極上帝王水產

营业中

休息中

今日去左呢間係旺角既日本放題度食午飯，放肆一下肚皮。入座已經即送一個火鍋畀我地，我地揀左鱈埸松葉蟹海鮮鍋，湯底好鮮甜，同埋好多料，除左松葉蟹，有蝦、青口、粟米、娃娃菜……雖然係送既但都落足本。飲品櫃一般飲開既飲品都有齊，我地就揀左三款飲。野食當然就第一時間叫魚生啦，食得出個質素都唔錯，特別鍾意三文魚同生蠔。另外熟食就叫左我放題必食既枝豆同埋牛油雜菌，串燒有牛舌，雞串雞翼等等。試左個忌廉湯都唔錯，焗蠔都好香。老婆最鍾意食煎炸野，叫左春卷，炸鮮奶、炸雞翼等等，樣樣都好香口。最後食埋朱古力蛋糕同埋兩款雪條做甜品，分別有花生醬朱古力脆皮同埋芒果bar。

星期日同老公去食超耐無食過既放題。疫情期間做緊6個鐘(12:00-18:00)放題，食埋晚飯個餐都得。每位只係$229 + 1，長者$179 ，訂座有95折，一米以下小童免費添，好抵。每枱送一個鍋物，我揀左鱈場松葉蟹海鮮鍋。有蝦、蜆、青口、蟹鉗、娃娃菜等等。刺身拼盤基本上差唔多每樣都叫左啲黎食，放題黎講刺身質素相當唔錯，都幾新鮮，無雪藏味、仲有肥美既生蠔添。第一round叫左非炸物類既食物。牛油粟米粒好甜，炸雞翼好香脆，鹽燒牛舌好好食，枝豆都好味。到左炸物環節。有炸鮮奶好罕見，最緊要有我至愛既香芋丸、榴槤炸彈、芝士年糕都好好食，全部炸物都好熱辣辣，香脆可口。最後緊係要食埋甜品啦。除左有得點朱古力心太軟，每人仲可以出去拎一條雪條。飲品選擇都夠多。

已經好耐冇寫過食評，但係食完呢一間之後真係忍唔住要重拾返寫食評！難得同屋企人食飯食到一肚氣！首先點左刺身嘅數目完全唔足夠都算，仲要係唔新鮮(吞拿魚茸竟然係啡色？！)。點左壽司等左大半個鐘都冇嚟，問佢就話整緊🤷‍♀️🤷‍♀️最後大部份order左既壽司無黎，再吹都係無用，最後當然夠鐘都食唔到！芝麻八爪魚，海蜇呢類食品等左大半個鐘吹佢先到，兩個鐘既放題都食唔飽，order左又唔到，無心唔好做生意！燒物黎到已到凍凍地，可能係等埋一堆一次過送黎

服務超級好，我中意食炸雪糕，menu冇但係廚房特登整比我食，勁窩心😍😍😍炸雪糕整得超級好食，外脆內凍，勁好食😋😋😋😋😋😋食物上得勁快，魚生勁新鮮，超級好吃，cp值勁高，連加1都係二百幾一位，非常抵，以後係我同friend放題首選😍😍😍😍😍😍😍

最近想同朋友去放題，但最近禁堂食，唯有搵一間晏晝有得食既，見到依間$229有6小時任食，立即拉朋友一齊去。店舖雖然有小小迫，但坐位都算闊落。店舖都充滿日式既裝修同吊飾，都有一種日本感。刺身方面：都尚算新鮮，有肥美既三文魚，大大隻嘅牡丹蝦，好甜既甜蝦，新鮮既帆立貝等等。壽司同手卷都有好幾款種類，有海膽手卷，同各款既魚生壽司同火炙壽司。燒物都有好多款選擇，燒蝦燒菠蘿牛舌等等，焗豪焗蝦都有，天婦羅 有蝦類，南瓜 等等 ，仲有唔少得既炸榴槤，紫芋丸包羅萬有，食物質素都好好。仲有燒物同刺身同火鍋。一黎到店員就會比一張點餐紙，有得二簡一選海鮮鍋或者和牛鍋，小編簡左海鮮，有日本松葉蟹，之後仲可以點選其他配料，慢慢淥慢慢食，配料都多選擇，不過不失。整體如果6小時，咁多款食物種類，真係好值得一試，放題都可以食得好悠閒，最後仲有得食雪條，大滿足😋

在團購買左晚市，不過無左晚市，就轉食午市啦。食完覺得真係搵笨，唔明點解咁多openrice笑。好耐無寫食評都要上來寫呀！環境：一出lift有兩個雪櫃係擺雪糕雪條嘅，旁邊重有一大堆佢舖頭d雜物，兼且有對鞋放在個雪櫃附近，真係夠晒香。行入舖頭，個地下痴立立。未坐低已經覺得衛生唔多好。食物：一坐低，侍應哥哥俾左張紙仔，話係用來畫第一轉的刺身。蟹柳畫2條就俾左一堆、大赤貝畫左又唔來，似乎都係想搵平野填飽你個肚咁。 跟住在qr code 落拖羅蓉杯，落左單唔來。海膽卷的海膽，張相就有咁多海膽得咁多海膽，實物就有咁少得咁少，原來圖片真係只供参考。。。至於個火鍋，入面d肥牛，勁肥，同埋肥牛唔係分開放，煲得滾d牛已經老到硬晒。入面d娃娃菜，又唔係好靚，有d一點點黑色。食完第一轉已經唔想再加菜和牛，真係劣食。樣樣都唔係幾好食，唯一好味係個芝麻雞翼。結論：埋單都唔知佢有心定無意，差d收左我地星期一午市$79一位。好彩我地睇返團購的細項，之後改返啱張單係$59一位。 現在無左晚市，午市來講差唔多價錢我寧願去大x屋嚕。

今日同朋友黎左旺角行街，發現有間放題店做緊疫情期間6小時放題☺️平時我地食放題都好趕急，揀食e間岩哂😍店內裝修都係以日式風格為主，掛左唔少燈籠裝飾☺️座位有卡位同4人枱👍🏻坐得都寬闊😆睇下食物，種類都幾多，有各款嘅壽司同刺身好吸引。當中三文魚刺身好肥美，色澤好靚🤤帆立貝好鮮味😋海膽手卷，紫菜好脆，海膽又鮮甜😍熟食方面有唔少煮物，燒物同天婦羅🤩天婦羅蝦外脆肉質結實，最後我地叫左個熱辣辣嘅蟹粥😋E個價錢食咁耐真係超值😍仲要冇漏單👍🏻

旺角講到放題一定係諗到兆萬😛記得依間好耐之前好似都有食過一次～見到有得食盡6個鐘放題就諗住一食食兩餐洩憤🤫.▫️6小時任食放題 $229訂座仲有95折優惠🙆🏼‍♀️餐廳四周佈滿日本主題壁畫同燈籠🏮每枱會送一份鍋物～我地揀左要鱈魚松葉蟹海鮮鍋有蟹棒大蝦松葉蟹青口同粟米娃娃菜食完仲可以再點火鍋配料繼續打🙆🏼‍♀️.▫️刺身 壽司🍣食放題就梗係要食刺身同壽司🍣選擇都幾多 我地每樣都有嗌黎試我最喜歡既蝦有4款泰式生蝦 2款甜蝦 赤蝦 味道帶甘甜三文魚好肥美同帶嚼勁～.▫️炸物炸鮮奶都好香奶味 唔錯😆榴連迷就一定要嗌埋榴連炸彈我次次都會嗌 真係好正🥺天婦羅蝦都係新鮮炸起 唔會過多炸粉熱辣辣幾香口😚.▫️爐端燒黃金燒日本廣島蠔同蝦肉沙律船都有燒過 好芝士同creamy😆最喜歡是焦糖燒菠蘿 甜甜的🤤仲有燒蝦羊架雞翼牛舌雞肉串～.▫️多國菜除左日式 仲有泰式同西式菜芝士和牛手打漢堡扒竟然會拉絲😳食落都好cheesy 幾有驚喜desu仲嗌左飛天通菜 都幾夠味仲有生菜包豬肋骨同豬頸肉等.總結，食物質素正常 勝在選擇都幾多同埋無漏單情況 落完都好快就上菜依個價錢黎講完全划算～終於有次食放題唔洗趕頭趕命😂食足成6個鐘真係好

極上帝王水產出左「疫情期間」6小時放題 ($229)由12:00PM-6:00PM！食完都唔洗食晚飯😂 質素都唔錯啊😋食物總類有刺身、壽司、炸物、熱食、火鍋、拉麵，泰菜食品如生菜包、春卷都比較少見，款式選擇多。刺身有三文魚、帶子、海膽、赤貝，厚切同新鮮。牛舌好鬆軟，炸物全都好出色，芝士年糕、炸榴槤同牛奶，都係新鮮炸起外脆內煙韌，內餡十分香濃😍 火鍋食品比較普通，有肥牛、海蝦同蔬菜類，不過個牛丸好高質，因為咬落真係多汁🤩 火鍋只係想暖下胃，所以收貨嘅。最尾梗係要掃埋雪糕食先滿足😋 有糯米糍、雪糕杯、雪條等。食左2個半鐘，個肚已塞唔落更多食物🤣

知道極上帝王水產最近推出6小時放題，由12:00pm 至6:00pm可以任食，每位$229，預先訂座有95折，大胃王聽到，當然要去食。這裏的日式放題，刺身、串燒和基本的火鍋配料都有，最吸引有磯燒海鮮，飲品款式都很多。先說刺身，因為多人光顧，食材去得快，補充得也快，刺身都很新鮮，三文魚油光潤澤，帶子口感爽而鮮甜，甜蝦是我的最愛，新鮮就是好味。磯燒松葉蟹蓋，燒過後蟹膏油香出曬來，很好味，食完真的不夠滿足，不過要留肚食其他野，下次來一定要再食。火鍋選了豬骨湯底，煮過肉後湯味更濃。雪花肥牛，頗新鮮的，薄切後煮起來好快有得食，牛肉味香；活海蝦新鮮爽甜；蟹棒吸收湯味，又甜又滑；還有金菇、娃娃菜，都是我吃火鍋必點配料，吸收湯味最好。這裏的熟食也不錯，泰式的話有大蝦冬陰功湯，不會太辣，酸度剛好，很開胃。西式的話，有白汁藍青口，肉質軟滑。還要留肚吃爐端燒，烤羊架熟度剛好，不會覺得有騷味；鹽燒牛舌是我必點的食物，夠香口，一邊吃火鍋、飲汽水，很爽！還有手捲、軍艦。迷你一口海膽手捲，吃完不會太飽，又可以食到海膽，有新鮮海水味，入口即溶的感覺太喜歡了。芥辣八爪魚軍艦，芥辣味微辣，又有八爪魚煙韌口感，也是我愛吃的

呢間極上帝王水產係兆萬黎講都算出名，宜家政府又唔比晚市堂食，好彩呢間有出個6小時放題，$229一個人由12點食到6點，可以話係超值🤣🤣🤣刺食味道就正正常常，冇咩雪味，個樣都ok，三文魚切到好厚。呢間主打都係熟食，回本之選係磯燒海鮮，啲海鮮唔會梅同臭，呢個價錢真係有驚喜！！ 呢間野食都幾多花款，有我最鍾意既燒菠蘿食，唔會酸，都幾甜。另外仲有個雞軟骨都幾正，好香口。甜品個到叫左心太軟，唔會太甜，都幾濃朱古力味！呢個價錢食足6個鐘，去book partyroom 都唔止呢個價，咁食法真係分分鐘可以回本👍🏻👍🏻

聽朋友介紹兆萬中心有一間放題竟然可以食足６個鐘！！仲要只係二百幾蚊就食到咁吸引當然捉埋男朋友黎食啦係位於兆萬中心9樓既極上帝王水產～餐廳裝潢走日式居酒屋風，擺放左好多酒呀～吸引食物選擇豐富，先講小食都有好多款不同既選擇焦糖菠蘿好好味呀，出面有脆身既焦糖，內裡就係Juicy既菠蘿海老天婦羅都好吸引~蝦夠大隻,而且新鮮爽口彈牙~同埋應該係即炸的,仲好脆身而炸牛奶都好好味~夠晒濃味!鹽燒海蝦好好味~外殼都好脆身可以就咁食!蝦肉都係彈牙的~鹽燒牛舌同雞翼都好好味呢! 佢地既燒物做得相當不錯麵豉湯好足料~入面仲有隻蟹鉗架!所以碗湯好清甜一口和牛粒同牛油炒金菇等等都係值得一試煎漢堡扒 好juicy呀!食落口已經有肉汁~加上內裡仲係有芝士~所以口感非常正焗一口廣島蠔 細細隻 其實可以一口幾隻XDD我地都叫左好多隻黎食 真係幾好味我地叫左十多款刺身 包括三文魚，帶子，蟹柳，醋鯖魚，象拔蚌，甜蝦，赤蝦同生蝦等等每一款都好新鮮好好味呀！由其蝦類既刺身完全唔會腥又夠大條！岩晒鍾意食蝦既我鱈場松葉蟹海鮮鍋有海蝦，青口，松葉蟹鉗同其他配料湯底好鮮甜～再叫埋娃娃菜真係一流呢！肥牛都正常~幾好味野飲都好多選擇架,有

最近好想食放題，可惜又禁左晚市堂食上網搵到依間放題好似唔錯，賣點仲係可以食足６個鐘！當然要去試下啦$229一位加一，包基本野食，刺身，燒物炸物飲品等等同其他放題餐廳唔同，佢既裝潢風格就好似入左間日式居酒屋咁！座位闊落，２個人都會安排你坐一張大枱，方便晒擺食物～坐得又舒服點完食物就當然去拎飲品先啦～免費任拎，選擇豐富餐廳係採用電話落單，所以今次就影唔到餐單比大家睇喇～但係食物選擇好豐富，例如刺身都起碼有十幾款，其他小食主食等等都仲有好多刺身食放題當然要試多Ｄ 所以我地幾乎每一樣都叫左D試下擺盤已經勁靚 食落仲非常之新鮮! 刺身質素同係日式餐廳食到既差不多！三文魚同帶子都好肥美蝦都有幾款架！包括有甜蝦，赤蝦同生蝦，都係好新鮮唔會腥鱈場松葉蟹海鮮鍋好正呀！因為有好多款海鮮　所以湯底勁清甜有蝦有青口有松葉蟹鉗食完仲可以再追加火鍋配料，我地就叫左娃娃菜，肥牛同響鈴娃娃菜配合咁鮮甜既湯底真係一流！我地食完亦再點多一碟呢焗廣島蠔 - 雖然細細隻，但都充滿住鮮蠔味，唔夠食可以點多幾客焦糖菠蘿 - 好甜!焦糖又脆脆地好好味炸牛奶 - 不過不失~算係幾特別 放題比較少見海老天婦羅 - 好味呀!蝦肉好彈牙!

又開始禁晚市堂食之際，咁唯有假期嘅晏晝先食好嘢啦！呢次嚟到旺角放題林立嘅兆萬搵食，千挑萬選揀咗呢間極上帝王水產。聽個名都知勁啦！佢哋依家仲有個疫情期間嘅6小時放題添，由12:00食到18:00都只係$229咋。佢哋呢度嘅食物種類都好多款啦！除咗普通嘅放題一樣都有刺身，壽司，炸物，串燒，日式料理等等之外，佢哋仲提供左泰式同西式嘅料理。而佢哋用點餐紙落單，都好方便，侍應收單收碟上菜速度都快，服務態度都幾好。食物方面刺身款式都幾多，又夠新鮮，將鍾意都係三文魚，佢哋採取厚切，食落更有口感同更加滿足。而其他食物都好出色啦！尤其係牛舌啦，好值得再叫，原因係佢哋用厚切勁大塊，口感味道都極佳。而佢哋嘅焦糖燒菠蘿亦都好味，好似焦糖燉蛋咁有好脆脆嘅焦糖面喺菠蘿上面，口感變得豐富，而味道會添加左一分嘅焦糖香。當然飲品佢哋都有好多選擇啦！汽水，茶飲，果汁一應俱全，而清酒梅酒都可以加錢任飲。

突然間停咗晚市堂食，搞到心情差晒，好想食個放題開心下，發現極上帝王水產最長6小時任食，開心死我哋。真係超抵每人都係229起。一坐底，梗係叫個刺身、壽司先啦。帶子大大粒新鮮又甜，仲有我最鍾意嘅希靈魚，甜蝦、北寄貝就唔少得，北寄貝好爽口，食落索索聲，刺身整體都新鮮，味道唔錯。壽司都唔錯，舊飯唔會大大舊。食到咁上下，叫個和牛壽喜燒暖下胃，成個煲放滿食材，牛肉夠腍身，半肥瘦，仲有冬菇、金菇、娃娃菜，啲菜浸過湯，又甜又入味，果個甜甜咸咸好惹味。仲有豐富炸物，燒蠔、牛舌、雞翼，我最欣賞雞翼，炸到卜卜脆。唔怕熱氣的話仲可以食埋天婦羅。