楚撚記大排檔

营业中

休息中

本身朋友book左好耐既一間餐廳，諗住一試呢間店既特色小菜，雖然食物質素ok, 但無奈1.5小時真係食唔切。 由於正常食飯時間book唔到，5:30pm係第一輪，我地都選擇早啲食。去到時已經講明7點交枱，都明白的，但到點完菜時好多野都漏單，野食完全未到時6:00已經同你講仲有冇野加單，last order! 咁都唯有照加多小小啦～ 最後係黎到又遲又食唔切之下狂吞，連同朋友傾吓計既時間都冇！十分可惜，想試真啲都難。如果keep住咁既速度，應該好難係三五成群既晚飯選擇。

對於火鍋及小菜，我都情有獨鐘，所以去到任何地方，都會留意附近有何美食，來到荃灣的荃新天地附近，知道附近有間食中菜的楚撚記大排檔，所以今晚的晚餐就選擇了食中式小菜。楚撚記脆皮燒BB鴿$58 BB鴿上枱，見到真的很特別，BB鴿是放在搖籃內，看落很精緻，令我不由自主地打卡，BB鴿肉質嫩滑多汁，非常香口！涼瓜炒牛肉$78， 牛肉切得不會靭，炒得很入味，涼瓜生熟度也撐握得相當好，腍中又有點爽，很有口感，又沾滿牛肉汁的鮮味，整個菜炒得夠鑊氣，又夠味。啫啫滑雞煲$92， 濃濃的醬汁，沾滿著嫩滑的雞件，整個菜相當惹味！飲品要了竹蔗茅根紅蘿蔔馬蹄水$68 ，裡面很多材料，夠清潤！最後餐廳還送上蕃薯糖水，番薯很大件，軟綿又香甜。

同阿哥行完山，佢話帶我去大排檔醫肚。心諗可唔可以揾間坐得舒服啲既餐廳呀，兩隻腳都己經好倦啦。呢間楚撚記大排檔係新朝派，同舊式大排檔格局差很遠。環境乾淨又大，坐得舒服好多。原來阿哥知我想點既😁😁😁兩個人，叫左三餸一湯，再加個豬油撈飯，正呀👍👍。楚撚原隻脆豬手 $138招牌菜，一定要試。豬手拆肉起皮，連骨上。皮脆到食落去卡卡聲，好過癮。豬手肉很軟腍，脂肪比例少，吃起來不覺油膩。份量多，最後要食晒啲皮，打包左半隻連骨走，返屋企第日仲可以煲湯。香煎黑松露手打蓮藕墨魚餅$96墨魚餅兩邊煎到金黃色，陣陣黑松露香味撲鼻而來，咬落去爽口，仲食到粒粒墨魚粒，口感豐富。飛天通菜煲$78用左蒜頭，紅椒粒，青椒粒和蝦干去炒，熱辣辣，原煲上，好有火喉。而且，啲蝦干很大隻，蝦味濃郁。成煲飛天通菜好惹味。老火菜干豬肺湯（細）$98可能豬肺難清洗，步驟煩複，所以呢個湯特別貴，但呢度唔使一百蚊就有得飲，邊到揾。佢地湯水和湯渣分開上，湯可以裝到四大碗。清甜，唔會覺得有怪味。豬肺洗得乾淨，很軟滑，都有五六件。個湯仲用左豬骨，雞腳和菜干一齊煲，難怪咁好飲啦。豬油撈飯（碗）$20第一次食豬油撈飯，怕太肥太油。不過呢度就可以自己

其實野食係正常既，不過不失。新野又係荃灣友咪試下。無得walk in咪打電話book，點知個電話呀姐既語氣真不得了⋯好唔休做咁。去到櫃枱呀姐一如所想既一副唔休做既姿態啦。個半鐘就真係個半鐘開始催你走。其實幾好味既野食都要服務態度，加上相比附近既小菜店，味道其實都好一般。

放假日跟老公行街睇戲，差唔多5點左右行去楊屋道街市買餸打算回家煮飯，老公話反正今日放假，不如出街食飯。街市對面有間小菜人氣店，長期大排長龍，由於時間尚早，所以終於可以walk in 入內。餐牌有好多人氣小食，款款都非常吸引，可惜我哋只得2個人，所以只可以叫幾款試試。西楚霸王雞（半隻）霸王雞面頭放上大量炸蒜，薑蔥細絲，未食已經聞到香氣，食時將雞件沾滿豉油，加埋薑蔥一齊食，雞肉軟嫩可口，豉油甜甜地，加上蔥絲香味，令到雞肉味道更加滋味！楚撚原隻脆皮炸豬手份量十足，豬手外皮脆卜卜，肉質結實而有膠質，入口有QQ口感，沾上芥末醬更加惹味，可以平衡下油膩感。香甜梅菜蒸菜心菜心偏淋如果硬身一點會比較好，不過味道清甜可口，甜梅菜甜味可以增加蔬菜鮮味，而且清蒸感覺非常健康，非常適合減肥人士。

有同事生日，佢好鍾意食大排檔有鑊氣嘅嘢，知道楚撚記大排檔係荃灣開咗旗艦店，今日我就請佢去食飯。旗艦店地方非常闊落，室內裝潢如霓紅燈牌、紙皮石地板和懷舊鐵閘等等，都能感受到老香港情懷，好有懷舊感覺！菠蘿拔絲咕嚕肉梅頭，梅頭肉是去骨後所得的肩胛肉。肉質細膩帶少量脂肪，梅頭肉沾上粟粉，炸至外脆肉嫩，酸甜獻汁調得夠味，包住每舊肉。與旁邊的拉絲糖一齊食，甜甜酸酸好開胃。枝竹火腩豆腐煲，用煲仔上檯，熱辣辣香噴噴，枝竹吸盡醬汁和火腩的精華，火腩炆煮後更腍更香，豆腐亦好滑溜！鮑汁海皇福建炒飯，份量不少，材料豐富，已經蓋滿整碟飯，包括帶子、蝦、冬菇粒、雞粒、菜粒等！用鮑汁煮特別惹味，飯底也用蛋汁炒過，香口又爽口。美味佳餚，少不了啤酒。最後重有糖水送，蕃薯林甜，配合薑味糖水，超好味！

🇭🇰楚撚記大排檔想當年夜晚10點幾去土瓜灣都排晒隊，諗住開多幾間分店可以唔駛等咁耐🤣今次嚟到荃灣旗艦店，但係失策冇book到，竟然成功walk in等咗一個鐘有位🙏🏼睇條人龍就可以知道佢有幾好食😋嚟到呢度味味都係撚手小菜，我哋得四個人真係好難揀😭老火菜乾煲豬肺湯 大$146 分4碗啱啱好，屋企嘅味道，豬肺洗得乾淨，勁足料豬油撈飯 $20豬油勁香，白飯軟硬適中，撈埋豉油同葱，冇得輸💯脆皮炸大腸 $88大腸處理得好乾淨，唔會有臊味，炸得得好脆，加埋個甜酸汁 正蜜椒薯仔牛柳粒$98大排檔必食菜式，識食一定係食薯仔🥔牛柳粒只係配菜，蜜糖緩和咗黑椒既辣，牛肉唔會好韌楚撚記小炒王 $92夠晒鑊氣，勁多料鑊氣豉椒炒蜆 $92超惹味，勁多蜆肉唔會剩係得啲殼番薯糖水 免費正常發揮🤫，唔會太重嘅薑味4個人埋單$536，仲要免加一呢間真係cp值爆標💯💯💯，又要平仲要大件夾抵食ps豬油撈飯真係好正，一碗唔夠食真係無咩原因唔嚟食，溫馨提示記得提早打去book枱

聽咗唔少朋友推介荃灣寄楚撚記今日終於約到朋友一齊去食餐廳Booking真係好full最後我同朋友要8:30先入到座建議大家記得book位餐廳嘅菜式選擇好多花多眼亂首先我哋叫咗一份豬油撈飯原來豬油同豉油係分開上可以按返自己嘅需要 加唔同嘅分量豬油味好香 之後叫咗一份薯仔牛柳粒牛柳好淋好入味加上蜜糖同黑椒好惹味👍🏻跟住我哋叫咗一份楚撚記原隻炸豬手呢個豬手真係好推介份量大不在話下外皮燒得好香脆內裏肉質亦都好嫩滑正！濃湯海鮮粉絲什菜煲呢個雜菜煲嘅份量亦都好大而且海鮮嘅份量亦都多Cp值高最後金磚豆腐亦都炸得唔錯整體來講 都好滿意餐廳嘅食物份量大而且價錢平👍🏻

荃灣的小炒店多不勝數，成功係當中突圍而出嘅少之又少，今次食的正是其中一間的楚撚記。當日5點半去到，全場已接近8成滿，可見旺場的程度，加上餐廳充滿香港情懷，設計近街邊的大牌檔型式，相當有特色。我先點了一份椒鹽九肚魚，由於餐廳是即點即製的關係，等了大約二十分鐘，椒鹽味正正可突出九肚魚的鮮味，師傅控制油炸的時間恰當，魚身食落仍很滑身，再配上蒜香，下飯一流。然後便是沙嗲粉絲金菇肥牛煲，由於全場滿座的關係，等了大約30分鐘，但我保證這些時間絕對是值得，沙嗲金菇的濃味完全滲入了在粉絲中，粉絲極入味，淡淡都食得出沙嗲香，再加上牛肉的鮮味及咬口，令整鍋的味道更上一層樓。人均消費約百多元，絕對是超值。

次次食撚字輩既餐廳都冇令我失望。黃金九肚魚鹹蛋味夠哂，外面鬆脆金香，入面九肚魚依然嫩滑可口，骨都唔駛挑馬拉盞通菜落足料冇揸漏灘，肉碎蝦米成碟都係。沙嗲肥牛煲夠哂入味，牛肉亦唔少，餸飯一流！最最最開心都係有戰！鬥！碗！叫得啤酒基本上都可以Request 戰鬥碗，係冇哈爾濱啤可惜左D。不過有戰鬥碗都已經好唔同，夠哂冰凍，暢快好多。好想組隊再戰多次🤤🤤入面仲要有個勝字，好有心思連個招牌都特别有香港風味連上去餐廳位置都好有港式風味，等位個陣亦不忘可以打個卡丫

食物：味道水準之上， 配飯一流！分量大份，性價比高！最後送上嘅蕃薯糖水都好味環境：環境闊落，衛生程度尚可，但冷氣略嫌不足。服務：服務OK，但一開始等候入座時出現錯誤，導致遲嚟嘅人入座後我地都仲未有座位。不過好彩好快就解決咗。另外消費券上面服務員之間溝通不足，差啲用唔用Tap&go畀錢。

生日飯要黎楚撚記，超級推介拔絲咕嚕肉！！咕嚕肉同炸大腸好夠脆，生菜煲新鮮，麥皮蝦球有驚嘉，黑松露芝士牛丸噴芝士！食到最尾仲有糖水送！要記得book 枱，切餅費$10/位 基本上所叫菜式都好有水準，冇令我失望，開心仔！高質

星期六終於都試到呢間bookmark咗好耐嘅餐廳，食咗3個鑊氣小菜，幾有大排檔風味。秘製辣酒煮花螺$128呢個係荃灣旗艦店限定菜式。花螺份量足，用小火溫着，可以慢慢食。秘製辣酒風味十足，辣得過癮，花螺下面仲有好多白蘿蔔墊底，完全吸入辣酒精華，食得辣嘅朋友絕對唔會錯過。椒鹽九肚魚$82好惹味香口，九肚魚size適中，唔會太幼身，炸得顏色金黃，一口咬下外面脆脆的，炸粉好薄身，然後係好嫩滑嘅魚肉，鮮味十足，魚汁豐富嘅感覺。蜜椒薯仔牛柳粒$98蜜糖黑椒薯仔粒味道非常好，薯味香濃，一口一粒，蜜糖甜甜的，而且帶有黑椒嘅微辣，好惹味。牛柳粒肉質鬆軟，牛味香濃，火候吵得啱啱好，保持肉汁又唔會硬，加埋洋蔥、青椒、紅椒呢啲配料，色彩繽紛，而且味道好夾。最後埋單仲有糖水送添，我哋揀咗薑汁蕃薯糖水。雖然係送嘅，但係味道都好好，絕對唔會馬虎，蕃薯甜甜的冇筋，薑汁糖水都好香濃，食得好滿足。今次食飯我哋得兩個人，所以食唔到好多款，下次再約多幾個朋友一齊食，咁就可以試多啲招牌小菜啦！

聽聞呢間大排檔啲嘢食大件夾抵食 就同屋企人去試下, 星期日on day打去book 4位都有位不過要8:30pm入座. 佢地嘅大腸真係整得唔錯, 肥膏去得好乾淨, 皮炸得好脆, 一啲都唔膩👍🏻👍🏻 好小何$92嘅小炒皇會咁大蝶咁豐富, 出面嘅小炒皇閒閒地都$100up 仲要超細碟, 呢度嘅小炒皇超大方😃😃 其實唔算太辣, 呢個就味道可以, 都係份量取勝, 但係公平講句$89有咁嘅份量咁嘅味道係非常好的🙃 出面好多地方都無嘅豬油撈飯呢度既然有, 超驚喜, 佢地嘅豬油整得幾香, 撈埋豉油真係超正!!!😋 雖然bb鴿價錢真係好平, 但係呢個質素有啲遜色, 見到賣相個乳鴿皮係偏橙色都覺得麻麻, 食落都係麻麻, 不過$58食落麻麻都唔會差評佢. 不過bb鴿係用左炸芋頭絲墊底, 又係有驚喜的 到我最愛嘅九肚魚, 椒鹽九肚魚就食得多, 金沙蛋黃九肚魚真係好小見. 自問我都對食九肚魚有啲研究, 楚撚記嘅九肚魚真係好食, 可能咁啱又係食九肚魚嘅季節, 啲九肚魚係超肥美, 條條都脹卜卜. 仲要個煮工都非常好, 炸粉一啲都唔厚, 金沙蛋黃嘅鹹度剛好!!!!😍😍😍😍 呢個都係稍微失望嘅, 墨魚餅係有淡淡松露

Food is supposed to be great .. not too bad at all .. prices were surprisingly reasonable .. no waiting at 7:30 .. but you had to turn the table over 8:30 .. not a big deal .. we’ll be done pretty much in an hour anyway .. Soup $98 .. pork knuckle $139 .. hot pot veg $78 .. big bottle of beer $29 (drought beer at $70 or more is a bit hefty) .. free desert came with it .. served at 8:10 to ensure the table turnover .. bill was presented 8:15 and paid promptly .. Of course we’re going to leave 8:3