桃園眷村 (已結業)

嗰日約朋友喺旺角附近行街，行行下開始肚餓所以去朗豪坊搵嘢食。見到有間新開嘅桃園眷村，主打飯檲、燒餅同豆漿，所以決定試下。餐廳係開放式，仲有室內位置。豬排蛋燒餅，燒餅非常香脆，加上大大塊嘅豬扒啖啖肉。玉米蛋燒餅，煎蛋加上香甜嘅玉米，食落非常清甜。燒餅油條蛋，燒餅加上香脆嘅油條，口感非常豐富。薰肉蛋燒餅，薰肉調味十足，鹹鹹地好好味。台式香腸葱蛋飯糰，有啲似粢飯，材料十足，再加上兩條台式香腸，飯粒煙銀而且分明。肉鬆青瓜飯糰，大量嘅肉鬆加上青瓜，口感非常清新。鹹豆花第一次食鹹嘅豆花，大量嘅配料，味道層次分明，豆花非常之滑。紅棗豆漿，濃郁嘅紅棗味，味道一流。所有食物價錢都非常之超值。