影片
更多
2022-04-29
322 浏览
我哋是在假期完結前的星期日在大埔踩完單車打算食個early dinner才出市區，5pm入座，7pm前埋單可以有優惠價。 餐廳門口裝修別緻，有數個Ironman 吸引小朋友及ironman 愛好者打打卡，沿樓梯上餐廳都有唔同主題設計的牆身供食客影相，一上到去是工業風的設計，空間感亦都十足，食燒肉最怕坐得逼及通風設備差，他們枱與枱之間有相當的距離，樓底高通風系統好，坐得舒服之餘，全餐都聞唔到好大的油煙味，門面功夫絕不馬夫，令人開始期待這一餐！ 校長燒肉之前聽就聽得多，食就真係第一次，食物種類之多樣化是我始料不及的，我之前以為只有燒肉！我們選擇了兩小時的燒肉火鍋刺身自助晚餐，聽個名都想像到有幾豐富，除咗燒肉，仲可以打邊爐，食刺身，仲有好多唔同款式的中西熟食任你選擇。餐廳在擺放食物位置上亦花上心思，除咗凍肉區、熟食點心區、壽司刺身區、飲品區、甜品區外，值得一提的是有花茶區，可以讓食客自己自由配搭不同材料的花茶，欣賞餐廳的心思同創意。除咗花茶之外，飲品方面都有唔少選擇，一般基本紙包飲品及韓式罐裝飲品之外，還有餐廳自家製的不同款式冷泡茶可以清清燒肉帶來的熱氣油膩感，連啤酒都是任飲，仲有清酒同梅酒
餐廳門口裝修別緻，有數個Ironman 吸引小朋友及ironman 愛好者打打卡，沿樓梯上餐廳都有唔同主題設計的牆身供食客影相，一上到去是工業風的設計，空間感亦都十足，食燒肉最怕坐得逼及通風設備差，他們枱與枱之間有相當的距離，樓底高通風系統好，坐得舒服之餘，全餐都聞唔到好大的油煙味，門面功夫絕不馬夫，令人開始期待這一餐！
校長燒肉之前聽就聽得多，食就真係第一次，食物種類之多樣化是我始料不及的，我之前以為只有燒肉！我們選擇了兩小時的燒肉火鍋刺身自助晚餐，聽個名都想像到有幾豐富，除咗燒肉，仲可以打邊爐，食刺身，仲有好多唔同款式的中西熟食任你選擇。餐廳在擺放食物位置上亦花上心思，除咗凍肉區、熟食點心區、壽司刺身區、飲品區、甜品區外，值得一提的是有花茶區，可以讓食客自己自由配搭不同材料的花茶，欣賞餐廳的心思同創意。除咗花茶之外，飲品方面都有唔少選擇，一般基本紙包飲品及韓式罐裝飲品之外，還有餐廳自家製的不同款式冷泡茶可以清清燒肉帶來的熱氣油膩感，連啤酒都是任飲，仲有清酒同梅酒可以選擇！
熟食方面選擇也很多，有一些炸物當中炸蘋果春卷最為深刻，一口咬下感覺好像是蘋果批般，配合春卷皮是不錯的配搭！仲有炸洋蔥圈，地瓜圓，麥樂雞同好好食嘅炸香蕉，炸物提供沙律醬及泰式雞醬調味。另外不得不提人蔘雞湯，真材實料，足料入味！
燒肉方面，不得不讚他們的醃料，醃得相當入味，特別係雞扒及雞翼，韓式醃料非常入味，少少香辣口感更加豐富。另外牛扒入口不會太難咬開，不錯。
火鍋方面，湯底有日式清湯、壽喜燒、豬骨湯。我選擇了壽喜燒，火鍋配料都有好多各式各樣的丸類，另外吃過燒肉後，吃多一點菜感覺不會太油膩。
整體來說，以呢個價錢可以食到放題式燒肉火鍋熟食，選擇之多令你食唔晒咁多野，絕對係物超所值，難怪經常都大排長龍！
张贴
