梅丘壽司の美登利総本店 (新城市廣場一期)

营业中

休息中

之前食過青衣分店，當日唔係好多人。今次沙田分店大約嚮門口等30分鐘，先有得入座。門口叫飛嘅中年眼鏡男經理，叫飛時，態度上已經有少少晦氣。到落單時，點左刺身定食。大約十分鐘之後，頭先果一位中年白髮男經理，怒氣沖沖地向住筆者同朋友大嗌：「冇SET MENU 呀！！！！淨係得單點！！！！」令筆者同朋友感到十分尷尬及難堪。用餐體驗同大打折扣。。其實整體食物嘅味道係唔錯，有水凖嘅。最抵食嘅係玉子壽司，十蚊一件，夠厚切。壽司上既刺身夠新鮮大件，而且上菜速度都正常。青衣分店嘅蟹肉蟹膏較為多，(下圖)但尋晚嚮沙田分店食，蟹膏份量就冇上次青衣咁多。(下圖)最後，筆者係尊重同體諒餐廳嘅安排，（晚市未能提供Set Lunch），如果能夠友善地告知，筆者和朋友一定明白。但該員工的態度令整個用餐體驗大大扣分。

Sushi time熱愛返鄉下既朋友仔應該對梅丘壽司の美登利総本店呢個名唔陌生而且佢都係香港開左幾間分店咁岩今日空肚去左沙田搵朋友飲咖啡佢話帶埋我食lunch所以去左梅丘壽司の美登利総本店到食今次order左三文魚 海膽 吞拿魚…等壽司不得不推介既係佢既海膽壽司好鮮甜 海膽完全無腥味 食完仲有好重既回甘味係口腔入面Location: Sha TinPrice (10 is expensive): 7/10Yummy (10 is delicious): 7/10

呢間餐廳要我等咗一個鐘多d先有位入席，問我有冇期待我一定有，沙田要食日本嘢最近一定係九巴車廠果邊某餐廳(唔想果邊人多，不作介紹)，但今日去開新城市廣場買嘢，想醫完肚快啲返屋企，所以就地解決。餐牌食物選擇幾多，唯獨清酒選擇較少，我揀咗餐牌唯一一支720ml，價錢中規中矩(清酒最抵一定係尖沙咀元氣一杯)，刺身、壽司新鮮，味道唔差，環境、服務中上，以呢個價錢其實ok，但要等個幾鐘，又好似唔值。我一把年紀無條件等位，但大家有時間，尤其年青人(等位嘅時候全部都係後生仔)，帶朋友仔食飯慶祝，其實唔錯。但如果响沙田趕時間，建議都係去返壽司九州市場。

外觀「似」日本美登利而矣，整體和日本店差很遠⋯⋯紫莱完全唔脆，包著造成手卷大扣分，燉蛋竟然唔熱，（只微溫），不值得試，又或者試過就算😏原來元x整體仲好過美登利（沙田店）

今天來到新城市一期搵食，壽司店好吸引 ~美利登。茶碗蒸~又香又滑蟹三貫~喜歡蟹的老公，贊不絕口。蟹肉蟹膏軍艦~蟹膏香味冇其他可以取替。鹽漬檸檬壽司盛合~帶子配檸檬，清新感覺。特級玉子壽司~這個最令人驚喜，玉子份量超級大，上面放一個軍艦，感覺好有趣。油甘魚壽司、小肌壽司及帶子壽司都好新鮮。火炙海老芝士壽司~炸蝦卷~蝦肉爽口彈牙，壽司樣子設計精美。赤紅卷~大大粒三文魚子，粒粒脆卜卜。炙燒三文魚壽司~三文魚面積好大，炙燒最獨特是可以令魚脂更香口。雜錦刺身丼~魚生種類都唔少，粒粒新鮮好味。阿女喜歡的湯烏冬~好滑。店內環境是和式設計。

My birthday is coming and my colleagues decided to celebrate it with me at lunch time. So we selected this restaurant as the venue because we knew the food here was amazing and fantastic and it was so damn true! The salmon sushi was served with a bit of spring onions and mashed ginger. They together gave a super good taste and it is so refreshing and the salmon was so tasty! The tuna was also supremes it was like dissolving in the mouth once u eat it! The sushi here were perfectly made and they

梅丘壽司喺日本好出名 嚟到香港都仍然好受歡迎 佢哋有唔同嘅小食，炸物，刺身，壽司佢哋嘅招牌就係特長嘅刺身吞拿魚嘅質素幾好 魚腩真係有入口即溶嘅感覺 三文魚都唔輸蝕 不過魚腩會比較好食同肥美 大蝦都好新鮮 不過排隊時間太長

呢段時間如果一出街食飯真係最想食嘅就係食日本嘢，咁啱出開去就決定食下美登利喺日本都食過一次美登利，喺日本質素來講就還好啦，叫做方便好多地方都有得食所以就倒不如回味下日本嘅味道，中午時分黎，叫左個set lunch，除咗set 既壽司之外仲有茶碗蒸同湯，飽真係好夠飽~坦白講啲魚生嘅新鮮程度就還好，冇覺得好出色，但係喺香港嚟講，都算係唔錯，突然想食日本嘢的確係一個唔錯嘅選擇，質素都算係咁~所以對我來講反而喺香港仲有機會食美登利，但係去到日本就未必會啦🤪😆

d野食幾好食都無用，服務奇差,門口侍應態度惡劣.本身以為只有我自己受罪，食食下又有個男人不滿門口侍應，大鬧餐廳，當d客係狗t之後食食下电話無電，我自己走去cs借尿袋，留低老婆同兩個小朋友，後加單都未上，想返嚟至食，結果老婆過程受盡白眼，覺得我哋阻住張枱，我未返嚟老婆忍唔住要埋單，而加單就局住外賣變成一堆垃圾，食既意欲都無晒，真係幾好食都無用，成餐飯我地都係食左一個鐘左右，由落單到上菜都有半個鐘，即係半個鐘就要食完。過程一d都唔enjoy，食得太有壓力，我不如叫外賣食好了

梅丘壽司在日本聞名，在香港登陸一段時間，現時共有3️⃣家分店 。-⌘ 極上吞拿魚盛合大吞拿魚腩入口即溶，而且味道有強烈的濃吞拿油脂香，四五秒就會在口中融化中吞拿魚腩魚香味極濃，同樣做到入口即溶的效果。吞拿魚赤身較清新一點，血腥味重。而吞拿魚茸的味道則比平常吃的濃。-⌘ 鰻魚壽司、元祖原條穴子壽司鰻魚軟熟，肉質一如所見的那樣肥美無比穴子則為大路貨色，水準未見突出，尾部偏多軟身細骨。壽司飯鬆緊度略嫌太鬆，輕易會被弄散總括而言，這家壽司店的價錢與大型連鎖的差不多，但質素略勝一籌，值得一吃👍🏻 .

朋友喺日本涉谷店等咗3個鐘先有得食嘅美登利，喺香港決定試一次。星期五嚟到，等咗45分鐘，唔算耐唔算太多人。值得一讚係餐廳守規矩，冇喺餐廳入面好似板隔房咁間開哂啲位又當 1.5米距離，佢哋真係張張檯都有足夠距離，兩個人入去食都俾4個人檯你坐。地方乾淨闊落，坐得舒服。餐牌唔算多款式，主要係食壽司及刺身，有炸物及小食，而熱食就唔算多。始終壽司係主打。呢度有酒賣，但冇梅酒，只有清酒及梳打及啤酒，想飲梅酒嘅我唯有叫個日本啤酒。呢個拼盤算okay，但飯有啲甜，$235-炙燒壽司盛合 $100-，味道一般。火炙魚鰭肉壽司及火炙油甘魚壽司，每樣叫兩件，分別係$56及$40，算平。天婦羅，$78，炸得較油及啲炸漿係厚，蝦好細，正式嚟講唔算合格。另叫一個普通海膽軍艦，好凍，$48-，佢哋有特上海膽軍艦，$88，但冇叫。烤魚鮫 $78，唔太好食，魚燒得唔香及唔脆，魚皮有魚麟，肉質唔嫰，係食才質素問題。建議可加埋梅酒，清酒佢哋都多選擇，仲有梳打汽水，啤酒就係 Asahi 及青島。兩個人，成張單係 $740.3-，以質素嚟講算貴。

人氣壽司店，雖然舖頭12:00先開，但係11:30已經大排長龍。用料新鮮，吞拿魚真係好好食，我哋散叫咗唔同質素嘅吞拿魚，全部都好好食，吞拿魚腩更加係入口即溶，值得再嚟。

非常難得疫情下仍然能夠保持水準！肥沈我最喜歡吃吞拿魚壽司，甘香味美！平日的晚飯時間，店外仍然要排隊等候，等待了近40分鐘才能入座，已經是晚上九點，時間有限。今次無論三文魚、吞拿魚，都沒有令肥沈一族失望！特別推薦：【鮮吸盤軍艦】是次晚餐先來吞拿魚盛合&三文魚盛合，好食！再來就是魚生飯及其他手握壽司，好食！（我係冇第二句架啦）當中，吃過吸盤軍艦之後，覺得好爽口好得意！即時再點！好食！最後，女人們都要吃甜品，不過肥沈我不好甜亦不好綠茶味雪糕，但見到女人們都話好味喎！歡樂時光過得真快，差不多晚上十點，限聚令下堂食時間已完，肥沈一族要打道回府了。

以前既過江龍，食完會好懷念，但而家真的不如從前了！大拖羅變成咁嘅樣！仲有筋添！丼丼屋都好過佢！排左大半個鐘先入到去，滿心期待，失望而回！蟹膏沙律同魚肝壽司過得去。

今日和老婆中午往新城市廣場美登利食日本菜。我們點了汁煮魚鮫, 海苔味噌湯、酣漬水雲、炙燒壽司盛合、大吞拿魚腩壽司、油甘魚壽司、炸蝦卷、特級香蔥吞拿魚腩卷、極上海膽壽司、蟹肉蟹膏細卷和太卷。汁煮魚鮫醬汁鮮甜開胃, 魚肉肉質鮮甜味美, 配上洋蔥口感味道豐富；海苔味噌湯好足料, 海苔食落爽口, 味噌湯鹹度適中, 配上蔥花令味噌湯口感十足；酣漬水雲食落開胃, 水雲食落醒胃配上蒜蓉口感層次豐富；炙燒壽司盛合有炙燒三文魚壽司, 炙燒魷魚壽司和炙燒芝士蝦壽司等, 炙燒三文魚壽司肉質鮮甜, 飯粒分明；炙燒魷魚壽司魷魚爽口和炙燒芝士蝦壽司芝士味道香濃, 蝦食落彈牙, 整份炙燒壽司盛合口感豐富, 味道十足；炸蝦卷蝦食落香脆彈牙, 配上蟹籽和醬汁食落惹味可口；特級香蔥吞拿魚腩卷賣相吸引吞拿魚蓉口感十足, 吞拿魚肉質鮮甜味美；蟹肉蟹膏細卷蟹肉蟹膏肉質香濃鮮甜, 配上蔥花口感豐富, 食落惹味；最後太卷大大件, 材料豐富有雞蛋, 青瓜和蟹柳。蛋食落香甜, 青瓜爽脆和蟹柳食落爽口, 份量十足。餐廳座位舒適, 食物美味, 高質美味日本菜。