校長燒肉日韓料理 (觀塘廣場)

营业中

休息中

成日想食校長燒肉，有日行街發現觀塘都有分店，當然即刻要去食下啦！.💎C時段 大人：$218/位 首先係刺身、壽司區刺身既種類非常之多除左有必不可少既三文魚、吞拿魚同八爪魚之外，仲有帶子同赤蝦每一款都非常新鮮，又香甜😋😋.其後就係熟食區、點心區點心區有燒賣、小籠包、叉燒包同粉果，款式真係好多而小食區就有麥樂雞、紫芋丸、炸香蕉年糕同鹽酥雞粒每一樣小食都香脆可口、又唔會太油膩Encore左好幾轉🤤🤤.跟住就係邊爐區同燒烤區E度既蔬菜同肉類既款式都好齊全除左基本既蔬菜之外，仲有食燒肉必備既菠蘿🥰🥰🥰而肉類就有牛扒、豬扒、雞軟骨、龍脷柳等，每一樣都腌得好入味肉質油潤肥美，肉脂相間經過微微一燒後，肉既鮮甜更加突出，令肉既層次更豐富.最後黎到飲品區同甜品區E度最特別既係有花茶區俾客人自己沖，食左咁多肉後，黎一杯花茶非常解膩最後就係飯後甜品，甜品既款式都非常多，除左有雪糕同雪條，仲有餐廳自製既冰菠蘿、冰西瓜同冰哈密瓜，仲有唔同既杯裝奶凍😍😍

去咗觀塘工厦買完嘢之後，我好想食啲嘢，朋友提議去觀塘廣場嗰度，於是行過去，去到見到校長燒肉日韓料理，撘電梯上15樓B號舖一開𨋢門見到好多客人，在輪候等入場，我們排咗十幾分鐘終於可以入坐，馬上去攞三文魚&大蝦刺身，食咗又再食，啤酒係喜力真係好理想，店員話比我哋知可以燒&火鍋，要自己攞個煲揀選湯底，要咗豬骨湯底，去到雪櫃我企喺度真係有啲選擇困難症，實在太多啦，就攞咗菠蘿、黑椒牛扒燒，牛扒都霖有肉味黑椒咬碎都幾辣，去沙律區熟食區都有紅蘿蔔青蘿蔔豬骨湯、炆排骨，椒鹽豬扒，三色椒炒雞柳，紅燒三文魚骨腩，湯都㷛得夠曬老火我飲咗兩碗，小食炸春卷，煎堆仔好食，甜品朱古力蛋糕😋雪條係紫米雪條係我第一次食又幾特別，呢度校長燒肉日韓料理，地方環境好闊落沒有壓逼感，店員服務夠貼心，收費真係超值，一定向大家推介。

今日約朋友在觀塘行街，中午去了校長燒肉吃兩小時放題。它有三種價錢可以選擇，分別是118，138和168。價錢相當抵食，我們選了最豐富的168餐, 獲發一個升級刺身通行證的貼紙,可以每次拿一碟刺身。餐廳以四人枱為主,檯面有兩個燒烤爐，中間就放了一個用來打邊爐的火鍋。服務員都好細心地在燒烤盤上面放了牛油紙,以免食物燒焦黐住個盤,亦好詳盡地指示我們怎樣去調教燒烤爐的火力。中式熱食有豬紅，西蘭花，鹵水豬耳,蒸魚,還有精緻的點心：燒賣,粉果,馬拉糕、茶葉蛋和碗仔翅呢。烤肉方面有豬、牛、雞和魚,有醃和未醃的可供選擇,林林總總任君選擇。火鍋亦有不同的湯底可供選擇,我們選了日式豬骨湯底。火鍋的食物亦非常豐富，各式丸類，菇類，菜類，蟹柳，還有米粉，公仔麵，烏冬和刀削麵任君選擇。場地的食品擺設得滿滿的而且整整齊齊,食具亦衛生整潔。有各種調味醬汁,亦有貼心介紹每一種花茶的功效。我選了甜葉菊茉莉花加陳皮,入口感覺到一陣甘甘甜甜的回甘味道,真是不錯的選擇呢！值得一提的還有刺身,我要了大蝦和三文魚,大大隻的甜蝦加上油脂分佈均勻的三文魚，令人回味。甜品亦非常豐富,有不同味道的布甸,亦都有新鮮水果和蛋糕。雪櫃裏面也放

食完好後悔揀黃金時段去🍴環境方面衛生就眼睇就覺得冇咁好，亦都冇吸煙機，煙霧濔漫，最大獲係食食下嘢發覺地下好多曱甴🪳屍體😵🧆食物質素啲嘢食係感覺乜都有啲，但係每類嘅選擇唔多，啲肉好似醃咗好多日，鹹到一個極點。熟食嘅螺肉又一陣壞咗嘅味，林啤啤🥲食兩啖唔敢再食。火鍋啲湯水亦都好淡，唔知食緊咩味，熱水機出來嘅熱水係米白色嘅😬好笑係甜品，大阪雪糕香港制？都難食都一個極點整體就係體驗差，食物質素唔值呢個價錢，寧願比多少少食好啲

上次元朗食過一次係幾滿足的，估唔到分店開至觀塘。難得今天放假，陪屋企人放任食下啦~餐廳地方好大，幾通風完全無油煙味，座位安排大卡位非常闊落，坐得份外舒適。美食一盤盤選擇甚多，除了各類燒肉煱物外、壽司刺身、中菜點心、沙律甜品樣樣有。燒肉放題任食係幾開心的，久唔久一次都可以啦。門口放置有iron man模型，相當逼真有型，見場內亦有不少擺設。(火鍋 + 烤肉 + 刺身) 午市放題 $168/位。沙律先食沙律菜打底健康又新鮮，有三款醬汁可揀。刺身壽司再來食Ｄ刺身有三文魚、蟹柳、甜蛋、希靈魚、吞拿魚、赤蝦，都新鮮有光澤。另外有蟹棒壽司、加州卷、三文魚壽司，味道正常。中菜點心小食點心都有一大堆，炸餃子、炸春卷、炸饅頭、碗仔翅，太多選擇了，不過吃了會很飽都係咪傻，都係燒烤有興趣多點。燒烤食材豬牛雞都有仲有不同口味。食材有一口牛、蒜香牛肋條、蒜香牛扒、豬扒、牛仔腸、香草魚柳、韓風魚柳、秘製叉燒、金沙骨、麻辣雞腎、一口豚、咖哩雞軟骨、麻辣雞軟骨、蒜香雞軟骨、梅肉片、雞扒、韓風雞扒、咖喱雞扒、土匪雞中翼、韓風雞中翼、炸魚蛋、貢丸、豬柳漢堡、煙鴨胸、芝心丸、麻吉燒、日式蟹柳、紅布腸、雞肉腸、台灣腸、午餐肉

疫情持續即使無法去旅行，餐廳主打兩小時放題性價比高配有多款高質韓式烤肉料理作命名概念融合呈味美，為了要吃得划算吸引一眾食家的吸引力，無肉不歡的我心思思想一次過大滿足兼「火鍋燒烤放題」優惠，讓你吃的飽又花得少燒肉放題就讓你以韓式作賣點歎到多款肉類、海鮮、壽司炸物、甜品、熟食等包你一定吃到飽 !玩味十足嚐到多款自助區不同肉品選擇豐富，當中除了燒肉(雞、豬、牛)亦有海鮮、熟食和小食、甜點等，主攻牛肉入口牛肉牛脂味濃、雪花細緻，絕對能滿足韓國菜癮

每次去觀塘廣場買嘢，都俾佢樓梯旁邊嘅廣告吸引住，今次終於決定幫襯一次睇吓伏唔伏。佢有四個時段可供選擇，有平有貴，今次選擇了最貴嘅黃金時段7.3至9.3食足兩個鐘。7:00已經到了觀塘廣場，坐佢哋嘅電梯直達15樓。依度地方超大，自助區也有好幾個，職員安排四人卡位坐得舒服。首先去刺身壽司區搵食，最正係超大隻嘅赤蝦，肉質彈牙非常新鮮，我食完又食差不多食咗十幾隻，其餘嘅刺身就麻麻哋。佢哋都有好多熟食包括有辣酒煮花螺，炆牛尾，豬紅，胡椒豬肚同埋有老火湯真係寫到寫到手軟。之後就去烤肉區搏殺，選擇嘅肉類超多每樣攞一件我諗都食得飽。另外打邊爐係另一個戰場，各式各樣嘅丸類餃子香腸應有盡有。飲品櫃非常誇張，諗得出嘅都有另外仲有花茶區，有啲平時都好少見嘅種類，可惜我冇時間品嚐。另外仲有我齋睇冇幫襯過嘅沙律區&炸物區，食到差唔多就去攻擊佢個甜品區，佢有好多特別嘅自家製甜品，啫喱果凍，旁邊又有雜果，蒟蒻；同埋有個蘆薈粒俾你加上去食我覺得好正，另外也有雪糕雪條同埋冰水果。

每次去觀塘廣場飲茶，都會經過這間「校長燒肉日韓料理」，門口例牌多人等位入座。今日好早就完成手頭工作放工閃人，下晝五點就來試吓佢晚市第一輪嘅任飲任食放題先。地方好大，自助區也有好幾個。安排坐近窗的卡位，外望觀塘鬧市及港鐵站🌟揀了套餐B，7點前離座仲可以包括刺身任食🤗先去刺身，壽司區🍣🍣最吸引係大大隻嘅赤蝦，肉質鮮甜，三文魚帶甜味。翡翠螺味道正常唔靭但味道較淡。熱葷選擇唔算好多，有豬紅，胡椒豬肚，老火湯，蔬菜類等等。豬紅入味，豬肚則較硬。另一邊有蒸籠點心，小籠包，粉果，燒賣，各類包點，正常質素。呢度嘅飲品選擇繁多~罐裝啤酒也有好幾款，另有梅酒，🍶清酒。只係試咗梅酒，略淡，小酌一杯配刺身壽司也不錯。還有各款台灣、韓國和本地罐裝和紙包飲品😍另外還有花茶區，可以自選茶葉自己沖泡靚茶。我揀咗苦瓜茶，蘋果花和雪梨乾，平時比較少飲嘅類別，養生消滯。沙律前菜🥗款式齊備，連比較少有嘅竹筍和橋頭也有🤗韓式泡菜味道調校得唔錯，橋頭夠爽脆。炸物幾款炸物都keep住暖，炸香蕉年糕煙煙韌韌內有芋蓉餡料。芝麻球夠軟糯，充滿芝麻香!來到重點烤肉區，一字排開各款肉類，蔬菜，甚為壯觀。肉嘅調味唔會好重，韓式醬汁醃製嘅都唔會

最近發現新寵兒, 一定要推介俾大家, 就係呢間係 #觀塘廣場 15樓, #校長燒肉 好抵食 , 一個價錢就可以#放題 #無限量任食, #鐵板燒既肉類有好多選擇, 分別雞牛豬魚鴨同菇類樣樣都有, 特別推介仲有雞軟骨, 本身已有少少調味, 燒起黎好香口, 其他肉類調味都唔算重味, 食起黎唔口渇, 正呀🌻🌻🌻🌻🌻另外仲有幾款熱食同壽司刺身, 未燒熟野食之前都已經可以醫下肚, 好細心🌻🌻🌻#火鍋 食品配料都有好多可以選擇, 有丸類, 蔬菜同餃子, 另外仲有3款唔同湯底可以揀, 真係非常豐富, 當然唔少得仲有12款自助醬料可供選擇🌻🌻🌻🌻🌻甜品有好多款可以揀, 啫喱, 布甸, 仲有林林種種雪糕雪條, 真係不得了🌻🌻🌻🌻之後最特別係佢飲品區域係可以自己調配花茶, 可以按個人喜好沖出自己想飲既味道, 同埋貼心有 #羅漢果茶 可以俾人飲, 就唔洗驚熱呀, 真係好貼心呀, 除左呢啲, 仲有多款包裝飲品, 啤酒 同SAKE , 都係無限量添飲 真係超級抵 🌻🌻🌻🌻🌻如果星期一至五晚上8:30 後去都只係$168 / 人, 有咁多野食, 真係超級抵

剛開業去過，當時都尚算ok！之後再去已經唔多定！現在食物品質更加越來越差！刺身款式少，又唔夠凍，每次只給3片，又唔多新鮮，熱菜味道也嘛嘛！甜品完全唔食得！榴槤雪條都冇咗！不會再幫襯！

🔸燒肉X火鍋Crossover雙重放題🗓星期六、日、公眾假期及前夕🕰7:15pm-9:15pm👨🏻成人（$238/位）👦🏻小童（$138/位）適逢假日📸又係時候對自己好啲🎉行完山食一餐cheat meal都唔太過分啫😁鼎鼎有名嘅「校長燒肉」長期full booking👀難得今日walk-in都有位💃🏼餐廳座位闊落👍🏻而且食物款式種類繁多🏆有烤肉、火鍋、壽司、刺身、沙律、餐前小食、熟食、甜品、雪糕、飲品等🤩仲有酒水無限量供應🍾眼見火鍋湯底都有好多款選擇☄️清湯、豬骨濃湯、壽喜燒…不過今次主打燒肉😽下次有機會再試埋火鍋🍲🍖烤肉肉類選擇相當豐富，大廚亦預先以不同調味料將肉類醃製👨🏻‍🍳單係雞肉就已經有超過 5 款任君選擇🧄有蒜香雞中翼、咖喱雞扒，韓風雞軟骨粒…其他肉類，如豚肉🐷（香辣豬扒、香辣豬頸肉、金沙骨）、牛肉🐮（黑椒牛扒、一口牛、肥牛片）、魚類🐟（香草魚柳、秋刀魚、多春魚）等，款式同樣令人有驚喜✌🏻各位肉食愛好者必試🍣壽司 / 刺身估唔到燒肉店都可以食到刺身，餐廳除咗有三文魚🐠、吞拿魚🐟、牡丹蝦🦐、八爪魚🐙幾款「回本擔當」，仲有相當受歡迎嘅帶子、赤蝦、鰻魚等，款款色澤吸引，新鮮味美，品質

校長燒肉出名又抵食又多款式，無論你想燒肉又好，打邊爐又好，食壽司炸物熟食都好，係呢度都可以一次過滿足到你n個願望！重點係真係好抵啊！食物有勁多款式揀，淨係燒烤同邊爐食材都幾十種，有肉有菜有魚。壽司都有幾款，仲有魚生。炸物都好多選擇，而且有燈照住唔會變淋，仲係脆卜卜。仲有好多熟食、甜品同飲品，多到數唔晒…所有嘢食都refill得好快！店內空間好大，有兩大座位區，中間就係食物擺放區。太耐無食烤肉，所以今次就揀左烤肉，一次過拎左勁多野食。我覺得牛肉同雞翼都好好食，仲有燒菠蘿都好正！大部分都係卡位，坐得好舒服，張枱好大放到好多野食，時間好充足可以慢慢食慢慢傾食物質素就正正常常，未到好驚艷，不過甘既價錢抵到爛啦！

今日去到觀塘校長，入去種類繁多，有生有熟，不過指入少咗啲，想飲碗湯都要搵隻碗係邊度，正體黎講，係吃到飽，唔算好吃！特別一口牛真係極度難食，鬆弛粉落太多，總之唔好吃，相反豬同雞好味好多！熟食區 豬紅一流！甜品選擇多，下午無雪糕食！

8月16日订了观塘校长分店的5-7点晚饭时段，为闺蜜兴庆祝🎊生日啊！因为我以前去过元朗及大埔分店吃过感觉挺好的，又丰富又多选择，又便宜又吃得饱，点知道今次超级失望😞！自助餐区非常细小，选择少，所有食物好难吃又不新鲜，根本就是中午时段的食物餘下来给我们这个时段，简直离晒大谱，员工态度不好，连寿司🍣位置的员工态度散慢，好像不想做的态度，结账时又不提示就快时间到，只把结账单飞到桌子上给你结账，感觉好差！没有一点好，只有就是坐位比较舒服少许

話說今日約好咗去觀塘食放題 ，起初係去漢和韓國燒烤，因人數減少最後轉咗去校長燒肉放題。校長燒肉放題開十一點我哋約咗十二點；人齊之後我哋就攞位入去食嘢，入到去人山人海好多人， 呢度算係平嘅 不過衛生爭啲 同埋食嘢都多嘅 問題就話佢分等級咁佢最平嗰個呢就分咗冇唔可以飲清酒唔可以飲梅酒要148嘅價錢先至可以飲用 壽司最平嗰個等級都係冇得享用嘅 其士啤酒汽水可以飲你飲 食物可以任食 冇海鮮食 個價錢都算合理都食到好多嘢嘅不過我哋人數唔多咁呀食個平嘅試下同埋都未去過係第一次去食所以都係以基本為原則食咗最平嗰個套餐