桃園眷村 (已結業)

單看店名「桃園眷村」，很有書卷氣的味道，倒有興趣想知道是賣什麼的。從前這是網紅店子，現在風潮退散過後，再沒有長長的人龍，但仍然不乏食客，我一於試試看。這兒有點像快餐店的營運模式，先買票, 然後回到座位等候。等到訊號機響起，再去取餐。然而餐點的選擇唔多，主售早餐飯團、煎餅小食等輕食，定價$16-$48。本來想試坊間少有的米漿，點知一早售罄，只好試下豆漿。既然來到這兒，當然要試有特色的。紅棗豆漿$24有聞這豆漿是以古法磨製，價格更是平日飲的兩三倍價錢。然而這杯豆漿的確是大大杯，熱哄哄的。雖然黃豆的味道不及本地豆品店或日本豆漿濃，但這紅棗味道，又的確幾獨特，輕甜的，隱約中透出紅棗的味道，好養生的感覺。肉燥滷蛋飯團$32這飯團的饀料十足！米飯香軟帶黏身，惹味肉燥同滷旦碎平均地分佈在飯團內。每一口都有充足的配料同米飯，加上夾在其中的香甜菜脯，為肉饀增加一點點爽脆口感，就是簡單樸實而美味，台灣版的粢飯，而且以女生而言，十分飽足。平曰早餐吃餐旦麵有點膩的話，不妨試試這種台式早點，以它作為一個light lunch，也相當不錯。

難吃，賣相差！！咸豆漿像嘔吐物資飯又散又無乜料🤮🤮🤮🤮🤮🤮🤮🤮🤮🤮🤮🤮🤮🤮不會有下次好失!!!Very disappointed!!!

是晚到了最近好火紅的中國過江龍的台式早餐店試試，一早想來潮聖一下，但怕人多，還是等過了一、兩個月再來。朗豪坊甚麼時候都咁多人，室內完全無位，今日天氣清涼坐室外還可以啦，夜景加上燈光其實幾靚。上海過江龍卻賣台式早餐？感覺有點惹笑，豆漿粢飯不也是上海食品嗎？不太理解但最緊要好味，不管啦，每一樣食物都點一款口味試試。鹹豆花($32)鹹豆漿/花成日聽，但其實未真正食過。賣相不錯呢，上面放了蝦米，油條切塊，蔥花，鹹菜同紫菜，下層是豆腐花，攪拌後食得。鹹鹹香香，豆花又滑溜，好好味呀芝士蛋燒餅($42)即叫即整的，好香啊～芝士半瀜黏在雞蛋中，極重芝麻香的餅皮，好味又飽肚，加埋青菜又無咁膩，抵讚台式香腸蔥蛋飯糰($42)感覺是台式粢飯？哈哈入面包了油條，台灣香腸，鹹菜粒，蛋絲等，材料甚多。台灣香腸脆皮滿肉感又甜甜地，飯糰煙韌有咬口，加埋其他配料，做到色香味俱全，有驚喜鹹豆漿（$32）朋友追點了鹹豆漿，同豆花配料一樣的，由滑溜的豆花變成液態，豆味同樣強烈，都好好味，但個人更喜歡豆花的口感。食物有質素又有新鮮感，但價錢不便宜，作為晚餐兩個人要填飽肚子看來要多點一客主食，一人分半份燒餅同飯糰好像有點不夠，哈

我很喜歡食飯糰，無論在台灣或上海，都會忍不住要吃上一口，愛的是糯米的黏口及米香。還記得桃園眷村在聖誕節前開幕，每當我去做瑜伽，都會見到很多人排隊等候，每到七時左右，便會聽見工作人員說只剩下少量食品，心想：太誇張了吧！今天經過，見人潮不再，我便外帶回家做晚餐😊我點了一碗從未試過的鹹豆漿，打開盒蓋一看，原來跟我想像的完全不同，豆漿並不是水般，而是好像豆花般，內裡加上油條，少許咸酸菜及紫菜，甚是吸引。吃下第一口，覺得豆漿並不鹹，反而是配料帶出豆漿的味道，好味😋另外，當然要點上我喜愛的飯糰，味道有三四款，我選了青瓜肉鬆飯糰。飯糰包得頗實，切開後不會散開，不錯。內裡的青瓜新鮮，咬下時有卜卜脆的聲音，肉鬆亦不錯，但份量不多，而油條則炸得香脆，沒有油益味，我最喜歡的是內裡添上咸酸菜，更是惹味。兩種食物合共$62，價錢尚可，食後很有飽肚感，又要努力做運動了😂

這間來自上海的台式豆漿店三年前於上海開張，很快就成為排隊熱店，至今全國有多達30家分店，發展潛力很高！店舖主打古法豆漿及豆腐花，豆漿是每天在店內由有機黃豆即製，再用獨家方法將豆漿與豆渣分開，令其口感更加細膩幼滑！店舖採用方便快捷的自助形式，先付款買食物再自行提取。點了很多blogger 都推介的鹹豆花及台式香腸飯糰。台式香腸飯團樣子跟平時吃的粢飯相似，但飯團不是糯米，吃起來是有點鬆散，一咬飯團就散開。飯粒本身已給調味，較多油，有點像台式肉操飯的味道。夾有油條、煎蛋及香腸在內，香腸是台式夜市那種。油條鬆脆酥化，餡料跟飯團味道夾，如餡料可以跟飯團一樣吃到底會更好。鹹豆漿材料很多，跟港式豆漿完全不同。有紫菜、油條、葱花、蝦米、辣椒油等，吃起來更香。味道帶點醋的酸、鹹味和豆香，口感滑順，很好入口，間中吃到有咬口的酸菜。豆渣沒有想像中滑嫩，下次要試豆腐花味道如何！

終於試到這間過江龍台式豆漿店，它在全國有30多間分店，由於價錢不便宜，被中國網民稱為「燒餅油條界愛馬仕」！聽說老闆是內地人，有次去了桃園的眷村旅遊，在當地吃了些豆漿、油條，勾起了兒時味道。於是把台式口味帶回上海，所以店舖充滿了台灣古早情懷。故事完畢，立即試試味道如何！這裡主打三中油炸鬼、豆漿、燒餅。今次點了豬排蛋燒餅及 鹹豆漿。傳統燒餅長方形狀份量頗大，中間夾有豬排和蛋，一口咬下去燒餅十分酥脆，與豬排和蛋同吃 燒餅不會太乾，豬排有調味，蛋亦煎得香脆。鹹豆漿聽說口味為配合上海人而有所改良，我覺得口味仍然很台式，材料充足，跟平時香港嘗到的很不同。內裡有豆渣、油條粒、葱花、蝦米、酸菜、紫菜等。將材料拌勻賣相不太討好，但味道有驚喜！有點像吃潮州粥，豆漿充滿酸菜的酸味及辣油、麻油味道，吃不到鹹味。鹹豆漿味道不錯亦很飽肚，辣油味道有點刺激，吃不慣辣的朋友最好走辣！

第一次黎，叫左三樣野：肉躁蛋飯團，咸豆花同咸豆漿，原本以為咸豆漿係飲品，所以差d食唔哂肉躁蛋飯團似粢飯，以保鮮紙包住，比較油膩，因個人重口關係，都幾鍾意，油份滲透至飯既每一個位置，每粒飯都吸收左足夠既汁同油份，加上飯團咬口結實，口感唔錯，比起普通肉躁飯，裏面更加入油炸鬼碎同醡菜，有肉同蛋味之餘同時亦脆同爽口，幾有特色。咸豆花強烈推介，咬口同味道非常豐富，配料極多有：紫菜，辣菜甫，櫻花蝦，油炸鬼碎等等，加上嫩滑既豆腐同上湯。每款配菜都有鮮明既味道，一啖同時食到咁多種口感，有紫菜既海水味，櫻花蝦既咸香，辣菜甫既腌菜味道，油炸鬼碎既乾脆口感等，味道好正，味道有協助同互相配合，非常有新鮮感同風味。咸豆漿實際為弱化版咸豆花，唔辣重比佢少左d配料，似咸版既山水豆腐花多d配菜，實在非常普通，唔建議試。每樣野三十幾蚊，價錢尚算合理 la, 下次會encore試其他野

豆漿、黐飯、油條，令人想起的都是早餐的食物，豈會想到晚上都能食到呢？同朋友在朗豪坊看完電影後，從電梯下來便見到這間裝修時尚的餐廳，名叫桃園眷村，即時就讓我想起台灣的彩虹眷村了。看見餐牌上食物都頗為吸引，於是點了幾款一起品嚐。眷村油條，新鮮即炸的油條有半隻手臂那麼長，金黃香脆，一定要新鮮食，與鹹豆花絕對是最佳配搭，所以鹹豆花我們也點了。豆花表面鋪滿紫菜、辣榨菜和蔥花，口感幾豐富的，但會有幾分辣。燒餅食得多，但以蔬菜沙律做餡料的燒餅就第一次食啦！爽脆的蔬菜沙律味道清新，對於素食者就多個選擇啦！還有的是肉鬆青瓜飯糰，我總是覺得肉鬆和飯糰是最好的朋友，而加入了青瓜則令整個飯糰口感豐富起來，都幾特別的。平時很少出去露台，這次「早餐」和朋友在室外座位坐著吃，夜景原來也不錯的，晚上食早餐都幾有意思啊！

之前聽講朗豪坊開左呢間大陸既網紅店桃園眷村，一直都好期待，今日終於有機會去食。去到都幾多人，如果想打卡就要早d搵個靚位，我同朋友叫左紅棗豆漿，咸豆漿，芝士蛋燒餅，勳肉蛋燒餅，肉燥滷 蛋飯糰，台式香腸飯糰，油條。點完餐坐低等去拎,等左陣，見到d野食第一眼感覺係件件都好大份，尤其是油條。紅棗豆漿好似coffee shop咁，好有 premium 既感覺，而且紅棗豆漿既感覺好健康，又大杯，好過飲咖啡。朋友叫左咸豆漿，好大碗，好多料，正宗上海咸豆漿。燒餅類外層烘到好脆，芝士蛋芝士味濃，但唔係膩個種。勳肉蛋燒餅 姐係煙肉燒餅，classic夾，好大份。肉燥蛋飯糰，感覺唔似食肉燥飯咁，味道唔會係味精果d味，加埋滷 水蛋好夾。台式香腸飯糰台式腸係正宗台式腸，同平時食果d好唔同。飯糰都幾大嚿。係我地平時口中既「痴」 飯。

晚上在朗豪坊逛街，路過這間桃園眷村，很想試試鹹豆花，於是買了一碗鹹豆花及一個熏肉蛋燒餅當晚餐。鹹豆花配料很多，蔥花、菜莆、蝦皮等令豆花變得香口，裡面加了少許辣油更覺惹味，越吃越好吃。熏肉蛋燒餅的餅是脆口，上面充滿芝麻，吃起來很香但比較乾身，裡面的熏肉有點像厚身的煙肉，當然熏肉比煙肉軟滑，亦沒有過鹹，連燒餅一起吃味道很好，如果熏肉大塊一點就更好了！味道是蠻好吃，但價格偏高。鹹豆花每碗 $32熏肉蛋燒餅每件 $42

收工約咗朋友去旺角行街，不過太肚餓所以決定醫飽個肚先喺朗豪坊中間嗰層搵到有間食台式食品，價錢都幾經濟實惠，亦都幾自助，自己搵位買嘢食自己拎野食，晚飯時間都幾多人，可能有需要等下位，不過座位都幾闊落，坐得幾舒服我哋叫咗兩個唔同味嘅飯糰試試每條都超大份量半條就有接近一隻手咁高，所以1開2方便客人食，上枱嘅時候熱辣辣，就咁食一條都已經飽曬台半式香腸蔥蛋飯糰 $42好足料，半邊飯糰都有一整條用蛋包住嘅台灣腸，而且側邊有啲酸菜夠爽口，整體味道唔錯熏肉蔥蛋飯糰 $34熏肉味道非常香，越食越想食，肉嘅份量唔算太多，不過仲有蛋、油炸鬼等等，夠晒足料，超級飽肚再嚟多兩份唔同味道嘅燒餅，外皮非常香脆，而且上面好多芝麻令到味道更加香，超級大份，燒餅唔算厚，啱晒唔鍾意食咁多澱粉質嘅朋友玉米蛋燒餅 $42好多菜非常健康，啲菜亦都夠新鮮爽口中間夾住粟米炒蛋，份量適中，炒蛋夠滑，加埋粟米更加香豬排蛋燒餅 $48依款燒餅夾住燒得好香既豬排，肉質都幾嫩，再加蛋，味道較上面個款濃味，亦相對較飽肚熱豆漿 $22最後整多杯熱豆漿，超級大杯，非常熱豆味濃郁，甜度適中，好抵飲

放工來朗豪坊睇戲，時間不多，又剛好週六，想不到這家桃園眷村竟無長長的人龍，便埋身一探究竟。這裏不賣正餐，主打燒餅和飯糰。搭配著質樸的環境，別有一番「世外桃源」的境味。這次試了肉燥滷蛋飯糰、鹹豆花和紅棗豆漿。看似簡單的飯糰裡卻有著驚喜，肉燥被醬汁浸潤得剛剛好，滷蛋切得有形又不細碎，細細嚼著，竟然還有酸脆可口的鹹菜，這滋味，真是細膩又豐富。鹹豆花足足一大碗，配料也是相當有誠意，醬汁、香蔥、蝦皮、鹹菜分格式擺放，厚實地舖在白嫩的豆花上，入口爽滑，鹹香可口。紅棗豆漿的表現雖然說不上出眾，但搭配在一起，暖胃怡人。這樣仙氣樸素的餐食出現在朗豪坊裡確實讓人意外，但這一口飯糰咬下去，由味蕾開始，濃濃地家鄉溫情直遞到心窩，別有一番風味。

見呢間店十點開門，諗住一開門就去會少人排，點知都已經有好幾個排緊，不過最大問題係唔夠員工，收銀既要幫手執餐，結果淨係排隊落單都半個鐘💩然後等機響又半個鐘，忍唔住走去催，發現我個飯糰比人擺左係度封塵，差個鹹豆花無人整，我問佢先叫人開始去整🤪一於睇埋食物質素，再決定嗰個鐘係值唔值得😪👁‍🗨 肉燥滷蛋飯糰（6/10）💲32個飯糰咁樣比人擺係度半個鐘唔熱是常識吧🤷🏻‍♀️飯唔夠黏身，包得唔夠實，所以散散地😕餡有肉燥滷蛋，但係其實份量得好少，個味唔係太出，反而酸菜脯味更為突出，因為酸菜脯既份量大概係肉燥滷蛋既兩倍🤔不過個人一向麻麻地酸菜脯既關係，會覺得飯糰整體一般，唯一可以一讚既就係條油條都仲保持到酥脆👁‍🗨 鹹豆花（7/10）💲32平時都係食甜既豆花多，鹹豆花都真係第一次試😳料有酥脆油條、蝦米、菜脯、蔥花、紫菜、辣醬，味道主要係鹹同辣，唔太食得辣既我食完都覺得嘴邊陣陣麻痺🌶️但係呢個味其實幾有味覺衝擊，同埋呢種感覺又幾過癮，配埋暖笠笠既滑豆花，比起飯糰好得多🙈🔛 整體評分（6.5/10）

久聞 過江龍來港開店，試一試味....星期六早上12:001） 人流 / 一般，不用排隊，又易搵位，可能未放工2） 味道 / 咸豆花 ，輕微辣，有菜甫，花蝦，紫菜，好香口，又開胃，豆花很滑，但豆味欠奉，差了一點。份量很大碗，同一般粥的份量一樣，我一人食，都很滿足，如果想試其他，最好兩人share芝士蛋燒餅，取餐時已嗅到香香蛋味，燒餅好脆，唯芝士太少，食不出味....3） 價格 / 真幾貴，成本計，無一樣貴既東西，手工都唔復雜，但每樣野都30幾蚊，只能夠話。租金太貴，位於旺角商場總結 / 咸豆花 香港少有....如果真好想食台灣早餐，都可以黎試下...

朗豪坊4樓新開的上海餐廳,地點很方便,一上電梯就見到, 先點餐後再等食物送來,很多東西也想吃, 很多上海餐廳也是吃小龍包, 這一家太有特色了,咸豆花材料十足, 餸和豆花比例1:1,豆花很滑,蝦米有少少辣,多種口感,肉蛋燒餅香脆,芝麻香口,足料, 香腸飯團的糯米有預先調味, 很多料, 菜莆好惹味,吃到底也有料,每口也有料,雞蛋很甜,油條很大條,放了很久也很脆,咸豆漿沒有咸豆花這麼美味, 裡面有油條,油條浸在咸豆漿更美味,