楚撚記大排檔

营业中

休息中

我真係好鐘意周圍去試唔同既美食, 所以打風冇得出街試好野我會唔開心架,我就趁住係兩個台風中間, 出去搵好野食今次就去佢大大力推薦既楚撚記食好西入面既環境係八十九十年代既大排檔環境, 播住D好懷舊既歌, 好有FEEL, 但當然係比果陣時舒服同乾淨啦飛天通菜-$78炒得好有鑊氣, 微辣令人好開胃, 而且仲有唔少大大隻既蝦乾吊起個鮮味, 好好味風沙蒜香雞中翼-$82雞中翼炸得好好, 可以做到香脆既外皮, 但入面仲保留到唔少既肉汁, 加上個風沙蒜香, 令人回味無窮椒鹽九肚魚-$82椒鹽系列係去大排檔必點的, 而椒鹽九肚魚就係我既首選, D度都做得好好, 九肚魚好嫩滑, 冇咩細骨, 食得好方便, 椒鹽好香口, 完全係大排檔一流既口味豬油撈飯-$20老一輩成日講佢地既豬油撈飯有幾咁好味, 幾咁令人回味, 而我地就好少有機會食到, 見D度有, 就叫黎食啦。當然油香味濃, 淋上粒粒分明的白飯, 冇餸去送都可以好快咁食完一碗啦食完話想埋單, 竟然有甜水送, 仲有得揀係清補涼定番薯糖水, 都幾好飲, 最緊要唔洗錢麻!係咁有回憶既環境, 食咁有風味既大排檔菜式, 我覺得自己好幸福!

餐廳推薦👨🏻‍🍳📝楚撚記大排檔📍荃灣川龍街118號百悅坊地下-1樓食過最好食既大排檔🙈真系好高質🤤🍽麻辣韭菜鴨血煲熱辣辣！！滾的😆好惹味🤤鴨血大大塊好有口感🍽楚撚沙拉骨👌🏻🍽香煎黑松露手打蓮藕墨魚餅好有口感😻小小黑松露味🍽飛天通菜煲好夠味，通菜好青不會老🤤🍽燕麥金沙蝦球um..淺嚐可以🤣🍽楚撚豬油撈飯傳說中既豬油撈飯😭一碗真系吾夠😿❤️#餐廳推薦 #香港大排檔推薦 #香港大排檔 #楚撚記 #撚記大排檔

Bookmark咗呢間餐廳好耐，好彩有訂檯先有得食，weekend嚟walk in可能無得食，想嚟嘅最好訂定檯先嚟。豉椒鵝腸，鵝腸好肥美，又夠晒爽口，配菜都炒得好入味菠蘿拔絲咕嚕肉，外脆內軟，拔絲真係拉到一絲絲，真係好考功夫呀超級邪惡同時懷舊嘅豬油撈飯，豬油同豉油可以按個人口味淋落飯到椒鹽九肚魚，無散晒，同無出水，抵讚香煎黑松露手打蓮藕墨魚餅，黑松露味夠晒香濃，唔會煎到乾晒老火菜乾煲豬肺湯，係媽媽煲湯嘅味道呀，豬肺洗得好乾淨，細嘅都裝夠四碗下次再嚟食真係要叫多啲朋友呀，仲有好多餸想試呀

今日約咗朋友仔去荃灣出名嘅大排檔，楚撚記。其實都嚟過好多次，但係今日終於記得影相😂今日就嗌咗個炸豬手（$168）豬手層皮炸得好卜卜脆，配搭埋佢哋提供個芥末醬好好食，送啤酒一流。椒鹽白飯魚（$88)呢個係必點，因為佢炸得好香口加埋啲椒鹽，食落又唔會太乾，最重要係啱晒送啤酒。馬拉盞通菜 （$78）通菜好大碟，同埋配料好充足，蝦乾蒜頭等等，依個餸唔會好鹹炒得唔錯。當然唔少得我哋每次都會嗌嘅啤酒啦，飲酒最緊要講氣氛，佢依度會提供一個戰鬥碗俾你地，拎上手飲個感覺都唔同。但係好多時佢book位都爆曬，如果真係Walk in最好就8:30打後

食物：91／100 款式：90／100 環境：90／100服務：85／100 性價比： 92／100總分：91／100總結：非常高水準新派大牌檔口味餐廳，食過會再回頭因為有小明演唱會票尾，所以有9折，好抵仲要唔使加一，抵食又好食今日黎到荃灣一間新派好出名既大排檔，楚撚記我認識呢間餐廳追索返喺小明演唱會果時由於佢贊助小明演唱會，當時覺得餐廳都贊助到演唱會咁勁梗係上網openrice睇下呢間既食評見好多人都話一試難忘，所以我地都要黎試下呢到食野旺到無walkin架啦，book位都係得返5點半同8點半揀寧願食早少少5點半過到黎食，而4個人就叫左7樣野呢到款式好多，簡直花多眼亂，樣樣都好似好好食好正咁，價錢亦都合宜，大部份都唔過100蚊，仲要唔使加一，加埋有9折 人均都係150蚊多d，仲要送埋糖水，真係好抵野食上面，保留到大排檔既鑊氣，份量都好得宜食物質素都好高全部野都有讚無彈，除左小炒皇普通d，其他都好高水準環境上，裝修設計有好多打卡位，亦都保留好多古香港大排檔特色堂食更加播返70，80年代既金曲，去到堂食好似返番去80年代既香港咁而枱同枱之間都唔逼，4個人食會比6人枱，有2個位可以擺野，安

荃灣一向多美食，多年前食過位於土瓜灣的楚燃記大排檔，竟然在荃灣都開了分店，今次好彩特地早啲book枱，門口聽到侍應話要2星期BOOK～雖然係一樓要行樓梯，但係沿途有打卡位😎📸 時光倒流幾十年前大排檔的情景。室內裝修同佈置都用心設計到昔日大排檔格局，連全晚音樂都係爸媽年代的經典金曲，我竟然全部都認得曬 🤣打開餐牌簡直花多眼亂，有好多招牌燃手小菜，更有一些創新菜式。第一道菜 【蜜椒薯仔牛柳粒】份量幾大，有青紅椒、薯仔、洋蔥、牛柳粒等，中式爆炒配蜜糖，意外地將這些材料融合一體，特別鍾意薯仔外脆內鬆化配上蜜糖的味道令我食到停唔到手，當然黑椒牛柳粒都鮮嫩惹味，絕對係我每次必叫首選！第二道菜【香煎黑松露手打蓮藕墨魚餅】這道中西FUSION菜一上菜就有陣陣黑松露的香氣，食落去又唔會蓋過墨魚餅的鮮味，咬下去仲食到粒粒蓮藕及墨魚的質感，非常有口感，而且沒有想像中那麼油膩。第三道菜 【豉汁蒸大鱔】呢個魚是我出街食小菜必叫，因為街市買都唔平，而且自己整都複雜。見到碟大鱔好大份，仲啖啖鱔肉，豆豉同個汁都好惹味，完全帶出大鱔的鮮甜，十分推介。另外試了杞子龍眼菊花蜜及清熱五花茶，都是自家製的飲品，杞子龍眼菊花蜜較

同幾個朋友1/10一齊黎試，朋友一早訂左位，我地準時7點到達，已經聽到無得walk in, 全日已full booking真誇張。 激辣避風塘水魷（$89）仲諗住係激辣，但唔係太辣，個芡汁好濃水魷魚唔太入味，反而芽菜粉絲就索曬味豉椒炒蜆（$92）份量多，但好咸好重口味同埋無咩鑊氣菠蘿拔絲咕嚕肉$99呢個好味，肉係梅頭啖啖肉，酸甜適中但拔絲小左D椒鹽九肚魚$82，炸到熱辣辣，咬開出煙😂無骨成舊食，正福建炒飯$88好足料，好多帶子仔😂醬汁好味👍🏻將成個大排檔搬入商場，有冷氣 食得都舒適點👍🏻

呢間餐廳都係之前因為佢有贊助小明演唱會所以認識，咁啱近排天氣好熱，但又忽然想食大排檔，所以就嚟咗楚撚記，嘆住冷氣食😎餐廳嘅裝修都好懷舊，有去咗八九十年代嘅香港嘅感覺，同埋會播一啲老啲嘅歌，氣氛相當唔錯🤣去得大排檔當然要飲啤酒，我同朋友揀咗楚撚記桂圓手工啤，送過嚟嘅時候會跟兩隻戰鬥碗，而且係雪凍左既，相當細心👍手工啤嘅桂圓味唔出，但麥味好濃，又唔算太苦，唔錯👍佢餐牌既菜式都好特別，其他地方都少見，所以嗌左幾碟試下😎波蘿拔絲咕嚕肉呢碟幾乎台台都有嗌，而且佢講明用梅頭肉，所以食落肉質夠淋，唔會太韌👍醬汁亦調得剛剛好，唔怕太酸或太甜香煎墨松露手打蓮藕墨魚餅呢個真係冇喺其他大排檔見過，黑松露味好重，啱晒鍾意食黑松露嘅我🤣蓮藕切粒嘅大細剛好，唔會太細食唔到味，或者太大影響口感👍豆漿杞子鮮腐竹浸時蔬呢個亦都好推介，因為用豆漿杞子紅棗， 令整個菜好鮮甜，我同朋友不斷飲佢個湯🤣金沙蛋黃九肚魚九肚魚炸得好香脆，鹹蛋落得好足，所以整啲菜好夠味，外脆內軟👍👍最後每人都會送糖水或者涼茶

訂左成個月先訂到的餐廳，期待已久，未夠7 點就已經坐滿人，報到完就可以拎台，限時90 分鐘，今次我地坐左去房入面，兩個人叫左四個餸大滿足😍啫啫生菜無煲好惹味，份量都幾大😂仲叫左個西檸雞，炸到好脆，好香口，不過個西檸汁就比較少，多d汁會再好味d,黃金豆腐都炸到好炸，仲有好多炸蒜鋪面，好香口好惹味，仲有七味粉，不過我食唔慣，覺得太咸。我地仲叫左松露墨魚餅😂都係香口野😍幾好味，埋單三百頭，大件夾抵食味道又唔錯，不過就真係好難訂位，值得一讚的係服務都幾好，叫菜時有覆單，又主動俾個汁我地點炸野，埋完單仲有糖水送，下次一定會再來試其他菜式

呢間餐廳 半年前已想黎一直勁多人訂同排結果想食的方法就係早d食哈我地6點前已經去到。。。餐廳位於荃灣近荃新天地同楊屋道街市都幾易搵既 上到去佈置都係舊式香港情懷呢度係一間好企理既大排檔最緊要冷氣夠大 同座位闊落小菜款式多達100款價錢都幾親民因為得2個人 所以點左3款我覺得菠蘿啤 係必點 因為唔重酒精 又唔太甜中和番餸菜既味道 拔絲菠蘿咕嚕肉 甜甜地微微酸 夠熱發揮正常既一道菜 拔絲同咕嚕肉係分開的仲有2粒脆脆蕉糖伴碟小炒皇真心好大碟 有成8款料有蝦 有蝦乾 菜甫 腰果 肉絲 魚仔 鮮魷呢個一口金磚豆腐 真係食到停唔到口勁脆身 薄皮 豆腐滑 整好上碟要趁熱食 好香口 要推介~~小菜真心大碟唔駛叫飯 都飽左仲有糖水送2個人埋單270 好抵食!!!!!!!!!!!

荃灣呢間「楚撚記」成日見好多人排隊，於是一行三人book咗一個平日既晚上去測試下係咪真係咁好食，現場裝修好懷舊係舊式大排檔嘅風格，冷氣非常充足，餐牌嘅菜式都好多種類選擇，今次叫左: 1)豉椒炒蜆 2)香煎黑松露手打墨魚餅 3)椒鹽九肚魚 4)鹹蛋蒸肉餅 5)麻辣水魷 6) 豬油撈飯 7) 豉椒鵝腸，食物分量都幾足同大碟，小炒菜式味道唔錯同鑊氣十足，個豬油撈飯就係會比一樽豬油同葱花你，再按自己個人喜好加落去白飯度再撈埋嚟食，雖然好邪惡但豬油撈白飯真係好好食，整體嚟講呢間都算係食小菜唔錯嘅選擇

晚上相約了同事一起到荃灣的「楚撚記大排檔 」吃晚飯，它位於楊屋道街市對面的百悅坊1樓，突然想起很久沒有吃大排檔，就很想懷舊一下，餐廳裝修仿效早年大排檔港式七，八十年代的感覺，氣息十分懷舊，還會播放著經典金曲，好像時光倒流了的感覺，香港味道盡出！樓梯位置拾級而上時，存放著不少懷舊裝飾，雖然懷舊但環境乾淨！食大排檔有鑊氣非常緊要，所以首選吃煲類菜式！「醬爆鴛鴦雞煲」上檯吱吱作響，非常熱騰騰！麻辣香氣撲鼻，鴛鴦代表了滑雞及田雞各半，份量多，醬汁十分惹味，看似深色但微微的麻辣夠香，不會太鹹！雞和田雞肉質嫩滑，口感爽彈，全都掛滿了醬汁，令人上癮！「椒鹽九肚魚」經典地道，外皮金黃香脆可口，九肚魚嫩滑非常，椒鹽帶點微辣，惹味之選！「飛天通菜煲」 ，同樣是啫啫煲類的精髓，通菜炒得爽口但依然保持鮮嫩翠綠，不會乾身變黃， 份量好多，有大蝦乾一起炒，微辣惹味！「楚撚豬油撈飯 」市面上已經很罕見，值得推介，傳統做法用砵裝白米，邪惡又懷舊的豬油及豉油可以按個人口味淋到白飯，加上蔥粒及芫茜粒，米飯粒粒分明，軟熟保留到水份，豬油聞起來特有的酥香，真的可以淨吃幾碗！最後店員會送上免費的糖水，有熱蕃薯糖水及凍清補涼選擇

謝謝朋友早一星期訂位，聽聞天天都很滿呢，就是聞名不如見面的楚撚記大排檔，近期人氣高企，內裏裝潢懷舊，充滿舊式香港風情。❇️老火菜乾煲豬肺湯🌀好好飲呀😍😍😍 不是味精湯，很有住家的味道，鹹香濃郁。❇️芝士琵琶豆腐🌀喜歡芝士的朋友一定要試一試，因為有一大碗芝士醬任蘸的😍 其實不蘸醬吃，味道也很好。豆腐大大粒、脹卜卜，原來當中是有魚肉的，再混合豆腐，魚肉的味道重，幾乎吃不出有豆腐的味道，有人喜歡，亦有人不喜歡呢🤣❇️避風塘鮮魷🌀好有鑊氣呀🔥🔥🔥有超級多炸蒜和辣椒，看上去以為很難，但吃下去卻感不到辣，魷魚的面炸得很脆，好有嚼勁，如果魷魚的份量再多少少就更好啦！〽️原來用炸蒜撈飯吃是非常好吃的👏👏👏❇️楚撚記脆皮原隻炸豬手🌀皮肉分開，賣相差少少，皮脆但有部分較韌，豬手還好，可以沾甜辣醬和芥茉醬，清爽。❇️瑤柱蝦粒帶子蛋白炒飯🌀味道正常，幾香，但沒有太大驚喜！❇️楚撚記豬油撈飯🌀附上一尊豉油和一尊豬油，可以自己調校加多少豉油和豬油，而且還有蔥和芫荽，也是自己加的，豬油很香呢，值得試試！❇️椒絲腐乳炒通菜🌀好惹味，好好食。

原本只因為地點方便，無留意其他詳情，就叫外賣自取，點知有驚喜 (食完先發覺，所以無影相 😀 )先講包裝，只不過叫咗3樣家常小菜，包起來大大袋咁。返到屋企先發現，原來店舖用咗保溫袋，雖然隔咗一段短時間，食物依然溫暖，抵讚 食物有水準，價錢正常合理，少少偏鹹但係好味。推薦：豉油皇煎封一夜乾有機會試堂食，先發現原來極難 book 枱 😅

餐廳裝修好有舊式港式餐廳嘅感覺😆菠蘿拔絲咕嚕肉 • HKD$99用咗梅頭肉整，食落肉質好軟熟😋醬汁味道比較單一，主要都係甜味為主～伴碟有麥芽糖拔絲同焦糖脆脆，不過影得耐咗就塌咗😂欖菜肉崧四季豆 • HKD$68同行友人表示咸左d，但我就覺得冇問題，反而係油左d😅味道就中規中矩，主要以份量取勝秘製辣酒煮花螺 • HKD$128應該都有譚仔三小左右嘅辣度🌶食落好香，但後勁會比較強🥵花螺新鮮而且份量都合理～白蘿蔔吸晒d汁好過癮，就算流晒汗都忍唔住不斷食🤪香煎黑松露手打蓮藕墨魚餅 • HKD$96呢個荃灣店限定，個人最鍾意💕一入口已經有淡淡嘅黑松露香味飄出黎☺️而且集蓮藕嘅爽同墨魚嘅彈牙於一身，口感好豐富👍🏽豬油撈飯 • HKD$20證實好食嘅野係唔健康嘅佼佼者🤣白飯用缽仔隔水蒸，粒粒分明🍚再撈上香噴噴嘅豬油同蔥花，簡簡單單已經超開胃🥰蕃薯糖水 • 免費餐廳喺我地用膳完之後仲送左糖水🥰蕃薯好淋好甜，而且薑味唔會重到令人好抗拒～自家秘製香辣菜脯 • HKD$58強烈推薦‼️個辣超香同少少麻，配埋菜脯本身嘅鹹味，勁啱送飯🤤好食到一個月都冇已經KO左成樽🙈