極品煮意 鷄煲.烤魚.火煱 (已結業)

經常都會來葵芳行街，貪佢有兩個商場連住一齊，貴野平嘢都有得賣。 上OpenRice 搜尋見到極品煮意呢間新開嘅 四川菜雞煲烤魚放題，一去鍾意食辣嘅我，即刻衝去一試！平時出去食烤魚打邊爐價錢其實都唔平，但係呢度任食雞煲或者烤魚，價錢只係＄158+1！任食雞煲已經食過無數次。。懶得呢度有另類選擇，我當然係揀食魚啦！初頭以為飲食當然係冇魚揀，真係估唔到都有三款魚俾你揀:鯇魚，魽魚，大魚！最後我揀咗鯇魚。邊爐材料有九成都係自助式，自己出去攞，款式都有好多！而牛肉及其他肉類就係填紙叫嘅，牛肉嚟到，果然真係肥牛，脂肪含量比較高！不過食落肉味都唔差嘅。主角:鯇魚嘅味道好唔錯！兩個人已經有半邊魚食，其實份量真係好足！其他配料勝在款式多，就連午餐肉， 苦瓜，青口，牛骨水，幼身紅薯粉都有！服務態度都好殷勤，經理趙小姐都有問必答。特別欣賞佢嘅甜品當中居然有涼粉食，一般邊爐過後就會覺得特別熱氣，食飯呢啲清熱野即刻成個人個喉嚨都舒服晒。

葵芳吾再剩系得葵廣！😏今次帶大家去打邊爐啦～坐得舒服之餘，價錢仲好經濟！肚仔餓嘅入到去仲有好幾款前菜糖水食住先😀其中炸雞翼都幾大隻，好香口而且雞肉嫩口，推薦💁有雞煲，烤魚，火煱揀！共有12樣自選煱揀，選揀都幾多～今次揀左砂煱雲吞雞🐔又系雞😂!!份量好足料，成個煱滿哂嘅😀而且湯底吾似落左好重味精咁，吾會太咸～雞肉肉質吾會好鞋身，而雲吞就不過不失啦，每人有四粒倒配料選擇亦有不少，起碼有五十款以上，丸餃類，肉類，蔬菜，韓式年糕，青口，薯粉，菇類，腸類，海麵類⋯應有盡有😄一定夠飽！而且全部擺系雪櫃內雪住，都算新鮮～有幾款肉類要系菜單上點選，肥牛，羊片，豬腩片等,呢三款都都好推薦，切得簿簿的，食起黎吾會雪味😊值得一試甜品有雪糕，涼粉，哩喱，蕃薯糖水，木瓜雪耳糖水等😀同屋企人去食，老一輩要嘅中式糖水都有😉岩哂一家大細，同朋友黎食👍

同一班兄弟食飯，全部都係無底洞，食雞煲一定要仼加雞同仼食，重量不重質。所以聽距地話選左呢間。地鐵站行都黎5分鐘。我地六點黎到諗住七點9走，入到去太早未有人，枱面乾淨同都座得舒服。首先食左d熟食塾下胃，薯角都幾脆同咸咸地，有d乾蒜係面所以幾好味。旁邊係春卷入面有d肉碎同冬菇，都多熱所以可以食一兩件。如果想食得有營可以食d菜對面有。我地個雞煲叫左中辣麻辣，十分鐘倒就上枱，雞終於都唔係切到勁細件得翻d骨同雞胸肉，有雞脾位置。個汁好多味，唔會好辣，更多的係麻同香，雞件沾滿汁幾正，雞肉都幾肥所以好唸，雞的份量都幾多，同最重要係仼加，每人起碼食左一碗雞。之後就到火鍋料，加左d上湯後味可能淡左少少不過都夠味。首先一定要落d生根，豆腐同豆卜，吸曬d味，同豆腐都新鮮，無d放落左的味。豆卜就要煮耐d，因為有少少硬。牛肉係勁肥，一半肉一半脂肪，所以勁香牛味，不過太肥食多會感到油膩，食四塊就OK!另外的魚滑好好食，有d胡椒係入面，好香魚味勁滑。落左d韓國年糕估唔到吸左d味又幾好食wo,魚蛋同墨魚丸要食多d，前者好彈口，好有魚味同少少咸。後者會食到墨魚粒，有d咬口。牛丸都唔錯，香黑椒味同咬落去有d牛的汁，幾好另

一間喺葵芳平靚正既打邊爐店䌓忙時間 都係 大慨150 蚊一位 超正食物方面可以任選一個湯底 我點左麻辣雞煲 因為佢只係普通打邊爐店唔係四川店 大辣都唔係好辣 雞肉又大又滑 而且味道偏濃 兩個人幾乎有一隻雞 之後食完雞就將d湯倒落去打邊爐 出面可以任拎小食 有雞翼 春卷 鹵水雞腳 薯條等等 全部都夠鑊氣 一d都唔hea尤其係雞翼香味好 雞肉又夠滑另外 大部分打邊爐料都可以喺出面自助 一般丸 蛋 腸 鵝腸 牛柏葉 麵類 烏冬 菜 菇 全部有齊 唔可以話好高質素 但以150 一人黎講係又多款又正而可以用點野食紙落order既係肥牛 羊肉 脆鯇 豚肉 等 質素都唔錯野飲有各式啤酒汽水 茶等可以任飲仲有紅豆沙 同每人 一個雀巢雪糕 十分抵食若果喺葵芳附近想打邊爐 呢間係平靚正既好選擇！

今日同好姐妹喺至愛嘅葵涌廣場行完街之後， 一齊喺葵芳打邊爐,。今次呢間叫做《極品煮意》嘅餐廳主打「平！靚！正！」 喺葵涌廣場運動場果邊天橋位一出就到， 地點超級方便， 買到一袋二袋都唔使怕啦~ 百零蚊就可以任食任飲， 仲有雞煲同埋魚選擇， 認真抵食。 雞煲方面都有好多個口味， 麻辣鍋，醉雞鍋， 椰子雞煲等， 而烤魚方面都有麻辣同酸菜揀。今次就揀咗最鍾意嘅麻辣雞煲（小辣）。 上枱後即刻傳來香氣， 雞肉數量好多， 件件都好入味， 香料味十足，花椒八角味出。 雞煲辣得黎帶點甜， 真係會食上癮。食到辣辣地，出去揀下野飲。 呢度有成四、五個飲品櫃， 有啤酒、烏龍茶、汽水、檸檬茶，Jolly Sandy等等。 鍾意飲咩都識隨尊便。食物方面分有生熟食物部分， 熟食方面最推介嘅就係雞翼， 雞翼炸得香脆， 帶點辣味。而生食物櫃方面， 就有蔬菜、丸類、豆腐、鮮肉等。 蔬菜分別有粟米，勝瓜， 油麥菜，娃娃菜等。 遠慮就有芝士丸，魚皮餃，墨魚丸，牛丸，蟹柳等等。 豆腐方便有支竹，豆腐，生根等。 而鮮肉方面分別就有鮮牛肉同埋雞肉。如果大家想食羊肉片，肥牛或者豚肉片， 就要同侍應order。每位百幾蚊又有雞煲，又

餐廳喺屈臣氏樓上，過完葵涌廣場條天橋之後右手邊就係， 十分方便易搵。一入到餐廳見到個雪櫃簡直令我心花怒放，因為有極多種類既飲品喺裏面，全場分佈住六七個飲品櫃，連啤酒都有五款，勁。一坐低就梗係去熟食部掃吓先啦，估唔到都臥虎藏龍，呢隻雞翼，真係隨時好味過個雞煲啊。嗌左既雞煲好快就黎到，冚埋蓋再焗多三兩分鐘就食得，一打開個煲，雞煲嘅香氣撲鼻，大家好似一班餓狗咁，好快就消滅咗大半個雞煲喇。食完個雞煲就梗係即刻打邊爐啦，呢度有好多款新鮮嘅邊爐料，大大話話都有成七八十樣，我哋食左雪花肥牛，薄切豚肉，鯪魚滑，新鮮水魷，牛柏葉，墨丸同水餃等等， 不得不提佢個墨魚丸，一啲都唔粉，勁爽口彈牙，入面真係有粒粒墨魚肉架，以任食黎講啲丸有咁高質素真係好難得，最貴嗰個時段都仲要只係位位148，完勝。

收工同埋一班同事黎呢度食雞煲，因為呢度係任食架雞煲，正呀喂，即刻黎食啦。一打開個雞煲，香氣超濃係咁飄上黎，食落雞就幾夠滑，而雞肉比例都頗多，唔會舊舊都係骨，既係任食但材料就無馬虎抵讚呀。食完雞煲就梗係變身打邊爐啦，好多配料都係任叫任食，真係唔怕食唔夠呀。丸類，餃，魚肉，粟米，菜呀都係食極唔嬲，尤其魚肉同埋粟米都索晒雞汁，雞汁味好夠濃，所以好足味道。仲有飲品都係任飲，呢度岩晒我呢個大胃王呀。

葵芳唔係有好多地方可以食雞煲，近期開左間$168雞煲加任食配料兩個小時，咁抵，咪約埋幾個朋友一齊上去。極品雞煲辣道可以隨意選擇，因為有朋友唔食得辣，所以揀左個唔辣既雞煲，雞味夠哂濃，如果再滑d就好，味道唔會好多洋蔥或配料味，原汁原味，食左d雞之後開始打邊爐。配料任食有大量配料任食，有生菜、油麥菜、娃娃菜等，仲有金菇、竽絲，大量菇菜，仲有各式各樣丸腸，仲有牛柏葉等等......$168任食堅抵，填肚一流。

葵涌廣場係shopping好地方 帶住一袋二袋戰利品 近近地去左呢間雞煲任食醫肚。新開 環境幾寬敞光猛 價錢講真好平民 所以吸引左好多街坊踢拖黎食。雞煲～雞件好多 而且係無限refill 堅係第一次。雖然叫走辣會冇咁惹味 但雞件都好入味 我係芫茜蔥洋蔥的粉絲 如果雞煲再加多點呢d配料仲正。肥牛豬腩片 一份3片 岩曬我呢d細食朋友 寧願點多幾次 都唔好浪費食物。肉類全部薄薄一片 豬腩片幾香口 係肥左少少。配料任食任夾 一定食得飽 有成幾十種。魚蛋牛丸墨丸必有 魚腐蟹籽丸比較特別既都包埋。仲有鮮牛肉雞肉。蔬菜類亦是多不勝數。最特別的係有印尼撈麵 撈雞煲汁應該幾正 不過我太飽 試唔到。仲有五六種熟食。推介炸雞翼！熱辣辣 避風塘style！雞肉唔會太鞋。其他款式有春卷 手拍青瓜得得。仲有中式糖水 清下熱氣。飲品任飲 啤酒 汽水 果汁 茶 應有盡有。一個字 抵。

行過見到開左間新野，價錢又抵食，就一於幫襯一下，雞煲火鍋任食唔係新鮮野，不過較少見有食完烤魚再變邊爐睇隔離枱食雞煲有得免費加雞，雖然唔係新野不過有誠意，食物種類豐富，熟食唔錯飲品多選擇，坐位舒服唔算逼，如果新開鋪黎講十分推薦，希望keep得住。做到淩晨兩點，宵夜好選擇。

本來打算去新都會食飯, 點知停車場無位, 朋友就建議食呢間, 臨時臨急無睇食評(睇左一定唔嚟), 去到要行樓梯上, 心諗已麻麻哋鍾意, 點知食完有驚喜喎, D雞好掂, 我都算食唔少雞煲, 呢間真係拍得住大陸咁好食, 但以打邊爐嚟講就只中規中矩, 火煱配料賣相雖然普通, 但實際質素不錯, 係睇見無謂口食落嗒嗒聲嗰隻, 以這個價錢尚算超值, 我最鍾意佢飲品款式超多, 去咁多任食或放題都未見過咁多選擇, 連啤酒都多(平時去親任食來來去去都係擺得嗰幾款Cheap嘢, 呢間感覺幾落本), 至於侍應服務態度又唔覺好差喎, 有個阿姐同亞叔都幾好口喎, 分兩三次幫我哋攞飲管都無炸型, 整體有80分以上,  可當做一個便宜邊爐飯堂, 相片在朋友手機, 過兩日再去食時再影後補

星期六，日繁忙時段每人實收158蚊，本人真係無期望過食物質素係好好。但原來做好心理準備入去，係會發現有部分食物係令人有驚喜。落單任點既食物有：肥牛，豬肉，魚片，鯪魚滑。其餘食物就任君選擇（自取）蟲草雞煲：聞起黎唔覺有中藥材既味道，嘗試尋找雞煲中既材料得知 有蟲草，椰子片，唔算多既雞。真係無期望就無失望！（笑）以下是自取食物既小建議：菜類係好容易拎唔到，擺放菜類位置唔多，我都聽到唔少客人呻。響鈴真係脆架，有驚喜食物之一。青口既出現令我覺得好特別。（因為無蝦，無蝦滑既出）仲有豬皮，魚蛋添（如果有埋咖哩就正喇）有大路既丸類，食落唔會覺得似出面食個d咁滯。會有2-3種熟食提供。飲品：正常打邊爐，雞煲既飲品都有出現，但嘉士伯都係度，但銷情麻麻（真心覺得有古怪）總結：做好心理準備可以不妨一試，以呢個價錢食物不過不失真係已經好好。PS: 要留意個gas爐，做好一上枱開爐有火花既準備。（本人真係見過，個侍應一埋黎試個爐就走，咁岩個爐有火花，熄左爐叫另一個侍應黎，佢就咁空手拎走個爐了）

小朋友高過80cm要收費~真係離譜~80cm真係仲係bb囉~約1歲左右，可以食到幾多野~出面啲放題同自助餐都100cm先收費啦～雞煲味道夠濃，雞夠入味夠滑，最正係個雞煲任添同埋飲品款式多~但配料少又唔新鮮~啲肥牛就肥多過肉，仲又韌又厚~如果只為食雞煲，魚煲就可以一試，唔好期望啲配料呀～果日個侍應仲入唔好支gas，攪到gas個位著火，啲客勁驚爆炸，即走開晒~

雞煲肉質太老，食完一煲已經沒有番叫，其如打邊爐食物質素差，又不太新鮮，食物，飲品在出面自取，不是落order的，但座位是背對背，沒有一點空間，勁擠迫，根本出入不方便，坐都困難，莫講要出去取食物，環境，食物通通不像樣，永遠不會光顧。