極上帝王水產

营业中

休息中

終於有得食晚市，又可以最多4人一枱，其中一樣想食嘅野就係放題，精打細算嘅朋友一早睇定消費卷所有嘅優惠，佢就話呢間用消費券提前訂座有5% discount，都好呀！第一次嚟覺得都多野食，有刺身、燒物、串燒、炸物、壽司、飲品、甜品 ，其實都好夠食，而且一坐低就送左盤巨型刺身船比我地。刺身肥美，象拔蚌好爽口，仲有北寄貝同赤貝都新鮮。有埋泰式生蝦同生蠔！同埋啲壽司都幾好味，我最中意食火炙壽司，而佢啲壽司刺身夠肥，夠油脂香。串燒都叫咗好多串，燒得唔會太乾，雞翼都入味。臨走先見到原來可以俾錢升級食手壽喜燒同磯燒，唯有下次再嚟食！

千期唔好去食🤬😡🤬😡🤬😡話說琴日突然收到朋友約食飯，係無book檯既情況下，又適逢係星期五（假期前夕）已經6點半出到旺角想睇下walk in有無位，有幾間食開既第一輪都無位咁唯有是但一間，行到兆萬樓下有一大堆哥哥仔係度派傳單，咁就接曬上手，萬中挑選咗第一個比單張我既餐廳去試一試上到去已經覺得有少少伏，原因係樓下話$238起/位，食三個鐘，👩門口入坐就話$309/位，只可食1.5小時，咁我就話咁我要諗諗，得1.5小時太少，同朋友主要想坐底傾下計，咁佢話比2小時你地啦。我地話其實而家都7點多d入坐，堂食只能到10點，你都開唔到多一場架啦，佢就答我，如無人可以比你坐😒😒 我同朋友都覺得周圍都無位，所以都照食啦🧐入到去迫到成個雞咁，同隔離檯差不多一齊食咁制一坐底有個好熱心既侍應👦🏻叫我盡快填左張紙點刺身，佢話人多呀，會盡快上比你食住先，其他野用QR點，跟手仲話送份特別野比我地食，叫我點埋，我選了鵝肝多士 QR code 點完，唔洗10分鍾內天婦羅🍤、炸物全部到曬，全部都係預先炸定，油淋淋既食物，軍艦壽司紫菜全部淋曬，食曬呢一輪食物咁我專心等我既刺身，因為其他野真係難食。🍣🍱刺身我追左4次，等了

食肆放寬之後個個都去報復式食飯，今晚就應約去旺角食放題，朋友負責去訂枱，我都預咗200幾蚊一位，而朋友就話呢一間用消費券提前訂座仲有95折，又抵左。大家一開頭都係嗌刺身、沙律、壽司、手卷呢啲基本野，三文魚刺身都幾油潤，仲有生蠔叫添！食完冷盤，就開始食熱野，首先叫咗啲串燒。燒雞翼幾好味，另外仲有炸鮮奶、炸香芋圓同炸芝士薯餅都夠熱同埋香脆。再睇吓有咩熱盤食嘅時候，見到原來仲有得食壽喜燒同磯燒！甲羅燒好香濃，壽喜燒份量都幾多；磯燒就有芝士燒龍蝦同甲羅燒。最後食埋雪糕同甜品真係滿足啦！

睇到openrice宣傳下午6小時任食放題，唸住同fd慢慢坐係度食，傾下解，就搵到尼間。點知去到時候，環境好差，又污糟，地方又細。之後唸住可能滴食物質素好，畢竟咁多人推薦。點知食物都好差，簡直亂來，刺身唔新鮮，熟食又少，真的差到不能在差，同fd返到酒店，輪流肚痾。店員服務態度🙄🙄🙄可能佢地覺得自己服務好好，但係真係熱情過度，我真心覺得好差，仲要無啦啦cut單，又無通知我地。之後問著幾次佢地漏單嘅嘢，等著好耐，要最尾時候先上，個時同fd都打算走了。同埋，佢鋪頭係騙人嘅，根本就無6小時放題，下午三點仲講last order，宣傳就係騙人！！仲有要買單時候，唔知店員係咪無眼睇人數，定係數學唔好，明明三個人，計四個人，似專登咯，仲要講句：啊你地三個人呀🙄🙄🙄🙄真心，大家唔好來尼間食，係伏伏伏。食爭鮮都好過佢。如果評分可以唔比🌟，我一粒都唔想俾，食尼間簡直係交智商稅。

今日終於可以同三個朋友去食放題，餐廳在旺角區，仲任食3小時，一於去試吓！我哋坐低冇耐，侍應就奉上一個海鮮煲，材料新鮮、味道不錯！通常例牌都係叫個刺身盤先，請留意相片右手邊係餐廳送的海膽非常美味！壽司款式不少，質素有水準！象拔蚌刺身新鮮美味！意粉本來不錯，但味道略鹹！

食物上得超慢，送的壽喜窩等成個鐘都未有，追左3次先到，員工是有禮貌的，係其中有位女員工冇咩表情，但坦白講真係吾會再幫襯，這個價錢有很多其他更好選擇，而且他的食物質素亦不太好，我寧願去食大喜屋。

見openrice 有得訂位，又有咁多好評，就諗住點差都有個譜啦，刺身個樣都可以，但一嚟熟食就知中伏！熟食好難食！得刺身係勉強食得落口，個鍋物簡直不知所謂！大家樂個一人一鍋都好食過佢！熟食豬頸肉凍嘅，一夾落去就散，最離奇牛抑粒同豬頸肉個味係一樣，所以都唔想再食！一坐低落單個沙律竟然係個半鐘後先上枱！啲野唔跟單出，亂咁俾，欠嘅野問完佢地，佢地無反應，所謂一人一舊嘅鵝肝借啲二唔俾唔出聲，真係未試過咁難食嘅放題！😤😤😤😤😤😤😤

超級失望的一次用餐，好評應該都全部係買返黎。說好的「A5和牛、甲羅燒、鵝肝多士」一樣都無。說好的「燒肉、磯燒、刺身、涮涮鍋」，燒肉、磯燒都無提供，涮涮鍋就只係一去到送你一鍋普通鱈場松葉蟹海鮮鍋諗住佢打邊爐+燒肉+放題都有就去試，去到就只得放題，其他都唔提供。放題食物都係普通貨，平價食到你飽果D。大部份野普通，小部份可以講係難食。最好食：炸野叫好少少，其他野真係普通難食：有個牛腩物體食完真係即時吐出黎從不出現：叫做貴少少的一口牛，叫完唔會出俾你中食店，性價比低，後悔首選：1.環境好細，檯同檯之間好窄2.汽水同甜品選擇好少，汽水飲完都唔會加返3.講左有燒肉當日去到就會話唔會提供(POST出黎有果D，應該係假評，無親身去過)4.基本放題食物，完全唔值$2XX，如果只係放題大把其他性價比高選擇5.話可以食足6個鐘，個半鐘就截你單，之後要你問好多次先問返俾你再落單6.一黎到就吹你快D落單，重要你一黎就落多D，話好多人D食物好慢7.極度中伏，唔會有下次各位睇路，咁嘅價錢應該佢是最差嘅一間放題選擇。客觀評價，希望大家睇完唔好去，超失望，超中伏。

今日同男朋友決定咗去食高質嘅放題，所以就揀咗呢一間餐廳呀！呢一度基本上所有嘢都係任食，仲可以又打邊爐添！今次就叫咗呢一個雪場從業蟹海鮮鍋！呢一個海鮮鍋真係好正，而且仲有好多唔同嘅配料可以選擇！仲有可以叫非常巨型嘅刺身船，我好鍾意食呢一度嘅生蠔，真係好大隻非常之飽滿好甜！

新年期間好多餐廳吾開，黎到旺角決定食放題，吾洗lum乜都有haha結果呢間真係超豐富，連打邊爐都有！重要全部都係任食！入座即送一個火鍋，可以揀鱈場松葉蟹海鮮鍋或者日式和牛壽喜燒鍋我地要左鱈場松葉蟹海鮮鍋，仲有火鍋配料可以再添加一坐底店員已經送一條巨型刺身船比我地。有三文魚、帶子、甜蝦、赤蝦、象拔蚌、赤貝、北寄貝、泰式生蝦、八爪魚、鮑魚片、希靈魚、蟹棒。全部都好新鮮鮮甜，仲有生蠔！！生蠔大大隻，好肥美，仲可以不斷encore！呢個價錢包埋真係好抵壽司類都好多，火炙三文魚腩入口即溶，有豐富的油香！黑松露帶子壽司超香 黑松露比好多 炸物都正常發揮，不得不提牛油玉米好好食haha 食左好多兜！疫情期間6小時放題 12:00PM-6:00PM $229 訂座95折 呢個價錢食左甘多野真係超抵！ 

我同朋友第二次黎到旺角西洋菜街1號兆萬中心9樓的「極上帝王水產」食放題，而係疫情期間12:00PM-6:00PM做優惠，6小時放題只要$229。一出升降機大大個「極上帝王水產」圓形招牌同大量日式燈籠、旗仔仲有日本街道照，叫做可以比我地呢班「係香港既日本魂」有得感受下久違既日本氛圍。同埋而家入座即送火鍋，我選擇左「日式和牛壽喜燒鍋」，第一次前菜就食火鍋，量不多唔佔肚，牛肉就好好咁挑起左我既食欲，為接下來既作戰開左個靚頭。另一個先上既係刺身拼盤，好大個擺盤好靚，食材算新鮮。「芝士蝦肉黃金沙律船」剛剛焗好，趁熱食芝士融哂個口感非常正。「芝士和牛手打漢堡扒」同「芝士薯餅」芝士味非~常濃厚，芝士控必食。「日本香芋丸」好軟熟、芋香味好出，食到好食即刻加單再叫，再黎兩粒！！最後值得一讚既係，飲品同甜品種類好多，各有兩個櫃。整體體驗非常唔錯，下次再黎食過！

朋友好鍾意食放題，今次就選擇左兆萬九樓的極上帝王水產，最吸引係疫情期間有六小時午市放題，由中午12點食到夜晚6點，價錢只係$229。餐廳掛滿日式燈籠、掛旗，瞬間覺得去左日本🇯🇵。呢度放題嘅嘢食飲品超多選擇，有齊中、日、泰美食，仲有埋燒烤同火鍋🍲。入座已經送日式和牛壽喜燒火鍋，湯底濃郁，配菜豐富。築地直送刺身，三文魚幾厚切，去頭甜蝦、鮑片、松葉蟹棒等都好高質素！😍諗唔到各款壽司好出色，三文魚🍣火灸壽司有好香火灸香味，黑松露三文魚腩壽司好正🥳。而且呢度壽司size剛剛好，食完仲可以繼續encore😌。炸物燒烤方面，炸牛奶&炸香芋丸炸得外脆內軟，芝士薯餅&焦糖燒菠蘿都幾特別，大家可以一試。燒雞翼好入味，又Juicy❤️。日本番薯仔好清甜，燒雞肉串雞髀菇都係好好食啊😋。小食就最鍾意冰鎮菠蘿😍，嗌左幾次，好開胃；甜品揀咗朱古力心太軟，門口仲有個雪櫃可以揀返條雪條做飯後甜點🥰，呢餐總體來講好滿意！

見到入座即送火鍋一個，咁抵！？就諗都冇諗入左去食！我地揀左「鱈埸松葉蟹海鮮鍋」，入面好足料，松葉蟹、蝦、青口等等，全部都好新鮮！之後仲另外加料打邊爐，火鍋配料估唔到都一樣咁高質：雪花肥牛爽口、牛丸彈牙、響鈴夠脆！刺身拼盤係船咁大隻，三文魚、希靈魚、八爪魚、松葉蟹棒…全部刺身都好新鮮！未試過放題食生蠔，所以叫左兩隻試下先，都估唔到啲生蠔唔單止大隻仲好𝗰𝗿𝗲𝗮𝗺𝘆。重點推介：泰式生蝦有驚喜，又新鮮又大隻！壽司方面都整得好好食，叫咗黑松露三文魚腩壽司、花之戀同火炙岩鹽燒三文魚壽司。另外仲叫左炸物： 芝士年糕、可樂餅、榴槤炸彈、香芋丸，全部都係即叫即炸，超好食！

要說到日式放題，就一定是旺角的兆萬中心，幾乎每一層也有一間餐廳。當中最喜歡9樓的極上帝王水產。疫情期間更推出午市6小時放題，可以直接吃到堂食時間結束，長者可減$50，訂座更可享95折優惠。日式午市放題 $229刺身方面，食材新鮮之餘，又厚切特別有口感。三文魚充滿魚脂香；北寄貝、象拔蚌和榮螺比較有煙韌感；雪白肉厚的帶子好鮮甜；赤蝦和甜蝦好爽滑彈牙；希靈魚黃色的魚籽口感爽脆鮮甜；寶幸玉子一層層的雞蛋好濃郁；生蠔意料之外的Creamy不腥。壽司方面，款式也頗多，有火灸岩鹽燒三文魚腩、花之戀、海膽玻璃蝦和鰻魚。鍋物方面，選擇了壽喜燒鍋，湯汁鹹鹹甜甜，味道濃厚，肥牛片充滿油花，入口很軟腍，有少雜菜更顯健康。其後可自行單點火鍋食材。炸物方面，榴槤炸彈咬開有濃郁的榴槤香爆出；香芋丸又有綿密的芋泥；炸牛奶更是香滑；吉列炸廣島蠔油而不膩，有海水味；雞軟骨粒有避風塘的辣香；當然不少得充滿芝麻香的雞翼，奧良雞翼則較淡味。小食方面，七味三文魚骨腩好重魚香；香蒜片和牛粒略為煙韌；和牛手打漢堡扒中間更有芝士夾心；BBQ豬肋骨燒得軟腍惹味；白汁藍青口嫩滑又鮮甜；即焗的日本廣島蠔和蝦肉黃金沙律船更充滿芝士味；鹽燒活海

很久沒吃日式放題了，朋友最近問吃不吃，而且還選了一間可以吃６小時的，深怕我吃不飽的樣子！當然最後也沒吃滿６小時了！日式午市放題-6小時任食午市放題(229元/人)一坐下就會給你刺身紙和鍋物紙，先下了，然後再用QＲ ＣＯＤＥ下單！鍋物我就選了日本牛肉壽喜燒湯底，很快就上菜了，牛肉有４片配上大量的蔬菜，還可以自己再下單火鍋配料再吃一下！而刺身的種類也有十五款之多，差不多全都叫了，而且還很好的送了生蠔給我們，在第一轉刺身的時候！送的生蠔挺新解，吃起來鮮甜，不腥！其他刺身也是挺新鮮的，而且給得挺足，不怕漏單！壽司類也挺多可以選，不過我比較喜歡吃火炙類的，所以就主要點火炙類！叫了火炙三文魚腩和左口魚邊，吃起來的是入口即溶，有豐富的油香！炸物常見的都有，芝麻雞翼就少不了，也有我愛的榴槤炸彈，又香又糯！不過這裡有個日本炸鮮奶也挺不錯，是用麵包包上牛奶再去炸的，炸完以後外面有麵包的香，內裡有牛奶的香滑！燒物方面，味道的挺不錯，特別是牛舌，非常入味，又很軟滑！燒海蝦就有點是炸得感覺，外殼都是酥脆的，挺特別！天婦羅只吃了一點，脆漿不是太厚，挺不錯！甜品方面，就分了兩個雪櫃，一個是只可以拿１次的，另一個可以