極尚大瀛喜日本料理

营业中

休息中

朋友住在元朗形點話有間叫極尚大瀛喜不錯，就約了探她之後就落去吃放題，好彩她之前訂了位，沒想到都幾多人，等了一陣就入去，入面梳化位為主十分舒服，而餐紙選擇都不少，而且出面有不少熱盤可以任食，食品選擇都多，撻好脆口又細細件不錯，前菜等食主食之前食些食岩晒，生果都幾新鮮，拿前菜時都見不少人整雪糕，仲有吾少配料選擇和醬添，而雪櫃內的雪條和雪糕都任食，飲品櫃勁大多選擇，我地都要了幾罐，沒想到仲有暖櫃有幾款熱飲品選擇幾窩心，等了一陣開始食物就來了。熱食的竟然有我最愛的花膠冬菇，花膠都幾厚身又吾腥，冬菇勁入味。羊架都幾大件而口感不錯燒得幾香口，雞翼皮脆入面肉夠嫩滑，燒鱈魚魚新鮮又滑，燒菠蘿燒得吾太乾身幾甜。當然再叫了各款天婦羅，不太油身皮夠薄。來到食放題點會錯過食壽司，帶子，赤貝，火炙三文魚，三文魚腩，北海道帆立貝，一大盆勁滿足，夠新鮮而且黑松露仲令海鮮味道更濃郁。刺身甜蝦，八爪魚，三文魚，油甘魚，甜蝦，甜玉子，帶子，吞拿魚，每款口感都幾好而且夠新鮮，十分好味喎。最後就叫了手卷，當然必叫海膽手卷，細細個勁多海膽好滿足，最後仲忍吾住叫多幾件，再臨尾食雪糕，二人都勁滿足。