桂花小幸 (將軍澳廣場)

营业中

休息中

對於住係北區既新界小胖子我黎講，將軍澳真係有點遠，細個既時候其實好唔明點解將軍澳會係新界😂入到黎呢邊做野就順便行下同食野先返去啦！叫個下午茶餐食食先～🔸紅燒腱心牛肉麵 $51太鐘意食蕃茄啦我🍅 ，見到只係+$4就有特濃蕃茄湯😍就加左～有大量既蕃茄粒之餘又有大大舊蕃茄，所以蕃茄極濃👍🏽牛肉又夠曬味😍原本想叫蛋餅但怕食唔曬所以無叫到🙈就加配小食兩款$15我就簡左涼拌貓耳朵👂🏽和涼拌黑醋茄子🍆Yummy yummy 又開胃呀！🔸芝士奶蓋阿華田 $30平時飲開阿華田多加埋芝士奶蓋就未試過😆奶蓋勁厚呀~

又來到而家我最鍾意嘅食嘅台式餐廳！就算食咗幾多次都仲係咁好味😋今日同朋友兩個人過嚟食午餐，一如既往地好快就有位，最正係依度啲嘢食好平，仲要唔收+1 😚叫咗一個鹽酥雞扒滷肉飯$69雞扒超大塊，好脆好香口而且滷肉飯個汁一流，同我台灣食到嘅一樣味道另外叫咗酥炸排骨麵$69另一個好味又飽肚之選 肉質好食台南手工餡餅🥧 $28好特色好值得食，裏便係肉類，食完有驚喜烤香腸$28發揮正常，好香口，值得食！另外仲叫咗兩杯嘢飲，一杯係仙草奶茶，令一杯係鐵觀音珍珠奶茶☕️推介各位就算唔食野，都可以經過嘅話喺出邊買野飲，呢度嘅嘢飲超好味，尤其是係珍珠奶茶，好彈牙😆仲係用真茶底嚟沖❤️

去不到台灣旅行，也要去台灣料理店吃頓好的😍😍特濃番茄雞排米線~很大的一碗~炸雞扒是另上的，保證雞扒脆口不會冧~套餐加15元，還可有兩個小食👍👍我點了一客菜及一客手拍青瓜，想不到小食也挺大碟，很抵吃😋😋現做煎餃子~肉餡很多，餃子很大隻椒鹽花枝丸~花枝味濃郁，外皮炸得很香酥，外脆內軟，超正桂花雞翼~脆炸大大隻雞翼，沾上滋潤甜甜的桂花，很好吃脆脆阿華田加珍珠，我點了少冰少甜，不太甜，剛剛好黑糖珍珠鮮奶~珍珠很好吃，甜甜的帶點煙韌，鮮奶味濃，而且還很大的一杯

前排去TKO搵個朋友 諗住喺佢樓下求其食埋個lunch先 點知又有驚喜喎🤡餐廳裝修一啲都唔求其 好有文清風格🙈宜家環境都幾舒服同朋友各自叫咗lunch set，有主食，仲有自選飲品同小食，呢個價錢亦相當抵👍🏻！•麻辣滷水牛肚麵套餐🍜•-首先呢到嘅份量一啲都冇呃你 都幾大碗 而且賣相仲幾好！呢碗湯底都整得相當濃 好香牛肉味 仲有佢哋嘅辣椒油都好香 加埋一齊好夾👍🏻另外呢個跟餐嘅牛肚都好入味 啲麻慢慢滲出嚟 又唔會辣 反而係好香椒味 幾醒胃🤤•紅燒牛展麵🍜•-而我朋友就叫左呢款麵 眼見佢塊牛展都好壯觀下😂而且口感仲好爽口 都幾近似台灣食到嘅味道👍🏻•白桃烏龍蘆薈🍹•-我仲叫左呢杯好fresh嘅台式特飲 解渴之餘仲好清新添入面仲有好多蘆薈 每一啖都咬到 好爽口👍🏻•紫薯黑糖珍珠冰仙草•-我咁愛甜品又點可以唔叫返個呢🙈呢個冰仙草嘅份量一樣咁多！而且仲配埋椰果 珍珠同埋紫薯等等 好豐富 仲唔會太甜添👍🏻呢到嘅質素都幾似台灣 間唔中如果掛住台灣都可以嚟呢到頂住癮先😂

我唔想講個D咩因為去唔到台灣好掛住台灣野食既廢話啦今次只係純粹過黎食餐飯,見佢唔洗點排隊,又坐得舒服最重要價錢抵食,同埋食過幾次有信心兩條友餓左十幾個鐘,拿拿聲拎飛等位,仲係限聚緊,比左卡位我地呢度落單方式係自己報座號,在收銀位置直接落單,比埋錢等上菜我地今次試下平時未試過既肉鬆蛋餅下午茶餐,配番茄通粉 另外再要左一份番茄米線加豬扒吐司加桂花蜜雞翼另外再要左一份台式腸同埋滷牛肚由於牛肚我上次食麻辣都覺得好正,所以轉下滷水版本好唔好食估唔到好有驚喜,滷得非常入味,滷汁帶少少甜味,牛肚軟得黎帶少少彈性,總之就好食啦,掃曬成碟食完牛肚就到台式腸上菜,台式腸就煎得太乾身,無左個種台式腸應有既爆汁效果最後就到下午茶同台式茶飲上菜雞翼外層好脆,略嫌炸粉厚左少少,但入面仍然好有肉汁既,本身無咩調味,最主要係靠個甜蜜桂花汁桂花蜜香氣十足,係幾特別既食法黎既豬扒多士,有生菜,沙律醬咁啦,略嫌醬唔多,食到尾好乾身,麵包夠脆,但唔似台式番茄湯食得出係用足料,唔會有個種好假既酸味,反而係自然番茄味,食完唔會口乾米粉米線會好過通粉既蛋餅係好食既,煎得有八分似,但少左台式個種辣椒醬汁或沙律醬加8蚊既特飲,菊花,杞

🌎 桂花小幸 (將軍澳)文清風格既台灣餐廳 建築物係用木色為主調 係到食野好舒適 加上我鐘意食台灣美食 所以我都食過三四次啦 今次黎食下午茶 佢地出左新menu呀 估唔到咁好味 下次會再食過▫️芝士醬酥排骨吐司+地瓜薯條+蕃茄湯米線(推介)$42呢個餐係新出架 地瓜薯條烤得香噴噴 外脆內軟 地瓜好甜 食完一條又一條 停唔到口。大大舊酥排骨做夾心 咬落去啖啖都係肉 鹹味啱啱好 再加埋哄過既三文治 簡直係好配搭 真香脆 配上醬汁食落去唔會太乾 野味d 但唔點解芝士醬食落咁似千島醬既 ▫️紅燒鹽酥雞排麵$42每次黎食都叫養生清燉牛肉湯底 因為重重既藥材香味抵擋唔住誘惑 飲落去好清甜。台灣麵煙韌。最後鹽酥雞排啖啖都係肉 味道唔會好鹹 小貼士：下午茶2:30-1700(一至五),台灣麵比米線好味 人均消費：$42環境衛生：8/10推介指數：7.99/10

自從上次來過將軍澳，發覺原來有九龍城坐巴士到這區，都只是半小時內，非常方便，因此便來這區覓食。黑糖珍珠奶茶$29 ，黑糖的香味，配合茶香和鮮奶的味道，果然是台式出名的飲品。檸檬多多梳打$30，酸酸甜甜的味道，令胃口大開，是吃飯前必點來喝的。鹽酥雞扒面$59，雞扒炸得很香脆，而且保持肉汁豐富，麵質不會過腍，帶點嚼，加上清湯不會過鹹，味道適中。麻辣紅燒肉麵$56，麻辣醬另上，有麻又辣，自己加減。紅燒肉脂肪和肉質分布均勻，入口溶化，可惜這個年紀不可以吃太多，只能淺嘗一下。凍咖啡$8，味道甘甜，算是合格。古早味滷水雞翼$42，滷水的香味已經滲入了雞肉內，如果是即製，味道更佳。台灣烤香腸$28，一路都是每次吃台灣菜必點的一道小食，如果加點生蒜片味道更佳。

好耐都冇黎呢一間台式餐廳食嘢啦，最近真係好鍾意食台灣嘢食，無論係小食定係正餐我都會選擇食台灣嘢食，因為真係好掛住台灣嗰度嘅嘢食呀！望到個餐牌好多嘢都更新咗，仲多咗好多選擇添，重點係佢有台式嘅甜品，真係啱晒我呀！我係喺下午茶時間嚟嘅，因為可以食到更多嘅嘢食！我食呢度嘅台式蛋餅配地瓜薯條，而朋友就食呢度嘅新出品，麻醬雞絲冷麵， 跟餐會有個開胃小菜黑木耳！既然佢有台式嘅甜品當然要食啦，我哋就食佢個雜果黑糖冰仙草，感覺好吸引！麻將雞絲冷麵份量真係好多，真係好滿意佢嘅份量，我同朋友可以分享食，雞絲冷麵雞絲嘅份量都好足夠，配埋麻醬一齊食，唔經唔覺就食咗一大部份，因為真係好好食！我嗰個係台式蛋餅配地瓜薯條，今次嘅地瓜薯條炸得金黃色，外脆內軟，水準又高咗，真係好好味，脆卜卜，夏天就係要食多啲香口野！我嗰個台式蛋餅入邊係配肉鬆，佢可以選擇肉鬆或者火腿，不過肉鬆係吸引好多嘅！最後係我哋嘅台式甜品，雜果黑糖冰仙草，賣相真係好吸引，入邊嘅生果有芒果藍莓火龍果士多啤梨，中間係黑糖冰，旁邊仲有好多仙草，仙草嘅份量係超級超級超級多，我哋真係好滿意佢嘅甜品，佢嘅士多啤梨同埋芒果一啲都唔酸，好新鮮！

近排胃口轉左, 成日想食辣🌶, 黎到TKO li間人氣台式餐廳都有好多選擇呢, lunch hour真係好多人等位, 睇定左食咩, 有枱之後即刻出cashier order先.🍜地獄三盛牛肉麵 (HKD73)彈牙嘅牛丸, 腍軟牛腩, 腱心牛肉三款食材份量十足. 最要挑戰嘅係面頭一大羹地獄辣醬, 以大量切碎辣椒剁成炒香, 撈勻落碗麵, 食左幾啖就流哂汗lu, 牛湯底配有𡁻口嘅台灣麵好好味.🍜麻辣蕃茄豬肚米線 (HKD56)我碗米線無”地獄”咁噴火🔥, 因為加入大量大粒切蕃茄, 所以夠哂麻辣味之餘, 湯頭仲可以嚐到甜甜地嘅蕃茄味. 米線份量一定大過坊間出名嘅米線店, 下次都要encore.🍜麻辣豬肚 (HKD38)原來叫左double豬肚, 鬼叫自己鐘意食, HKD38一碟份量真心多!! 佢唔會喺碟底一大灘麻辣油, 但又會有哂豐富嘅辣味👍🏻, d豬肚切得差唔多大小, 好似食極都仲有咁.🍜麻辣紅油水餃 (HKD28/4pcs)好少食台式水餃, 咬落好juicy多肉, 皮有啲厚, Dip”紅油”好有風味.🍜黑糖珍珠奶茶 (HKD24)老公特登揀杯凍飲救火, li度嘅凍杯份量一律都係市面見到最大

係而家疫情底下相信好多旅行都要被迫中止尤其是台灣一直都係好受香港人歡迎嘅地方。無奈之下唯有真係要搵一啲正宗嘅台灣嘢食嚟彌補下冇得去台灣嘅心情。每一次我都會去桂花小幸食唔同嘅嘢因為我覺得最正宗嘅台灣嘢食始終都係非佢莫屬。最近佢哋嘅菜式稍微調整左就多咗少少選擇，正正就係今次食嘅牛三寶面，所謂嘅三寶就係牛坑腩牛筋同埋牛肚，再配合台灣麵同埋香濃嘅牛肉湯底真係未食都已經流口水，牛筋真係一大傑作，每一啖都係濃厚嘅膠質，湯底又香又甜最重要係飲唔出有味精嘅成份。喺台灣點可以冇咗滷肉飯或者雞肉飯呢？ 喺呢一度都可以食到正宗嘅味道㗎，再配合紫菜魚丸湯真係零瀉有台灣感覺另外嘢飲都係呢一度嘅特色，基本上台灣有嘅嘢飲喺呢一度都可以發現到。佢最近新出左多多梳打系列，在可以配合唔同嘅口味例如白桃味或者提子味，感覺夠晒清新亦都可以係食咗咁多嘢嘅情況下稍微調節一下味覺。相信餐牌最特別嘅地方就係新增咗甜品系列，呢一個真係一大創舉，作為台灣最出名嘅黑糖仙草當然要試吓，食完熱嘅嘢再食啲凍冰冰嘅甜品真係回味無窮，仙草大大塊再配合綠豆薏米呢一啲清熱氣嘅嘢食食完之後個人會精神爽利晒亦都可以喺炎炎夏日底下作為一個消暑甜品❤️

最近剛好在將軍澳尋找美食，這次就決定在將軍澳中尋找台式的食物作為我和友人的午餐。經友人推介，我們決定到一間名為桂花小幸的餐廳享用我們的午餐。這次我們很幸運地能夠坐在卡位，因此我們的空間相當足夠，而且能很舒適地享用美食。這次我要向大家推介該餐廳最近推薦的美食，雞絲拌麵。我很喜歡它的雞絲不會煮得過乾，代表烹飪時間適中，而且雞肉味也不會流失。配上麻醬完全是升級了一個層次。再來向大家推介該餐廳的下午茶。蛋餅配蕃茄通心粉。我很喜歡該餐廳的蛋餅，裏面的餡料十足。而且份量也足夠。此外我想向大家推薦我當天點的特飲，台式芒果茶。這個芒果茶的芒果味很濃，而且喝下去的感覺很天然，不會覺得味道過假。若然大家喜歡的話，誠意推介。

之前吃過這家的晚市，反而午飯時間則是第一次。台式雞肉飯定食配涼菜、蔥油時菜及紫菜魚丸湯份量大大份，豐富且營養十足的午餐定食，有湯水、涼拌前菜、青菜及主食。紫菜魚丸湯裡的兩粒丸子彈牙，紫菜多。前菜酸甜及時菜都十分開胃。台式雞肉飯以雞肉蓋著白飯，雞肉入味，不過醬汁不夠，吃至中期有點乾。芝士奶蓋柯華田沒想到芝士跟柯華田的配搭也蠻匹配的，還以為會有點違和感。先呷一口鹹香的芝士奶蓋，底下的是甜甜的柯華田，芝士奶蓋中和了甜度，整體飲品的奶味偏重，本身自己較喜歡柯華田味道，所以柯華田粉若然濃厚一點更好。

將軍澳抵食台菜💛午餐𝚜𝚎𝚝除左主菜會包一款小食同飲品🤤啱曬我呢啲大胃王呀滷肉飯同炸豬排都性比價很不錯🥰炸豬排嘅炸粉薄超脆口又香🤤滷肉飯個汁好香 啲肉都唔會話超肥 而且不會太重味！至於牛肉麵🍜牛肉嘅份量都算幾多～但麵我就覺得淥得有啲太稔 可以改善一下☺️食台菜當然唔少得珍奶啦☺️配餐飲叫左台式奶茶加珍珠(+$𝟺)🤤叫左半糖 味道不錯 但如果有得微糖會更好我飲開微糖覺得半糖有點太甜了😂(偶爾一次就好)

同朋友去西貢行完出返黎將軍澳，夜晚無堂食就唯有早啲食晚餐啦，我地去左桂花小幸食台式晚餐。下午茶有拉絲芝士火腿蛋餅配地瓜薯條。蛋餅入面有芝士同火腿，芝士味最出，跟住有蛋味，外皮香口，口感豐富。地瓜薯條新鮮炸起，夠熱夠清甜。鹽酥雞排雞肉飯個飯伴有滷水汁，食落變左唔會好乾，雞肉份量唔少。雞排外皮都脆口，好邪惡。三盛紅燒牛肉麵有腱心牛肉、牛腩、牛丸，牛丸最好食，大大粒。台灣麵彈牙爽滑，好食。鹽酥花枝丸(3粒) 好香口，肉質彈牙，夠惹味。我飲仙氣火龍果茶，少糖少冰，可惜唔可以無糖，茶味多過火龍果味。朋友要白桃烏龍茶，無糖少冰，即使無糖都飲得出桃味。

週五嚟到將軍澳廣場嘅桂花小幸食個lunch ，這間餐廳很受歡迎，經常要排隊等位，幸好等一陣就被安排入咗。餐廳環境不錯，佈置有文青feel，有種休閒感覺。我們點了很多食物，非常豐富。首先有雞翅膀滷肉飯，本身配個小食，選了鹵水牛肚。 我們還加配紫菜魚丸湯，同涼拌黑醋茄子。 滷肉飯嘅滷肉肥瘦適中，好餸飯。紫菜湯冇味精，好啱口味，魚丸亦彈牙。 黑醋茄子係我鍾意嘅前菜，每一次都會叫😍另外再叫咗一啲小食，例如鹵水豬手， 豬手夠淋夠入味。仲有桂花雞翼炸得香脆，而且桂花蜜香甜，點雞翼食非常美味。最後來過甜品紫薯珍珠黑糖冰仙草, 珍珠彈牙，黑糖仙草滑溜，又唔會太甜剛剛好❤️❤️