校長燒肉日韓料理 (大埔廣場)

营业中

休息中

成日聽朋友介紹下話呢間食材新鮮同埋係抵食燒肉店，今日終於可以試一試啦。❣️我地揀咗B時段去食~5:00-7:00pm前結賬及離座(包刺身)星期一至五：成人$178；小童$118六、日、公眾假期及前夕：成人$188；小童$128食物有好多種類俾你揀，有熟食，刺身，燒肉等~~正呀!❣️ 刺身個到d刺身好新鮮，有赤蝦,吞拿魚,三文魚等等特別推介赤蝦，好大隻好鮮甜❣️ 燒肉有牛, 雞腎, 豬頸肉等雞腎爽口，牛好林。❣️ 甜品同雪糕推介: 有自家制拉既機雪糕!

之前book過位，點知嚟到無開。今次再三double check終於食第二次，哈哈！$218 + 10%！生日有88折！種類多元化，日韓有常見呀。有埋中式多款係依到先見過！先來個拼盤 - 帶子、大蝦、牛油蠔同肥牛有殼既食物開始先最好，一路可以食住熟食同刺身先！帶子肉實實，不錯！大蝦都帶彈牙既！牛油蠔可以早少少食，耐左乾左啲痴住左。每次可以拎刺身三款，每件三件，除咗赤蝦只可以一隻。三文魚係非常之厚切，油甘魚都係。赤蝦幾新鮮彈牙同凍蝦都值得一食！凍蝦口感比較結實！前菜有齊，另外仲有啲炸物，例如炸香蕉、炸麥樂雞、炸薯條等等。炸香蕉好懷舊味道，好深刻既一個又似小食又似甜品咁！之後仲有啲點心、沙律、茶蒸煮，種類多多。見老人家好多拎點心，哈哈！年糕福袋都有！火鍋方面有三個湯底！配料可以自由配搭，例如有貢丸、牛丸、龍蝦丸、炸枝竹、菜、羊肉片等等。又燒肉又火鍋仔好滿足！有炸響鈴就好啦，有住炸枝竹都唔錯！燒肉就有好多選擇，秘製叉燒、金沙骨、土匪雞翼、蒜香雞扒、雞軟骨有好多唔同嘅味道包括有咖喱同原味、仲有香蒜豬頸肉好多好多。唔會話因為佢品種多，而係味道一樣，每款嘅味道都有自己嘅特色，有啲甚至有韓式醬調配出

可以堂食晚市梗係要食多元化既放題開心吓喇～選擇咗呢間係因為佢近我屋企，有燒肉同時亦有火鍋，為食如我，咩都要有先可以滿足到😆呢啲環境佈置，男仔一定會好著迷一入座先有個拼盤由店員奉上，海鮮同牛肉都好靚仔😍樣樣都好新鮮，重點係一啲都唔腥😃外場有好多種類既食物，最吸引我嘅當然就係刺身，有六至七款，樣樣都非常吸引，當中我最鍾意係吞拿魚，無筋、新鮮、鮮甜。👍🏻👍🏻燒肉亦有好多唔同口味,只係雞翼都已經有三四款口味, 有辣有唔辣，任君選擇😆另外，酒樓點心亦毫不遜色，種類都算幾多，一盅一件😆熟食方面，竟然有惹味嘅炒蜆同東風螺。正！甜品除咗有一般品牌既雪糕雪條之外，仲有細細杯自家制甜品，而我就鍾情於自己拉既機，今次仲要有兩款口味，其中一款「蜜糖牛奶」認真係極力推薦😆呢個價錢可以食盡好西，抵到爛吖😆

疫情下飲食業生意受到很大影響，難得政府宣布放寬防疫措施，恢復晚市堂食，我就即刻諗起要食燒肉。校長燒肉之前已經比佢個招牌吸引住，今次就去就試下！價錢係唔貴，不過要睇埋質素！一入門口就好多超級英雄裝飾，如果鍾意嘅話真係幾開心！我1700到，估唔到都坐左好多枱。食物種類超級多，有熟食，刺身，壽司，火鍋等等，每樣野都超過10款！飲品大部份都係獨立包裝，好方便。淨係啤酒都有三四款。佢啲雞翼同雞軟骨各有3隻味，唔會太鹹，嗰味非常好食。香草魚塊都好出色，d肉好實淨。一口牛肉重味得啱啱好，可惜牛肉類選擇少！隻刺身赤蝦好大隻，爽甜，高質，力推！燒肉配啤酒，重要任飲，性價比高！重有甜品同雪糕，其實我唔係食左好多round，已經好飽！總括嚟講，呢個質素絕對配得起呢個價錢有凸。

我哋是在假期完結前的星期日在大埔踩完單車打算食個early dinner才出市區，5pm入座，7pm前埋單可以有優惠價。 餐廳門口裝修別緻，有數個Ironman 吸引小朋友及ironman 愛好者打打卡，沿樓梯上餐廳都有唔同主題設計的牆身供食客影相，一上到去是工業風的設計，空間感亦都十足，食燒肉最怕坐得逼及通風設備差，他們枱與枱之間有相當的距離，樓底高通風系統好，坐得舒服之餘，全餐都聞唔到好大的油煙味，門面功夫絕不馬夫，令人開始期待這一餐！ 校長燒肉之前聽就聽得多，食就真係第一次，食物種類之多樣化是我始料不及的，我之前以為只有燒肉！我們選擇了兩小時的燒肉火鍋刺身自助晚餐，聽個名都想像到有幾豐富，除咗燒肉，仲可以打邊爐，食刺身，仲有好多唔同款式的中西熟食任你選擇。餐廳在擺放食物位置上亦花上心思，除咗凍肉區、熟食點心區、壽司刺身區、飲品區、甜品區外，值得一提的是有花茶區，可以讓食客自己自由配搭不同材料的花茶，欣賞餐廳的心思同創意。除咗花茶之外，飲品方面都有唔少選擇，一般基本紙包飲品及韓式罐裝飲品之外，還有餐廳自家製的不同款式冷泡茶可以清清燒肉帶來的熱氣油膩感，連啤酒都是任飲，仲有清酒同梅酒

近排疫情好返啲，終於敢放心啲出嚟食飯啦！🥳好耐冇食過放題，見行開大埔超級城，就過嚟附近呢間校長燒肉食個爽🤤佢有三個plan選擇～一係就純燒烤，一係就燒烤加火鍋，一係就燒烤加火鍋加刺身！🤣🤣三個價錢三種選擇🥰真係照顧晒大家嘅需求，同埋價錢都係$100附近！！唔使二字頭，我個人覺得真係好抵食🥲裏面地方好大，各種肉類丸類熟食刺身嘢飲甜品有齊晒😂嘢食睇落都好新鮮而且補貨都幾及時！俾人拎晒嘅肥牛轉個頭又補返了🤣仲有自家製茶類～揀咗玫瑰烏龍茶，茶味濃郁🤭解膩一流呀！

疫情期間其實都有同屋企人出去食野, 不過真係好耐未試過唔駛隔塊板!!已經黎過校長燒肉幾次, 都幾多野食, 所以今次再ENCORE!當晚刺身都7-8款, 多人食, 自然又好新鮮, 連甜蝦都係勁大個種每檯都會跟個海鮮盤, 有蝦, 帶子, 蠔食得多燒肉, 覺得油膩, 呢到仲可以打邊爐, 岩晒鍾意食下菜既人! 如果有老人家, 唔太食燒野, 其實呢到熟食都好多, 熱食, 點心, 炸物, 諗得出既都有!我地鍾意飲酒既, 呢到有清酒, 梅酒, 罐裝啤酒, 仲有個ROSE俾你自己斟!!

開番晚市, 第一件事就係同屋企人黎食番餐, 因為大家都懶得周圍去, 所以揀左屋企附近既校長燒肉。由於分時段入場, 所以去到都好多人一齊入場, 好熱鬧, 係門口已經有好大隻既IRON MAN 俾你探熱, 好有互動感!!跟住樓梯上去, 地方都好乾淨, 裝飾又靚, 可以隨意打下卡我地呢個7PM時段係所有野都可以食, 包括刺身。 因為係同時入場, 一入去已經超多人拎緊野食呢到食物種類超多, 有燒肉, 打邊爐, 刺身壽司, 普通野飲有, 酒類都有好幾款, 另外都有熟食同埋甜品

呢一日同男朋友一早嚟到，以為平日所以無乜人，但原來係我哋早，因為慢慢都坐滿人！門口一入就有個好大嘅ironman，上到去食嘢嗰層又有，雖然好似同個名無咩關係，但feel到老細應該好鍾意Ironman😆一開頭以為唔多嘢食，但其實係好多種類同款式，首先要大讚飲品除咗一貫嘅冰凍汽水/盒裝飲品外，仲有冷泡茶同花茶！花茶有好多材料畀你mix and match，今次我哋揀咗檸檬、綠茶、無花果，味道清清地幾好～～我哋個套餐包埋可以斟酒飲，有梅酒、清酒同啤酒，咁啱而家有做緊rose hoegaarden，甜甜哋幾啱我，係唔啱男朋友口味😛之後就要講下嘢食，例牌拎少少熟食同刺身warm up下，有薯塊、洋蔥圈、麥樂雞等炸物，仲有湯、點心，日本嘢方面有刺身、壽司、茶碗蒸，對於有選擇困難症嘅人嚟講係幾慘🤣🤣🤣🤣我就食得好開心喇！燒肉肉類都係離不開豬牛雞，不過有唔同味道係幾用特別，例如韓式、印度等，仲有雞軟骨、鴨胸等，咩都攞啲燒啲，個人特別推介雞軟骨同埋韓式雞扒😋打邊爐雖然係攞個細煲但都唔馬虎，任你揀一個湯底定駌鴦鍋，我就揀咗壽喜燒同豬骨湯，都係咩都攞啲嚟淺嚐下，特別一提有台灣腸幾開心～～而本來應該係屬於邊爐

今日生日，老公帶咗我去大埔食日式放題。由於疫情關係，未有晚市，唯有食住lunch慶祝啦。去到餐廳門口，就已經見到有個打卡位，有兩個ironman等住你同佢影相。呢間餐廳係一樓全層，地方非常大，每一個都係卡座，環境乾淨，燈光光猛，坐位寬闊，坐得好舒服。呢度真係勁多嘢食，種類多，款式又多，見到樣樣都想食。先黎個沙律菜，沙律菜新鮮乾淨，爽口。中式美食有魚蓉燒賣，食落軟軟，豬紅幾入味，大大盤任你攞。人參雞湯同碗仔翅緊係唔少得，連茶蒸蛋都有。呢d味道正常，唔太咸，我就最鐘意茶蒸蛋，食落好滑。炸物有炸年糕好煙韌，咖哩角好大隻多料，粗薯條夠口感，牛角包咬落仲好輕脆，仲有麥樂雞添。每款仲係熱，好好食。剌身就有蝦，幾大隻，八爪魚口感煙韌，三文魚厚切肥美。熟三文魚壽司細細件，一啖入口，幾好食。燒肉嘅肉類醃得好入味，連雞軟骨都有，就算厚切嘅牛扒入口都唔會太難咬開，唔錯。燒肉比較熱氣，食個火鍋清清地。出面都好多嘢攞，我攞左d生菜同菇類，清清淡淡，菜乾淨爽口。見到出面熟食有菜，有蒜蓉炒菜心，金銀蛋蜆菜同埋西蘭花蟹柳。呢d菜放响熟食熱住，但菜又唔會焗到黃晒，都仲爽口，味道幾好，保持原有味道。樣樣食d都飽，最後緊係

首先，全部碟係有油，根本無洗乾淨。然後所有食材用料便宜，邊角料。花樣就好似好多，實質無咩好野食落肚。同埋，全部野自己set，連火鍋都係自己搵個鍋，全部野自己黎整。壽司部的人好惡咁問我想做咩呀？我係企係到，唔知可以點點你d野食，又無人教個牌又無寫清楚。唯有觀察其他人點點壽司，但一行埋去就凶神惡煞咁問我想做乜？唉，唔同我想搶劫咩？大佬，咁係點野食辣。。有d蔬菜係酸梳左，其實入去10分鐘，睇完d食材已經好想離開，我係睇到個大招牌咁靚先行入黎試下。點知道咁伏，完全好似個d大陸自助餐，全部搵d餸頭餸尾充數算數。我見今日都唔少人坐係到食，唔知道其他人點唸，但我就無下次。。好伏早知做好個research先好去食。。

天氣乍暖還寒，非常渴望可以係火爐前取暖，又可以食些熱辣辣既野，最啱就係去食燒肉。校長燒肉一直以黎係朋友之間經常聽到，今日路過附近就被門口放置既Iron man吸引了進去。我們選擇了兩小時午市燒烤火鍋刺身自助餐，職員為每人分發貼紙一張，憑貼紙即可到吧台無限換領刺身。因為疫情關係吧，到餐廳食飯既人無想像中那麼多，但係所提供既食物選擇依然十分豐富。 餐廳分為多個區域，有熟食、冷盆、甜品、燒肉火鍋區、自助冷熱飲品區。熟食區有各式炸物、茶碗蒸、點心、老火湯，以及多款中式時蔬小炒。茶碗蒸嘅蛋好滑，洋蔥肥牛味道濃郁。冷盆區有青口、螺肉、沙律、各式壽司等。因為我哋加多左30蚊，有貼紙可以去吧台換刺身，我地叫左大大隻既甜蝦同埋爽甜嘅螺肉。甜品區有幾款唔同味道既奶凍、泡芙、布朗尼、布甸、雪糕。起初我以為校長燒肉只有燒肉可以吃，想唔到仲有火鍋。火鍋湯底有三款選擇，日式清湯、壽喜燒湯，以及日式豬骨湯，我地選擇左後兩者。可以用來燒肉同埋火鍋既材料非常豐富，應該無可能食得曬。 飲品包羅萬有，終於比我搵到出面宜家都難搵到既菠蘿啤。鍾意飲酒既人有福了，有好多啤酒，仲有清酒同梅酒。鍾意飲茶都有好多茶可以選擇。整體黎講，

自從冇咗晚市之後，就會好好珍惜午餐既時間，要食飽啲是常識吧🥲所以就選擇去咗一間日韓燒肉放題，離遠就見到一個好搶眼既招牌, 而最吸引我眼球既係門口有個拎住探熱針既1比1 iron man, 入去探熱既大人小朋友都會心一笑一上樓，入面係工業風既設計，而間格都好寬敞，座位之間亦唔算太逼，坐得幾舒服而且野食既選擇都幾多！除咗甜品區、刺身區、凍肉區、點心區、飲品區之外，值得一提嘅係佢有一個花茶區，可以自己配搭唔同嘅材料泡製，係幾好玩既🤣飲品方面，除咗一般既紙包飲品同韓式罐裝飲品之外，連啤酒都係任飲，而且仲有梅酒同清酒可以選擇，又真係幾驚喜！🤩熟食區就連人蔘雞湯都有得飲，當食燒肉食到咁上下，仲可以係出面拎個煲仔，揀埋湯底即刻變打邊爐又得，又真係幾照顧到唔同口味嘅人冷盤刺身區壽司區包括有三文魚壽司、魷魚壽司、蟹柳壽司等等，而刺身方面，有八爪魚、吞拿魚、三文魚，必食推介：赤蝦 甜品區除咗奶凍、泡芙之外，仲有雪糕可以俾你吱，然後再配搭埋椰果等配料，令呢餐劃上完滿句號🥰真係食得好飽啊

想係大埔食午市放題，校長燒肉日韓料理真係一個好選擇。食材款式勁多，刺身、甜品、熟食、烤物等應有盡有。有我最愛嘅大蝦刺身和燒三文魚壽司，大蝦入口鮮甜，三文魚夠肥美。炸薯格夠晒酥脆，加埋泰式辣醬風味十足。烤肥牛、雞翼是必須，簡單落d黑椒調味已經好正，多春魚越乾身越好食。肥牛炒麵炒得夠乾身，再食啲菜心，再用火鍋煮下蟲草花減減烤肉的油膩感。雖然見到有玫瑰啤酒，但近期唔多想飲酒，所以拎左幾支茶飲下，同埋自己沖d養生茶飲。最後開動第二個胃，食飯後甜品。

今日和老婆往大埔校長燒食韓燒提早慶祝情人節, 食物款式甚多,凍海鮮有青口, 刺身有吞拿魚和阿根廷蝦, 壽司有鰻魚壽司和熟蝦壽司；熱食有麥樂雞, 炒西芹、炒什菇和茶碗蒸；韓燒有韓式雞扒, 漢堡扒、雞軟骨、香草腸、肥牛和魚柳等；火鍋有生菜, 午餐肉、紅腸、肥牛、麻吉燒、炸魚蛋、蟹籽丸和墨魚丸等,甜品有燉蛋, 意大利芝士餅、朱古力布朗尼和蜜糖牛奶雪糕, 飲品除了有汽水飲品外, 另外有自家製冷泡烏龍茶。凍海鮮凍蝦新鮮彈牙, 青口肉質鮮甜；吞拿魚刺身食落鮮甜和阿根廷蝦刺身爽口彈牙；壽司方面熟蝦壽司蝦食落彈牙, 飯粒軟綿, 鰻魚壽司食落有油花,肉質鮮甜；熱食麥樂雞炸得金黃香脆, 炒西芹新鮮爽口；炒什菇爽口鮮甜和茶碗蒸蛋味香滑；韓燒方面韓式雞扒肉質鮮嫩, 漢堡扒食落爽口；雞軟骨食落香脆；香草腸食落彈牙爽脆,肥牛肉質鮮嫩, 食落啖啖肉和魚柳食落食質鮮嫩惹味；火鍋我選了朱骨湯和壽喜燒, 前者湯底香濃, 後者湯底鮮甜, 火鍋配料生菜新鮮爽口, 午餐肉食落有油花、紅腸,炸魚蛋、蟹籽丸和墨魚丸食落彈牙, 而麻吉燒有芝士濃香；最後甜品燉蛋蛋味香滑, 意大利芝士餅食落軟綿, 如餅底薄身點口感更佳, 朱古力布朗尼朱