森記餐室飯館 (已結業)

今晚食開年飯，所以一早訂私房菜同位，準時到達，一家人開開心食飯，首先，黑蒜生地熟地螺頭豬展燉雞脚湯，好似涼茶黑麻麻，阿媽話有熟地就係咁既色！鼓起勇氣飲，發現湯味濃郁，足料，唔油膩，又潤喉，好鮮甜呢~跟住，豬仔脚做冷盆，收貨，好淋好滑，味淡。蒸方利就真係比想象中大條，要合力先KO晒整條！時候剛好，又滑又鮮！唔錯！我食魚怪，講堅就係好堅生菜瑤柱，幾大粒，又蒸剛好，鮮味鎖住，我唔太like瑤柱覺得好食過飲宴果d水準！重點係黄金芝麻雞！脆到無朋友！我食鮮雞版，有點貴，但堅滑，雞味濃，雞年食靚雞應下節啦，感恩品嚐到！所以一件都冇留低！喺晒個肚度！如果平時有供應就更好啦！雲腿鮑魚蛋炒飯，個樣似楊洲炒飯，失色d, 但我家姐覺得d飯粒唔油，又一粒粒，盛讚功夫好！鮑魚都ok大粒啦，唔多，整體上都好滿意甜品就睇相，粒粒多士，内含花生醬，尚可。另：此餐廳冇加一收費！感覺上抵d