森記餐室飯館 (已結業)

長沙灣最近多了新樓之如，亦多了很多餐廳及小店。這間茶餐廳其實都幫襯了好多次，但水準一直保持得到。而最開心是價錢都不算貴，三十幾蚊就有個下午茶，所以我會聲稱佢叫平民飯店。加上份量也不算少。可以一試再試如果嫌三十蚊太貴，收銀櫃前有coupon隨意拎，係$15一個下午茶 真係嚇親點可以平成甘，仲有杯野有飲。至於環境方面，座位都算寬闊。本人都試過大時大節夜晚到此餐廳食飯，我會建議最好訂定枱，因為附近太多街坊。

幫公司叫外賣, 44個午餐.係OPEN RICE 搵見到呢間, 啲食評好似唔錯, 價錢又可接受.一開始都擔心會中伏, 始終怕係打手但真係諗多哂!!遲左落單, 麻煩師傅趕工起貨, 送外賣泥, 一切都預料之外!!很好!!員工, 估唔到有制服''' 仲好友善!!外賣包裝, 唔係一個個膠袋, 一箱一箱好整齊, 連個箱都印有公司名!!飲品, 整齊無倒流, 叫其它試過好多次都好污衊 食品包裝, 令人眼前一亮 唔係發泡膠包裝, 啲汁四維痴住禁. 整潔既外賣膠盒!!食物品質, 滿意!! 以同區叫外賣, 肯送又味道好, 呢間真係值得推介!無求其快煮, 食物味道夠, 而唔係一重重手味精就算!連成班煩到嘔既同事, 都話接受呢間!! 唯一收到既負評, 係飲涷賓冶既同事, 話太甜.下次會早啲叫外賣啦!! 好想試下佢啲炒野同焗飯!!

諗住中秋佳節嘆番個下午茶喇，去左依間餐廳叫左特別下午茶金鏄西多沙津，一黎到有個五六粒沙津，不如唔好俾喇，問下個員工係咪得咁少，個員工竟然答我話配菜係咁嫁喇，十幾蚊你想要d咩咁不如你地改左個餐牌佢，叫金磚西多，唔話話有沙津可能會好d員工態度差，食物質素超差，食物係凍，一定冇下次，黎完真係影響心情

叫咗隻霸王雞，例湯，蝦膏腩仔蒸豆腐，隻雞就凍嘅，例湯就唔知溝咗幾多水落去，稀到冇朋友，蒸豆腐都算入味，員工態度欠佳，問下例湯使唔使加錢姐，個阿姐：梗係要啦，個樣衰到想即離場，不過老婆喺度費事多一事，以後都唔會去⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

表面上是樓上茶餐廳，其實這是名厨開設的公房菜，重視晚飯小菜。名厨多是學師多年，掌握粵菜技藝，多著重燒味，故多特設燒味部門。試了數次晚餐，親友說未有驚喜，主張去交通方便的酒樓。偶然在此午飯，食了燒腩义燒飯。燒腩是脆皮，但頗硬。义燒不合理，指定要肥义，但又乾又硬。此店有「黃袍加身」飯，即以炒蛋，加在义燒皇的身上，想不到水準如此。海南雞飯是大份量的。有湯，菜，飯，雞，水準一般。奶茶是茶餐廳應有的優質水準，好。

平 靚 正! 尼3個字黎形容森記既晚餐就最貼切!第1次同今次都預訂左雞煲翅~真係食到LamLam脷佢既雞煲翅$210好足料,啲翅大大塊,我地3個人分,啱啱好1人1碗~啲翅佔全個飯碗既2/3位置 ,價錢又好合理!仲叫左2碟葱油貴妃雞飯$25碟,配紅豆冰/凍檸檬茶豆豉蒸䱽魚$9x, 新鮮大條厚肉咖蒜蓉蒸勝瓜$5x,尼款比較清淡啲,之後仲叫左粒粒西多$30當飯後甜品一齊食,即叫即整 好吸睛呀⋯⋯隔離枱啲人全部望住我地呀！尼個真心正~ 好好味!

唔肚餓，但又未夠鐘，想搵個地方hea 坐個幾鐘⋯媽咪提議我去森記坐吓，食個茶餐先。 我話唔肚餓喎，媽咪話唔肚餓嘅話，就喺樓下收銀處攞coupon上去食，食少少，當飲杯嘢都抵⋯係咪真㗎？！ 嘩，真係抵食喎！$15蚊一個下午茶餐，仲要包埋飲品，飲埋紅豆冰都係廿蚊落樓，堅抵！煙肉蛋脆脆豬仔包包都算外脆內軟，煙肉蛋雖然唔算厚身，加埋蕃茄同生葉，還配有沙律醬，感覺清新。炸雞翼配熱香餅一隻雞翼，一塊熱香餅+少少薯條，抵啦！金磚西多沙律厚厚西多，配上少量沙律（如果是鮮果沙律會更好😬）其實下午茶還有很多款式，下次再去試吓先！

今晚專程去長沙灣森記餐室飯館食晚餐，理由是朋友介紹這裡义燒非常好食，軟稔稔勁美味，所以就今晚happy Friday night 試下。這店座位全部設在樓上，地方略大，有卡位又有大圆檯，更大獨立房間，大班人聚會也可以。👍餐牌中西合壁，可散叫亦可食套餐，於是點了下面孖寶，沙巴躉和燒腩，盛惠$168。味道可以，魚略為蒸過少少時間，否則會更滑口。而燒肉算脆，味道淡了少少。😅這餸是主打茶，伊比利亞叉燒，$160得8舊，比其它店的軟稔，醬汁甜咗d但好入味，都算好食，但價錢太贵。還有，要预早訂，否则即場無得食。😊至於其它餸，魚湯魚腐浸菜苗、冰鎮話梅凉瓜、方魚蠔仔肉碎泡飯和籠仔豉汁蒸白鳝飯，價錢不貴，味道不過不失，下次可以試別的。😅

真係忍唔住要打個食評我從來都冇試過食野食到咁嬲 咁唔愉快佢聲稱1點收舖 我夜晚未夠11點去食飯嗌海南雞飯 佢話冇中湯 問我轉唔轉西湯我話轉紅湯 隔左一陣話冇紅湯 問我轉唔轉白湯都冇問題既 我都知有啲夜 可能賣晒再隔左一陣佢話冇雞當時已經聽到廚房果邊嗌出黎話嘩依個鐘數仲點會有雞呀!!!! 好似比說話我聽咁算啦咁再揀過 嗌蠔仔粥 佢話冇蠔最黎我嗌左香菇肉粒湯飯結果!!!!!!!!碗野係有瓜 什菇 同埋炸豬扒既肉粒!!!!!!!!好明顯係將有油味同炸過既豬扒切碎真係好離譜 感覺上好似將所有廚餘擺落個湯飯咁啲侍應既態度差唔緊要都唔expect茶餐廳會有五星級服務但11點鐘就係度執餐牌 我坐卡位 同友人坐同一邊個阿姐就坐正我對面執11點3就連電視都熄埋會唔會太過份呢????如果收舖前15分鐘我黎食啲服務態度同食物質素咁差 我絕對可以理解但你仲有成個幾兩個鐘先收舖你比啲咁既服務同埋廚餘級既食物比我我真係完全接受唔到經歷好差 以後都唔會再幫襯

里間餐廳好多人介紹比我，我一直末有機會試，今日终於來試下首先要比個讚佢，你估吾到係茶餐廳甘既款下既情況下，竟然有香賓、有白酒。。。重點係價錢吾貴，仲有香賓杯，當然要求吾好甘高，就oK我們叫左义燒，好厚既，肥得來帶琳(好味)，蒸左條魚，忘记咩班，ok既，無咩特別，加左個翅，好老實，二百零蚊超值，雖然係歲翅，但足料，有D可惜係個湯底過濃，我估有落雞粉類，清少少仲正。。。之後我們轉埸食湯水，當一間餐廳有驚喜，我就會再去，除非出品好差

森記在長沙灣元洲街與東京街交界,地方舒適整潔,坐位出夠闊。每日人流如鲫;客似雲來,森記最出名就是燒臘、蒸魚、炒小菜及特色菜餚。様樣都食到回味無窮,而且價錢合理,更味道適中,食完唔會口乾。在森記要試吓叉燒蛋飯、清蒸沙巴龍及西班牙咕噜肉。實在是高朋滿坐,食客蜂擁而至,要等食都較難。這樣管理營運模式,全賴森哥本人的領導與一群好伙記的落力演出。

今晚食開年飯，所以一早訂私房菜同位，準時到達，一家人開開心食飯，首先，黑蒜生地熟地螺頭豬展燉雞脚湯，好似涼茶黑麻麻，阿媽話有熟地就係咁既色！鼓起勇氣飲，發現湯味濃郁，足料，唔油膩，又潤喉，好鮮甜呢~跟住，豬仔脚做冷盆，收貨，好淋好滑，味淡。蒸方利就真係比想象中大條，要合力先KO晒整條！時候剛好，又滑又鮮！唔錯！我食魚怪，講堅就係好堅生菜瑤柱，幾大粒，又蒸剛好，鮮味鎖住，我唔太like瑤柱覺得好食過飲宴果d水準！重點係黄金芝麻雞！脆到無朋友！我食鮮雞版，有點貴，但堅滑，雞味濃，雞年食靚雞應下節啦，感恩品嚐到！所以一件都冇留低！喺晒個肚度！如果平時有供應就更好啦！雲腿鮑魚蛋炒飯，個樣似楊洲炒飯，失色d, 但我家姐覺得d飯粒唔油，又一粒粒，盛讚功夫好！鮑魚都ok大粒啦，唔多，整體上都好滿意甜品就睇相，粒粒多士，内含花生醬，尚可。另：此餐廳冇加一收費！感覺上抵d

We came purposely to savour the sweet and sour pork which they claimed use important pork from Spain. The hefty price tag kept our expectation high. The restaurant offered two type of pork, local or imported. There was definitely a big different as the imported one are juicer.  However, the dish was completely spoilt by the chef who'd put too much vinegar in the sauce.  We were speechless... Next was the eggplant (aubergine) in claypot. The eggplant were deep fried in oil first. Anyone would kno

D亞姐全部態度惡劣，燒味飯啫，等15分鐘都唔見影，食晏趕時間先叫燒味，諗住快Ｄ，點知咁。叫亞姐跟吓，個個都唔理，仲話啱啱落單，邊有咁快。 15分鐘都話啱啱，仲要去跟吓單都唔願，唔該佢地腦細炒哂佢地。

紅豆冰加5$竟然比成杯冰我 放左半個鐘都仲有半杯冰menu非常咁有“特色” E餐行頭 唔比佢fake到算你醒D 侍應客叫都當你透明 唔知係咪多左人幫襯唔休做 比起剛開張嘅質素 不容置疑地差左 唔會再幫襯