極上帝王水產

营业中

休息中

又開始禁晚市堂食之際，咁唯有假期嘅晏晝先食好嘢啦！呢次嚟到旺角放題林立嘅兆萬搵食，千挑萬選揀咗呢間極上帝王水產。聽個名都知勁啦！佢哋依家仲有個疫情期間嘅6小時放題添，由12:00食到18:00都只係$229咋。佢哋呢度嘅食物種類都好多款啦！除咗普通嘅放題一樣都有刺身，壽司，炸物，串燒，日式料理等等之外，佢哋仲提供左泰式同西式嘅料理。而佢哋用點餐紙落單，都好方便，侍應收單收碟上菜速度都快，服務態度都幾好。食物方面刺身款式都幾多，又夠新鮮，將鍾意都係三文魚，佢哋採取厚切，食落更有口感同更加滿足。而其他食物都好出色啦！尤其係牛舌啦，好值得再叫，原因係佢哋用厚切勁大塊，口感味道都極佳。而佢哋嘅焦糖燒菠蘿亦都好味，好似焦糖燉蛋咁有好脆脆嘅焦糖面喺菠蘿上面，口感變得豐富，而味道會添加左一分嘅焦糖香。當然飲品佢哋都有好多選擇啦！汽水，茶飲，果汁一應俱全，而清酒梅酒都可以加錢任飲。