梅丘壽司の美登利総本店 (新城市廣場一期)

营业中

休息中

疫情之下都仲有價錢咁硬淨既鋪頭，實屬難得下午時段二人叫兩個午餐再另點幾件壽司、加一埋單四百幾但一食即中太伏店環境都夠清靜茶都有fill過三次魚生唔夠新鮮、出店無耐屋企人即拉左一次、之後隔左唔夠一個鐘佢再拉兩次天婦羅炸漿應該擺耐左食到發酵味、炸出黎口感仲好硬，天婦羅個汁稀到直頭無味跟餐海鮮丼飯、飯好硬...慶幸無加冤枉錢食其他丼、太伏跟餐小烏冬得筷子、湯匙都無跟.......只保持到呢個質素應該結業之期指日可待

<日本過江龍壽司🍣店 — 美登利>疫情期間少左出街食🍽偶爾放鬆一下當然要食好d🤣一直想試呢間鼎鼎大名既過江龍 呢日唔洗排隊終須試到😝同朋友各嗌左午市定食😍包湯、茶碗蒸同主食.🍱三文魚盛盒 $145作為三放魚控既我一坐低就深深俾呢個set吸引住😍二話不說說嗌左佢💁🏻‍♀️三文魚非常鮮甜肥美😋最鍾意係佢舊刺身大過舊飯好多 好滿足🤤.🍱一人前手握壽司盛盒 $138朋友就嗌左呢個set樣樣都有😚佢話味道都唔錯👍🏻但佢比較細食 竟然食唔晒🤣🤣我就幫佢食左玉子壽司 舊蛋非常甜😆.味道：4.5/5性價比：4/5

疫情未大爆發時～經過沙田見美登利冇咩人排隊即刻9秒9拎飛！！等左半個鐘就入得啦～一去到真係樣樣都想叫啊❤️佢係自己寫嘢食number叫～🌟蟹肉蟹膏沙律（半份$55）雖然貌相麻麻但好好味好新鮮！半份都已經好夠2個人食！d蟹肉撈埋d蟹膏食一流！值得要叫啊！！🌟極上吞拿魚盛合（$265）佢一樣有拖羅！但佢拖羅對比海港城個間鮨（？！）就冇咁肥同油！As a whole都好味！值得叫！🌟炙燒壽司盛盒（$100）冇咩特別啊～正常發揮～我地仲有單叫其他壽司🤣全部都好好味～冇咩伏～亦冇咩話好特別好味～BTW佢ge豉油係自家出我覺得有d過咸🤣☘️☘️☘️☘️☘️☘️☘️☘️☘️☘️☘️☘️☘️☘️☘️☘️如果5需要排好耐隊～都可以食啊單如果好似當初排幾粒鐘就不了～

去到沙田新城市廣場，諗起利登美日本菜館， 去到啱啱六點鬆啲唔使等位就有得坐， 坐低冇耐見到出面已經好多人開始排隊， 我諗呢間嘢應該平時都好多人幫襯應該幾好食。(冇時限， 建議大家六點半前到)坐低就叫咗客海膽壽司， 好鮮甜好正,未食過一定要試！另外又叫咗蟹膏壽司又係好好食！三色蝦刺身,啲蝦好鮮甜好爽！另外有個好似叫做炆三文魚鮫，啲肉炆得好淋！魚肉一梳梳咁，好正！啲汁好好味，如果配飯真係一流！建議大家嚟到一定要試 ，海膽壽司！

聽過這間壽司店的大名已有一段時間了，有些朋友說他是日本過江龍，有質素保証。今日下午茶時段進去了餐廳一試，發現壽司的價錢不算是便宜，最便宜的腐皮壽司每件要8元。其他壽司價錢平均每件均是10多元至30多元不等。由於不太肚餓，故此我只點了四件十多元較划算及較冷門的壽司，這幾款壽司該是在其他品牌的壽司店是吃不到的。我朋友為了省錢，他點了一份兒童餐，有3件壽司、2件蛋捲、1支益力多和1碗烏冬，壽司整體上真的新鮮好味，值得一提是烏冬很滑而且烏冬湯都蠻好喝。

難得今日放假，又有人話陪我出街，幾大都要盡情放肆下拉😜記得前兩年去日本🇯🇵旅行排左兩個鐘隊都食吾倒美登利，今日甘啱又吾多人，入去食一嘗我心願吧！黎個魚籽壽司同蟹糕蟹肉壽司當係頭盤先，果然冇得頂，果然係美利登，蟹肉蟹糕果味好夾，蟹糕吾醎吾腥，恰度好處👍剌身併盤價錢比我想中平二百幾蚊可以有甘多款色，仲有我最鍾意嘅吞拿魚，雖然吾係拖羅，但色澤均勻，嗰種脂肪嘅油香，好鮮味不得不贊下D玉子蛋，蛋香極濃好甜壽司🍣我選咗D個set ,因為有我至愛嘅鰻魚壽司和海膽壽司呀！其實叫set 我個人認為真係抵好多，D個set二百幾蚊拉，一件壽司都要成$20-40一件拉每件壽司各具特色，好鮮甜不特止，仲都好厚身，正！我覺鰻魚壽司真係好正，魚又香，醬汁味道又香淳，今日真係超級滿足哂我，補償我上次日本的遺憾，簡直圓滿！其實今時今日$650左右食倒一餐食材甘新鮮，味道又鮮味，又放心嘅食市實屬難得！

同初初開果陣比真係大不如前，一落千丈。初初食中拖羅、大拖羅係好似食和牛口入口即溶，有魚油香。但而家中拖羅、大拖羅係同呑拿魚赤身一樣味，而呑拿魚赤身嘅肉質好散。三文魚淡而無味兼夾有筋，三文魚子好淋，唔識爆汁，擺明唔新鮮。台北壽司郎仲好食過佢，日本超級市場啲壽司直頭好食過佢多多聲。本身諗住頑固壽司都劣劣地，誓估唔到美登利而家可以並駕齊驅。香港真係可以算係美食地獄，過江龍經香港代理即死。呢間嘢我應該唔會再幫襯。

久仰大名，會唔會係日本壽司質素呢？試個lunch先~叫左蟹肉帶子丼，另有烏冬同茶碗蒸賣相好靚，不過碗飯好細主角出場，帶子非常鮮甜，比起連鎖集團壽司店好好多，蟹肉亦新鮮，肉質彈牙鮮甜，好似即場食緊蟹鉗咁，有些少蟹殼，不影響主體。三文魚子亦十分新鮮，帶有海水鹹香完全無腥味，撈飯一流烏冬用稻庭滑身烏冬，非常滑流，沒有 overcook, 好味。湯底係 "魚堅" 魚湯底，正常~ 食埋個烏冬總算夠飽既~茶碗蛋好足料，好多海鮮，個蛋滑流又充滿海鮮味，食到最後一匙先記得影埋單 $120 左右，做會員有折，但自己唔係成日經過佢既分店，無加錢做會員了。總括黎講食才新鮮，不過set lunch 份量就可能只可以滿足女仔喇，可以再黎丫

呢日去咗沙田拍拖，男朋友鐘意食壽司店，於是去左呢間壽司店。由於當日去重係好早，所以我地都唔洗等位就可以入去坐啦，呢間壽司店價錢雖然唔係好平，但佢中價位得黎有高質壽司食，所以我地都好滿意。我地叫咗個鹽漬檸檬壽司盛盒 $90，呢個壽司盒除咗有我最鐘意既帶子壽司，其他魚我都唔識，但就件件都鮮甜。鹽漬完全食唔到咸味，加埋檸檬反而帶出咗魚既鮮味。之後又叫咗個白象拔蚌群邊壽司 $15/1件，食完覺得佢係一般壽司，唔係太特別。食完我地再叫咗火炙油甘魚，油甘魚壽司$20一件，呢兩款壽司都係寫明「新登場」！所以一於叫佢黎試下。個人比較喜歡火炙油甘魚壽司，因為佢一放落口咬一啖，已經成口好香，成口都感覺到好豐富嘅魚油，而且又一啲都唔油膩。我最後叫埋個茶碗蒸 $28，茶碗蒸合乎水準，好香滑，入口即溶。因為男朋友都係餓，好大食🤣，所以佢叫多咗件鰈魚群邊壽司 $20，佢話係好香好多魚油既一款壽司，好好食食完呢餐都係$200幾，抵食可以再encore!

又一間黎自日本嘅過江龍😋成日都聽到唔少評價話佢嘅質素麻麻，性價比低，同日本差好遠。但我自己就覺得佢嘅食物水準非常唔錯，價錢雖然唔係平，但係都一分錢一分貨🤤今次我地襯lunch time 去食，每人大概200蚊左右就食到非常新鮮嘅拖羅丼，整體而言冇令人失望👍

如果要係沙田食壽司 美登利都係一個唔錯既選擇！ 當初開業無耐食過一次 隔1個月已經encore！第一次就係叫佢壽司盛合 但因為唔係款款都想食 第二次就決定散叫！ 發現個價錢都係差唔多！特上手握壽司盛合 $2352個人share食呢個 可以每樣試少少！ 大部分都好新鮮 不過右下角數之子 第一次食🤨 好硬好有咬口 食落去一粒粒蟹籽咁 不過我就唔太中意呢個口感！蟹肉蟹膏沙律(半份)$55食2次都有嗌呢個！ 第一次食個陣 勁多勁滿既蟹膏 不過第二次食 就睇得出個份量係小左！ 但中意食蟹膏朋友 我就覺得呢個可以試下！散叫壽司 我就比較推薦以下幾款係必食！大呑拿魚腩壽司 $48同一次分別有食到中同大魚腩！ 大呑拿魚腩就係入口即溶 成個口都充滿油脂！三文魚籽軍艦 $38 本身就中意食三文魚籽 好新鮮！平成卷手卷 $48勁有驚喜！ 有三文魚籽 海膽 呑拿魚蓉！真係一次過滿足晒我三個願望！ 真材實料！

終於有機會試美登利，我知我好outdated我會話係抵食之選叫左好多嘢食，最先到嘅竟然係天婦羅炸粉都幾薄，唔好太油。下面係三文魚三貫，左邊醬油右邊火灸其他壽司卷物都同預期一樣不錯。環境唔算大，但坐得舒服。想讚下店員服務態度好好總結：種類好多：刺身、壽司拼盤、創意卷物、炸物、熟食、湯包羅萬有。建議諗唔到食咩但又想食日本野的話一食無妨

疫情之下無得去日本，只好去食下日本野去懷念一下。今日係星期六，我地等左半個鐘先有位，入座前店員有為我地量體溫。我地叫左炸蝦卷，做得有d乾，味道普通。海老壽司3件感覺就唔係好新鮮，d蝦雖然係凍既，但應該拆開放左好耐，而我朋友話其中一件仲有d醒味。去到大拖羅$48一件，好多筋同簿切，呢個價位既餐廳同壽司竟然比咁既質素客人，我都好驚奇。我地仲叫左個5點刺身盛合，d刺身仲係冰，係硬既，未走好雪就比客人，咁冰當然食落都無咩味道。總結呢間餐廳唔太值呢個價錢，我地平均每人食左$350。

新城市廣場較為高質既壽司之一，美登利係日本登陸香港，質素係較有保證。暫時都係食過午餐時段，而午餐有set lunch 由$108 ~ $198不等。不過由於今次幾個人一齊share, 所以叫左兩個set一齊食。天婦羅烏冬御膳 ($148)一個魚生飯，烏冬，一份天婦羅，仲有個蒸蛋。無再加$30升級丼飯，但本身個魚生飯都已經好好食，天婦羅都炸得好好味，而我覺得個蒸蛋都相當出色，蒸得好滑。特盛手握壽司盛合 ($188)有12件壽司，由生到熟既野食都有，有吞拿魚，蝦，其實連最玉子壽司都好好食，好厚既蛋，呢個餐就有茶碗蒸同埋味噌湯附送。總之就係非常滿足既一個午餐。

平時這間壽司店好多人，所以一直很想一試又沒有機會試，今次6點半去到竟然可以walk-in, 所以試了，其實都可以用商場的app取票的。今次每人點了一個set, 連同加一人均消費300元，但我覺得物有所值，因為平時食壽司個人閒閒地都要百幾二百元才飽，這個set雖然是比平一般壽司店貴一百元左右，但質素卻高出很多，因為沒有我怕了的三文魚，每件魚生都是平常壽司店的double長度拖晒地，吞拿魚好新鮮，又有海膽帶子蝦和蟹等貴價海鮮，更有條上的海鰻和成個吞拿魚蓉手卷，其實十分飽肚，仲要唔係好多飯唔係食飯食飽，而係食海鮮食飽，大滿足👍👍👍