極品靚鍋 (已結業)

星期一28/12去左荃灣打邊爐，本身去牛摩，但排晒隊，就轉去大鴻輝果邊睇吓有邊間吸引啦！樓下有人派傳單話新開張有8折，$116一位！睇埋餐牌有咩食，見幾多款揀就去試下啦！誤打誤撞竟然搵到間好正既火鍋店！上到去地方好闊落，用埋係用QR code落單！感覺比自己出去夾衛生好多！叫左麻辣同為BB而設既海底椰竹絲雞湯底，估唔到百幾蚊啲牛幾靚😍😍，超多火鍋料揀！仲有我最愛既麻辣鴨血好入味，鱔片，松露水餃，芝士牛丸，萵筍⋯⋯數之不盡！熟食有泰式鳳爪，有啲硬既豬耳同脆卜卜炸雲吞⋯野飲就比起放題店唔算好多野揀，不過有好健康既竹蔗茅根，自家制夏枯草，冷泡玫瑰🌹茶⋯⋯阿仔仲勁到飲左成支竹蔗茅根！全程招呼都好好，見個碟有蝦殼就幫我地換碟！又比消毒紙巾我地抹手！見阿仔扭計，又送貼紙比佢玩！

荃灣大鴻輝中心一向係放題集中地，今日路過見有新開jackpop即試！全新開業八折優惠，樓底超高以前記憶卡之中係彩福酒樓，空間感超好！湯底點了鴛鴦鍋豆乳雞湯和胡椒酸菜豬骨鍋，可能新張關係，幾分鐘已經上菜並建議先喝湯！試一口應該沒有味精！由於戒牛關係點了豬肉兩款，居然有驚喜！一款豬梅頭另一款豬腩肉，以放題而言十分有肉味亦甘香！豆乳湯底鮮甜令肉味食感提升不少 豬骨湯底即時被打進冷宮！豬肚竟然用新鮮貨！爽滑彈牙無異味，希望能一直保持！晌鈴亦係即叫即炸無酒溢味熱辣辣炸卜卜必點！醉雞應該是冰鮮貨不過用豆乳湯居然十分鮮甜！喜出望外！如果酒味濃郁點更正！另外點了麻辣鴨紅，不吃辣亦可試香辣滑溜，送酒一流！120分鐘埋單二百有找，襯未火紅排隊之前要再食幾次！

呢間係新開張嘅火鍋放題，位置方便，諗住試下都好，而且下午冇咁多人，容易啲揾位，點知有驚喜。食物質素唔錯，又多選擇，大眾化價錢，但係食材非常好。服務亦很貼心。值得再試。