楚撚記大排檔

营业中

休息中

有同事生日，佢好鍾意食大排檔有鑊氣嘅嘢，知道楚撚記大排檔係荃灣開咗旗艦店，今日我就請佢去食飯。旗艦店地方非常闊落，室內裝潢如霓紅燈牌、紙皮石地板和懷舊鐵閘等等，都能感受到老香港情懷，好有懷舊感覺！菠蘿拔絲咕嚕肉梅頭，梅頭肉是去骨後所得的肩胛肉。肉質細膩帶少量脂肪，梅頭肉沾上粟粉，炸至外脆肉嫩，酸甜獻汁調得夠味，包住每舊肉。與旁邊的拉絲糖一齊食，甜甜酸酸好開胃。枝竹火腩豆腐煲，用煲仔上檯，熱辣辣香噴噴，枝竹吸盡醬汁和火腩的精華，火腩炆煮後更腍更香，豆腐亦好滑溜！鮑汁海皇福建炒飯，份量不少，材料豐富，已經蓋滿整碟飯，包括帶子、蝦、冬菇粒、雞粒、菜粒等！用鮑汁煮特別惹味，飯底也用蛋汁炒過，香口又爽口。美味佳餚，少不了啤酒。最後重有糖水送，蕃薯林甜，配合薑味糖水，超好味！