校長燒肉日韓料理 (大埔廣場)

营业中

休息中

男朋友生日當然選擇佢最鍾意食的韓燒所以嚟到「校長燒肉日韓料理」吃放題，這裏有過百款美食，最鍾意食肉的我們可以放肆大食一餐上這裡地方很大，而且食物種類多 😍韓燒食物應有盡有，雞翼，雞肉腸，牛仔腸，牛肉片，豬頸肉，牛肉片，豬腩片全部醃得好入味👍🏽火鍋配料齊全，有菇，雞肉、豬肉、牛肉、蔬菜🥬、而我個人最鐘意食既芝士腸，牛丸，貢丸，魚蛋當然唔少得啦，食材應有盡有，款式和味道亦有不同選擇以放題來說，這間餐廳的食物是超水準，而且種類真的太多了，吃一次根本吃不完，因為實在太飽了，還有人蔘雞湯和很多炸物，點心都沒辦法吃，所以下次一定會再約埋朋友過來吃過😋

好耐都無食過放題,趁友人今月生日同佢去慶祝，呢度選擇多，性價比又高，人均$250就可以任飲任食兩小時餐廳環境都幾大，坐得舒服，空間感十足。燒肉區的選擇多，有豬、牛、雞、魚、午餐肉、魷中魚、紅腸、香腸、雞翼等都有得揀。部分肉類仲有分辣同唔辣，全部醃得入味。未開始燒烤之前，我就係小食區拿了炸雞塊，青口，炸雞塊好香口裏面啲肉仲係好嫩，青口size啱啱好唔會太韌👍🏽到今晚主打啦！個人覺得牛扒和豬頸肉味道最惹味😋肉質嫩滑，雞翼的話土匪雞翼味道最正👍🏽其他仲有雞扒都好入味😋蔬菜🥬我就攞咗粟米，翠玉瓜，青豆，雞髀菇，食材都新鮮所唔使點加調味燒出嚟都好好食👍🏽呢間放題款式實在太多，一次完全試唔哂，唯有下再嚟試埋其他啦🥰

有返晚市堂食都未食過放題，因為想食好多嘢就book咗大埔校長燒肉，去到餐廳門口嗰陣嚇親我，好多人食呢間餐廳。入到去覺得燒肉店抽風幾好，唔覺得好臭油煙味。上到自助區，全部都好企理。嘢食擺放得好整齊，而且種類多。佢哋食物種類真係多，有烤肉，打邊爐，中式點心，甜品，雪糕🍨炸物，烤肉方面幾好最重要感覺乾淨。自己比較鍾意食雞翼，煙肉片，仲有雞軟骨，因為燒到咁上下脆卜卜好正。牛扒都唔錯😋每一件都唔係咁多肥膏，另外有一種調味過嘅牛肉，唔使再點任何醬料都已經好入味，已經好好食。種類豐富，多春魚，🎂三文魚，魚蛋，火腿，雞肉腸，牛仔腸，基本配料講得出都有😂去到火鍋，有豬骨，麻辣，壽喜燒湯底，我哋就揀咗鴛鴦鍋，全自助自己過去加湯就可以。配料都好多，放置左喺自助區，蔬菜類同時可以火鍋/烤，火鍋我主要碌熟唔同既丸，味道唔錯😋仲有好多唔同嘅壽司，今次試咗蝦同蟹柳壽司🍣都唔錯，不過太飽我食唔到其他，唯有下次再食啦！

今天特意來到大埔找朋友吃飯，我和他來到這家餐廳的時候大概7點半，裏面開始熱鬧了。入到去覺得燒肉店抽風做得幾好，唔覺得好大煙同無乜油煙味。坐下之後我先去拿了點熟食，我就拿了炸雞塊，青口，炸雞塊好脆口但係裏面啲肉仲係好juice😋青口都幾新鮮唔會太韌味道很足！接下來我們就拿不同的肉類了，有煙鴨胸，豬扒，豬腩片，雞扒，牛扒。這些肉類當中我最喜歡豬腩片😍油脂夠，燒出來很香👍🏽。朋友喜歡牛扒，很大塊，吃起來口感很棒。煙鴨胸同雞扒也不錯。最後燒了一些雞肉腸，芝士腸，牛仔腸。呢度既牛仔腸有啲似台式腸幾特別，燒完之後好香味道好特別👍🏽~總的來說這家的食物種類很多，場地也寬敞！

校長燒肉有喺社交媒體買廣告 所以就過嚟試下 間嘢啲嘢食係以自助形式出面攞嘅 唔係掃QR code嗰種佢哋攞過嚟 出面仲有得沖花茶飲 有好多唔同嘅選擇 陳皮、菊花、薄荷葉、玫瑰、柑桔… 仲有好多唔同嘅種類 而且仲會好細心咁樣列明D功效 例如健脾益肺之類 而且仲有寫明注意事項例如孕婦、腸胃唔好嘅人唔適合沖泡每一樣都攞咗啲燒嚟食 味道可以 出面都有啲熟食可以自取 例如碗仔翅 不過碗仔翅只有微溫 所以我將佢 放咗落錫紙兜到煮熱啲嚟食 跟住我仲想加啲胡椒粉去調一調味 我攞起個胡椒粉 見到個蓋 好污糟 明顯係睇得出佢哋啲調味樽 唔會定期抹下佢 之後叫咗個員工同我換另外一個俾我可能咁平🤦🏻‍♀️依啲質量算係咁

終於的起心肝，去試食校長燒肉， 因朋友曾經食過劣評如潮， 所以一路都唔夠膽去食， 但見佢越開越多分店， 估計食物質素應該不會太差， 所以今次決定試一試。晚餐$238連加一放題來說， 價錢不貴， 款式亦非常之多， 一坐下來便有一盤刺身奉上，和一塊靚牛扒， 可惜靚牛扒每枱奉送一塊。刺身新鮮，食完第一轉之後需要出去排隊拎， 每次拎三塊， 另外出面有熟食區，款式非常多， 適合大人小朋友。 燒烤區大部分肉類都有醃製， 但味道好食不會過濃， 款式亦非常之多。 火鍋區 款式感覺比較遜色，但質素可以蔬菜亦都新鮮。也有甜品選擇如啫喱糖，韓國蜜瓜雪條等等。以238價錢，可以食到這麼多種類食物非常之化算，性價比很高， 尤其適合大胃王和食肉獸， 一定可以滿足。

我一直去大埔廣場嘅校長燒烤，原因好簡單，價錢抵食物質素高。而家係出面好難搵到有質素又抵嘅韓日燒烤 我成日嚟所以一般嘢我就唔再試啦🤪。今次我特別試下佢哋啲日式餃子，味道唔錯，皮薄餡靚。當然要試埋佢哋嘅多春魚，秋刀魚，同埋三文魚啦。呢個價錢有呢種質素嘅魚食真係冇嘢講。 真係好肥美，燒起上嚟又香，燒到個魚皮又脆，真係人間極品😋😋😋。飲食要均衡，我都有食啲粟米脆肉瓜雞髀菇。啲蔬菜選擇真係好多而且好新鮮。🥳今日中發現平時好少有嘅關東煮😱😱，我都攞咗返嚟試，絕對有驚喜，拍得住出面外面日本餐廳嘅味道。每次佢哋都可以保持水準，價錢抵食物質素高，呢個就係我成日都嚟嘅原因 👍👍👍。

我想分享下自己去大埔校長日韓料理嘅經驗。其實我唔係特別鍾意食燒烤，只不過見佢有咁多人喺門口等位，所以就去試下，都冇抱好高嘅期望。🧐一間燒烤餐廳好唔好食先攞啲淡味嘅嘢去試，咁就可以試到食物新唔新鮮，唔會畀啲醃料遮住曬啲雪味。所以我就攞咗啲蒜香雞翼同埋雞扒。佢哋又真係醃得幾有水準，啲雞肉唔韌而且好嫩滑，雞翼都大隻，味道唔係太重而且一味冇雪味，係水準之上。👍👍呢度可以打埋邊爐所以我都叫咗好簡單嘅鴛鴦湯底。越簡單越考功夫。仲攞埋佢哋啲肥牛。出面啲肥牛得個肥字，呢度嘅肥牛算係好高水準，牛味好濃，脂肪比例適中，仲有咬口。之後我就攞埋啲豬頸肉，滑雞同一口牛。呢啲嘢冇乜花巧但真係估唔到睇嚟好似好一般嘅餐廳食物都有咁高嘅水準。一口牛唔似係劣質牛，豬頸肉同滑雞都好有咬口，我都真係幾滿意。🥰🤩我仲攞咗啲蔬菜睇下佢哋會唔會係新鮮，我食咗韭菜，雞髀菇，粟米，翠玉瓜都爽口清脆，睇嚟應該係有機菜，值得欣賞。喺大埔呢個地方搵到一間算係高水準嘅韓燒絕對有驚喜，絕對值得好評。👍👍👍

兩公婆都唔知食乜。🤷‍♂️🤷‍♀️見到大埔呢間嘅放題又有燒烤又有邊爐，一於入去試一試。入到去食物嘅種類都真係好多😍🥰，嘢飲亦都多，搞到我有啲選擇障礙。老公鍾意食燒烤，佢攞咗啲肥牛，黑椒牛扒，雞軟骨，同一口牛。佢食到津津有味就知道啲嘢食質素應該係唔差😁，我自己就比較鍾意打邊爐，所以就叫咗個清湯同沙嗲嘅鴛鴦湯底。個湯底都幾濃郁，沙嗲味唔太重，啱啱好。我都攞咗啲肥牛都好新鮮。肥瘦適中。😍😁仲有好多瓜瓜菜菜，啲髀菇係我食過嘅最好嘅。爽脆，新鮮，味道鮮美。 粟米同豆好甜，食起來就好似啱啱由農場摘嘅一樣。 ，翠玉瓜又爽又大又多汁，真係大滿足。😍睇見老公不停攞一口牛，肥牛仲有啲煙肉，就知呢度真係可以滿足到佢嘅食慾。呢度價錢又抵又可以滿足我哋各有所需。絕對值得推介。👍👍

一班食肉獸要享受男人的浪漫，食放題係常識啦🤪。今次就去咗大埔嘅校長日韓燒烤料理。嗰日大家都好肚餓又攞咗啲快熟啲嘅嘢好似火腿片呀煙肉片牛仔腸同腸仔。牛仔腸嘅味道真係好特別，肉味好夾，加埋煙肉一齊食真係冇得輸🤩🤩🤩。佢哋都有唔同嘅海鮮可以揀就攞咗啲三文魚多春魚秋刀魚，啲魚都好新鮮又唔腥又好肥美。其實食兩三條三文魚都抵返曬😅重點我哋燒咗好多一口牛同黑椒牛扒，黑椒牛扒嘅質素真係高，必食。仲有蒜香雞扒同埋雞軟骨。蒜香雞扒好入味，絕對係黑椒牛扒之外另一個推介👍👍。我哋食到飽曬臨走仲可以同Ironman打卡🤪。呢度絕對可以滿足食肉獸嘅獸性。下次會再嚟報復式放題。

大埔廣場校長嘅燒烤日韓料理真心得。服務好，食物新鮮好味。我成日嚟這裡，係我同朋友最喜歡星期六、日去嘅地方之一🥳🥳。今次咁熱梗係攞嘢飲先啦，佢哋嘅嘢飲都好多選擇，啤酒、汽水、果汁都有仲有，自家製花茶！我梗係攞兩支花茶試下啦🥰🤗。我攞咗錫蘭荔枝茶，茶味都好重，幾好飲，荔枝味夠甜，最緊要夠凍❄️❄️。之後梗係即刻開始燒烤啦，一開始我哋攞咗金沙骨，香辣香雞翼。金沙骨夠淋夠香,雞翼又醃得啱啱好，味道唔會太重，唔會太辣。仲食咗啲肥牛、雞軟骨、腩肉。佢食物嘅種類都真係好多，仲有好多口味，唔係好似出面咁淨係得嗰一兩種味道。黑椒牛扒簡直係我至愛，好淋，好香黑椒味。質素嚟講呢度都真係冇得輸👍👍🥰🥰🥰。咁抵嘅價錢個個都食到飽曬真係唔知係邊度搵。我哋下次再聚都會嚟呢度，真係唔可以錯過.。

就算得自己一個人，多年來我一直去大埔廣場嘅校長燒烤日韓料理。👍👍因為食物新鮮，服務熱情，總是很受歡迎。我不能不推薦！😁我比較冇耐性，先攞咗啲熟食，好似點心, 青口同炸雞,。燒賣係豬肉燒賣，唔係街邊啲魚肉燒賣，而且味道都唔錯，幾香。兩個粉果啲餡料都好足, 真係皮薄餡靚。🤩🤩青口好新鮮，炸雞香脆可口。之後梗係食韓燒啦, 佢哋食物選擇都有好多, 我主要都係食我最鍾意嘅金沙骨呀, 雞翼之類。金沙骨好嫩滑，韓式雞中翼唔油膩，唔太辣，味道同口感都一流😋😋，咖哩雞翼配上了美味嘅咖哩醬汁好好食。 蒜香雞扒也非常入味。😋😋我建議即使你一個人也經常來這裡，永遠唔會讓你失望。😍

最近朋友搬入大埔，當然要推介下佢有咩抵食，而依間校長烤肉放題最岩佢，因為除左任食，啤酒都可以任飲。小朋友當然最鍾意炸物、炸雞粒、麥樂雞、薯條等，炸雞粒又幾好味。餐廳會安排一D海鮮、牛肉俾大家，有大蝦、帶子等，大蝦都幾新鮮，肉質彈牙。大蝦刺身每次自取一件，當然重有其他三文魚、吞拿魚等刺身。壽司揀左燒三文魚、芝士蝦、三文魚腐皮等，個人覺得三文魚腐皮壽司味道不錯，有一點甜，口感幾豐富。食到一半，見到外面有串燒和雞全翼，，雞全翼雞熱辣辣，外脆內軟。疫情前去左韓國就係飲依隻terra 啤酒，炎炎夏日重要韓燒，又好難唔飲。

我已經來這裡多年了，校長燒烤日韓料理絕對係大埔最好嘅燒烤放題！他們嘅燒烤，到美味嘅火鍋，一切都絕對令人驚嘆😍😍。如果您渴望燒烤放題，絕對值得一試。作為雞翼控我極力推介呢度嘅香辣雞翼，辣汁醃得啱啱好，辣味同鹹味好平衡，雞肉又嫩又滑，仲夠大隻絕對抵食😋😋。當然呢度亦都有好多好味嘅選擇，好似煙肉片、咖哩雞翼、韓風魚柳、我都好鍾意。菜都好多選擇，有冬菇、秋葵、粟米、樣樣都好新鮮。 佢仲有我老公最鍾意嘅一口牛同黑椒牛扒，佢話真係好食到停唔到口😃。牛肉嘅質素真係好強，唔似一般 cheap嘢。 佢哋都可以打邊爐，不過我哋食燒烤都飽曬，所以今次冇食，下次先再試。燒咗好幾個round都飽曬。埋單都唔係好貴。真係cp值好高。呢度真係食過最好嘅燒烤放題。👍👍

見到大埔呢間校長燒烤日韓料理有咁多好評我都有啲懷疑係咪真㗎🧐？咁就膽粗粗嚟試下。嗰日嚟到門口都要排隊等位，但一陣就到我啦。我坐低就出去睇下有咩嘢食，都見到有好多嘢食可以揀。熟食、打邊爐配料、燒烤料、嘢飲、甜品都有好多喎。我就攞咗啲一口牛、腩肉片試吓。味道都唔錯。係水準之上，👍👍而且佢哋仲有土匪雞翼，啲土匪雞翼仲好過出邊米線餐廳嗰啲。自己燒，熱辣辣更正!! 🤩🤩仲可以叫埋個鴛鴦湯底打邊爐。佢哋啲火鍋料好似肥牛呀、滑雞呀、都好正。當然都仲有好多蔬菜啦，好似粟米、 翠玉瓜、雞髀菇都好高質。呢個價錢兩種享受仲係放題真係筍到冇朋友。明白點解咁多好評絕對有原因 😄😄。