桂花小幸 (將軍澳廣場)

营业中

休息中

去star cinema 睇完戲，就喺附近揾野食醫肚，不過見到popcorn的食肆唔係d連鎖店，就好多人排隊，所以行行下就過左將軍澳廣場果邊，意外地發現有間以食台灣野的小店，拎左飛等左陣就有位啦！餐廳唔算大，不過座位都幾舒服，裝修簡單，牆身有d文青系裝飾。由於都幾肚餓的關係，所以我同老公一人揀左一個晚市套餐，我就揀左台灣特色的酥炸排骨滷肉飯，老公本來想試煲仔三杯雞飯，點知冇供應，就改左食三拼牛肉飯定食。另外再加左黑醋茄子同麻辣豬肚。好快就有野食啦！首先上左小食，黑醋茄子的調味好開胃，酸酸甜甜咁又有蒜味，不過如果d茄子可以再淋身少少就好！而麻辣豬肚食落少少麻，個人覺得唔算辣，豬肚彈牙，而且份量都幾多，值得一試！之後就上套餐啦，套餐好抵食！除左滷肉飯同指定的菜式，仲有上湯時菜同原盅燉湯。今晚個燉湯係烏豆南棗燉牛展，碗湯超充料，飲落清甜，唔會油膩。而我個人都好滿意個酥炸排骨，上菜熱辣辣，加埋佢個特色沙律醬超好食，外皮酥脆又唔會太厚粉，正！至於三拼牛肉就有d遜色，除左有普通的牛丸，仲有牛展同牛腩，食落都淋身唔會咬唔開，不過味道較淡。食到七七八八有d口渴，見到原來隔離連住一間賣特色飲品的鋪位，我

要食好嘢當然要捐窿捐罅， 講緊既係位於將軍澳廣場的桂花小幸， 餐廳唔喺商場嘅中央大街， 而係縮埋咗喺，但係 要食好嘢又點會難到我呀。--餐廳唔算好大，但係設計有風格， 有卡位有長凳，呢度要先自己去收銀落單跟住店員會送嘢食上嚟，半自助式。-原盅燉湯套餐番工番到夜一夜， 當然要飲番盅 燉湯補補身。原盅燉湯套餐 ，六十幾蚊起就已經有交易。---是日燉湯係 舞茸蟲草花燉腰果，素食者都合用， 舞茸菇可以三降：降血壓降血糖降膽固醇, 仲可以增強免疫力， 蟲草花潤肺補腎， 護肝抗氧化。 燉湯飲落去滋補養顏， 而且因為冇落肉， 唔會好肥膩。----鹽酥雞排滷肉飯， 配上湯浸時菜 76鹽酥雞扒即叫即炸，香口，雞肉肉汁也多。 滷肉飯肥美的豬肉加上香濃的醬汁，超下飯又美味。 配埋上湯浸時菜， 營養均衡。另外又叫咗個酥炸排骨雞肉飯--酥炸排骨雞肉飯 76同樣地，酥炸排骨都係即叫即炸， 炸排骨唔會走得太鞋 ， 啱曬食肉獸 。雞肉飯唔會太鞋而且有乾蔥配搭， 鹹鹹香香。-古早味滷水拼盤 鹵水拼盤 材料豐富 ，有腱心牛肉，牛肚，雞翼，蛋， 最重要係芽菜墊底可以吸曬滷水味。 腱心牛肉滷得軟淋， 雞翼入味， 整體而言頗不

如果要係將軍澳區食台式野，我覺得呢間桂花小幸都算食得過🙈🦀地獄三盛牛肉麵$71一碗有齊牛腱、牛腩同牛丸，個麵唔錯，軟硬度適中，而且佢都真係幾辣🔥唔食得辣既要留意啦🦀鹽酥雞扒滷肉飯$58滷肉入面肥肉唔算太多，啱我😎雞扒炸得香脆，整體合格最後再叫咗個手拍青瓜同炸花枝丸，前者味道清新，食落爽脆，作為前菜唔錯！之於後者，花枝丸不嬲都係我最愛大大粒之餘，食落外脆內軟，送飯送麵都唔錯，難怪咁多人會落嚟呢到食🥰

之前係度食過牛肉麵覺得好好食,今日想食台灣野就諗起呢度!試下其他野係咪都咁有水準!滷水蛋牛腩滷肉飯呢個滷水蛋牛腩牛肉飯係分開兩個碗上，一碗係載有滷水蛋滷肉飯，一碗係載有牛腩、白菜仔同紅蘿蔔，賣相超豐富!滷肉調味適中，唔會滷得過咸，豬肉粒肥瘦分明，撈飯食一流，牛腩非常淋身易咬開仲好入味。牛肉濃湯水餃一上檯就聞到好香既味道，先飲一啖湯，好濃好鮮味，飲多兩啖都唔會口渴。水餃皮煙韌有咬口，咬開一半再筆啖湯同水餃一齊食非常滋味!煎手工餡餅內餡同牛肉濃湯水餃差不多，但煎餅方式皮就較厚，煎得香脆更有咬口，一咬香入面肉汁四溢超juicy，食時小心如果唔係會辣親。特濃蕃茄雞排麵牛肉麵湯底已試過係好好食，今次專登叫特濃蕃茄湯試試~結果都唔錯喎!湯底用新鮮蕃茄製作，每啖都好鮮蕃茄味，麵質彈牙唔會太淋身，雞排更加炸得酥脆啖啖肉!我地都怕熱氣所以叫左杯蜂蜜綠茶同凍檸茶解一解，都只係分別加$6，咁樣食法都只係每人$100仲有找，算係好唔錯啦!

今日去咗食呢間係將軍澳嘅桂花小幸，星期日下晝2pm都係好多人等位👨‍👩‍👦‍👦👨‍👩‍👦‍👦佢地係用QR code下單🤳🏻，仲可以即刻用埋支付寶俾錢，好方便👍🏻我就叫左三盛牛肉麵🍜，有牛展，牛腩同牛丸，滿足我呢個牛魔王🐂，牛腩煮得好淋呀😋麵可以揀台灣麵或者米線🍜，我就揀左台灣麵，麵都算彈牙，不過如果係刀削麵，相信會更正😛麵嘅湯底都有好多選擇，例如有紅燒牛肉湯🐂，番茄湯🍅，清雞湯🐓等等，我就揀咗麻辣湯(小辣)🌶，佢個麻辣係另外分上俾你，等你可以按自己嘅喜好較翻個辣度😋飲品除左有普通飲品，仲有有手調飲品，奶蓋呀，果茶呀等等，我就叫左仙氣草莓茶加珍珠🍓，係好香濃嘅士多啤梨味，再加淡淡嘅茶香，幾好味👍🏻👍🏻

看電影前，先醫肚子。我覺得將軍澳可以用「美食小區」來形容，一個商場裡，大大小小、形形色色的餐廳可以選擇。今次來這間台灣菜小店「桂花小幸」，名字很清新，而餐廳的環境亦簡潔為主，帶有今時很流行說的「文青感」。台式雞肉飯定食 $59，木盤上盛載的食物很豐富，首先是台式雞肉飯，雞肉絲希點麻油香味，很嫩滑。配菜包括涼拌雲耳、青瓜、茄子，爽脆開胃。還有紫菜肉丸湯和小白菜，整個雞肉飯定食都很健康。芝士奶蓋桂花烏龍茶 $28，第一口芝士奶蓋芝士味很濃郁，而桂花烏龍茶則很清香，裡邊一整個茶包浸泡著，令茶味越來越濃郁。一個雞肉飯定食加一杯桂花烏龍茶，這個午餐已經很滿足了！

之前住附近成日都見呢間餐廳好多人，今日放假番黎將軍澳買野，梗係想食番呢間啦。黎到都一樣係咁多人等左一陣位。餐廳係自助服務，自己到櫃臺點餐，有自助斟水區推介呢個三盛紅燒牛肉麵 - 包括牛展、牛丸、牛腩。 湯底係好濃的牛肉湯，帶點點兒辣味。牛丸好爽同juicy! 牛腩牛展整得好淋👍🏻👍🏻👍🏻👍🏻👍🏻養生清燉牛腩麵 - 主要講講呢個湯底，係牛肉底，估唔到飲落去真係有少少藥材味，有近養生感，有驚喜👍🏻牛腩整得好淋，餸的份量好足夠，正👍🏻滷水併盤 - 包括雞翼、蛋、 牛肚、牛腩。滷水味好入味👍🏻👍🏻特別推介牛展，好入味之如好淋，連埋中間膠原啫哩位好好味。😋😋😋😋😋香芋奶茶 - 今日揀左熱的，芋頭味好香，奶茶茶好香同滑的，就算無少甜，甜度都ok架唔會太甜👍🏻👍🏻👍🏻👍🏻👍🏻另外有奶蓋系列，下次試下先🥰

行開商場，突然心思思想食台灣野見平時都幾多人排隊，所以今次就決定去試下🤪👆🏻腱心牛肉米線(紅燒湯)一嚟到見到嚇親，因為都幾大碗下😂無論牛肉定米線既份量都好多，好足料真係差啲食唔曬🤭米線比一般出面既彈牙牛肉都煮得夠入味，唔錯🤤👆🏻滷水雞翼米線(麻辣中辣)4隻雞翼都好大隻好飽滿❤️仲要好入味真係值得一試👍🏼依度既麻辣湯唔算好辣👅但好惹味🥳份量又係好多😂食完真係好飽👆🏻仙氣火龍果茶、紅豆奶茶火龍果茶 - 好靚不特止，而且清清地唔太甜好香茶味，再加上火龍果既清甜好解渴😍而且飲得出好足料🤘🏻紅豆奶茶 - 茶底唔錯，有茶香奶香之餘又唔會死甜而且就算加埋紅豆，都唔會話太甜反正仲多左紅豆既香，好好飲🤤

儀式餐廳而家開到成行成市，無論係台式茶飲，抑或文青類嘅cafe都好受歡迎 ，貪心嘅友人表示又想飲到台式茶飲，又要食台式料理， 呢樣嘢絕對難唔到我嘅，於是我哋就一齊去呢一間好有文青風格嘅桂花小幸， 滿足佢兩個願望 。餐牌嘅選擇都幾豐富，有唔少嘅嘢食可以選擇，尤其是我最愛嘅滷肉飯同牛肉麵，仲有超惹味嘅鹽酥雞扒，不過今日嘅天氣真係好熱，想食啲清涼少少嘅嘢。我就選擇咗 冰涼嘅 麻醬雞絲冷麵，加多杯百香果qq 綠茶。 呢個麻醬雞絲冷麵材料都幾豐富除咗雞絲，仲有青瓜同其他嘅配菜，個麻醬酸酸甜甜， 都好啱夏天食，非常開胃。百香果qq綠茶入面加咗椰果同百香果，飲落好多層次， 甜甜地好清新。至於另外嘅朋友就叫咗個鹽酥雞扒滷肉飯， 不得不讚下個 鹽酥雞扒， 香脆之外，一啲都唔油膩，而且雞扒好大件，好juicy。至於其他小食都非常唔錯，例如呢一個 椒鹽花枝丸同台灣烤香腸， 非常之有台灣夜市嘅味道， 全部都好 香口 惹味 ，真係忍唔住食多幾粒。至於呢一個古早味滷水拼盤 亦相當豐富有我最愛嘅雞翼同牛展， 鹵水汁好香，好有屋企嘅感覺， 但就唔會太鹹，所有嘅食物都炆得非常入味，尤其是牛展嘅肉質好軟綿綿，食落好香。而

一入餐廳我已經比佢張好有特色打斜既台腳既台撞到我隻腳明明我入左餐廳佢地話可以用電話落單點知落單果陣有個餐落唔到就出去收銀叫另一個餐就電話叫我落完單到差唔多佢閂門9點3都未有野食就出去收銀台問佢，佢竟然話我無落單佢幫我唔到，佢地廚房已經閂左無野食咩野話，佢仲話幫我唔到，你要投訴就比張卡片你自己打去投訴我到最後係咩都無食，仲要我打去投訴。呢間野啲人唔會提下客人last order或者有無野未齊只係識企晒係廚房門口等野出

約咗朋友去到將軍澳行街， 將軍澳嘅商場愈開愈多，都真係幾多嘢行，尤其假日有唔少食肆都排曬長龍， 咁啱見到呢一間台式餐廳都幾有文青味，一於同朋友試下 。餐廳環境都幾舒服，而且外面仲有茶飲店，無論堂食抑或外賣都有好多選擇。見到有唔少人都叫要咗呢度嘅鹽酥雞扒，同鹽酥排骨，當然要試下喇！我哋就分別叫咗，鹽酥排骨麵、 滷水豬手飯定食，炸花枝丸、滷水拼盤等等， 人均大概一百蚊， 分量都好多 ，非常抵食！尤其係個鹵水豬手飯定食，份量好豐富，豬手炆得非常入味香口，肉質軟滑，啲筋好淋，唔錯。跟餐嘅滷肉飯 ，唔會太肥膩，食落都好香好多汁。仲有一個燉雞湯，非常滋潤。至於個酥炸排骨麵，排骨非常香脆，而且肉質好爽口好juicy。跟埋個特級咖啡，香濃嘅咖啡味，有助解油膩。朋友就叫咗呢一個桂圓杞子菊花冰茶，聽聞都幾清甜，夏天飲一流。不過我都係比較鍾意呢一個鹵水拼盤，尤其是個牛肚非常爽口，而且鹵水汁好香，牛展又好淋好入味。 花枝丸嘅味道都唔錯，炸得脆卜卜，入面仲有好多好彈牙嘅墨魚粒粒。人均一百蚊嚟講呢餐飯都算食得滿意，而且食得好飽，下次都可以再試下其他嘢食。

夫家在將軍澳，少不免去將軍澳尋覓食好野。 當日大約8點左右諗住求其食餐飯，就速速回家休息。 係出邊見到間餐廳人頭湧湧， 我心諗weekday 時間都咁好市再睇餐牌先知係食台灣菜。 但他們點餐好特別， 好似快餐咁！ 首先，職員會編排你坐邊， 之後睇完餐牌，就出邊排隊點好餐，俾咗錢就返位。 餐點就位送上你枱面。 不過注意⚠️ 出去叫餐時，記得自己坐嘅枱號。 而我就係第一次去食唔知規矩，盲沖沖就走左去點餐可見餐廳並不是好大，但裝修好小清新。 位置就比較迫少少， 不過大致上算唔差。 我見唔少年輕會去，老人家都幾buy 間野。 講返重點， 這種速食的快餐式台灣料理，價錢平民化好多餐點， 五六十蚊有交易！ 每個餐加5元6元或8元就又有小食又有野飲。 好抵。 如果俾我返返中學，依到可以記入我的飯堂我叫咗個紅燒腱心牛肉麵+滷水蛋碗麵大碗，份量多，牛腱肉只少有5塊，而且湯底唔多油！ 滷蛋正常size ， 滷得唔會太鹽！ 正體唔錯。 老公叫咗個 三拼牛肉飯定食大大碟牛丸、牛腩、牛腱，仲要配多個菜。 真心想講滷水做得幾有台灣口味，值得一試， 好味他們配嘅菜，會煮淋咗，易入口，口味，清淡。 一啖牛腩一啖娃娃菜，

tko一堆廣場都算多選擇，今日同朋友試下依間桂花小幸，店名洋溢一種清新文青的感覺。同朋友各自叫咗一個飯餐，我地叫咗 三拼牛肉定食同埋三杯雞飯， 每個餐配上白飯，一碗蔬菜，同埋一宗靚湯。店內嘅座位唔多，但係坐落都尚算舒適。三拼牛肉飯定食三拼分別有牛展，牛腩，同埋牛丸。牛展質素正正常常，令人滿意。牛丸咬落彈牙而且有肉汁。牛腩雖然入味但係都比較韌。配料方面都相當豐富，分量都好大。大大碗嘅一碗飯，特別欣賞佢有一碗蔬菜，份量都算多，令到整個餐更加健康。而且湯方面都冇乜味精，亦都算係幾清新。入面嘅材料都有幾舊排骨同木瓜等等，感覺幾足料。煲仔三杯雞飯套餐同上面一樣。三杯雞蚊落都幾濃味，亦都試到有酒味。 食落啲肉都幾嫩滑。而且唔會好多都係骨，啖啖肉，份量都算大，係幾高質幾抵食嘅。另外叫咗一杯芝士奶蓋茶，好可惜呢個奶蓋偏鹹，而且入面有一粒粒一啲都香滑，飲落感覺有渣，令人少少失望。店內有少少裝飾，依句五月天嘅歌詞我就一直都非常之鍾意啦，令人好有被鼓勵嘅感覺💕💕兩個人一百蚊左右，價錢合理，食物質素算高。可惜喺繁忙時間有用餐嘅時間限制，大家需要留意。

放工番到黎將軍澳食個晚飯媽咪提議黎將軍澳廣場試下呢間台灣菜🇹🇼芝士奶蓋白桃烏龍茶(凍)🧀🍑🍹奶蓋幾厚 加埋白桃味既烏龍茶又幾夾wo!地獄三盛牛肉麵 (腱心牛肉, 牛腩, 牛丸)🐂🥩麻辣-中辣🍜麻辣湯底好正湯頭香濃又帶點微辣食食下 好似食緊麻辣火鍋湯feel 但又帶少許鮮甜味 不錯👍🏻腱心牛肉質地軟腍香濃奶茶(凍) 另加珍珠奶同茶既份量都岩岩好 又唔會太甜珍珠煙韌仲幾有囗感地獄三盛牛肉麵(地獄湯) 🐂🥩另加滷水蛋🥚

看見食評，有好多好評，以為這間餐廳都唔錯，可以一試，點知中伏， 是一間垃圾餐廳。以後都唔會再 幫襯。那些食評，完全是 與事實不符。 今晚叫咗 一個鹽酥雞扒 滷肉飯 ，一個酥炸排骨鹵肉飯。 鹽酥雞扒 是凍的， 個樣好似整咗好耐 ， 雞扒不是脆的，而是淋的，而且完全冇雞味。 好似柴皮，十分差，炸排骨基本上是吉列豬扒， 而且 豬扒十分硬 ，完全沒有味道，都是十分差。 叫咗一杯熱的梅子綠茶， 但都是唔熱的只是暖。 滷肉飯都是冇味道的， 完全唔掂。 所有食物一早整好，是立即做，所以全部唔熱，影響食物質數。那些 侍應生 只顧住傾計，和玩，完全無做嘢。 這間台灣料理餐廳根本完全不是台灣的味道， 十分土炮， 扮台灣餐廳， 價錢和食物質素不合理。以後都唔會再幫襯這間垃圾餐廳，因為食物嘅質素非常之差。