梨滿園韓國料理 (已結業)

今日到旺角食晚飯，原本係想試下呢到既生牛肉同醬油蟹，但最後都係無叫到因為無人食😔我地上到去都9點幾所以已經無乜人，得番兩三枱客，所以幾靜同坐大枱都得，落左野食之後就上前菜啦我覺得最好食係個南瓜，好甜同埋好淋，芽菜就咸左d，其他都ok，個湯係雜菜湯，蝴椒味幾濃燒肉拼盤$120:叫左最便個隻，有哂豬牛雞，雞肉同牛肉都係有醃過，但無掩蓋左本身既味道，而且無俾到d筋位，所以都幾淋身，五花肉就原汁原味無醃到，燒到脆脆地身之後點d麻油同鹽食，好香口辣炒年糕$68:一d都唔辣，調味亦唔足夠，比較淡，年糕煙un同埋有米香味，如果調味做得好d就更加好炸雞(大)$128:幾大盤，有齊哂d翼位脾位，但略嫌d肉鞋左d，另外有碟甜辣醬可以點，味道都可以，配埋醃蘿白一齊食就更加好晚餐價錢黎講唔算太貴，味道都還可以，有位貌似女經理既幾好人，又同我地講未山門可以慢慢食，都算係幾好

今天，朋友帶我到這間非常難找的餐廳，在女人街的狹窄小巷中，一座非常光鮮的building,與其他大廈絕對有所出入。上到一樓，環境不錯，每層兩間食店，出笠轉右就是梨滿園了。一坐下，職員服務態度非常好，先來6碟前菜，給我們掉茶，好到不得了，有善及親切，快手。我們3人點了，牛舌，五花腩，豬手 等等，未能一一介紹。今次只推介些我特別最愛。牛舌：牛舌最怕的是太厚，牛'穌'太重，韌，咬不爛。大可放心，梨滿園的牛舌，好味之餘，肉的質感一流！未煮前是鮮紅得很的。薄薄的一片，香味沒法抵檔，要整塊放入口，爽爽的，非常易咬。吃一塊絕對不夠，不用沾醬，原汁原味，忍不住就2/3/4塊了 ......!!!濟洲五花腩：未煮的肉，可見是粉紅的，見到上層是白色的。煮熟後，職員建議連同麵豉醬夾生菜。因為是沒有醃的，夾起來更惹味！最後，豬手。軟滑，香味十足，表視十分滿足！味道不太咸，沒有平常的痴立立的，痴在嘴唇。豬手可跟白飯一拼吃！非常配襯。越多越開胃。

今天，在旺角工作，就到deli2先吃個午餐，先前朋友介紹已經到此一遊了。今次番兜再來是想試試他們去sushi,下午茶，一客有10塊，還附上wasabi鼓油，看看壽司內的配料，非常韓國feeel.玉子，醃菜，紅蘿蔔，生菜及肉等等。味道可口，壽司壓得夠實，餡料質感有趣爽口，咸味再帶一點酸味，非常開胃！一個人一整碟絕對不是難道。此外，還點了個牛肋骨湯，始終一碟壽司不夠我吃的呢。來！用熱煲作器皿，夠熱呼呼，湯最重要的是夠熱！味道非常濃郁，牛肋骨味及加了一點牛展，還加了一點蒜粒，令到湯裡的牛味更特出，在內亦有韓國粉絲，煙煙韌韌非常好味。這是必點之選，相信很快又會再光臨。

難得dayoff,緊係要對自己好d!! 聽人講有間韓燒幾抵食咪黎試下囉~黎到先叫左個熟食醫下肚！紅燘牛肋骨 $98呢個肉認真不得了，首先個汁好惹味，燘到個牛肋骨好入味，夠冧又好肉地，一咬落去真係有爆汁感覺。黎韓燒唔燒返d野食點得，點左個無醃既牛肋骨。特選牛肋骨(無醃) $168/350g有咁正既牛，緊係要試下原汁原味啦！呢個燒肉版牛肋骨雖然冇燘既咁juicy,不過好有油香，配埋海鹽醬汁更加完美，更食得出肉汁鮮味。再黎個鮮大蝦 $128咪睇佢咁普通，隻隻都好大隻又好多膏。一燒起上黎真係勁香，咬落去啖啖肉，好彈口!!!餐廳坐得好舒服，服務又好好，會再去試曬唔同野食!!聽講下午茶餐仲抵。

因為女朋友太鐘意食韓國野，所以今日又去左食lu 繼幾味前菜之後，就點左呢個海鮮石頭鍋飯。你知啦，辣野我就唔太OK既，辣醬就咪搞我。但女友堅持加左辣醬去撈先係精髓，撈完好食好多。我鍾意個飯有飯焦得黎又唔會太燶太痴底，啲餸都幾足料。黎得韓燒，點都要用下塊鐵板，，所以就叫左呢個醃牛肋骨。一睇個賣相都知係正野，煎果陣要成條攤開煎，確係幾霸氣！咬落唔韌又有趙口，又多肉汁，牛肉味啱啱好！！！呢個要試喇。Btw, 我地都點左兩杯熱薑茶，望落冇乜野，飲落先知勁堅，好夠薑，鐘意薑ge朋友可以一試=]

兩點幾三點約出旺角拍拖但未食飯，又係求助open rice 既時候！呢間韓國菜疑似新開，係銀城後面一轉出就係，不過要上一樓，路痴表示唔算太難搵。上到去啱啱好下午茶時段人唔多唔洗等位。一接到餐牌心諗，旺角喎，呢個屯門價喎！有飯有配菜有湯有野飲40蚊....本來諗住將期望降到最低但求飽肚，點知又唔係差嫁喎，係好食嫁喎！兩個人叫左兩個下午茶share食，個蛋卷先上，熱既，足料同埋好古法煮的感覺好似係其他新式韓國菜唔會食到但睇韓劇會見到個種家常小菜！每一舊都勁厚所以好有口感，連埋汁送餓好正！跟住係牛肉壽司，又係大大舊，呢個我地冇加飯，好彩！唔係兩個人會飽到脹@@牛肉舊舊都好多（見圖）有調過味，好抵😝兩杯餐飲都唔錯，凍蜂蜜生薑同紅棗，生薑真係辣到跳舞😂有料到，不過甜左啲，紅棗就啱啱好，好啱送個蛋😂😂

朋友知我愛食韓燒，於是就介紹了這間讓我和班舊同學收工過來食舖頭面積夠大，古典韓式風格裝修，坐得好舒服。好精緻的八碟頭盤，至愛甜薯仔及泡菜。食得韓燒有韓國酒更盡興。韓國清河米酒，$68，入口香醇，對面已經忍不住密密酙。蛋拌生牛肉絲，肉質好嫩很香! $128話時話菜式全部價錢好好意頭，8字尾，索性就mark低價錢韓式生醃醬油蟹，蟹膏甜甜滑滑潺潺的，好惹味但又不會太油。$138鮮大蝦，現在看來平平無奇，一燒就勁香蝦味，入口更是無得彈。 $128 最前面的是烤牛舌。口感軟滑又爽口，肉汁豐富。$88／150g牛肋骨好長好壯觀，燒緊時已嗅覺先享受，陣陣牛肉香，影完相之後就CUT開了。肉汁豐富，肉質夠咬口，好高質!牛肋骨醃同無醃都是$168/350g醃了的燒好更是不用點汁已香味撲鼻果然是高級牛肉!秘製豬手，肉質又爽又脆，啖啖肉的豬手吃起來卻一點也不膩，味道一流！$238那麼多精彩的菜式在前，其他的配角反倒被我們冷落了。例如以下兩位：生菜記得是送的，至於隔離那個，已經忘記是甚麼名當了。這餐絕對是一流水準，價錢當然也不平，我們四個人，除返開每人食了也過三百蚊了。

朋友不多的我這夜在梨滿園韓國料理飯聚認識了幾位美女朋友美食當前還舉杯暢飲開心情度爆燈喔!!環境光猛坐位也頗為闊落向下抽油煙的燒爐也十分盡責吃罷不會全身BBQ味這點做得不俗~ 先來八小碟其中的甜薯仔相當精彩軟糯香甜忍不住要比$10 encore多碟呢~韓式生醃醬油蟹$138用上當造大閘蟹醃制呢期跟它有緣好友L剛從韓國帶來做手信正好比較下,韓國的用白蟹醃制醬油較鹹鮮味香濃肉地豐腴~而梨滿園的大閘蟹味道帶甜充滿膏香撈白飯$8來吃一流,兩蟹各具特色誰也不敗只有兩字.....好吃^0^ 祕制豬手跟生菜$238份量激多6人同享也吃不完,識食梗係要豬皮位啦加入麵豉醬和甜辣菜絲用脆嫩生菜包裹同吃,豬手皮爽肉嫩絕對合格~ 酒逢知己這夜大家都酒意極濃前後喝了數支米香易入口的農酒$100,清香酒濃的清河米酒$68大家也估到我的臉又像反轉小丑般臉紅鼻白了醜C人haha~先吃海鮮大蝦$128/4隻超大隻的鮮蝦肉質爽口彈牙絕對係靚貨值得一試~ 鮮帶子$128燒起來沒甚縮小鮮味不算濃但也算新鮮~濟洲島黑毛豬五花腩$138/150g五層肉未經醃製原汁原味燒起後點上海鹽麻油豬香味出眾簡就是美味~須然我不吃牛但見友人們吃

❤旺角有幢好好食的大樓名叫：Deli2除有我大愛的放題呀仲有一家好味道的韓國菜「梨滿園韓國料理」位於一樓的梨滿園卡位大大坐得舒服唔只有單點，更有抵食套餐今次4個朋友齊齊食單點可以食得更多~今次試了✿梨滿園韓國料理✿我愛韓國文化，更愛韓國8小碟是次點了：♥醃白蘿蔔絲、醃泡菜、醃魚仔、南瓜♥♥豆角、芽菜、菠菜、甜薯仔♥碟碟上台碟碟清，醃魚仔好好味，配♥清河米酒 - $68♥一流呀！好味就係韓食前菜！此店的韓式燒肉和醬油蟹都非常正宗我大力推薦必食之選！♥特選牛肋骨(無醃) - $168/350g♥♥特選牛肋骨(醃) - $168/350g♥不加醬料一食牛肋骨就知牛香味濃食得出是高級牛肉食材再點特製的麻油鹽，更帶出特有香味，非常專業的食法！再食已醃的牛肋骨更是惹味出眾！正！♥韓式生醃醬油蟹- $138♥醬油蟹啖啖膏香令人一口接一口鮮．甜．香．滑咁搞法，真係每人都要夠食2隻！幾個朋友都係食肉獸聽說這裡的豬手特別好味一於試下♥秘製豬手(跟生菜) - $238♥豬手入口香林，感覺到好多骨膠原呀！生菜包豬手，配特選沙律菜絲和特製醬汁啖啖鮮味，真係冇得彈！作為韓食主場，怎能不試韓式湯水？♥牛肋骨湯 -

香港愈開愈多韓國餐廳，經朋友介紹下去了一家在旺角上樓的韓燒。第一次見抽油煙系統是在爐的周邊不是在頭頂，不怕會撞到頭 涼菜有八小碟，我喜歡甜薯仔和南瓜。他們說食完想refill要加錢，但有八碟頭盆加上我們三個女仔也不會吃太多所以不用再追加。 我們點了蛋拌生牛肉絲，秘製豬手，韓式年糕湯餃和濟洲島黑毛豬五花腩。 蛋拌生牛肉絲，肉質好嫩，加上芝麻和麻油拌在一起已經很香，好好味! 秘製豬手，在韓國有些店專吃豬手但這裏也可以吃而且味道還不錯喔！ 韓式湯年糕湯,裏面有菜肉餃子和韓式年糕，還有些少肉,味道可以，沒什麼特別。 等呀等，濟洲島黑毛豬五花腩到了。這是我們很期待的，濟洲其中最有名的是黑毛豬。五花腩正呀！但太興奮忘記了燒熟後拍照... 這個五花腩是沒有醃製的，就是因為好的肉，燒熟後點些鹽和麻油已夠 梨滿園韓國料理 (旺角)地址: 旺角通菜街1A-1L號威達商業大廈Deli2 1樓電話: 2660 7368

同朋友諗住去女人街有一幢大廈叫Deli2，想去1樓築地食放題，但超多人排隊等位，見隔離間韓國餐廳都有人等，但應該會快一點，最後好快有位。一陣要去睇戲，不夠時間燒烤，所以叫其他煮物，叫了海鲜石頭鍋飯，$78，同海鮮大醬湯，$88，當一點完菜時已來了八小碟前菜，有醃白蘿蔔絲、醃泡菜、醃魚仔、豆角、南瓜、芽菜、菠菜及甜薯仔。八款前菜都好好食，尤其是南瓜、菠菜同甜薯仔整得特別好食，其實食完都飽了6成。海鲜石頭鍋飯，小心個石頭鍋好熱的，首先加啲韓式辣醬，將蛋整開，再將食材同飯一齊撈勻，仲聽到的「咋咋聲」，食之時仍然熱辣辣，食到有蜆肉、蝦、紫菜絲等等，味道不錯。海鮮大醬湯，有蝦、蜆、菜肉瓜、豆腐、金菇、洋蔥等，味道比較濃，食材都算新鮮。下次要試下燒肉，因為我見枱枱都燒。

話說有一晩同朋友到梨滿園食完晚飯後，第二日又同同事再到梨滿園午餐，兩餐都有點的有：特選牛肋骨(無醃) - $168/350g，有兩大件長型牛肋骨，等鐵板燒熱，將兩條牛肋骨一齊放上鐵板度燒，先將一邊燒約一分鐘，再翻轉將另一邊燒一分鐘，見兩邊由紅色轉為啡色，再將兩邊各燒20秒，之後用剪刀剪開幾件，分給大家，牛肉肉質好咬口、肉汁豐富，將肉放在生菜上，再加麵豉醬包住食，正！牛肋骨湯 - $88，湯頭及蘿蔔清甜，韓國粉絲煙韌彈牙，牛肋骨少少腍，點秘製醬汁食更好味。紅燜牛肋骨(細) - $98，推介此牛肋骨，店員會替我哋將牛肋骨煎開成細份，牛肋骨腍中仍好咬口，此蘿蔔一樣清甜但汁味濃稠，所以用來撈白飯，水準好食之餘、價錢比坊間更出名的便宜。我們不是同牛肋骨有仇，但呢度啲牛肋骨堅好食。

今次之所以寫第一編食評，因為呢餐實在太好食啦!Staff 都好NICE見我哋未食過就推介咗一些菜式比我哋，包括醃牛肋骨，牛舌，蝦，醬油蟹。牛肋骨同牛舌都好入味又新鮮，正。主菜最愛係個蝦同蟹，一路燒蝦味已經蝦味一路滲出嚟，好大陣香香嘅大蝦既味道！！咬落去勁滿足!蝦兵蟹將，有蝦緊要有醬油蟹啦蟹味道唔錯，又唔會好鹹，蟹膏甜甜送白飯一流! 

再次又是重來韓食時間，對上一次食傳統些少的韓菜，大概已是個多月前。並非沒有韓式食物就沒法子生存，單純是吃慣了，僅只如此。對於一個錢已無的窮學生而言，還是踏踏實實食平野，不追求什麼名氣之選。　　就在友人住處的同一條街，落樓行幾行便可到達。內街小巷確實不是我的拿手覓食處，幸好這是Deli2，之前來過食放題。老老實實五六十蚊一個主菜，作為晚餐而言為常價，中至中低價。不過場內人流不算多，以旺角油麻地這些人煙稠密之地來看就更甚了。　　前菜一上桌就有八款，八色八味，豐富得很。還記得在韓國的時候有時店方有空就會不斷幫你免費任添配菜。但在香港的話，除非去任食韓燒，否則又會有幾多間餐廳肯花這些成本？去青菠菜、甜綿南瓜、鹹脆魚乾、酸辣泡菜；清甜豆角、爽口豆芽、酸甜蘿蔔及甜鹹薯仔，各有各賣點。多款式的好處就是可以每樣都試，點到即止。秘製豬手（跟生菜）　$238　　回想起在韓國的時候，餐廳總是兩人份起，自己一個去旅行的話真是處處碰壁。即使是我多番向店方表明我可以吃光餐點，仍是無從入手。還是回到香港才有獨食機會，上次雖非單槍匹馬，但份量上其實毫無難度。　　這邊的豬手也是大大份，切片後攤放得整整齊齊，再灑白芝麻點

今次約左6個朋友,朋友們都住九龍區,諗唔到食咩就一定會openrice,朋友們好好就提出左韓國菜,咁範圍當然收窄了吧。而歡喜試新野的我,見到Deli2呢個名比較陌生,就膽粗粗就帶同朋友一起去試喇。Deli2都有點難搵,但當天梨滿園的同事就教我地到銀城廣場,格離有條巷仔,如果你怕會有曱甴就唔好行果條巷仔喇,但真係非常之快既,穿過條巷轉右就係Deli2喇。我地一坐低就比左8碟前菜我地,有:波菜x2/大豆芽/魚仔/泡菜/薯仔/南瓜/酸蘿白跟住我一般慣例,鍾意問staff有咩介紹or今日有咩正.(serve我地果個Staff好似韓國人,著黑suit的,佢服務態度非常好,我地問左好多問題佢都好有耐性的答我們,我們都有點“煩”,就像問題少女般)她介紹我們的醃牛肋骨及冇醃牛肋骨,我們都點了,反正我們都是牛控。先介紹醃牛肋骨: 味道足夠,牛亦非常新鮮,肉質有咬口。冇醃牛肋骨:本身牛的鮮味非常好,不用沾醬,但staff建議食法, 用生菜包面豉醬一起吃,一起吃生菜的爽口+牛鮮味!非常和味!還點了牛舌, 一般的牛舌都,像咬不開的像膠,這牛舌還不錯。生牛肉: 牛是我一向至愛, 但我初時見到鮮紅色的牛難免有點怕