桻之燒 (已結業)

連場暴雨加Blue Monday，不食點好西都對不起自己。今次來到處處美食的東大街，走進此燒物店進食。雖然雨下得很大，但小店都幾乎坐滿食客。看著牆上的餐牌，真的食指大動😋愛山純米吟釀雖然空肚喝酒有點不好，但忍不住先來一口！wow，好香醇！香氣很温和，很容易入口。既然酒已準備好，就來吃佐酒物吧。三點漬物盛 ($88)先來點漬物開胃，分別有醃過的牛蒡，三文魚的鼻，還有凍食秋葵。牛蒡和酸meimei的秋葵夠曬爽口，而三文魚鼻都是第一次吃，原來是很膠質感覺，有用酸姜辟走腥味，嚼著嚼著又幾過癮，配酒吃就更一流啦。法式鮮蟹肉虎蝦烤多士 ($78)單是賣相已經夠奪目，底部的多士很脆口，面頭的千島沙律醬混和蟹肉，再加上彈牙虎蝦肉，creamy又甜，又有咬口，完全是味覺享受！香燒脆皮豆腐 ($32)真的做到外脆內軟滑，連木魚絲一同品嚐，挺有日本風味呢。鹽燒鮮雞皮 ($28)平時很怕雞皮肥膩，但經燒烤過之後又幾爽口，去除了油膩感，最適合當下酒物。招牌汁燒鮮蠔飯糰 ($68)招牌果然是招牌！今餐最滿意的美食，廣島蠔很鮮嫩，入口融化，而不鬆散的飯糰外層微微焦的味道，連帶香脆的紫菜，實在太滋味啦！香燒手打燒墨魚

東大街Lunch搵食好艱難, 雖然好食嘅餐廳都多, 不過客人更多。今日我地好好彩打電話book到呢間兩個月都冇食過嘅桻之燒, 又可以食到呢度Lunch好好味嘅紫薯蓉。😋桻之燒好細間, 最多只容納到20幾人, 所以Lunch都好難book到位。今日桻之Roll係茄汁煙鴨胸, 唔係我杯☕, 所以我揀左羊扒。餐包一人一件, 蒜香味濃又夠香脆。是日餐湯係雜菜湯, 酸度適中, 材料都豐富。午餐羊架份量都ok, 賣相都好吸引。唔會過熟, 肉質好鮮嫩。配黑椒汁同芥辣食, Lunch可以平食羊架, 好幸福。😋同事食嘅豬柳味道可以, 不過肉質比較乾。是日桻之Roll, 茄汁煙鴨胸。食飽飽又落大雨。

筲箕灣東大街食店多的是~唔驚揾唔到野食！但真係好食既又有幾多野呢？？今次食左呢間桻之燒覺得幾唔錯！我地叫左枝最有名既日本酒十四代，味道清淳甘香好飲！你一杯我一杯咁飲~相當享受。農場新鮮頂鴿皇，燒到乳鴿皮又香又脆，再用豉油調味！肉汁四濺very juicy齒頰留香。磯燒雞泡魚乾燒到微微焦香更加惹味，本身已有蜜糖作為調味！已經非常入味！三點漬物盛~分別為秋葵，牛腩根，瑩光魷魚！呢款真係必點！！3樣都好好食瑩火魷魚鮮味十足，配上底層既洋葱口感十足，牛根腩牛味香濃入味！汁燒鮮蠔飯糰~幾獨特既菜式！！蠔味煮到剛好唔乾身再融入汁醬既味道！薄脆既紫菜~好味呢！

早幾個星期，睇馬家開飯，隔住個電視都已經覺得好食，所以即刻book 檯，帶埋屋人黎食。店子少少，由兩公婆主理，所以service 上相對慢，要放緩大家心急食野嘅情緒。我地好貪心，咩都叫啲: 黑豚六花腩 - 五花腩就聽得多，六花腩即係比五花腩多一層。我無深究佢係咪真係多一層啦～ 豚肉同脂肪比例平均，又燒到質感爽脆，配埋黑椒調味，係完美。安格斯牛小排 - 真名應該叫安格斯牛小粒，佢切到細粒，又串埋葱頭同蕃茄仔。牛小粒味道唔錯，略嫌安格斯牛份量少。岩燒白鱔 - 食串燒，識食緊係食燒白鱔。最基本緊係燒到皮脆啦，呢度連白肉嘅部分都外脆內嫩，加左少少鹽同檸檬汁吊味，諗起都流口水。香燒頂鴿 - 其實個人對乳鴿特別有情意結，但係以小店嘅規模，可以處理成酒樓燒味質素，真係不得不讚！雞皮蝦滑卷 - 呢款串燒係吸引我地黎嘅原因。少少脆嘅雞皮，包住蝦滑。蝦滑嘅鮮味，仲有似牛肉球嘅口感，因為佢加左馬蒂。好新鮮嘅配搭，果然無令我地失望。燒雞軟骨 - 平常喺串燒店食雞軟骨都係為叫而叫，但係呢度嘅燒雞軟骨你絕對唔可以 miss。因為呢度嘅雞軟骨係半肉半骨，燒得香口嘅軟骨，加埋少少醃過嘅雞肉，完全同坊間椒鹽燒係無得揮！

筲箕灣桻之燒位於東大街泊車十分之方便，當天也不用等候太耐的時間必試之選-太白醉農場頂鴿一落嚟先聞到一陣好香嘅酒味，咬落去滑滑溜，酒味濃郁，當晚最搶手是它同場特別料理-蒲燒鰻魚飯團在日本料理店飯團並不算特別，但係這一間的燒鰻魚飯團是我是吃過的最好食嘅一間，醬汁惹味香濃配上脆脆的紫菜令人回味冇窮同場特別料理-清酒煮日本沙白平常在日本料理店吃到的是賣到爛市既清酒煮蜆,又或者是清酒煮花甲,但是在呢到吃到既竟然是大大隻的沙白，真係十分之特別，沙白的味道比蜆肉的鮮味更加濃郁令人回味無窮的一間串燒店

不少外來文化也有熱潮與低潮,快餐如是,團購亦如是。不過日本料理卻一直長青,原因除了深受日本文化影響之外,亦與食材及口味有直接關係。除了魚生及壽司之外,最欣賞的日本料理就是燒の物了。最近在筲箕灣東大街遇上了一間日式串燒店,門面光猛潔淨。雖然座位不多,但是平日晚上八時後座無虛席,非常受街坊歡迎。牆上貼滿了各式串燒的名字及價錢,花多眼亂,也不知如何入手。手忙腳亂之間,竟然發現有個二人餐,好像也不錯。二人餐包括了兩杯飲品,一冷一熱各取所需。因為覺得吃串燒會熱氣,就點了菠蘿乳酸梳打。咖喱先生就點了熱的金桔話梅蜜,喜歡它酸酸甜甜的感覺,而且生津解渴。菠蘿乳酸梳打所使用的是濃縮糖漿再加蘇打水,因此要把它攪勻,才會呈現黃色。一口生蠔採用西式生蠔做法,生蠔上放置大洋蔥及香草,再配上青檸汁,帶來清新的感覺。生蠔放在小玻璃杯內,一口一件,方便食用。生蠔非常新鮮嫩滑,沒有帶強烈的腥味,屬於 Creamy 的品種。即使甚少吃生蠔的人也容易接受。非一般的法式鮮蟹肉老虎蝦烤多士。多士上有兩大隻老虎蝦,和中式的蝦膠釀西多士,完全是兩回事。新鮮爽脆的老虎蝦和多士的香酥味,形成了強烈的對比。多士充滿香濃的牛油味,在口腔內

 今日放咗工同朋友嚟到筲箕灣東大街覓食 作為港島就知 東大街係港島區其中幾條間出名既食街黎架啦 呢度啲食肆好多選擇咁算啦朋友到咗去咗呢間日本嘅居酒屋食串燒 望一望餐牌都有好多款選擇 海鮮啦牛肉 亦都有二人套餐 咁我同朋友望一望左餐牌都覺得唔係太大興趣所以最尾就單叫食物了 我哋叫咗岩燒大連鮑魚 $48蒜香燒聖子王 $68芝士菠菜+煙肉洋蔥焗蠔 $48x2 岩燒白鱔$68香燒安格斯牛仔骨 $58蒲燒鰻魚飯團 $48水蜜桃乳酸梳打$28荔枝乳酸梳打$28鮑魚同聖子都好鮮味 經微微烤香過後再配合埋蒜蓉蔥惹味非常另外兩隻蠔用上菠菜煙肉焗好香口而且蠔亦好新鮮呢個燒白鱔係最值得推介！魚身咬一口厚身彈牙 再加上外皮被烤得超香脆 脆皮再夾埋啖啖肉口感超滿足至於牛仔骨肉烤過後好惹味 肉身保持稔身亦唔會好靭提得一試最後再試埋呢個蒲燒鰻魚飯團 飯團外圍係飯焦 再加埋鰻魚包住一齊食 好有口感 而鰻魚亦肥厚無碎骨 又一出色作品

之前經常都去東大街食野，無去一排，多左好多新既餐廳，既然咁耐無黎東大街，咁就梗係要幫襯下新餐廳啦桻之燒一睇就知係食燒物燒元貝+岩燒大連鮑魚新鮮燒，所以都需要d時間元貝相信燒得耐左少少，所以有少少韌，但真係好鮮味而且好香牛油味，特別香大連鮑魚，燒既時間控制得好好，好軟腍燒車厘茄My favourite, 好juicy蒲燒鰻魚飯團呢個出面真係好少食到，原來係超好味而家諗起都仲想食鹽燒盲鰽粗鹽撒係魚皮度燒，撇開魚皮，食雪白既魚肉超滑，肉質更不錯燒既水準好青蘋果乳酸梳打+水蜜桃乳酸梳打

去到東大街食飯，揸車去唔怕冇位泊，有個時租停車場平日都係$15個鐘，都化算喎。見到間小店以日式串燒為主既桻之燒，雖然座位唔算好多，8:00入坐，好在唔洗等，剛好有位。可以先唔看餐牌，齋看牆上掛著的幾十款木牌，已知點咩食，見到每枱必叫乳鴿，我平時最愛醉雞，所以期待佢著名既太白鮮農場醉頂級乳鴿$158，都算大隻，唔只一開四咁少。店員一放下已聞到好大陣酒香味，滲晒入乳鴿，好香醇味道，肉質較實肉，唔會太淋。 再叫了海鮮, 蒜香燒原隻象拔蚌＄88兩隻一碟, 好多汁，蒜蓉香味夠濃，仲有叫了甲羅燒，滿滿蟹肉撈埋青瓜絲蟹籽，唔會太咸味。叫了二人套餐$468，有齊我地心儀菜色，先來前菜"一口蠔", 新鮮生蠔，加入蕃茄碎一齊食，好鮮味，個shooter 杯夠別緻。第二味係超大片既磯燒雞泡魚干，面層焦香，濃郁既蜜汁漿口，咬下厚片有口感，香甜。 選了清酒日本沙白, 外形好似蜆咁，好大隻，有成十幾隻。湯汁有陣陣酒香，清甜浸住蜆肉啖啖都係蜆汁。再來既係汁燒雞脾菇, 一串三塊，唔會燒濃，醬汁味帶出菇味。同時間上既係美國安格斯牛小排串, 最愛燒牛肉粒，仲要係Angus beef ,好香牛味，唔會好油膩，串埋車厘茄同大

平時愛到東大街食魚蛋粉或大熱豬扒麵食, 但經過時成日都想試吓周圍的餐廳, 今次選了桻之燒, 雖然小店格局, 但簡單裝潢, 牆上貼滿清酒招紙份外有日本風格, 店員介紹牆上掛著幾十款都係日式燒食推介的木牌，我主要看橙色字木牌, 熱賣嘛, 先叫了馳名的太白鮮農場醉頂級乳鴿$158，切件上, 雖然四人食, 一細件都夠食,  再叫了海鮮, 蒜香燒原隻象拔蚌＄88兩隻, 煙韌鮮甜，叫了4隻。還有肉包露荀卷，清新，選的二人套餐$468先來的是前菜"一口蠔", 小酒杯賣相的骰, 用了蕃茄碎撈埋一齊食，蠔大隻肥美，磯燒雞泡魚干夠晒鮮甜,  多汁, 燒香帶焦香味,清酒日本沙白, 超大隻, 厚肉, 好似湯包住, 一大碗湯, 連湯都可以飲埋, 蜆汁爆出, 蔬菜類叫了汁燒雞脾菇, 大大件可以切開四人分;  肉類, 選了美國安格斯牛小排串, 有牛油香, 淋身, 還夾了大蔥燒香, 跟餐叫了花雕醉香雞翼, 雖然唔算重酒香味, 反而帶出蜜糖甜味, 當然唔夠喉, 咁少串燒,再散叫了鹽燒雞翼, 煎香脆口, 法式蟹多士, 鬆化, 蟹肉撈了沙律醬一齊食, 黑松露燒大啡菇意大利飯, 上枱已香噴噴, 超香濃, 啡菇唔會好乾身, 而

筲箕灣好多餐廳 因為東大街嘅關係都已經收得好貴依度同摩司有得揮 食物種類有少許分別始終呢度係算係日式西餐 想食下串燒 或者紫薯蓉的話可以來呢度不過好多時去到 會比個roll既價錢吸引最抵係roll 熱辣辣 通常都有芝士 好惹味 又配紫薯蓉 好味架 仲會有沙律菜不過自從有一次試過一款黑蒜雞肉忌廉意粉就愛上左 黑蒜酸酸的味道 配原本應該係平平無奇意粉 配搭很出色今日又叫 不過黑蒜好似 變左蒜頭？ 但係佢外邊又黑色既 係咪自家製失敗左？ 希望下一次黑蒜真係黑蒜啦 不過整體來講 雞柳有很多 意粉好咬口 都好味既其實都係超多人去 午餐一定要訂位70幾蚊一個餐 但係只係配普通熱飲凍飲/即磨咖啡要加＄4 仲有好多其他飲品要加更貴嘅價錢 不過湯就會跟蒜蓉包嘅 差唔多啦呢個蟹肉大蝦意大利飯 味道唔錯 偏貴

慶幸有你們在我身邊，我感到很幸福。從前的你們，從不講究在哪裏吃飯，吃飽就是了；從前的你們，更會取笑別人為何要相機食先，總認為吃東西應該趁熱吧。現在的你們，一看見食物上枱，會自然暫停與我對話，提醒我拿出電話，然後將食物放到我面前方便拍照；有時候有些餐廳燈光昏暗，你們還會幫我為食物打燈；更不時會提議到不同餐廳，盡力陪我試盡香港美食。今次又陪我走到筲箕灣東大街，知道我五月份壓力爆煲，決意陪我把酒作樂。今次來到桻之燒，店舖的大門左邊做了瓦磚牆壁，特意把過去小店的廣告專訪放上去，右邊大門用落地大玻璃，讓陽光微微滲入店內。走進餐廳面積雖然不算大，但也有十張二人餐枱，淺木色的桌子和座椅，令客人感覺舒服。而我最欣賞這間餐廳在牆上貼滿了各式各樣的日本清酒酒瓶貼紙印花，令特別鍾情於日本清酒的我，感到份外親切。看著牆上掛著幾十款日式燒食推介的木牌，花多眼亂，但被鄰座的乳鴿吸引住，店員介紹乳鴿有兩款口味，最後我們點了馳名的香燒農場鮮頂鴨＄98，鹽燒原條鎮店燒馬友＄248，蒜香燒原隻象拔蚌＄88兩隻，蒜香燒原隻有殼元貝＄118兩隻，還有一枝720ml黑龍＄880。先來一枝黑龍，店員先讓我們選擇酒杯，再用透明玻璃

係筲箕灣返工嘅朋友應該冇人未去過東大街食飯，因為呢邊食店好多, 而且價錢又唔貴，但係繁忙時間就真係太多人等位。其中桻之燒我地都算食得最多次，原因係呢間食店好食之餘仲可以訂位，唔駛驚去到仲要等一輪甚至冇得食。呢度LUNCH SET選擇都多，我最鐘意呢度嘅紫薯蓉，CREAMY但唔膩，羊架嘅熟度剛剛好，好JUICY，同事食嘅其他LUNCH SET佢地都好滿意