校長燒肉日韓料理 (觀塘廣場)

营业中

休息中

每次去觀塘廣場買嘢，都俾佢樓梯旁邊嘅廣告吸引住，今次終於決定幫襯一次睇吓伏唔伏。佢有四個時段可供選擇，有平有貴，今次選擇了最貴嘅黃金時段7.3至9.3食足兩個鐘。7:00已經到了觀塘廣場，坐佢哋嘅電梯直達15樓。依度地方超大，自助區也有好幾個，職員安排四人卡位坐得舒服。首先去刺身壽司區搵食，最正係超大隻嘅赤蝦，肉質彈牙非常新鮮，我食完又食差不多食咗十幾隻，其餘嘅刺身就麻麻哋。佢哋都有好多熟食包括有辣酒煮花螺，炆牛尾，豬紅，胡椒豬肚同埋有老火湯真係寫到寫到手軟。之後就去烤肉區搏殺，選擇嘅肉類超多每樣攞一件我諗都食得飽。另外打邊爐係另一個戰場，各式各樣嘅丸類餃子香腸應有盡有。飲品櫃非常誇張，諗得出嘅都有另外仲有花茶區，有啲平時都好少見嘅種類，可惜我冇時間品嚐。另外仲有我齋睇冇幫襯過嘅沙律區&炸物區，食到差唔多就去攻擊佢個甜品區，佢有好多特別嘅自家製甜品，啫喱果凍，旁邊又有雜果，蒟蒻；同埋有個蘆薈粒俾你加上去食我覺得好正，另外也有雪糕雪條同埋冰水果。