柏景餐廳 (已結業)

第一次黎印象唔錯～ｄ位同個環境都好舒適，好多ＯＬ客人，唔覺有搶野食情況呀！４個人去仲送左碟迷你盤菜俾我地～可能係新年掛！都幾足料～ｂuffet 好多種類～日式ｏ既刺身超正！好多款！由師傅親自切俾你，又有手卷壽司咁。西式方面有好多扒類，咩肉咩骨都有，岩哂ｄ男士！中式有個ｃorner 放點心～有中湯西湯，豆付花。其中有個燕窩粥，粥底好靚好滑！仲有個ｃorner 有師傅幫你鐵板燒，香噴噴！！ｃａｋｅ方面都多款，但就只有一兩隻好味ｄ！其他唔太突出咁啦～另外有ｐａｎｃａｋｅ同格仔餅可以自己整，可以亂咁溝ｄ味出黎，哈哈！雪糕係一杯杯ｈａａｇｅｎ　ｄａｚｓ～可惜食到尾已經好飽，個胃未必有空間食雪糕！哈～二百蚊一個人倒～唔知係咪做緊ｐｒｏｍｏｔｅ呢～算係尖咀幾好味ｏ既一間〔試過咁多淨係得日航酒店好過佢～當然日航貴ｄ啦〕但ｏｖｅｒａｌｌ都幾抵食，最緊係多種類～唔會集中某ｄ地道野。