桃園眷村 (已結業)

來自上海的連鎖早餐品牌桃園眷村進駐了旺角朗豪坊！ 可以在港食到台式古早味早點。這裡主推油炸鬼、豆漿、燒餅，全部都以台式風味呈現。價錢亦相宜。餐廳好闊落，座位都多。一班餓鬼一來就點了一大堆！有甜有鹹，滿足多個願望。鹹豆花，有花生在面，份量之自己好難消滅掉一個。豆花算滑，鹹甜都滲有。要飽肚就當然要食飯糰。飯糰三十幾四十蚊一個，份量足料，一定飽肚！內包有油條碎，十分香口！大大條台灣腸包在其中！ 飯粒分明。燒餅香脆！芝士蛋夾在其中，芝士和蛋的配搭絕佳。最愛餅皮上香口的芝麻！最後點了兩杯豆漿，一杯是紅棗豆漿，有淡淡的紅棗味，略甜。

行開朗豪坊 原來mos burger執咗 開咗呢間台式野即刻去試吓先 個名都好台灣feel 裝式簡簡單單 給人一種舒適嘅感覺我哋點左無糖豆漿 豆味好重 雖然無糖 但唔會難飲仲有點左台式香腸蔥蛋飯團 超級好味呀尤其系條台灣腸好出色食左半舊 又想再食 黐飯煙煙銀銀好有口感仲有呢塊豬扒蛋燒餅 個豬扒好大塊配上生菜唔會覺得油膩 夾住食好好味我哋仲叫咗一碗甜豆花同一碗鹹豆花甜豆花清甜可口 配上花生 咸豆花非常值得推介 味道新穎 口感豐富有菜甫 紫菜等材料 下次決定再來試其他產品

熊妹病病地，決定今日逃學，同熊大周圍hea下，無精神返學但有精神周圍走，哈哈。熊妹病病地食唔得太油膩，知道朗豪坊新開左間食台灣粢飯同豆漿，應該清清地食得過。位置係朗豪坊美食廣場4樓個層，以前mos burger個位。 自己排隊點餐形式，點餐後有個電子call機，食物準備好會著燈呼喚食客去攞餐，即其實係類似快餐店咁。熊大不嬲都喜歡粢飯，叫左個肉鬆青瓜飯團，同凍豆漿。熊大話味道係可以的，有啲似將台灣魯肉飯變成飯團咁食，入面确實有少少滷蛋，幾特別的。凍豆漿無跟餐架，單買$22，味道就係一般豆漿味道，貴左啲喇。燒餅係呢度的招牌菜，熊妹就揀左豬柳蛋燒餅同咸豆花。 嘩，個燒餅係真心難食，熊妹好少會講野難食，但個燒餅真係太惡劣。首先，燒餅本身好乾，一啲醬汁都無，連埋豬柳同蛋都係無汁，乾上加乾，豬柳又細塊，蛋又無香味，成件事乾吞真係好難為喉嚨。唔知道出名在何方?咸豆花似飲咸豆花湯咁，有啲辣辣的炸菜，油炸鬼，紫菜絲，味道都可以的，但索價$32，材料全部都內一啲成本平價的配料，真係賺到笑。好在係朗豪坊地方開揚，環境都坐得舒服，但食物資素黎講熊大同熊妹一定唔會再黎嚕。

落戶在朗豪坊已一段小時間的眷村，每次經過都覺得啲擺設好靚， 牆上油上白色的日用品裝飾令呢間眷村在人來人往的朗豪坊自成一角。今日趁住人潮已退，就揀左係呢間看似早餐店既餐廳食晚餐！ 山2個人點左一杯豆漿，一份咸豆花，一個飯卷同一份燒餅！呢啲看似早餐既小食；本來已經做好食唔飽既準備，殊不知份量十足，食到肚子滿滿！咸豆花果然偏咸；配料太豐富反而唔夠豆花，淨食配料又太過咸！飯卷入面包住台灣腸，好有台灣的味道，入面仲有啲脆脆唔知係咪油炸鬼，非常可口，但香腸有啲油，下次可以試下魯肉可能更佳燒餅是驚喜，本身怕佢會好dry 但食落香脆可口又不太油，值得一讚既係裡面既蛋，竟然係蔥花蛋，雖然蔥不多但對愛蔥之人黎講係非常有心思既一個蛋，蛋亦香滑，配合豬排同燒餅非常不錯！最後豆漿偏甜，連我平時食開甜都覺得佢好甜。整體黎講每樣食物都好有台灣特色，但唔知係咪”太台灣”，每一種食物都太咸/太甜/太油 （平衡點呀我想要 ） ，加上價錢偏貴，好難令人不斷幫襯。

早前喺微信嘅朋友圈見到好多人放相，今次終於有機會同朋友一齊黎試試啦我地一行四人分別點左1) 功夫辣雞腿燒餅 + 米漿2) 豬扒蛋燒餅 + 甜豆花3) 香腸蛋飯團 + 甜豆花4) 肉燥滷蛋飯團 + 紅棗豆漿再加一個油條SHARE，咁就可以試晒所有野LU =]米漿飲入口有D 似花生糊，如米味可以再多d會更好。甜豆花滑溜溜，花生煮得好稔，咬落去口感有D 似眉豆。紅棗豆漿D紅棗味如果可以再突出D 就好啦。燒餅餅皮好脆，一咬就已經碎片四溢，再配搭埋豬扒蛋/辣雞腿，口感一流。香腸蛋飯團/肉燥滷蛋飯團冇D似上海嘅粢飯，只係入面嘅材料唔同。

今日放工揾野食，行下朗豪坊就見到依間野食，望完menu，發現好多野都想食，最後選擇左依兩款燻肉蛋餅+無糖豆漿！兩樣加埋只係$60左右，係旺角黎講，價錢都差不多當個鐘響個陣，我拎到份野個陣都有啲驚訝，因為佢比我預期細份，而我又比較大食但食下食下就發現原來超飽我食左一半，就已經有7成full，食完再飲埋杯大豆漿，超full！講番野食，份蛋餅有驚喜裏面有生菜，蛋餅，煙點肉，味道咸咸地，好開胃而且，麭有好香濃芝麻味，好啱我style而豆漿真係完全冇糖，但又吾會完全無味，一邊飲一邊食，好快就會飽，所以最後我都飲吾哂，下次黎食，可以同朋友一杯兩個人share

放假去左食呢間台式小店，店名好台風😂👍🏼原來係朗豪坊food court 果層，好方便去，不過店子地方開揚，缺乏左文青既味道🙈呢度有好多款口味既豆漿！豆漿控既我表示興奮😆淨係望見個名都激發左我既好奇心，好想試下個味道！.我地揀左鹹豆漿$28 同紅茶豆漿$24第一次食鹹豆漿，原來係有咁多配料😳 幾得意呀，類似粥，但同時食緊豆腐花😆 同埋好大碗，食晒果刻都幾飽架😂紅茶豆漿就冇咩驚喜，同平時飲開既豆漿味道分別吾大，只有淡淡既茶味。.食物方面最多選擇就係燒餅 我地揀左功夫辣雞腿燒餅$48 同芝士蛋燒餅$42燒餅好鬆脆呀！👍🏼 有好香既芝麻味，不過個餡既比較單調，味道吾夠豐富，如果加入多啲配料或者醬汁會更好☺️ 叫幾樣食物同朋友share 食都幾好。

位於旺角朗豪坊4樓嘅一個角落開咗一間台灣餐廳，感覺有少少似Cafe。行入去坐低，嗰刻時間好似緩慢左，動作都放慢左😯一望，係台灣嘅氣息！呢度所提供嘅食物選擇煮我係台灣早餐類型。無糖豆漿 $22個人比較鍾意飲無糖豆漿，但係唔係成日都係飲到新鮮嘅無糖豆漿，因為好多餐廳都只係提供甜豆漿！🙁🙁🙁熱辣辣嘅豆漿送到黎，我急不及待咁開蓋攤涼少少，咁樣就可以快啲試到個味道啦！🤤🤤🤤豆漿傳來香濃嘅豆味，入口質感稠稠，豆香滿滿係口腔內👍🏻而且飲得出係用咗好多豆去製成，唔似出邊飲嘅豆漿水份比較多！因為足料嘅豆漿，豆漿表面層先較易形成有一層類似豆腐皮嘅物體！睇得出係真材實料，飲得岀用心製作👍👍👍功夫辣雞腿燒餅 $48份量都幾大，好彩有爸爸同我Share，唔係應該食唔晒！燒餅入邊嘅雞扒帶點兒辣味，食落口好惹味。而肉質軟滑，配合埋生菜同蕃茄食落口好清爽唔油膩。燒餅應該係剛剛烤好，好酥脆！每咬一啖都灑滿一地酥皮😂😂😂好過癮，食唔停口！台式香腸蔥蛋飯糰 $42有啲似香港嘅粢飯，不過台式飯團嘅材料比較豐富！飯團裏面有炒蔥蛋、台灣腸、鹹菜粒油條等等......飯糰煙韌有拗口，而且台灣腸脆皮香口，食落口滿滿都係肉甜甜地，同飯

經過朗豪坊，發現食開既米漢堡晤見左，取而代之既系一間叫做「桃園眷村」的台式上海小吃店，主打一些燒餅飯團豆漿之類的輕量食物。裝修有d似涼茶鋪，除了掛牌menu 之外，仲有ipad 餐牌，不過就相當奇怪，ipad餐牌冇價錢，得張圖片同菜名。而掛牌menu只有菜名同價錢，冇圖片。所以要問店員拎部ipad去對照掛牌的價格。ipad得一部，仲不可以拎遠。有d好笑。主打菜式：豆漿，油條，燒餅，飯團，包子，甜品。點左一份咸豆花，一份玉米蛋燒餅咸豆花可以得到比較高的分數，因為豆花的確夠滑，有油條碎，肉鬆,紫菜，油渣碎，榨菜，香滑脆口，不會好似出面有d咸豆花咁咸，我覺得佢既味道岩岩好，不咸不淡。肉鬆油條好match，咸豆花糸會再來食。玉米蛋燒餅就麻麻啦，粟米蛋餅仲有d凍，不是非常新鮮滾熱辣果d,口感也十分普通，同生菜的配搭土不土，洋不洋，唔知想點咁，仲賣42蚊，網絡潮語兩個字「坑爹」完全冇吸引力的玉米蛋燒餅，下次唔會再浪費錢。咁樣一份輕食74蚊，我都系比較掛住之前的米漢堡

嗰日約朋友喺旺角附近行街，行行下開始肚餓所以去朗豪坊搵嘢食。見到有間新開嘅桃園眷村，主打飯檲、燒餅同豆漿，所以決定試下。餐廳係開放式，仲有室內位置。豬排蛋燒餅，燒餅非常香脆，加上大大塊嘅豬扒啖啖肉。玉米蛋燒餅，煎蛋加上香甜嘅玉米，食落非常清甜。燒餅油條蛋，燒餅加上香脆嘅油條，口感非常豐富。薰肉蛋燒餅，薰肉調味十足，鹹鹹地好好味。台式香腸葱蛋飯糰，有啲似粢飯，材料十足，再加上兩條台式香腸，飯粒煙銀而且分明。肉鬆青瓜飯糰，大量嘅肉鬆加上青瓜，口感非常清新。鹹豆花第一次食鹹嘅豆花，大量嘅配料，味道層次分明，豆花非常之滑。紅棗豆漿，濃郁嘅紅棗味，味道一流。所有食物價錢都非常之超值。

第三次幫趁，好幾次去都有不同的食物售罄，今次多人開心分享可以食多幾款了🤗咸豆花32蔥花蝦米脆脆菜莆加上醬油辣油等，豆花好嫩👍🏻必食，咸的佐料記得撈匀，要不太咸。甜豆花28嫩滑而不過甜，面舖花生，有點不習慣。功夫辣雞腿燒餅48燒餅薄脆，口味地道。內涵有菜有肉，雞不算辣卻可口。芝士旦燒餅42帶芝麻香，即場製作，熱烘烘的內容，鮮嫩不單調。台式香腸蔥旦飯團42飯壓得挺實在，涵料又多。薰肉蔥旦飯團34滿口都是材料，飯富肉香。豬扒旦燒餅48 豬扒鬆化，蕃茄生菜挺新鮮。紅棗豆漿24紅棗味好強，豆味有點被掩蓋。食後感：我感燒餅味道比飯團更好吃，身邊人就感飯團好吃些。地理位置好，食物感覺健康，路過肚子餓總會光臨。

店子在廣場內，坐得舒服，自助形式，付款後輪號碼，再到開放廚房取貨。白色長物件裝潢設計特別，台灣風。我們點了三款豆漿，甜豆漿唔太甜非常好，紅棗豆漿我最鍾意，幾香的紅棗，見到最深色的是紅茶，好立克的味道，有新鮮感。台式香腸飯團用台灣的甜香腸，配合脆的肉碎很夾。雞腿燒餅豐富，配番茄生菜食得均衡，口味夾。油條必需點醬汁，問店員取，口味完全不同。最後還食咗豆花，幾滑，唔甜，因為台灣人口味唔鍾意食太甜。服務有效率。

來自祖國既著名早餐店來到香港, 其實較早前已經新屎坑咁飲過豆漿, 今次偕朋友一起, 可以認真試到吃的。熏肉蛋燒餅，建議真的要即食，之前試過外賣拎翻屋企再翻熱口感差太遠，新鮮食餅皮會較脆，沒有儀態的很易食到一檯係，喜歡它的蛋，很濃的蔥香，夾著煙肉帶少少咸油味。香腸蛋飯團🍙，其實跟粢飯差不遠，不過飯較乾身，沒有太暖，喜歡中間夾上油條，咬落脆口煙韌。咸豆花，面頭整齊地舖上紫菜，蔥粒，榨菜，蝦乾，油條粒等，豆花味不算濃，但勝在夠滑。咸豆漿，我認為配油條應該不錯，但油條略微太油，放在手上整雙手都滿是油光，不過炸得香口，外貌好看。豆漿滿是蔥花粒，不好蔥的朋友可能一般。米漿，其實我覺得不錯，有炒香過既味道，不過比豆漿有更易飽肚既感覺。豬扒蛋燒餅，內𥚃既豬扒比較瘦少，生菜最大塊，食起來有點被搶風頭既感覺。肉燥滷蛋飯團，這款味道較濃，不過蛋較少，反而肉燥味突出。第二次光臨，建議堂食比外帶好，因為放涼了真的會較失色，還是即食好。

首先，今次係食左夜晚個餐先去食，所以唔存在肚餓食乜都好食嘅狀態。係行下行朗豪坊定之間見到有燒餅次飯即刻沖一沖線。今次帶咗個台式早餐基本裝燒餅油條蛋，食落油炸鬼有啲乾，我估計佢淨係豆漿油炸鬼個啲油炸鬼會靚啲，燒餅入邊個d就攞啲冇咁靚啲嚟夾。個味都合格，蔥花蛋煎得幾好味，下次先買次飯睇下咩料度先

因要幫家人到旺角買相機配件，順便來到旺角逛街，那當然要吃飽飽才有力周圍逛. 一直都想試試這間來自上海的桃園眷村，來到朗豪坊當然要試試. 自助下單也自助找位，就是一間快餐店，不過裝潢幾有特色，也分為室內、戶外位置，不過當日天氣有點涼，坐室內舒適一點. 紅棗豆漿/ 紅茶豆漿 ($24) 友人的紅棗豆漿，帶有少少紅棗的清甜，幾好喝的; 至於我的紅茶豆漿，有少少紅茶味，但近乎是無糖豆漿，幸好我一直習慣喝無糖or 少甜的飲品，覺得可以接受. 習慣喝甜豆漿的朋友，我想紅棗豆漿更合大眾口味~ 鹹豆花 ($32) 鹹豆花配料很多，紫菜，蝦皮、辣肉醬等等，幾豐富. 最欣賞豆花是超嫩滑的，再加上鹹香配料，都幾特別. 最重要把配料拌勻，否則會有點過鹹的感覺~ 熏肉蛋燒餅 ($42) 夾上嫩綠生菜、熏肉& 蛋，再加上大量芝麻的香脆燒餅，清新好吃. 豬排蛋燒餅 ($48) 豬排比較乾柴，個人覺得熏肉蛋燒餅更可口美味~ 眷村油條 ($16) 油條相當巨型，且預先切成2段，方便客人享用. 可惜只是暖暖的，如果是即炸，應該更香脆可口~ 肉燥滷蛋飯糰 ($32) / 台式香腸蔥蛋飯糰 (