多食品新鮮、刺身美味，所以同朋友食放題一定會揀佢做首選今次我哋食放題揀咗去元朗形點一呢間分台，間間分店既食品都有少少分別，不過選擇就一樣咁多飲品櫃，多到花多眼亂呀出面仲有好多自助小食揀，我只係其求影左張壽司都係影左一張，因為我忍不住食喇！仲有我啲朋友等都唔等就起筷囉刺身好新鮮，好正呀，我地encore再encore,不過拖羅有筋，呢方面就要改善喇推介，足料兼好味甜品加雪糕雪條任均選擇

元朗既放題真係唔多 所以見到yoho mall有間極上大瀛喜即刻同朋友去食 唔洗出到九龍甘遠啊嘛食物方面選擇都幾多架熟食區都有好多選擇分別有春卷小炒同葡撻仔 可以醫一醫肚🥳凍櫃仲有泡菜、中華沙律、芝麻八爪魚、螺肉、薑片國沙律🥗可以俾大家食個前菜開開胃第一輪一定係叫最愛既刺身三文魚、酒煮榮螺片、日本玉子、北海道帶子同埋北寄貝 用乾冰去盛載住刺身 全部都很新鮮，我們都食左幾round🤣最喜歡帶子 雪白又鮮甜三文魚及油甘魚紋理清晰十分厚切鮮甜、玉子都十分鮮甜壽司就有蟹子、辣味螺肉、北海道帆立貝 壽司大件又足料 件件都好新鮮 食到飽為止鹽燒雞骨串燒得好出色 好脆又夠哂入味 一串又一串 完全停唔到口 再去拎罐啤酒 簡直係絕配芝士蕃茄海鮮煱 好香芝士同蕃茄味再加上海鮮既鮮甜 有蝦有青口豆腐蟹柳同粉絲 好足料正啊！！****推介極力推介***榴槤炸彈外脆內軟 包裹住香濃榴槤蓉 簡直係無可挑剔 好好食 食左四、五粒🥰甜品區雪糕雪條都係任君選擇 仲有雪糕任拎 有阿菠蘿、大腳板、雀巢、韓國蜜瓜雪條 糖果區好少見會有任夾糖果 簡直係大人細路既天堂 見到都好開心飲品都好多選擇 汽水、啤酒、解茶都有 有凍有唔凍

每次黎元朗探親友，經過yoho mall都見依間放題好多人等位 。今日探完婆婆後，媽咪話想食依間放題好耐。一於臨過年前帶佢食餐好慰勞下佢。餐廳啲座位都幾闊坐得幾舒服，而且食物飲品選擇多，值得推介。-熟食區都有幾種選擇分別有啲春卷、小炒同葡撻仔，刺身未黎之前可以食一round醫一醫肚先。-刺身就點左三文魚、酒煮榮螺片、日本玉子、北海道帶子同埋北寄貝全部都好新鮮，最愛肥美厚切的三文魚！雪白帶子亦好鮮甜。encore左幾round 。-壽司就點左蟹籽、火焰三文魚、左口魚、鰻魚、蟹子、辣味螺肉。飯團細細的，不會擔心太快飽肚😆蒲燒鰻魚肉厚質感彈牙經火炙後的左右魚及三文魚，魚油溢出，魚香滿載。十二萬分的滿足感-鹽燒海蝦燒得好出色，十分鮮甜鹽燒雞軟骨串，惹味之餘又好有咬口。-食飽之後就想食甜野架啦點左燒菠蘿同燒日本蕃薯仔！蕃薯仔細細粒又勁香同甜！好正個菠蘿好鮮好juicy 媽咪都好中意食。加左幾次單 大家都大滿足-甜品區就要係啲monchi,mousse蛋糕同雪糕-飲品都好多選擇 ：汽水、啤酒、解茶都有 有凍有唔凍 ；還有我覺得好貼心嘅係有熱櫃，食完凍冰冰既刺身壽司，想飲熱飲暖一暖呢。仲有咖啡機 鮮

媽媽一直都嘈左好耐要一家人食放題，今次終於夾岩時間可以一齊食啦！呢間味道唔錯，款式都算多，出餐快價錢平，香港放題黎講都算中上架啦。但我就麻麻放題，我寧願比貴d食質素更好既野～但今次陪媽媽就無所謂啦😆😆

又食放題了🥰🥰之前聽到極尚大瀛喜係元朗開分店，成日去元朗既我非常開心🥳今日終於黎到食啦！入到去，啲位都幾闊落，落完單之後就出去自助區睇下，自助區有好多野飲同野食，選擇繁多。前菜有很受歡迎既中華沙律，螺肉同八爪魚，仲有泰式酸辣鳳爪。鳳爪醃得唔夠入味，其他同平時食既冇咩分別。呢間放題好值得一讚既係上菜同收碟速度！通常食放題都會放滿哂張枱，成日想揾人收碟啲員工都好忙，但係呢到就唔會啦。特別推薦海膽手卷，海膽好鮮甜！雖然好多放題都有海膽手卷，不過鮮甜既就唔常見啦。燒牛舌同燒菠蘿，牛舌又香又有咬口，菠蘿又甜又多汁！呢個芝士鰻魚玉子意外地夾，平時唔會見到呢個組合，大家黎到不妨試下。燒三文魚壽司都不錯。有好多雪糕同甜品，甜品就麻麻地，建議大家食雪糕好啲😂

同舊同學聚會，同學提議黎呢到食，話之前食過好好味，就即管來試試我地係坐卡位，都唔算逼既，可以接受。之後我就先拎野飲同拎左碗魚翅湯，好好味！野飲都有好多種類，仲有凍有熱，另外一面仲有室溫既，好貼心！第一round緊係食刺身，好可惜我地個個掛住食唔記得左影。刺身全部好新鮮，我就覺得甜蝦最好食！之後又叫左d壽司。d壽司全部細細件，唔洗驚好快食飽，又可以試多d唔同款既。右面個黑松露蝦壽司好好食！仲有d炙燒壽司都好出色！之後叫左d炸物，大家記住叫榴蓮波波！入面d榴蓮蓉又香又滑之後仲encore左次tim！另外炸蝦餅都唔錯燒菠蘿我去到邊到嗌。又甜又多汁，正！燒牛舌都好正，又係唔記得影雪糕有好多款，任君選擇。我就食左阿菠蘿個香芋雪糕其實仲有好多甜品架，不過最後實在太飽食唔落下次來會再試試佢！

我唔係太鐘意食酒店的自助餐，好多時成四佰蚊，都唔係任飲，係D甜品幾好，但我又唔係咁好，事關我好刷得，但飲野重勁，閒閒地一晚飲十支野飲! 所以同朋友揀呢間，因為我貪佢有任飲。此外，壽司我係勁愛食，而呢問壽司質素好唔錯，好似蒜香牛肉同原條穴子壽司，喜壽司和胡麻煙三文魚卷.，忌廉芝士鰻魚卷也好吃。天婦籮，我覺得南瓜和蠔天婦籮好味，我鐘意佢粉漿夠厚，皮夠脆! 另外D炸物呢間係最好食，夠香脆，但唔油，芝士年糕，芝麻雞翼，榴蓮炸蛋，炸蠔，都好食。燒烤的食物都新鮮，質素平均燒海蝦和帆立貝好食，特別係帆立貝加了芝士蒜蓉焗特別好食。其他一品料理無咩款，但整體好吃，特別係蒜片牛柳粒，叫了好多次。甜品其實唔多款，都幾好味我覺得雪糕機D雪糕好食，又有D杯杯乳酪，幾好。

朋友介紹左呢間任食放題佢系有分時段任食兩小時既..咁星期一至四..五、六，公眾假期..仲有星期日吾同時段都有唔同價錢既..我同朋友就揀左星期五去食..時段就系8點半..價錢$258位佢有好多種類既野食揀啦有刺身.壽司.手卷.天婦羅.炸物.鍋物.串燒.烏冬.等等仲有前菜甜品汽水啤酒都系任食任飲😳因為限時關系所以冇影太多相食物方面刺身系新鮮既..個海膽同帶子好好味另外個係炸蟹棒都好好味😋價錢方面絕對合理值得1試👍🏻

放工好肚餓？緊係要約嘛朋友一齊去食放題！我地就揀左呢間大瀛喜😋😋其實呢間我已經食過兩次，每次都覺得好好食❤️而且價錢仲好實惠😎今次水準繼續keep到，仲加左啲新菜色添🤤🤤一黎必點緊係魚生☺️三文魚、帶子、珍寶大蝦呢三樣都係我必食之選👍🏻再黎就係點壽司、手卷、炸物個啲，好鍾意佢地啲壽司手卷係整得比較mini，咁就唔怕好易飽，又可以試多幾款😎😎炸物推薦芝麻雞翼，每次都必點，鍾意食雞翼既千其唔好錯過！另外，榴槤波波都幾正，入面有好多榴槤餡😃仲有蝦天婦羅同蟹柳天婦羅都好正正子😋😋花膠都係我必點之選，好好味，又補身👍🏻👍🏻食完曬正餐，最後當然要食返啲甜品，不過甜品就無主食咁吸引，cheese cake可以一試🤓好可惜今次食唔到自製乳酪😭😭期待下次再黎食過😍😍

兩個人外岀吃晚飯，想叫餸吃飯，又不能叫得多款吃。放題有時就是我們的選擇，貪大家都可以揀自己鍾意食既野，但是有時候平價的放題餐廳很容易中伏，食到肚痾就無癮啦。所以都寧願比貴少少食好少少，行到極尚大瀛喜先知原來早一個time slot食都唔貴。不過邊個time slot都好，無訂位就要早少少去排，咁就一定入到去食了。食物方面，第一樣野就係刺身啦！落單十分鐘左右刺身、壽司都上齊。賣相已經令人流曬口水，秒速就清曬咁濟。除左我唔食既蝦之外，所有都好正，一黎夠新鮮，尤其係帶子既鮮甜，真係叫多幾轉都仲得。另外，壽司飯方面做細舊d，所以食多幾舊都唔會太飽。小推介：京蔥三文魚腩同醬燒極尚帝皇蟹棒。京蔥令到三文魚腩本身既肥味提鮮，加埋就fresh勁多，另外個芝士蟹棒，好味到依家一路打字一路回味。因為仲有好多其他野食，黃金燒帆立貝同蒜片和風汁牛柳粒都幾值得試。可能我個人偏向咸味濃味d，所以呢兩樣都幾岩我口味，不過就唔好放太耐先食，會硬左有d難咬。都係一上枱就最好味了。每次吃日式放題我都當埋食甜品雪糕放題，不論是自己裝的杯裝雪糕還是雪櫃裡的雪條，不得不讚的是選擇真的很多，就像去了便利店一樣，不同味道都有，總有

終於有機會黎yoho呢間日式放題餐廳試下次次經過見到入面都爆場同好多人排隊今次同埋朋友一齊食餐勁既！入面既裝潢都好靚 有d日本特式既元素系入面事不宜遲即時開始2小時既大餐刺身質素好好 三文魚大大片 油甘魚夠香 甜蝦大隻 虎蝦刺身夠爽脆 大蝦唔會醒臭仲有本身好鐘意既帶子 又甜又大塊好滿足啊！ 刺身除左我有叫個類之外仲有好多種類架，例如希靈魚、八爪魚、王子、鮑片等等等等，種類比起其他元朗內的日式放題餐廳多。有推介必點既花膠比女士們！大大塊又入味 壽司種類都唔小，當中比軟深刻既系芝士炸蝦卷 好香口，仲有軟殼蟹壽司🍣牛舌 林身又香口唔會燒得太老 忍唔住叫左3-4轉牛舌天婦羅都系出色既 有南瓜 蕃薯 蝦 蟹柳等等蟹柳出其地好味又夾天婦羅做法粉漿唔會太厚又唔會油淋淋羊架好好食！燒得岩岩入面粉紅色 油脂分布不錯 肉質林身唔會咬唔開左手邊系燒比目魚 燒法令魚好甜牛柳粒炒得好香！好夠火喉，好似食大排擋野食咁！

成日食放題都係去尖咀，旺角，太遠又唔就番屯門近D，去揾開飯網，屯門D放題差爆，評語又差，搵下元朗，見到呢間店的評價幾好，好似旺角又有分店，咪去食下。間店話實唔算大，但係勝在有飲品櫃，甜點櫃，雪糕櫃，自助美食Bar咁，野飲都幾多揀，重有啤酒，獅威牌OK啦。出面有雪糕机，夾糖都有得食。整體D甜點都滿足到我，但當然唔可以同收四佰幾蚊D酒店自助餐比啦。刺身係中價貨色，叫新鮮，算唔算，當日甜蝦好正，狂食，上刺身都快。一品料理最正係鮑汁花膠，好正。串燒水準OK，係即燒的，當日魚類燒，花鯖魚，西京比目魚燒好食，有魚味呀。燒雞翼正過佢炸嗰D，炸油D， 燒紐西蘭羊鞍，都好有羊味，送啤酒都好食。至於壽司，朋友愛D，我麻，佢話好好食，幾新鮮，特別係D創意壽司。天婦羅好好，款唔多，但好食，蠔和蕃薯仔特別推介。其他野都有食，唔差，是中上放題水準。

自從呢間開左響元朗之後，每有元朗人話想食放題，呢度都係首選。晚市位位$280，說真的，有點小貴，不過偶爾食好少少是必須的座位有d逼，不過放題好多間都係咁，所以可以理解刺身好新鮮，呢間比其他好既地方係我食咁多次都未試過漏單，無貨會走黎同你講無哂，唔洗你心掛掛點解仲未黎帶子係必食的！有一味鵝肝帶子壽司，我每次必點！超香～不過旺角果間做得理想d..不得不提係個烏雞湯，好多放題都無呢類靚湯，去到真係勁飲

今日同朋友黎元朗食野，平時大家都幾大食，於是就專登book左間元朗放題大食特食。呢間放題係yoho商場，位置唔算太多，要食應該要book枱。我同朋友一黎就嗌左三文魚刺身同飽片，非常大塊，黎得都好快，唔洗等太耐。之後仲嗌左幾舊壽司。但個人建議黎食刺身就算，壽司未必咁受歡迎。之後仲有d炸物、燒物。我地嗌左雞軟骨、牛舌、羊鞍、燒饅魚、炸蠔。特別推介羊鞍，因為真係好好食！！呢間餐廳除左有野飲外，佢仲有好多熟食，好似泡椒鳳爪、薯格等等之外，仲有好多既甜品，例如心太軟等等。野飲都有好多，好似烏龍茶、milkkiss、cocacola 同埋維他奶等等。住屯元天既大家不紡黎試下，呢間放題同mk既放題都比得上，值得一試。

我覺得唔算好特別，寫紙仔既野食唔算多選擇，吞拿魚刺身係 ‘銀’既，同埋食左唔係好耐就已經Last order，不過出面既自助吧有好多款食物，雪糕有好多款揀。個人覺得出面有其他放題都比呢間好食d。