桔梗 (已結業)

由佢開果陣已經想試，然後去到而家我先有機會去食😆 諗住做個小文青，約左係呢度食晚餐，不過原來，晚餐既選擇比中午既少🤔 晚餐有套餐選擇，細看之下覺得心水想食既菜都不在套餐裡，所以選擇左散叫。兩個人叫左兩個主菜、一個小食、一碟甜品同兩杯飲品。 ..💛龍蝦干貝羅勒堅果燉飯 Lobster, Scallop, pesto and egg risotto龍蝦肉都幾鮮美，用羅勒製成既青醬飯好特別，加上燉煮方式，呢碟飯鎖住左肉汁，好juicy！ ..💛干貝燻鮮翠瓜奶油燉飯 Scallop, Salmon cream sauce and egg risotto喜歡白醬的人士不要錯過喔，好creamy，撈飯好好食。帶子大大粒，夠爽口。配埋翠肉瓜，好好味啊🤤 ..💛特製雞中翼 Fried Chicken wings呢碟本身無預期會叫，但一見到隔離枱上左呢道菜，真係忍唔住流口水想食！🤩 這裡有雞翼控嗎？🙋🏻‍♀️ 唔好睇少雞翼咁普通，一件好味既炸雞翼其實都好有難度，粉太厚唔好食，有d又會炸到皮肉分離咁，要知道肉要連少少皮先好味！結果，我地食到叉都唔用。直接用手拎泥食先爽皮！ ..💛百利甜酒朱古力 Bailey

戴住口罩的日子都要外出食下野掃掃霉氣！入到去心內嘩左一聲，間餐廳咁大間！仲要係位於繁忙的旺角區！ 檯與檯之間唔會有擠迫感！ 店內大部份都係自助形式，先由職員安排座位，之後睇完menu,就拎住檯牌出去order食物！ order完可以先自行拎餐具/水！之後就係等店員送上食物啦！食物質素不錯！ 餐具有特色！ 帶子意粉好食！ 龍蝦哥哥與我心目中味道有點出入，所以分數上稍微扣減一點！ 另外餐廳有二樓，但當日好似有function,所以未有參觀！

喺鬧市入面搵間坐得耐既餐廳 真係唔容易近日就搵到呢間——台式cafe無論餐廳裝修以及餐牌用字都用到台風好有台灣既味道正因如此 部分既用字都要思考一下究竟係乜食材餐廳有兩層 自由選擇座位但餐廳係open kitchen 難免有啲油煙味希望餐廳可以改善到呢點🥗龍蝦酪梨白酒奶油醬汁 ｜餐車風...$148鬆軟麵包 +特別醬汁+新鮮沙律菜醬汁係牛油果溝一隻酸酸甜甜嘅醬汁混合而成只可惜入面嘅龍蝦時肉只得少少少.....同埋唔夠彈牙.🥗楓糖培根 咸甜豬豬 ｜少女風..........$88點菜時疑惑左好耐 呢個究竟係咩菜式「鹹甜豬豬」究竟係咩嚟嘅呢？原來只係煙肉加豬仔包😅最特別嘅係 竟然擺咗啲薯片落去 但有啲淋新嘗試 但小編就不太受落喇

台灣過江龍桔梗強勢進駐旺角除咗聽聞啲野好好食之外，呢間舖仲喺黃店之列咁就忙喇， 即係如果好食仲要打個正皮支持支持呢間舖佔地面積極大仲有兩層，無上過去樓上望，但睇餐牌，上面係可以食水煙(當然而家呢個時勢唔建議)同埋打桌球好chill點餐係要出去點嘅，之後佢就會俾個牌你咁店員就會跟住個牌NO.送餐黎一上枱，覺得擺盤好精緻好靚然後我同朋友講，咁似麥樂雞嘅但一食落口，真係要同碟野道歉，搵佢同麥樂雞呢啲CHEAP野比可樂餅係啖啖蟹/蝦肉，外皮薄脆新鮮，伴碟有果乾、柚肉完全係高質小食之選勸大家都係唔好再猶豫叫唔叫值二百蚊嘅燉飯肯肯定係必點，絕對無後悔兩隻龍蝦大大隻，再撈勻中間粒溫泉蛋，足料到傻成啖飯食落口，仲混入咗啲小脆粒，唔知係咩黎但味道極夾!!墨魚汁呢回事，其實售價幾貴，外間有售墨魚汁意粉嗰啲好多時都無聞無味，純有黑色視覺，同莫名其妙食到個嘴唇黑曬然後呢間! 墨魚汁真係好濃郁，係真係有墨魚味嘅，墨魚汁有墨魚味，句野貌似好廢但有比較就知咩事每粒飯都被粘稠汁醬包覆然後每一啖都有小粒章魚墨魚，因為成盤都黑汁目測唔到，真係食落口先知咁足料個人鍾意茉莉薰衣草茶多啲，薰衣草味比較香而洛神花味就平淡一點裝修

之前一直都聽朋友同埋網友介紹話旺角有間環境好chill嘅餐廳，而且又係間好支持香港嘅本土食店，難得放工就特登去拜會下佢！地點：位處於旺角正中心位置，創興後面嘅砵蘭街，如果你坐鐵嘅話我會建議大家係旺角站落會比較近啲。環境：入到門口就已經感受到果種黃氣！PEPE、Gear周圍都有！呢間餐廳嘅特別之處係樓底超高，有一半嘅位置有兩層樓咁高！呢個係係香港好難得搵到嘅地方！由於果日去係下晝，樓上兩層都無開，帶唔到圖比大家睇😅據我所知樓上係有桌球枱同埋天台係有水煙食，搵次要夜晚黎chill下先一入門口就會有counter比食客落單，櫃台後就係咖啡沖泡處同埋開放式廚房，佢抽煙做得好好，完全唔覺有油煙味道！職員帶完位之後就要拎住枱號牌去落單，落完單就會有專人送埋位架啦！行入餐廳少少就會見到一大幅貼滿名信片嘅牆，超級壯觀！可惜牆前嘅位比人坐左，如果唔係我實會慢慢坐係果度去欣賞下世界各地嘅美景色彩！食物質素：香橙mocha ($38)拉花水準幾好，再配上杯邊上面嘅蜜糖橙皮真係好精美，係香港都比較少有地方搵到呢款飲品。微甜嘅咖啡配上甘香嘅橙皮，真係令人精神為之一振薑餅人Latte($38)外觀上確實比香橙Mo

講到文青這2字，便想到台灣，在台灣有著很多文青路線的餐廳，都以咖啡供應為主，吸引著不少食客前來。香港也開了一間台式文青店，佔地5000呎，除了咖啡，還有地方桌球枱和水煙供應，確實又多了點賣點來吸引食客，難怪餐廳之內大部份食客都是年青人為主。******************************桔梗在台灣位在小巷內，也能紅透台灣甚至海外，現在來到香港開店，選上了年青人流連忘返之地，來吸引文青人仕。桔梗樓高三層，地下座位充足以供吃飯之地。二樓有桌球和水煙之選。三樓還有天台花園可戶外聊天吃吃喝喝，佔地之大，也能滿座。飲品都以咖啡為主，其次便是奶類飲品、花茶和，含酒精飲品。咖啡味道選擇不少，還有手調咖啡之選，不是所有飲品都有凍飲，要留意餐牌內的字眼，才知道那些是有凍飲供應。食品方便，分為Day和Dinner Menu，Day Menu 包括了三文治和All Day Breakfast、4款味道的意粉、小吃包牯了沙律、薯條和雞翼等。Dinner Menu小吃選擇比Day還要多幾款，主良是以5款燉飯為主，燉飯都是上意大利米所製成，最後還有每日指定味道的昔昔作為甜品。昔昔是為桔梗主打美食之一，

桔梗的名字早前在新聞中經常被提及，其實它是樓高兩層連天台，地方寬敞，文青風甚濃的台式 cafe，既好坐又好 hea。剛巧那天要在旺角等待手機維修，到這裡幫襯實屬不二之選。一看 menu，二話不說便點了在已結業的 “香港郵意” 飲過的若如初見 (Rose Cafe Latte)，不過跟先前一樣，落 order 時始終都是用了英文，因為中文名說出口實在有點...骨痺呀🤣🤣... 咖啡賣相很漂亮，然而味道只屬不過不失。另外又點了客 “干貝公主意粉 | 最愛松露王子”，即是帶子松露意粉，三粒帶子體積算大，味道亦頗鮮甜，其中一粒上面鋪了黑松露醬。意粉雖未有煮至 al dente，可幸亦沒有很腍，還是有點嚼勁。總括而言，光顧桔梗主要是吃環境，吃氣氛，畢竟能在旺角找個慢活的空間悠閒地進餐，光是這點已值回票價。

講到旺角既文青cafe就一定唔少得桔梗啦，星期日2點去到條隊都仲係排左半條街🙈勁呀香港人👍🏻明明間舖咁大，Momo同Boo都排左足足一個鐘。我地叫左一個凍既黑糖牛奶🥛($48)一個All day breakfast🍳 ($128)同埋一個干貝公主意粉($98)🍝杯黑糖牛奶🥛黑糖同牛奶既比例幾好😋雖然係有啲偏甜，但好飲既😆😆干貝意粉🍝既帶子煎到唔係全熟，所以粒帶子淋得黎又唔乾👍🏻☺️不過嗰汁味道就略普通啦😉至於份All day breakfast🍳 就...可能係太多單既關係等左45分鐘就上枱🙈 條腸係辣辣地既，成個All-day最特別係有個黑松露牛油🧈可以搽牛角包🥐正呀😍

位於旺角同油麻地之間，呢間係一間空間感好大嘅coffee shop，坐得好舒服😌 建議大家訂咗位先，咁就唔使等咁耐！值得推介帶子risotto ，好cremy，好好味😋

終於光臨鼎鼎大陪既桔梗，原來就係孖吉對面。香少有既高樓底餐廳，就算d枱埋d都唔會太焗促。自助形式，要拎個牌出去點餐，自己攞水、餐具。野食係open kitchen整但d油煙控制得好好，完全無飄出泥！餐牌野食既option唔多，除左燴飯同小食，就只有牛肋骨同燒春雞。麵包全部都好好食，個牛油加左果仁沙律都唔錯，顏色好吸引，個沙律醬唔會太多！薯條好好食，肥肥地，咬開入面係薯蓉果隻！個汁有輕微辣，似泰式沙律醬！奶昔有驚喜，落糖好輕手，係用新鮮士多啤梨加奶打，仲有d花生碎同消化餅碎下次日頭再泥試下佢d咖啡。

桔梗佔地面積真係好大，仲有成三層咁多，環境真係好有台灣文藝feel，周圍擺放左好多書可以比食客睇。近聖誕果排，餐廳仲擺放左棵用pepe公仔砌嘅聖誕樹🎄好鬼得意呀！我地呢晚黎，豈度食野傾下計足足hea左成三個半鐘。野食定價雖然都幾貴，但食物係高質嘅，加上咁舒適嘅環境，覺得抵比到爛呀！是日晚餐order左兩款risotto，同軟殼蟹小burger。三款野食都比我地想像中大份，三個人share黎食。雖然喺餐廳坐左咁耐，但最終都係飽到食唔晒🤣

星期日下午大約1:30過到來都好多人排隊。因為冇咩特別野做，所以決定照等。最後起碼等咗半個鐘至九個字先入到去。入面樓底好高，應該打通咗兩層樓。環境闊落，空間感好好，裝修簡單，以文青小清新為主。我對環境係十分滿意。睇meau先發現risotto要夜晚先有，有少少失望。最後出去落單，點咗一杯milkshake，一個龍蝦蕃茄pasta，一個蘋果煮鐵板燒豬同埋薯條。老實講，我係出面已經等左半個鐘以上，入到黎又要等多起碼半個鐘先至有第一碟食物上枱，真係lunch都變tea坐到冇咩mood。講一講食物，第一碟上枱係蘋果煮鐵板燒豬，首先外型一般，份量可以接受(即使燒豬原來只係一塊塊豬頸肉大小😅)，味道普通....豬肉有啲難咬,塊飽乾乾地又唔熱。第二碟係龍蝦蕃茄pasta，呢碟就正常啲，味道酸甜適中，都幾多龍蝦肉，pasta口感就一般，似平時屋企求其煮既感覺。第三碟係薯條，份量算大，薯條外脆內軟唔錯，唔會太咸。不過可能我對佢個醬汁有期望，我個人覺得個汁溝得太稀，水咁，令我點既時候周圍滴....最後杯mikeshake係不錯的，口感滑，唔會好甜幾好飲。但係收得50幾蚊一杯，就唔應該用膠杯裝俾人，感覺好h

舊同學放假由澳洲返嚟，梗係要同佢食飯傾下偈，之前嚟過呢間餐廳，感覺環境舒服，很類似台灣比較文清嘅地方，價錢唔太貴，所以今日選擇咗嚟呢度。Dinner set 大約百幾二百元左右，有前菜、主菜、甜品及飲品，分量亦不少，都算唔錯。溫泉蛋培根凱蕯沙律🥗（前菜）沙律份量豐富味道調得剛好，山菜爽脆，加上溫泉蛋一齊食，多重口感超正的，豬頸肉薄切非常入味。烤章魚墨魚燉飯這道菜擺盤十分精緻，章魚烤得剛剛好，不會過熟，能夠保持爽口。墨魚飯煮得軟綿綿不會過硬，混合溫泉蛋加少少檸檬汁，非常惹味。番茄培根松阪豬燉飯燉飯煮得入味，加入番茄酸酸甜甜非常開胃，豬頸肉半肥胖瘦煎得好香口，一羹一羹食唔停口。甜品（牛油果昔）牛油果又香又幼滑，正！蜜香洛神花茶食了餐又美味又豐富的食物，非常飽肚滿足，最後點返杯清清地洛神花茶，十分合適。

在繁忙的旺角中一個小綠州, 內裡的裝修充滿木香, 純白的牆身引入天然光, 感覺天然. 說是台灣餐廳其實是偏現代西餐的煮法, 意粉一紅一白, 說是小店用料也不馬虎, 像是白汁意粉加上松露醬和帶子, 以及蕃茄意粉上的龍蝦, 口感彈牙沒有雪藏味, 價錢實惠, 小菜如炸雞翼配上是拉醬也做得很不錯. 至於飲品就偏甜, 士多啤梨奶昔的甜味比士多啤梨味更多, 這算是最接近台灣的口味了.

龍蝦哥哥蕃茄意粉 $108軟殼蟹小漢堡+海底樂園 $168嚟咗呢間旺角嘅咖啡店😋樓底高 空間大 坐得好舒服龍蝦意粉有一舊舊龍蝦肉 好足料 而且蕃茄汁好香濃 意粉彈牙至於軟殼蟹漢堡🤤 雖然個麵包唔夠鬆軟 但軟殼蟹又大隻又炸得香脆 隔離仲有四五條炸魚柳 配埋沙律醬 超好味 食完呢一個已經好濟🤣 🔅🔅🔅🔅🔅🔅🔅🔅🔅桔梗 (旺角)旺角砵蘭街160號地下至2樓