楚撚記大排檔

营业中

休息中

避風塘講鮮魷：避風塘做得十分出息，外皮口感甘脆焦香，酥而不膩，蒜香味突出，另外魷魚處理得好好，食得出好新鮮爽口，不知不覺成碟菜食哂。  好評！炸豬大腸：外皮酥脆，內軟，配合波羅食好解膩，又係轉眼間就成碟都清哂！好評！豉椒鴨腸：鴨腸爽口彈口，豉椒送飯一流，整體普通無乜特別。豬油撈飯：同酒樓蒸飯一樣味。金沙蛋黃炸九肚魚：蛋黃味唔突出，魚方面只食到滑食唔到嫩～唔推薦！至於服務同環境方面：明明訂咗枱都仲要係外面等成15分鐘（熱到傻），入到餐廳內發現明明有好幾張空枱，但唔叫人入黎坐。坐低咗之後等咗5分鐘都未有人送上茶水同餐單QR code。 叫完野食等左15分鐘先有第一道餸（豬油撈飯）然後又等多10分鐘先有第二道菜….7點15分入坐，8點last order前野食先到齊…慢！！！另外，餐廳既冷氣唔知係咪壞咗，餐內環境稱唔上涼快舒服，同桌朋友直程食到出哂汗！

今晚同朋友聚餐揀左間良心大排檔食飯💛好彩一星期前已經訂左枱 即時walk in未必有位夜晚訂枱分2個時段 一係7點一係8點45除左堂食 亦都見到好多人揀外賣我哋叫左差唔多12個餸 每款都好好味多人聚會好處就係可以叫多幾款餸而且又夠大碟 食到我哋捧住肚走💛飯後仲有送蕃薯糖水 好滿足😆可惜只有90分鐘用膳 不過無辦法 因為真係好多人幫襯 下次會再嚟💛💛

#chuchu食在荃灣📍 楚撚記大排檔二訪！都係咁好食又大份！#chuchu推介 新式大牌檔始祖！裝修好有特色好懷舊！播嘅歌都好80年代🤣不過建議要book位，好似得5.30同8.45，walk-in應該等到你傻都未有位🤣—————————————————————❣️ 香煎黑松露手打蓮藕墨魚餅 $108一上枱已經聞到濃濃既黑松露味，煎到好金黃，好香！食落除左黑松露味，手打墨魚肉都好彈牙，仲用蓮藕增加口感！鐘意黑松露的話一定要試！.❣️ 鑊氣豉椒炒蜆 $99大排檔嗌豉椒炒蜆是常識吧！夠鑊氣！豉椒汁好味，佢應該用左海鮮醬炒，所以甜甜地，蜆都好新鮮，不過可以大隻小小🤣.❣️ 金沙黃金白飯魚 $90即叫即炸，上枱熱辣辣脆卜卜，勁香咸蛋黃味，白飯魚條條都好大條，唔會炸到冇肉食.❣️ 蒜茸炒菜心 $65正常炒菜，炒得嫩嘅！.❣️瑤柱蝦粒帶子蛋白炒飯 $88好好食搞到平時夜晚唔食飯嘅🐷都食左好大碗飯，炒到好乾身，面頭仲有炸到脆卜卜嘅瑤柱！.❣️ 老火菜乾煲豬肺湯(細）$ 113一飲落去就知係老火湯，好夠味，好滿足，雖然係細唧但係每人都有2 3碗架！.❣️蕃薯糖水 你嗌埋單，staff就會問你要番薯糖水定係清補涼，

［香煎黑松露手打蓮藕墨魚餅］黑松露味勁重，好香濃😍墨魚餅好彈牙，加左蓮藕好爽脆，口感更豐富 😋煎到金黃色，香氣撲鼻而來💛而且食落唔會好油膩🌟［啫啫滑雞煲］雞肉好鮮嫩好彈牙🫶🏻好惹味😆［魚香茄子煲］份量好多🙈茄子炒得啱啱好🍆醬汁偏咸，送飯一流🍚［飛天通菜煲］通菜好新鮮🥬醬汁偏鹹，帶有少少微辣🌶鑊氣十足👍🏻🌟🌟指數(滿分:5🌟):⭐️⭐️⭐️⭐️@chor_land 📍荃灣川龍街118號百悦坊地下及一樓

睇人地寫食評D野好似好好食咁 都好想試下咁就外賣3個餸1.椒鹽粟米2.咕嚕雞球3.黑松露蓮藕墨魚餅嬲到我pk,我其他果兩個都無影相 因為都唔算嚴重⋯最嬲係個粟米⋯咩事呀烚粟米 搽少少麵粉係上面就叫椒鹽粟米？無炸到，無椒鹽 呢到唔需要$71囉 成本價2支粟米$25蚊比盡你！賺到笑啦🤬仲要咕嚕雞球，變咕嚕肉係咩事呀？ 唔識分豬肉同雞肉做大廚？嬲到永遠無下次⋯

朋友：去食飯？去邊度食？我：楚撚記！朋友：我去過！好食喎！以上係身邊朋友去過楚撚記，對於佢食物嘅評價！之前食過一次楚撚記，都係喺荃灣，冇幾耐之後佢就裝修，最近發現佢已經裝修完！好味、大份、抵食、裝修得意有趣，唔洗多諗，要再幫襯！今次已經可以用QR code落單：➺楚撚記脆皮BB鴿$65乳鴿BB肉厚而嫩，肉質鮮美，有醃過再放滾油炸至金黃，外皮色水好均勻好靚，本身唔醮鹽、喼汁都好夠味，擺碟靚過酒樓果啲勁多！➺燕麥金沙蝦球$113燕麥同金沙蝦球嘅配搭好新穎，被鹹蛋黃醬包住嘅蝦球除咗彈牙之外，仲食到鹹蛋黃鹹香。大量嘅燕麥同好細小嘅糖粒混合埋一齊，甜甜地、又好有口感，連埋蝦球一齊食，感覺好特別！➺頭抽豉油皇銀牙炒麵$75豉油皇炒麵係大排檔嘅經典美食，呢個炒麵好夠鑊氣，炒得幾靚，咸度適中，上枱已經跟埋辣椒醬，好貼心！➺椒絲腐乳炒時蔬$72QR code點餐嘅時候可以揀埋邊種菜，腐乳汁好多，基本上每一條娃娃菜都沾染到，咁樣食落先有滿足感！大排檔文化輕鬆、好重人情味，楚撚記嘅侍應好多都係年輕人，做嘢快手快腳，講嘢冇大排檔文化嘅粗聲粗氣，反而用語好有禮貌，多咗份和諧！最後送多碗番薯糖水，夠晒「人情味」！

今日出荃灣楊屋道街市嗰邊食楚撚記，由於太出名，驚冇位，所以當日5點半已去到，估唔到已經坐左幾枱食客，可能晏多一個鐘已冇位。設計風格似舊時大牌檔咁，相當貼地親民，就算未曾到訪亦有一種熟悉感，相當自在。先上枱的是沙嗲粉絲金菇牛肉煲，一上枱時時已熱氣騰騰，啲汁不停彈起，明顯係煲好後就即刻拎出黎，牛肉有咬口，亦相當入味，沙嗲汁既惹味，又不會太攻口，可保留牛肉香，再加上粉絲吸晒沙嗲汁嘅味，伴飯一流。再來是金沙蛋黃炸九肚魚，本身外皮酥香脆口，加上入口即化的九肚魚肉質，已是一流的菜式，餐廳再用上鹹香的金沙蛋黃包裹着外皮，令口感再多一重金沙蛋黃獨有的香味，層次再昇華，變成全晚我最愛的菜式。

疫情關係已經好少去堂食，由其係大排檔。所以今次搵咗一間有大排檔特色嘅餐廳同朋友一齊慶祝吓 ！見到呢啲懷舊嘅擺設，真係好掛住以前嘅香港。以前嘅簡簡單單嘅滋味。大排檔必食菜式：椒鹽白飯魚呢款前菜真係不可少，又香口鮮脆，入口嘅白飯魚唔會感覺好多炸粉，一流呀！上面嘅椒鹽同蒜香好足，真係每一嚿都有，超級入味！大排檔必食之選：啫啫鴛鴦雞煲呢款絕對唔係普通茶記食到嘅菜式，真係要有返咁上下功夫先會整得好食。有齊滑雞田雞於一煲，田雞仲要大大嚿、啖啖肉，真係冇馬虎㗎！而滑雞真係好鮮嫩，拌飯一流！辣味推介：麻辣鴨血韮菜煲韮菜鴨血一向都係惹味菜式，配埋佢哋嘅麻辣汁，加埋枝啤酒就真係正到不得了！鴨血唔會煮得太爛，而且份量超多，反而韮菜如果可以多啲就更正！咁滋味點可以冇飯呢？點了一碗豬油撈飯，雖然唔健康，不過唔係經常食就冇所謂啦，而且豬油撈飯真係好滋味呀！豉油同豬油都係自己落，咁就唔洗擔心會太油或者唔夠味啦！最後仲有一碗蕃薯糖水，一餐飯能夠以糖水埋尾，真係好滿足呀！

荃灣名物「楚撚記大排檔」，未夠五點去到可以坐到卡位，然後五點鬆已經開始陸續多人，好快坐滿一層！餐廳走懷舊路線，裝修有7、80年代格調，播既係懷舊歌，好有feel未夠六點，已經坐滿，好彩黎得早選擇好多黃金椒鹽粟米$65：有八件，粟米粒粒圓潤漲卜卜，入口啖啖咸蛋香，超級邪惡但又超級惹味！避風塘鮮魷$95：魷魚好新鮮，輕易咬得開；炸蒜蝦米乾好惹味，下飯一流，！原隻脆皮炸豬手$138：份量十足大大碟，雖然上枱時唔係熱焫焫，但一樣做到皮脆肉嫩，配上泰式雞醬同芥辣醬，絕配！楚撚豬油撈飯$20：原盅蒸飯，粒粒分明；跟埋豉油同豬油，按自己口味去落，入口啖啖豬油香，無得頂！

朋友生日 佢好想食呢間！所以提早一個月book咗人齊就上去啦 朋友事前好想食😂 佢已經諗好晒食啲咩 所以一嚟就落得單在場食客都好開心 氣氛好熱鬧！⭐️秘製鳳爪 呢個雞腳其實食落呢做法應該好簡單 就係簡單得來我最鍾意食呢個😋個汁好惹味 ⭐️西楚霸王雞雞都嫩滑 平時唔食雞嘅我個都覺得幾好食⭐️香煎黑松露手打蓮藕墨魚餅我覺得一個人食兩舊就得 食得多好似有啲漏 有少少熱氣⭐️飛天通菜煲通菜就正常發揮⭐️白灼鵝腸我食呢個鵝腸我鍾意點雞腳碟汁食😂⭐️香濃南乳粗齋煲白灼鵝腸呢個就健康之選 適合健康/素食人士⭐️老火菜乾豬肺湯我就唔飲豬肺湯嘅 呢個係啲渣但係都唔冇咩人會食啲渣😂⭐️呢個應該係今日嘅失敗之作 睇個樣就知道好乾身 鍾意食炸大腸嘅朋友都冇乜點食（墊喺底嘅菠蘿救咗佢1分）就自己來講 我最鍾意食雞腳😂 有機會可以試吓其他香口嘢

最近疫情冇點出去食嘢，唯有po番舊相啦😔呢間大排檔要預先預約，環境好港式風情，乾淨企理有冷氣，小菜選擇都幾多，最後仲會送糖水😆🔸小炒皇（HK$92）想一次過食多啲唔同野，小炒王就可以滿足到😙韮菜、叉燒蝦乾、腰果、鮮蝦、銀魚仔炒埋好好味，配啤酒定飯都好match😎🔸椒鹽九肚魚（HK$82）次次大排檔必食九肚魚，魚肉嫩滑，無咩細骨，椒鹽味好突出🔸椒鹽鮮魷（HK$92）另外仲叫咗第二款椒鹽小炒，魷魚食落好爽口，不過個人覺得九肚魚好食啲🙌🏻🔸生滾滑雞粥 （HK$82/細）今日突然想食粥就試吓呢度嘅煲仔粥，揀咗細size但係最後送黎唔係用煲裝，雞肉好香滑，將啲特別係會送一細碗嘅油炸鬼，脆卜卜配粥一流😁

疫情真係沒完沒了，仲話會禁足😑而家仲有得買外賣就要好好珍惜😭呢日係荃灣收工有飯break就係附近買幾個飯盒番去（呢排忙到冒煙完全唔想煮大餐），見到呢間lunch $48有飯有餸有菜超抵即買三番盒！.一共買左三個飯盒，咕嚕肉和西檸雞甜甜酸酸大大件啖啖肉，麻辣豆腐好夠辣超惹味老公大愛（話好食過我整😒），炒紹菜好香蒜味又唔油膩，全部夠鑊氣傳統香港茶記風味，好食！😋仲要大大盒一個人係食唔哂一盒！.呢個價錢又有菜又有餸大大碗飯，而家菜咁貴真係平過自己煮，等外賣時發現係一間好有特色的港式大排檔，等疫情過後一定要來打卡！

荃灣兩餸飯 有好多選擇 。 今次嚟到 楚撚記楚撚記的兩餸飯算係高質素 即叫即炒食得出呢味咕嚕肉有鑊氣 即叫即炒的作品同坊間兩餸飯翻熱唔同菠蘿咕嚕肉 咕嚕肉啖啖肉 好咬口 肉質鮮菠蘿鮮甜味 個醬汁都好好現在算係新鮮貨色 食得出 新鮮菜 味道腐乳通菜 國腐乳汁好好味 通菜好 新鮮味美 現在啲菜咁貴 真係就咁食菜都得抵f仲有就係每日精選鮮魚 原條新鮮魚清蒸 鮮魚雖然細細條但係好鬼好味 非常之鮮味嘢咩綠豆是原條蒸 童叟無欺 食得出是新鮮雖然大家都係為咗飯坐撚記明顯就係用心製作

呢兩日又凍左好多，一早就同同事講要食啲熱野到食飯時間，就去左呢間買外賣，特式大排檔格局午市套餐有幾款選擇，主菜及小菜各揀一款，配埋白飯😍店鋪擺設有大排檔風味，出面落住雨，當我點完餐，侍應哥哥請我坐一陣🙇‍♀️不用捱風雨👍🏻👍🏻揀好套餐，大約10分鐘就可以取，外賣完全包裝得好妥當，而且一路行番公司，一路都聞到好香，大排檔風味，鑊氣非常之夠返到公司，急不及待打開，仲熱辣辣，我就揀左呢個涼瓜炒牛肉+清炒黃芽白，家常小菜，涼瓜甘苦入晒味，牛肉又肥瘦均勻，入口腍滑，配埋黃芽白爽爽甜甜蟲草花臘腸蒸雞+蒜蓉炒白菜仔 : 平靚正食材，又補身，蒸雞滑滑好入味，撈飯真係一流

平日不做午市，疫情停咗晚市開午市，有套餐一肉一菜一飯。揀了咕嚕肉和飛天通菜，約5分鐘就上，整體夠鑊氣，樣子吸引，咕嚕肉稍乾硬身似京都骨，通菜醬夠咸香。兩者相當咸，喝了一大杯水還口渴。如果有埋中湯就好。