梅丘壽司の美登利総本店 (新城市廣場一期)

营业中

休息中

天氣差困在家裡幾天，難得今天天氣放晴，到沙田逛逛和吃晚飯。很久沒有吃日本菜，尤其壽司，今次趁機試試登錄香港不久的美登利。之前和朋友在東京本店試過一次，覺得不錯，價錢也大眾化，所以想了解那店來了香港能否保持水準。我們3⃣️人點了大吞拿魚腩壽司、蟹膏細卷、穴子壽司、鰻魚壽司、砌碎魚生飯、燒鯛魚頭、三文魚壽司三味和漬物壽司三味；原本想點象拔丰和赤貝裙邊壽司但沒有貨。壽司基本上新鮮，少飯多料。唯一有點不同是壽司裡沒有日式芥末（わさび）；因為餐桌沒有日式芥末，只有酸薑，所以我以為芥末已藏於壽司裡，這也是日本吃壽司時的一般吃法。後來向店員查詢，他說是關東關西的分別，所以沒有放芥末在壽司內，他說如果有需要也可以落單時跟師傳說將芥末放在壽司內。我沒有詳細研究這個，但理論上應該在餐牌註明，或落單時問問食客較專業，當然我們問店員要芥末時也會給我們。砌碎魚生飯應該是最普通的一樣，沒有什麼特別，普通魚生的頭頭尾尾，那個價錢不值一試，唯一可取是飯夠多應該可以吃飽。整體價格算中上，總括而言不過不失，就是沒有特別、沒有驚喜。

呢排愛上咗食日本野，成日都好想食壽司魚生 😍 今日係沙田新城市廣場就試吓呢間日本餐廳掂唔掂先。而家受到疫情影響，好多餐廳都各出奇謀，呢度外賣自取會員有 85折，非會員有 9 折，堂食無折之剩重收加一 🙄 因為唔想攞住啲外賣係街行嚟行去，同覺得堂食會新鮮啲，最後就揀咗堂食喇 😝 叫咗茶碗蒸、炸蝦卷、特選手握壽司盛盒。茶碗蒸 ($25) : 有芽菜、冬菇、帶子、蝦，味道無咩特別驚喜，元字頭壽司店比佢出色好多。特選手握壽司盛盒 ($275) : 玉子得個大字無咩味 😢 海膽重衰一啲鮮甜味都無 😢 最唔掂係件蟹棒壽司，雖然真係用咗原隻嘅蟹腳，但係啲肉食落去無味之剩重係淋既 🤦🏻‍♂️ 其他壽司就好普通，光澤麻麻同唔夠肥美，而且又無入口即溶既感覺。炸蝦卷 ($70) : 炸蝦卷蝦肉唔夠肥美，味道又係麻麻地 😔 雖然落咗幾多心思係舊壽司到，有芝士、生菜、又有脆卜卜既嘢係炸蝦卷上面，賣相唔錯但此終華而不實。

經過沙田但晚餐未有Idea，於是試試美登利，結果非常失望。星期六晚上7點不需等位，二人好快入座。點咗壽司盛合，茶碗蒸，單點一兩款壽司，但全部味道好普通。炸蝦卷凍身，炸蝦已經軟淋，明顯炸起一段長時間，咬落去只有一陣油味。海膽軍艦唔新鮮，只有苦腥味。炸魚鮫過熟，肉質嚡口，而且魚鱗未清潔乾淨。整體質素唔值呢個價錢，一般放題亦比佢好。最後，人手充足但全部遊手好閒，每次都要叫職員先會加茶。結論，唔會有下次。

早兩年係日本食過梅丘壽司美登利総本店嘅名古屋分店，一試難忘。真正做到平靚正！百幾元港紙食到一個質素極高嘅壽司套餐，真係令人心郁郁好想再去日本分店食多幾次。知道香港引入左呢間名店，都有衝動即刻去試。但據聞幾間分店都好多人，要排長龍就打消念頭。今次趁疫情去碰運氣，六點九左右去到，不用排隊直入，店內只有3-4枱客。打開menu,一個壽司套餐三百元樓下，比日本貴7成，係日本過江龍來到香港嘅通病，故並非不可接受，最重要係食物質素保持到。叫左特選同特上套餐各一客，等左10mins先上特上套餐。第二份特選套餐要等多15mins才上枱，算係上餐上得慢，但因餐廳本身唔爆，冇交枱壓力，我們覺得還好。整體來講，食物質素以價錢來講係不錯。壽司飯有陣淡淡嘅煙薰味，呢個幾特別。魚生部份都尚算新鮮。要係香港食到與日本一樣新鮮嘅魚生，基本上唔會係呢個價錢。人均二百幾三百元，接近元氣價錢，但就食到比元氣質素高嘅壽司同services，我都收貨。但又未至於會好有驚喜，久唔久食一次係ok。

當想念日本時我就會到美登利解解渴🤤其實環境材料各樣都跟日本差不多價錢又可以接受，最主要是真心好味呀❤吞拿魚set每一舊都超級肥美，入口即融，有很香的魚油齒夾留香🤤不誇張，真的是入口即融❤另外如果不想全部是吞拿魚三文魚，其實都有其他選擇一個甚麼都有一件的set是選擇困難症的最佳選擇蝦很鮮甜，海膽超香沒有怪味我個人認為一個set比起單碟嗌更好因為大致上想吃的都有，不過會很飽囉😂😂😂睇返啲相都好想再去多次

呢間餐廳係日本有「高 CP 值壽司店」嘅美譽，從不同產地嚴選新鮮嘅時令食材，海產均由日本豐洲市場直送，又選用山形縣飯粒同瀨戶內紫菜。店內全部壽司即叫即做，大家可以坐係吧檯位近距離觀賞師傅細心地準備食材，顯現精細刀功同捏塑技巧。💗貝類盛合($248)拼盤包括有帶子、赤貝、北寄貝、海螺、赤貝裙邊、象拔蚌等共8款🦪由於係貝殻類海產，大部份都係爽口彈牙有嚼頭。帶子肥美又厚身，肉質爽甜唔腥。活北寄貝同活赤貝都係原隻上，前者爽口，後者海鮮味較重。而悲傷小姐認為最出色係赤貝、海螺同象拔蚌👍🏼💗鰻魚壽司($78)鰻魚足足有27cm長，壽司飯立刻變迷你。用咗濃郁嘅醬汁燒成，有甜醬油嘅風味，非常惹味可口。肉質軟綿帶少少炭燒香，完全無泥味，不過尾部位置就偏多軟身細骨🧐💗瀨尿蝦($20)呢款係最失色嘅一款，蝦肉好似白烚咁乜味都冇，鮮甜味係零，食落有d霉同埋有腥味，超級失色🤢💗鰈魚裙邊($25)半透明嘅魚肉食落甘甜，完全冇魚腥味，由於裙邊屬於活動量較多嘅部位，富有彈性。呢款肉質唔係以油脂做賣點，但都有魚油香，悲傷小姐最鐘意彈牙嘅口感🐟💗特級玉子壽司($35)玉子係厚切，份量巨型，玉子足足係壽司飯嘅4倍😱不過，味

星期六睇完早場食午餐，等左二十分鐘左右得Bar枱有位，見地下有個籃可以放袋，又可以望住佢地整壽司，所以都照入。我地叫左個三文魚Set，有三文魚腩，有火炙燒，又有魚蓉，又有魚子，岩哂我地。幾新鮮，唔錯呀～我見好多枱都有叫，都幾抵食。鰻魚卷物幾有驚喜，芝士熟蝦正正常常，玉子幾厚幾甜。另外仲叫左個梅子紫蘇手卷，未試過睇個名好似幾特別，不過太鹹，唔鐘意。食完呢堆覺得唔係好夠，追加多一件，但等左好耐。呢度出菜比平時既慢，所以如果大家要加單既記住早啲落單。

個日同朋友聚會，沙田都近大家，一直想試呢間，但未搵到機會，咁啱大家都想食日本菜就黎左。大概7點到等位，10幾張枱，7點半左右就入座，都算快。首先叫咗個特選壽司盛，同埋灸燒壽司盛。玉子係超好食😋，呑拿魚出色，無筋其他都好新鮮平成卷$48真係好好食，性價比高有三文魚子，海膽同呑拿魚蓉，超正唔會因爲平就比好少料你，相反好多好滿足。呢個真係必食推介！！仲嗌左半份牛油果沙津👍🏻👍🏻最後想食少少熱野，嗌左個烏冬添🤭🤭埋單都係6百幾唔貴喎，服務好，值得食會再encore阿😋😋😋

想食專業d嘅壽司，所以試下呢間，七點幾去到已經要排隊，以為算早，點知都已經要等三十張枱，因為太想食，所以最後都決定繼續等。最後八點半終於可以食到。由於大家都鍾意食吞拿魚，所以就叫左一個極試吞拿魚盛盒 （$275）鐘意食吞拿魚嘅人，呢個真係唔錯吞拿魚夠新鮮。但惟一我個人認為無咁好嘅係，壽司飯已經乾乾地，可能傅整時太忙碌，黎唔切用毛巾蓋左壽司飯。而其他壽司都唔錯，係新鮮但飯嘅問題都係一樣，令整體有少少失色。最後叫左一個赤貝，呢個其實唔錯。題外話，全間鋪都係以男性壽司師傅為主，而且侍應都係男性，值得一讚嘅係衛生保持得好好

食一次就非常夠啦。有好多枱食完，唔夠服務員去清潔。終於排左一個鐘有檯， 叫完野食，等左好內，壽司到，賣相😰😰魚生好乾身，從來未見過海膽賣相咁差，食物味道很淡，追加要等30分鐘，魚生都係咁乾！從來要叫先加茶。豉油非常淡，芥末肥得非常少。服務員游來游去都唔知做緊乜嘢嘅。壽司師傅速度極慢簡直係蝸速。趕時間嘅朋友仔就千祈唔好嚟啦。埋單都要等10分鐘。服務非常一般，以服務界來講就係等於零。一句講晒,唔係一次就好夠皮啦。

新1年的第1個上班日Lunch1行6人去左食個豐富壽司set下晝2點幾去到，呢個時間唔駛排隊👍🏻點左個$138 lunch set，一人前手握壽司盛合🍣個餐已包碗麵豉湯同茶蒸碗麵豉湯幾好飲，味道無咁咸，同平時出面飲開既有少許唔同😋等左大約10分鐘 主菜到🍴一人前壽司有14件壽司其中有6件係迷你壽司對於食量少既人黎講，食到1半已經開始飽整體上全部壽司都新鮮，d飯仲有少少暖呢個價錢絕對係超高性價比👍🏻豐富又滿足的午餐🥰

相約朋友晚飯，他提議來這裡食壽司早已聽過美登利，但一直都沒特意來沙田這邊試試～～今晚終於可以一嚐平日晚上大概8:15pm左右到達等位等了半小時才有位～～交給朋友發板，散叫了一些壽司三文魚﹑吞拿魚腩及油甘魚壽司的新鮮度不錯不過油甘魚的魚油味不夠香～～唯一有encore的是鰈魚裙邊，質感爽脆，油脂豐富美味～～～另外還點了鹽潰檸檬手握壽司盛合及梅子紫蘇細卷盛合$90有四款，試了兩款帆立貝幾厚身大隻，夠鮮味，不會被鹽潰檸檬味所掩蓋～～梅子紫蘇細卷的梅子和紫蘇味幾濃～～來這裡食壽司，最讚的是刺身大過舊飯刺身的新鮮度尚可～～座位寬敞舒適但價錢略貴我倆點的食物不算好多，埋單都接近$400

星期日做冬是傳統吧，一班親朋圍住聚舊聚餐，老實說那時外出吃飯我都不抱期望，正所謂「被宰的時間到了」，好少大時大節會有什麼好東西吃，不是因為材料不夠矜貴不夠優質，是廚房都忙翻，哪有時間份份煮得細緻，儘管是心水餐廳，「圍餐」都只是「Ok餐」，為免浪費Quota, 我先到酒樓附近餐廳墊墊底，免得一陣餓著被迫吃那些圍餐。結果選了那間，新開的日本過江龍，貪佢清清地唔會太飽肚。點了幾款重口味兼新口味壽司🍣及少量沙律湯品。不論在日本/香港，我都喝碗麵豉湯，今次叫的是有蜆的赤麵豉湯，濃而鮮味，最好的地方是夠熱，超溫暖的感覺。之後我的壽司就逐件逐件來，先來烤吞拿鮮魚筋軍艦及明太子軍艦。炙烤過的吞拿魚筋比赤身更多一份甘香，炭烤後魚油滲透入飯粒，價錢更廉宜但滋味更多十分。然後到明太子壽司，一如既往的微辣惹味，正合我口味，很喜歡其軍艦的紫菜都是新鮮脆身的。然後到小肌，在日本那是廉價的魚類（鰶魚），肉質較結實，經過醋醃而變鮮美，可是不是每個地方都好吃，普遍都易有魚腥味。這裡不錯唷，小肌及飯捏得剛好，軟熟的飯粒中帶有清爽味道、肉質挺身的魚肉，好吃😋最後是到白子軍艦，其實那是鱈魚的精子，雖然日本不乏於此食材，但香港

美登利登陸咗沙田，試試佢地超級豐富嘅lunch set😬▪️特盛手握壽司盛合▪️$188Lunch time好多人，我地嗌完，唔夠5分鐘就上咗一個set，但係第二個就等咗差唔多廿分鐘先上到野食🥺見住d師傅不停密密手咁整，但係都有部分乾咗水，八爪魚同魷魚乾得比較厲害😕但係都有好鍾意嘅，好似牡丹蝦同白身魚都係我嘅最愛。不得不提，件件壽司嘅刺身都大大件，好抵食，而且質量都係好好，起碼係新鮮😋😋😋

朋友話日本店好食好多, 香港店就普普通通仲要排一輪隊先食到... 琴日行完山5點幾到沙田, 唔使等即入就試試佢啦~啱啱坐低得4,5 枱客, 諗住應該好快有野食啦, 點知落左單10分鐘倒, 一個連壽司名都記唔到既哥哥仔過泥同我地講有兩款壽司暫時未有, 試唔到想試既白象拔蚌裙邊壽司, 就再睇下加其他啦...朋友見個平成卷手卷唔錯想試, 問個頭髮長到落腰既姐姐係寫另一張紙加單定寫同一紙定？佢冷漠咁應左一句同一張, 之後轉身走😐再等多8分鐘倒先得出左2件炙燒三文魚腩壽司🍣跟住出面有人等位, 唔知呢度既文化係咪慢活呢？除左野食出得慢, 叫枱都隔5分鐘倒先叫1次（喺無野食既情況下, 唔關自己事都會八卦下😂）喺呢時候鮟鱇魚肝到喇, 之前無食過幻想係食到成口魚油, 點知原來係伏😰中伏後加單既平成卷遲泥先上岸, 個手卷整體唔錯, 食完個人定返好多~之後蟹肉蟹羔沙灘同其他壽司都到齊喇, 果款壽司無咩特別唔講喇... 反而沙律有驚喜, 嚴格泥講佢唔係一個沙律🥗, 係蟹肉蟹羔加沙律醬, 本身餐牌影出泥仲有紫生菜, 不過實際俾左條唐生菜薦底, 圖片只供參考, 明既😉 心諗唔通又係伏？哈, 蟹羔好甘香, 蟹羔蟹肉