校長燒肉日韓料理 (觀塘廣場)

营业中

休息中

校長烤肉的食物質素和用餐環境，早已名聲在外了，因此今天朋友帶我來校長烤肉品嘗美食，我自然是歡呼雀躍的，因為能夠一睹真容，這種喜悅感真的是很難得。果不其然，我們一落座，便立即開始了忙忙碌碌的取餐過程。經過一番激烈的取餐，我選了好多食物，開始細細品味。我發現這裡既有火鍋又有燒肉，而且肉類食物的選擇起碼有過百種，真的是讓我眼花繚亂。我吃下來，感覺蜜糖豬扒和牛扒真的是非常好，一是肉質好，二是提前醃製得好，因此吃到肚裡，真的是滿滿的幸福感。還有這裡的一口牛更是一絕，肉質鮮嫩，入口鮮香，回味甘醇。其次，這裡還有非常多的甜點和飲品，以及豐富多樣的小食，如豬蹄、土豆牛腩、排骨等等。我非常喜歡這裡的冰淇淋🍦，因為選擇多，而且用料扎實，口感出眾，真的是讓我吃了一口還想再吃下一口的程度。美顏養生花茶更是一大特色，花的香氣和茶水交織在一起，入口清香。總的來說，這間餐廳真的是很適合一夥人聚餐的地方。好期待下次能夠在這裡聚餐，與親朋好友一起享受這裡的美味佳餚。

近排天氣凍到傻，最啱熱辣辣打吓邊爐食下燒肉兩樣都想食咁點算，就一定要來校長燒肉，百零蚊嘅放題，可以食齊兩樣嘢，再加超多小食，冇得輸放題X燒肉X打邊爐$262加少少錢就可以食埋魚生，冇理由唔食啦魚生嘅選擇唔算好多，推介個甜蝦都幾大隻同新鮮咖一邊燒肉一邊打邊爐真系好爽，間唔中可以轉換下口味，食得更多燒烤同邊爐有齊肉類、丸類，腸仔、菜類，應有儘有熟食都有唔少選擇，炆牛腩至點心類如奶皇包都有得拎，總有幾樣岩你口味甜品想讚下個芋頭西米露，夠粉夠熱，飲完暖笠笠

校長燒肉是今期大熱，聽說性價比高，今天終於能親身體驗。到步時已人頭湧湧，大家都在等候入坐。餐廳頗大，分了不同區域，很有系統的。取食物的位置都有足夠空間，亦按不同的類別而分區。還有陣容頂盛的花茶閣，養顏又得，養生亦得，食得飽，亦可以沖壺茶消滯。飲品都有6個大雪柜，汽水、啤酒、果汁等等，應有盡有，任君選擇就連清酒、梅酒都有。炸物有幾款，至啱肚餓的懶人，先吃幾口。前菜有幾款，酸薑蕎頭都有。壽司、剌身都不馬虎。打邊爐的食物韓燒的肉肉好大條秋刀魚呀))))))))開動啦~~~ 羊架燒一會已經好香啊~~~店家好細心，用小小的錫紙兜盛載牛油粟米。豬腩肉脂肪及瘦肉相間分佈，非常香口。刺身好肥美，一定不容錯過。看這刺身蝦，勁大隻呢！在熟食區有青口，都好肥美。韓燒配啤酒，人生一大樂事。食到中段，要開始打邊爐，吃些菜再來一ROUND燒肉，這餐真的很忙一口牛一定要食，牛味濃郁，肉質又夠嫩。甜品柜都好豐富雪糕雪條都好多款。估唔到會有冰菠蘿、冰哈蜜瓜，兒時回憶返晒嚟。咁多款食物，埋單每人不用$300，價性比高。

朋友想打邊爐🍲。我想食燒肉🥩一次滿足2人慾望我哋星期一8:30入座 成人$168我一入去就被 「花茶養生區」吸引Cafe一壺花茶要 $50-60而家隨便個人喜好 自由配搭任你瘋狂飲 好玩 好抵 燒肉方面 真的超級多選擇雞 🐔牛 🐮豬 🐷 咩口味都有但個人推薦~土匪雞翼超好食 ‼️出面一碟4隻 都要$30+ 好抵x 2飲品方面 人哋有的 校長都有但係清酒梅酒 任劈 實屬少見⋯⋯湯底方面豬骨湯唔錯 👍🏻火鍋料落鍋係入味嘅重有薄荷雪糕🍦好正冰鎮菠蘿🍍買少見少大埔單車徑小販都要$10/塊唔係講笑 我食左3塊校長真的好貼心童年小食都有埋啫喱係可以自加配料我喪加椰果 好正 好開心整體來講 $168過百款的燒肉邊爐配料 放題 加咁多嘢飲 甜品 $168抵到飛起

▫️放題唔係大食朋友既專利💁🏻‍♀️ 好似我呢啲細食但又咩都想食既lady都好岩去食架🧏🏻‍♀️ 呢間日韓放題有齊燒肉、打邊爐、刺身🍣 真係想食乜都有😍🍖 燒肉 x 火鍋雙重放題 $238▫️區域超大分左超多唔同食品區😧 有前菜沙律、刺身、醃肉、火鍋配料、熟食、甜品、飲品區等，幾乎你諗到既都有🧐▫️比較欣賞既位係，燒烤爐上會舖上牛油紙，咁就唔怕燒肉會痴底同燒燶👏🏻 試左舊燒雞，真係可以燒到外脆內軟😻🫶🏻▫️飲品都超多選擇🧃 幾個大雪櫃，除左平時飲開既紙包飲品，仲有我最愛既lime soda同Hoogarden Rosee任飲😍 另外仲有清酒同梅酒🍶 餐廳真係一啲都唔吝嗇👏🏻▫️仲有好多甜品可以食🤤 有雪糕、雪條、糯米糍、杯裝甜品等🍨 食完真係大滿足呀🥳▫️蔬菜肉類新鮮又多選擇🥸 價錢方面都好超值🤑 間唔中去擦餐勁都唔錯🤤

之前整親隻腳行唔到，搞到成個幾兩個月都無咩喺街食飯，再加上喺醫院食咗好耐嘅無味飯，真係要搵個地方食盡D！今次揀咗觀塘嘅校長燒肉係因為呢度唔單止有韓燒，仲可以有埋火鍋，一個價錢兩種享受！職員安排好坐位後就去食物區巡視一下有咩食物嘅款式，單係食物區佔嘅位置都好大，除咗燒烤嘅食品、打邊爐嘅配料外，仲有熟食、刺身、甜品及飲品，諗得到嘅都有，單單係韓燒嘅食物都有幾十款，火鍋配料又有幾十款，每樣食一件都食到你飽！呢度嘅肉本身就已經調教好味道，所以燒完都唔使再加調味料，味道啱啱好。而飲品區嘅飲品款式都係好多，而我就最欣賞係花茶，單係花嘅嘅款式有十六款，隨個人口味自行配搭，最細心嘅係每一款花茶除咗有花茶嘅名稱外，仲會有寫埋功效、性質同建議配搭，值得一讚！最後甜品區嘅甜品，未計雪糕嘅口味都有十多款選擇，睇到都覺得開心，啱哂小朋友&鍾意甜品嘅人士。總結：價錢經濟又抵食，一定會再幫襯！

今日在觀塘交收，順便都會在觀塘食埋野先走加上天氣凍凍地，又想打邊爐又想食燒肉，點揀好呢？why not both ?今次燒肉同打邊爐兩樣加埋一齊，鐘意食咩就食咩，好爽😁😁打邊爐湯底有3款可以任揀👍🏻👍🏻仲有花茶可以自己沖，消吓濟咁,可以盡情咁食..呢度選擇超多，諗到既都有，特別係肉類種類選擇多 ，極力推薦 韓式魚柳，咖哩雞翼，韓風大醬牛肉片，仲有熟食區選擇都好多….甜品類另繁多.. 仲有一片片既急凍生果，好正👍🏻👍🏻👍🏻

週末嚟到校長燒肉觀塘店，未入到去已經見到人氣爆棚，門口排隊嘅人好多，等咗一陣先入到去🤣晚市package係包埋刺身任食，不過刺身每次只可以拎三款，避免造成浪費，想食嘅朋友仔要行多幾轉啦🤣入邊仲有好多嘢食，熟食有炸物、包點點心、扇貝、豬紅、雞肉、惱火靚湯等等。仲有沙律區、手打園區、燒肉區、甜品區、打邊爐區、刺身壽司區、仲有甜品任食😍😍燒肉燒到攰可以拎個煲打邊爐，有豬骨湯、壽喜燒湯、同埋韓式辣湯等湯底選擇。仲有配料區俾食客自己加醬料～係呢度食嘢完全唔需要擔心食唔飽或者唔知道食咩嘢，總有一樣啱食嘅😂，啱晒同食肉獸嘅朋友過嚟總結：呢個價錢真係好抵食，同朋友或家人過嚟啱晒！😉

這間位於觀塘的放題店非常抵食，一個價錢兩種享受，燒肉加火鍋任食唔嬲。店舖非常大，座位又寬躺。自助食物區的種類繁多佢，有日式刺身區，有專人即叫即切。中式蒸點心有小籠包、粉果及燒賣。燒烤肉類應有盡有，有美國肥牛片、孜然香辣豬腩片、牛仔骨、秋刀魚及鯖魚等等，多到試唔晒，食物水準係完全OK的。熟食區有螺、青口、丸子、紅蘿蔔牛腩及瓜菜類等，味道不俗。甜品區也很精彩，有椰汁水晶粉、蝶豆花果凍、泡芙及豆腐花等。飲品花茶區有16款，還有清酒及梅酒任飲，最精彩係啤酒都任飲，仲有6款以上供選擇，所以真係抵食。

觀塘廣場15樓食肆都有幾間，校長個名好有威嚴，火鍋任食放題一於入去嘗試下， 睇睇校長嘅威望先， 一入門口，左右兩邊分開走，都好大地方，人流都好旺，枱枱見客滿，我哋呢次坐到好入好入好入，原路客人出出入入，都見到好旺好旺嘅，座座坐無虛席。睇下有啲什麼食材先。呢度有日本式有燒烤 有壽司、仲有魚柳、蟹柳壽司、三文魚壽司 又有肥牛和牛又有燒腩肉，又有熟食部落嘅嘢，熟食六七款中菜又四五款，光吃已飽了。 飲品更加厲害，你想飲乜茶都有，咖啡奶茶，仲有凍飲品任飲任食，啤酒任飲，仲有 燒烤食品，鍾意食幾多攞幾多，唔好食唔晒就得啦，仲有啲餃子，一盤一盤擺喺度，係日式餃子呀!仲有熟食上面都有好多款六七款，熟食中式嘅任你食。甜品有雪耳有布丁，真係好多品味，再加埋雪糕，雪糕有海鹽，有紅豆任食呀，仲有榴槤雪條紅豆雪條， 甜品有六七款，仲有泡芙呀芝士蛋糕，個肚真係食個不停。個零鐘頭食到個肚都放唔落，咁就唔係難為個肚，食得落就，這一餐食得非常滿意，咁嘅價錢，二百零蚊落樓算係咁啦。

今日朋友來官塘找我食午餐，就去了一間很抵食的韓燒放題，這裡地方很大，全部食物及飲品都以自助形式，任人自由選擇。烤肉款式很多及不同的味道～香草雞柳，肉質嫩，很有肉汁。秘制叉燒，醬汁味道很好，不太咸，剛剛好。薄片豬腩肉，燒出油份後，特別香。豬頸肉，肉質爽口，味道很好。一口牛柳粒，肉質嫩，有牛肉味。蔬菜類種類很多～鮮菇，雞肶菇，三色椒都非常新鮮。菠蘿燒後特別多汁，鮮甜。南瓜及日本蕃薯仔，好甜好好味。另外還有各式各樣的熱盆～炒時菜，豬紅及豬腳薑都有。甜品有啫喱，奶凍，大菜糕，布丁及蛋糕仔，每款都很好味。

之前在觀塘返了幾年工,都不知道原來在觀塘廣場有一間性價比非常之高的日韓燒肉放題,更過份是今次去試過先知道價錢同時包括了火鍋放題,真的抵玩！一入餐廳地方都非常闊落,基本上每枱之間都有著非常闊落的間距,非常適合三五知己一齊傾計,地方都算整潔,就算以燒肉作為主打,也不見得立黐黐。出去看看食物選擇,基本已經分好每個專區,包括為燒肉而設的烤肉區,豬牛雞羊應有盡有,而且用上不同醃料適合各客人口味,肉類都非常新鮮,烤完配合少少醬料已經好美味。當中亦都不乏海鮮,其中個人非常喜歡靖魚,冇骨啖啖肉之餘, 每一啖都充滿魚油香,所以吃不停口。火鍋區同樣屬於自助形式,出去拿個火鍋煲,加入一款自己喜歡的湯底,在火鍋區拿一些配料就可以,,湯底相對比較日式,味道較清,更能突顯食材的鮮味。熟食區同樣充滿驚喜,蔬菜小炒味道都出色,而且不定時換款,不過個人最鍾意都是有提供充滿港式的小食,例如茶葉蛋及碗仔翅等。飲品區都提供不下十款的各類飲品。甜品區的最大發現是有充滿懷舊色彩的鮮水果冰,更加有西瓜和菠蘿等選擇,非常滿足！

今晚約咗朋友響觀塘食晚飯，揀咗嚟呢度食放題，有得食韓燒，又有火鍋，大家鍾意食咩就食咩，食物種類多多，而且價錢好實惠，性價比高。一嚟到就巡視下有咩嘢食先，都真係好多種類，首先拎咗刺身先，有大大隻嘅赤蝦，三文魚，八爪魚，希靈魚，螺片等等。赤蝦超大隻又鮮甜，好有驚喜。赤蝦係限住每次攞一隻，拎多幾次就回本。我哋一d生食，一d拎黎燒，一d火鍋，超正。食完刺身之後我哋就開始燒嘢食，出邊凍肉裏有好多各式各樣應有盡有。我哋主力食牛扒，咖喱雞扒，魚柳，泰式豬頸肉，雞翼，帆立貝等等。啲肉類都醃得好入味，牛扒肉質腍滑，質素唔錯。魚柳好厚身，燒到外皮焦香，內裏保持肉汁，好味。蔬菜類都有唔少選擇，有菠蘿，翠玉瓜，洋蔥，蕃茄，牛油金菇，牛油、粟米等等。火鍋方面，我哋要咗豬骨湯底， 赤蝦用嚟做火鍋，非常鮮甜，而且肉質爽口彈牙。丸類方面，我就鍾意芥末魚蛋。火鍋點少得食肥牛，但因為燒烤食咗好多牛扒，我哋都只係食少少。之後就食吓啲蔬菜類，例如蘿蔔同埋生菜。出邊自助吧其實都有好多熟食，例如點心就有燒賣，小籠包同埋粉果，另有好多炸物，仲有忌廉青口，滷水雞翼等等，花多眼亂。甜品櫃都有好多自家製嘅甜品，例如奶凍之類，我就太飽冇試