校長燒肉日韓料理 (大埔廣場)

营业中

休息中

見開飯食評都OK,再去多一次.點知仲差過新開上次.樓下小姐極無禮貌.上面收野啲姐姐仲差.燒烤野食完全未解凍.一舊舊!熟食只有菜.青口啲肉霉旺.一係的殼完全未開.點解食評啲嘢咁靚？？

大埔放題選擇唔多, 都係得果幾個, 我覺得性價比最高既, 首選應該係校長燒肉🔥今次我黎食下晝, 佢有3款餐揀, 淨燒肉, 燒肉+火鍋 同 燒肉+火鍋+魚生全包既餐, 因為只差幾十蚊, 就揀左個全包既🙈下晝黎食都半滿座, 放低d野就出去拎野食野飲野食方面有熟食例如各種炸物, 茶碗蒸, 點心之類, 質素正常😬肉類大約都有20款左右, 豬牛雞魚腸丸應有盡有, 牛肉(排)都有好幾款, 除左腸仔差少少之外, 大部肉類都醃得幾入味, 燒完都唔使再點調味料, 同埋都算好味😋有魚生同壽司提供, 始終呢度唔係食日本放題, 款式唔多, 味道亦唔突出, 但可以理解😮仲有個甜品吧, 提供細杯裝甜品同啫喱之類, 因為食完正餐太飽既關係, 我就冇食到啦, 所以冇評價😮野飲方面有大量罐裝飲品, 自制支裝茶, 啤酒, 甚至仲可以自制花茶 (但應該唔夠時間整😂), 我就中意飲佢d自制支裝茶, 茶味夠又可以解膩, 配合食燒肉火鍋一流👍黎食校長當然主要食佢既燒肉, 基本上超過一半種類既肉類我都有燒黎食, 而個火鍋就相對冇咁出色, 湯底冇咩味, 整體黎講食物質素ok, 價錢平, 性價比高😁我食過幾次, 每次黎都好似唔同價錢,

今天約了一位人稱食物焚化爐的朋友， 食這一種平價的任食燒肉就最為合適。一進到店的入口已經有幾代不同的ironman 歡迎我們， 感覺良好。上到2樓， 地方很太， 不竟前身是酒樓及Neway Karaoke Box，食物擺放得井井有條， 而且食物及飲品的款式多。我們選的最平的$118任食， 沒得飲酒類、食火鍋及刺身， 但已經有很多食物選擇了。燒肉、壽司、小食、甜品。個人比較喜歡店的韓式雞和魚，燒出的韓式香辣味壽司的質素都可以， 三文魚都新鮮。飲品櫃十分大， 選擇極鄟。

放工想試下同朋友慶祝生日，之前見有人食長腳蟹，入到先有一盤海鮮併盤，見唔到有長腳蟹。到左7:30後開始多番d野食，味道可以，飲品方面選擇多，建議食燒物，如果對食填飽肚最佳之選😊😊😊😊

不好意思啊，那么久才写食评，因为工作太忙没空呀😅！在11月3日晚上与干儿子去了大埔的校长日式烧烤放题店，其实我已经去过了元朗总店，所以今次咱们去试试这间新分店的质素如何🤔？装修比较元朗新，干净清洁，也挺有特色的。地方比较元朗细小，所以坐又小又窄，不是太舒服。咱们一坐下服务员立刻送上免费的烧烤盘，但质量不行。放题区的食材挺可以的，比较元朗新鲜些，但选择性少了点，甜品也不错，挺好吃，但有地方元朗不及大埔贴心，就饮品区有放不冷藏饮品区，这点值得一👍🏻！

今日lunch 放假入咗大埔同🐽🐽食校長燒肉放題平日一至四2小時放題都係$98。真係堅抵食！一入座梗係要出去自助美食區攞啲熟食食吓先啦！Sashimi、 炸物、壽司、點心樣樣都有！好多種炸物，樣樣都好新鮮脆卜卜。壽司最搶手咁快已經比人攞咗咁多🤣估唔到連點心都有得食。冰凍飲品低糖綠茶最受歡迎。包裝罐裝飲品放哂成個貨架到，我以為去咗supermarket😆蝦刺身好大隻又鮮甜正，仲有我最愛嘅希靈魚😋燒多春魚有張紙隔住係無咁易燶😆來番個大雜會先！太肚餓等唔切😆

男友食過堅持帶我去試既自助放題，由於真係太抵食，兩星期食左兩次既節奏。午市任食兩小時價錢大概～$160滿足哂1️⃣燒肉2️⃣邊爐3️⃣日式放題三個願望。第一次去食午市，原來係無雪櫃雪糕提供。覺得帶了點遺憾，所以決意第二次係8:45pm後快閃優惠再訪，週六晚都只係$168 一位😱唔知老闆係唔係Ironman 既忠粉，樓底高同環境闊落，上下兩層放左幾隻Ironman 喺度，非常之吸引大小朋友打卡，環境闊落舒適，就算兩人檯都唔會覺得太迫，又一間幾推薦一家人去食既地方。食物品種多到我食兩次都未試得哂，飲鬼啤酒有四款，仲有清酒同梅酒添。⚑⚐゛壽司/ 沙律吧𑁍 餐前開胃小食沙律菜 車厘茄 青口 泡菜 連蕎頭都有仲有超好食既蘋果沙律𑁍壽司 刺身 如果揀最高價位有刺身食既套餐，餐廳會提供升級刺身通行證供自取。⚑⚐゛熟食/ 即食區𑁍 精美點心🥧燒賣 糯米雞 小籠包 茶碗蒸 碗仔翅𑁍 即食餸菜 𑁍 炸物 炸香蕉糕🍌 炸紫薯波波 麥樂雞 薯條 薯角 牛角包炸香蕉糕我真心覺得好食😋⚑⚐゛打邊爐/燒肉打邊爐以自取形式 需要食先自己拎個煲同湯底。𑁍 蔬菜 丸類 粟米 四季豆 翠玉瓜 雞髀菇 燒菠蘿🍍打邊爐丸類都有十款 𑁍 雞

首先入場已經很吸睛,有幾個1:1超級英雄歡迎你,沿樓梯都有很用心的裝飾,這樣實在是可以提升食客對食店的信心。入到場更加不得了,沿路都是擺放食物的地方,而且分門別類,飲品類、熱食類、小吃類、刺身類、火鍋類、燒烤類、花茶類、甜品類、調味品類…簡直多不勝數,而且買相,很用心不是求其對推滿食物盤,到坐定定準備取食物時,實在花多眼亂,拿不定主意,當然刺身是首選,原來也有很多選擇,有大蝦、三文魚、吞拿魚、螺片等且都很鮮味,一輪冲鋒又到烤肉,朱牛雞調味都恰到好處,個人較喜歡多春魚和一口牛,飲品竟然有熱的樽裝維他奶,更有多款花茶,正好是吃熱氣食物的調劑品,轉眼兩小時很快過去,又是甜品的衝刺時間,除了軟雪糕的甜品也有很多選擇包括糕點和布甸等。整體就如標題它的CP值絕對赢晒!

原來大埔都有校長燒肉，今日入來食番個午餐任食，每人$108，真係早餐價錢咁上下，仲多野食到離晒譜架😂比$148就有埋刺身任食（2小時）👍🏻即刻欏位，行上去，樓梯都好企理，有落過心思，幕後團隊一定好用心👍🏻唔係講笑，中午時段已經咁旺場，好在呢度地方夠大又寬躺，唔會覺得迫夾，都幾舒服😊呢個花茶區，好多花茶任揀，啱哂鍾意健康嘅我😂火鍋🍲配料多不勝數，梗有幾款啱晒你😚海鮮🦞沙律🥗壽司🍣應有盡有，排列整齊，媲美高級酒店水準👍🏻熟食區，甜品等等，一啲都唔馬虎，真係想像唔到咁嘅價錢有咁高嘅水準😅有齊韓式燒肉，火鍋，仲有刺身任食，真係想講粗口，有冇咁X抵呀😂😂😂真心寫個服字👍🏻👍🏻👍🏻

此日韓燒肉店我真心誠意推介給大家食友！我只能說「正」來形容！環境衛生、空氣質素、服務、食物種類、食物新鮮度在我而言已經「無可挑剔」！價錢公道！最令我覺得窩心因佢連老友記都照顧埋！一家人出街食飯擔心老友記因燒烤火鍋太熱氣，校長竟然提供中式點心、熱湯就連碗仔翅都有。照顧周到！飲茶、飲花茶、飲梅酒、各類飲品，任君選擇。不能不佩服佢嘅壽司吧！壽司師傅夠專業有禮！每件生鮮即做且都擺得好靚！此店經理管理層非常專業樣樣都管理得井井有條！勁！你唔試吓係你損失！

本人與家人初次光臨該店用膳，感覺食品選擇較多，而且職員服務質素較好，於是再次光顧。沒想到第二次光顧，卻令我們十分不滿，理由如下：1. 關於海鮮set：就以四人一份，我們有三位成人一位小孩，卻獲分得三隻蝦，經過查詢，職員表示小孩不會獲發蝦。然而，在第一次光顧時，卻獲平均分配蝦。2. 我們預訂了晚上7:30，根據店內限時120分鐘用膳，原則上我們的用膳時間理應直到晚上9:30。可是，到了9:15，職員卻以外面很多客人等候入座為由要求我們提早離開，而且態度惡劣。然而，當我們踏出門口，卻沒看見有任何食客等候入座。3. 這點正是最令我不滿的地方，莫過於有職員表示店內的盛茶的膠瓶是循環再用。此點不禁令我質疑，到底有沒事前經過嚴格消毒，畢竟，這是涉及衛生問題。整體而言，這次光顧，無論是職員態度及衛生問題都令我們不敢恭維，令我們不會再光顧。

同朋友突然決定突然食燒肉放題，就係OpenRice搵咗呢一間都幾高評價嘅燒肉放題餐廳食。我本身都唔係特別鍾意食燒肉放題，但呢間完全係令我對燒肉係刮目相看。我地食星期六7:15-9:15pm，每人238+1，週末呢個價呢個時段完全唔算貴。成間餐廳好多野食，肉類有好多選擇，仲有多春魚、三文魚。呢個時段包埋壽司刺身，但d刺身一啲都唔hea你，有大蝦、帶子、三文魚、吞拿魚、油甘魚，另外仲有約12款壽司，而且係解晒凍！唔薄切！同有鮮甜味！我地5個人，送左帶子、蠔、大蝦、肥牛比我地講下燒肉先，燒個陣會有張查左油既牛油紙鋪係鍋上面，食物直接放上去燒就得，完全無左會黏底既問題，而且會幫你換紙換得好密，基本上唔叫佢佢都識自動過黎換讚！另外佢地見到吉碟/裝晒骨既碟，都好快會黎幫你拎真心服務唔錯！野飲方面，凍飲櫃都有成4、5個大櫃，唔想要凍飲仲提供唔凍既紙/罐裝，仲有約9-12款花茶比你自己揀黎放落熱壺另外，竟然仲有清酒同梅酒俾你任飲甜品有韓國雪糕雪條，仲有多款奶凍啫喱（賣相唔吸引我就冇試），雪糕雪條幾好食呢個價真心性價比高，坐得又舒服😌會再帶朋友食

推介有：刺身蝦，三文魚，吞拿魚，榮螺很鮮味👍🏻沙律有蘋果沙律，好少放題店有呢種salad👍🏻🍎🍅甜品也算多又好味，我試了椰汁奶凍加蘆薈加分的還有人蔘雞湯😋而熟食竟然有西芹炒蝦仁，真係冇得輸😂飲品有多種自製花茶和汽水，我就選左黑枸杞菊花茶，如果想飲熱的，有暖暖的枝裝維他奶🍶和各類花茶，真係多不勝數😆環境方面，裝潢設計有特色😎最後又係最緊要嘅係員工服務態度友善，幫我哋換左兩三次牛油紙，用嚟墊住燒野唔易燶，食具也有韓國feel，用的是鐵筷🥢鐵碗，簡直彷如身在韓國🇰🇷般真係想快啲可以再✈️✈️✈️呢！😄

原本book咗枱同朋友明天食校長燒肉，後來朋友嚟唔到我打去餐廳取消，接電話個女仔竟然話「唔該你下次諗清楚先打嚟落Booking！」☹️我好有交帶打去取消，竟然換來咁嘅態度對待，絕對唔會有下一次！🤬

好耐都冇同女朋友一齊放假, 成日經過大埔都想試下, 今日終終於大家放假, 一早就預約咗7:15pm ，我地6pm 就到左附近商場行左一陣，7點3準時到咗門口，可能因為我哋預約，職員好迅速就安排我哋入去坐，門口會見到兩隻iron man 1:1 公仔一坐低已經食有海鮮拼盤俾我地，新鮮又大隻飲品都有好多選擇，如果覺得又係可樂佢哋有健康啲嘅選擇自家製花茶全部都係自助形式，全部嘢都係出去攞，肉類選擇都好多，最鍾意食雞翼，醃製得好好味又有新鮮刺身同壽司，好似食自助餐咁要d咩即場切俾你，咁就唔會浪費又保持新鮮如果燒肉又唔岩食，壽司刺身都唔岩食唔緊要仲仲可以打邊爐，仲有中式點心一定有食物岩你口味