梅丘壽司の美登利総本店 (雅蘭中心) (已結業)

朋友們來這里回憶一下日本的感覺，日本好多人排隊架！下午茶時間來到，當然直入。入門嗅到一股日本味道，是日本菜和壽司🍣味道。 我們三人下午茶，吹吹水。整體壽司質素唔錯，飯的軟熟程度和本地連鎖店很不一樣。山葵是新鮮磨的，食太多也不會流眼淚💧，新鮮山葵好味。日式茶碗蒸茶碗蒸可以不食像住家的水蛋一樣吞拿魚蓉細卷要食呀！平常很少機會食到賣相吸引吞拿蓉好美味！三色三文魚🍣壽司三文魚特長好吃！另有其他壽司盛可選擇。

同事說｛美登利｝是日本有名，性價比高的壽司店，今天剛好經過旺角，就一起去試🤗-📛特級香蔥吞拿魚腩卷｜$85Menu有不少Set或者是丼的款式，都大推吞拿魚。雖然內子並非吞拿魚忠粉，但就點一個卷物試試。賣相很可愛，卷上方的魚蓉有淡淡的油脂，應該是腩的部份。而卷中央的肉質挺實，食下去沒什麼魚香。咬一口，發現中間的其實是吞拿魚粒，向好的想，就是比較好咬開飯團，不然呢...-值得一讚是飯的部份，他們家的飯很黏，比平常食到的壽司飯都要酸和甜，實在有些壽司款式，是飯比刺身好食！-📛特級玉子壽司｜$35如果我是店家，會為它取名玉子坦克。份量巨型，根本就是小吃size，不過，味道平平，太甜。-📛火炙魚鰭肉壽司｜$28樣子普普，但食下去，油脂瞬間充滿口腔🤗-📛大赤海老壽司｜$25 這個要毀掉舌頭的蝦... 蝦膏很腥，很腥，很腥，也很臭，很臭，很臭...肉質還像一口痰，海老在舌頭的味陰魂不散，還有很「拿」的感覺，我只好狂吃薑片.... 還請店員幫我換掉碟子😵拜託...-

之前已經好想試但係熱潮關係 ,太多人等位喇今次機緣巧合 行過竟然無乜人等位即刻決定入去一試坐低見menu 中既 極上吞拿魚盛盒比單點抵食叫左一客試下呢個set 有齊吞拿魚赤身、極上吞拿魚腩、香葱吞拿魚腩，入口即溶

尋日去食期待已久嘅梅丘壽司の美登利。之前聽講要排好耐隊，但今日好好彩只係排咗一陣，好快就有位我點咗個美登利-特選壽司盛合我最喜歡食日本料理嘅其中一個原因就係：日本料理的擺盤好靚，好有心思壽司件件都好大件、好吸睛。每款一件，啱晒貪心嘅我海鰻壽司大大件，啖啖肉，yummy牡丹蝦壽司同帆立貝壽司好新鮮海膽軍艦好新鮮，帶有少少鮮甜美。香港好多壽司舖的海膽唔夠新鮮都會有少少苦味，呢件壽司一啲都唔吞拿魚蓉手卷也是我的喜愛至一，正😍整體黎講，味道真的不錯，但點貴，性價比不高

進入生日月份，盡情放縱地吃😍喜歡吃日本料理既我最近日日都食日本野😝今晚終於試到係日本涉谷排晒長龍既梅丘壽司美登利總本店其實入去之前唔知係呢間😆朋友約，我就到，食左幾件覺得好正好奇望下個名先知😆😆原來美登利開業40年，係老字號上年先登陸香港，傻更更入左去食都唔知😝唔怪得咁鬼正，第一舊放落口我已經諗起築地市場，好掛住日本一開波緊係點至愛「香蔥吞拿魚腩軍艦」同「海膽軍艦」，本身其實有兩款「極上海膽」來自日本「海膽軍艦」來自加拿大，真的新鮮但不鮮甜真的，有分別～～～～～～同日本好唔同，下次都係食返「極上海膽」呢度所有壽司即叫即握但價錢又唔算太貴喎～呢個價錢食到日本既味道，值呀～兩個人食左五百幾喜歡食蝦既我二話不說點了「海老三貫」大赤海老壽司真係超級正😍😍😍海老質感軟糯黏口新鮮、爽口、鮮甜，就好似上一秒還在跳動一樣其中一件熟蝦卻沒什麼特別「火灸帶子」也是必吃的沒有雪藏味，肉質軟嫩，鮮甜可口「特選壽司🍣盛合」這個也是足以填飽肚仔讓人帶著滿足感回家必吃有吞拿魚由獨家供應商來貨，赤身、中拖羅同大拖羅，件件份量十足魚生長過壽司飯，大拖羅睇得出油脂紋理，入口魚味濃郁，魚油甘香。令人回味元祖原條穴子壽司足有

忙碌了一整個五月...撞上星期五當然唔可能代薄自己！早前有幸得知開左一間日本壽司店！當然要親身去試下！今次好好彩地唔算太多人等位...當時約1930食飯黃金時間由於一人關係..多數會按排座bar 台！最近師傅的台....裝修唔錯！但也只是一間香港的日本餐廳！暫宜感覺不上日本風味每個台上也放左佢地的餐牌及有落單紙！可以試客人慢慢選擇或同朋友商量好才下單！一來唔怕叫錯..二來也唔太員工會入錯單或留單宜產生不必要的誤會或爭拗。我點左三文魚、極上吞拿魚腩、三文魚沙律、火炙帶子及柚子梳打燒酎。壽司也好快手地上到！非常大件....吞拿魚腩好有驚起...另我回想在日本築地市場食的感覺😍😍😍相比下....三文魚就一般啦由於唔知點解我並沒有熱茶關係.所以我叫左杯柚子梳打燒酎...一樣正😍在香港真係要去到居酒屋先飲到！呢間唔錯三文魚沙津也另我起出望外的另一碟菜式😍我唔識點形容！沙津醬的味唔係好濃所以沒搶到食材的本味！但我食得出有個咸咸地的味道..唔個係咪黎自d 油呢？最後另我最唔關開心的就是...火炙的帶子最終都無出現都...追左一之單...等左10分鐘也未炙好...只好放棄最後總結...只是一間有日本外

今日星期五收早，6:30pm 就到咗餐廳，唔洗排隊。見到遲少少就已經好多人啦，大家唔想排隊就早啲黎啦。 由日本食到黎香港，睇吓香港間店有無咁高質先大吞拿魚腩 📍 $48睇唔睇到個魚腩幾大條呀? 基本上所有刺身都大到睇唔到下面舊飯架! 吞拿魚腩 🍣 真係好新鮮，油脂分布好平均，入口好似溶咗咁呀三文魚 📍 $18只係普通三文魚都好肥美架帶子 📍 $25平時好驚啲帶子有陣腥味，不過呢到一啲腥味都無呀活赤貝 📍 $75之前只係係Omasake 食過活赤貝，估唔到呢到都有。不過omasake 可以睇佢拍一拍，郁一郁，個種新鮮同呢到無得比海膽 📍 $48今次我地無叫到極上海膽，不過普通海膽都幾好食喎。😝 好似抵食過極上海膽牡丹蝦 📍 $48超大隻 😱 仲好多蝦膏添呀加州卷 📍 $70好耐無食加州卷啦! 好足料，好大件，😋 食到好飽啦 係日本，佢就出名抵食。又高質，又唔貴，不過黎到香港就真係貴咗好多 💸 埋單要成$4xx/ 位。都係等大家嘢慶祝先黎食啦

之前有個朋友去咗東京既美登利食，評價都唔錯，話新鮮又抵食，係咁推薦我去食。咁啱知道佢哋香港開分店，而且又撞正老公生日，於是就一於試試佢。我哋係星期六嘅夜晚時間去到，入邊都有好多吉枱，好快已經可以入去坐底。店鋪裝修十分日式，而且都企理乾淨。一坐低見隔離兩台都有嗌呢個蟹肉蟹膏沙律，於是我又叫一客做前菜。的確啖啖蟹肉，不過有點偏鹹。海膽壽司亦都好鮮甜，連我呢啲好怕海膽腥味嘅人都覺得好食最有驚喜係呢一款大吞拿魚腩壽司，大大件件而且超級肥美，油脂比例剛剛好。真心未試過喺香港食咁好食嘅吞拿魚壽司（太好食所以食完一客再encore）玉子壽司就不過不失。另外仲試咗活北寄貝同活赤貝壽司，原隻上~~~前者爽口，後者味道十分濃郁，兩款都值得一試總括來講，呢間嘅性價比都好高，最緊要係食材好新鮮，不過似乎店面人手不足，舉手落單都等左啲時間。

呢間新宿壽司名店曾經比好多朋友推介我去食，但無論係東京定香港，一直都冇機會試，呢日竟然係男朋友指定要食呢間，位置係雅蘭中心，交通夠晒方便。裝修光猛，感覺舒服，凳底會有籃比我地放低D袋呀外套咁。但洗手間係用商場既，排隊時間非常之耐，可能係多食肆既關係啦。壽司會夾埋一齊上碟，睇落好豐富而魚生比起平時見到既長，好滿足!大拖羅有成隻碟禁長，油脂分佈平均，好好食!玉子燒真係不得了係原PAN上，加埋舊飯就知幾大舊不得不提係靈魂所在既WASABI, 呢度係真WASABI磨出尼，唔係WASABI 膏帶子燒燒得嫩，但個汁食落有少少鹹。總括尼講，所有魚生都超新鮮，不過佢地真係主打壽司，熟食欠奉，如果係特登搵壽司食，尼呢度啦唔洗諗。

慶祝啱啱考完試，今次去食期待已久的梅丘壽司の美登利，之前聽講會好多人排隊，不過今日去到竟然唔使等位，唔通？之前日本都冇機會食到，因為其實我好少去東京今次叫咗個美登利名物-壽司拼盤+散叫幾件壽司🍣首先大大件壽司好吸睛，大部份識嘅魚生都好新鮮，不過好似比日本正宗嘅壽司薄少少，感覺上好似拉長左咁大致上感覺良好，味道都好好味，仲要係啲感覺到啲飯暖暖地，魚生凍凍地，感覺好新鮮唯獨啲服務員，好似比較MK整體上好滿意，起碼可以喺香港食到有少少築地市場味道

今日同朋友去左旺角嘅分店，打算試吓香港嘅美登利壽司。相信去過日本嘅人都知道，日本嘅美登利成日都排晒長龍，我哋大概等左四至五張枱(2個人/晚市)，唔可以即日book位，要早至少一日book位。極上海膽壽司🍣味道係唔錯嘅，但未去到好甘香，$88一件其實唔太值。三文魚愛好者一定要食，可以試到唔同整法嘅三文魚，最鍾意就係飯同三文魚嘅比例，飯唔會好多。覺得以後幾好食，口感爽口，味道新鮮。特選壽司盛合，可以試到唔同嘅壽司。入邊都有個海膽壽司，雖然無極上海膽壽司咁好食，但味道都唔錯，佢冇咁濃味，係淡嘅海膽味。另外呢個盛合入邊都有牡丹蝦壽司，同埋鰻魚壽司等，手卷係吞拿魚。整體來講，味道唔錯，可以食到嘅款式都叫多，唯一不足之處就係手卷同軍艦嘅紫菜好冧。總體嚟講，味道唔夠日本店好食，而且價錢都貴一倍，但味道比板長好。另外，牛油果海鮮沙律一定要食，性價比十分高，入面嘅刺身仲多個沙律菜，而且有唔同款嘅刺身可以食到。

琴晚女朋友收工話想食壽司，就一齊食下美登利。等咗大概30分鐘先有得食，已放工超級肚餓黎講已經係折磨！-‼️千祈唔好食香港美登利‼️‼️完全無日本質素‼️‼️你一定會後悔自己貼錢買難受‼️-呢間嘢食又唔掂，服務又唔掂，漏單問題嚴重，一開始漏落赤紅卷。本身仲叫左個蟹膏沙律，食到尾都無黎，唉取消左佢算，反正都已經食到好失望。👎🏾-打住美登利旗號，食物咁垃圾，真係好遺憾，一定唔會再黎，會叫啲朋友都唔好試，真係試都唔值得試！！！失望！！👎🏾平成卷手卷（每人叫左一份）👉🏾有三文魚籽、吞拿魚、海膽👉🏾份量都足嘅，不過刺身唔太鮮味大吞拿魚腩壽司👉🏾呢隻係最貴嗰隻吞拿魚👉🏾之前食過午市吞拿魚丼都好食，呢舊都幾好特選壽司盛合👉🏾我地諗住呢個係佢地主打嘅其中一款實無死，點知......👉🏾其實真係好失望，可以話係無一件好食，完全唔鮮味，收咁貴都咁垃圾....赤紅卷👉🏾三文魚籽下面嘅係熟嘅三文魚卷👉🏾真係唔好食....塞飽個肚算

知道呢間係香港開左 就去潮聖下 因為好鐘意食日本菜 黎到就叫左個三文魚壽司 同蛋壽司 三文魚都新鮮既 蛋就麻麻地 始終都唔夠係日本食咁好味 同埋排隊等位都等好耐大概一小時多 價錢方面都偏貴

話說係旺角開完會, 順便不如又去美登利食返個一人lunch..上次已經嚟過一次, 今次係第二次嚟, 上次要等一陣, 今日唔使等位, 好似熱潮有點減退Lunch set menu選擇不多, 決定一於試吓佢呢個極上吞拿魚丼, 丼飯好大碗, 眼見應該有10多塊吞拿魚刺身在飯上面, 貌相唔錯, 吞拿魚肉質尚算新鮮, 食落口簡直有點茹毛飲血嘅感覺吞拿魚種類有赤身, 中拖羅和大拖羅加角切吞拿, 以上各種吞拿大部分都帶根, 沒有入口溶化的感覺跟餐仲有跟麵豉湯和日式蒸蛋一碗$198 再加一有咁多塊吞拿魚係抵食到爛, 應該啱鍾意食吞拿魚嘅你

今日放咗半日假 ,嚟到呢度食lunch ，之前都試過晚餐， 雖然比日本貴啲，但係都好好食 ，尤其係吞拿魚，所以今次試下個吞拿魚丼。分量都幾大，有2大片大拖，2大片中拖，2大片赤身，吞拿魚蓉同角切吞拿魚， 6片大大片魚生，一定要用大大片嚟形容，因為真係要分三啖先食得曬，赤身濃味，中拖有齊魚味同埋魚油香味 ，係最好味，至於大拖 ，十分對版 ，冇筋之餘魚油香十足，質素高，不過碗飯太大，我嗰時已經食得好飽，覺得滯咗啲( 純粹個人食量問題)，好正。至於蒸蛋， 質感係比較硬嘅一種， 唔會一篤就散，仲有有好濃嘅蛋香，食到落碗底有一小片帶子同埋一隻小蝦所以個茶碗蒸好有海鮮味，高質。 至於麵豉湯，應該係紅麵豉溝白麵豉，唔係好咸。總括嚟講，呢個價錢呢個質素絕對食得過， 因為普通一個吞拿魚飯都要200蚊以上， lunch計埋加一都唔洗220算係幾抵。