板前壽司 (已結業)

今天下午１２點去世貿中心對面間板記，等位等了差不多１個鐘，大熱天時都咁多人等，簡直離晒大譜，本來一肚火，幸好入席時位哥哥仔都幾好禮貌，坐抵叫左成檯魚生、壽司，都幾新鮮，但係唯獨唔見我最鍾意食既海膽，有少少失望。幸好D員工都幾有禮貌和笑容，又抵食，兩個人埋單連飲品都係百五蚊度，唔怪得日日夜夜都旺成咁啦。勸喻大家都係揀下午茶時間冇咁多人等，先至黎食餐飽。

平時行過見倒禁多人都唔想等,但今日有fd生日,個fd又想食喎,唯有同佢一齊等.我地7點去到,等左成2個鐘先入到去,我地一入到就order野食,我地order 左三文魚腩,海鰻,甜蝦,板前蝦,海膽.可惜墨魚賣晒,staff都有禮貌同我地交代返點解賣晒,整體上staff有禮貌而且成日加茶,壽司都有快到,quality都ok,雖然等左2個鐘,出面又熱,但都是值得既! 下次一家再幫襯!

之前聽過板前呢間野好好食, 諗住去試下, 但次次都係因為多人排隊而放棄(包括已攞飛等位), 但尋晚我男朋友話想食, 咁就的起心肝一齊去食啦, 佢6:15左右攞左飛, 諗住好開心好快有得食, 點知, 足足等到9:00先可以入到去, 真係成個人都呆左, 咁入到去當然狂叫啦, 三文魚, 吞拿魚腩, 立魚壽司等等, 可能因為期望過高同埋等得太耐, 唔覺得特別太好食, 都係一般, 但除左食物一般外, 服務都係一般, 我地order左海鰻壽司, 好耐都未黎, 催過服務員, 點知食完佢先到, 我地仲以為唔到, 哈!!! 食完後我同男朋友都異口同聲說"只此一次".

真不明白weekday下午三點幾都要等位，一個人都要等成廿分鐘; 希望大家理智的不花太多時間在輪候食店，感覺這股風氣是不正確呢.步入即叫最愛燒玉子;熱辣辣上來但玉子的身材明顯細左，想當年她初出道，賣大包的玉蛋，真今非昔比.見到牛乳湯，本人喜歡飲奶色湯類，嘩好大碗，好好味，雖然說是什麼海鮮但均不見其縱卻有一小粒立體正方小年糕，飲完包左，哎呀還未食親子卷及超大凡立貝播，怕太飽所以叫了一客清爽曼魚米卷，卷入爽口的蔬菜及曼魚，口感頗涼快!結果食完三碟野就埋單了.我想這類迴轉店同屬快餐店，何以往往要讓食客等上一，兩句鐘，把食的興緻也打退了!!!

呢間壽司店我並不是第一次光顧,但一次比一次差,"第一"係門口排隊時態度巳經非常惡劣,好似好阻住佢地收工,你間鋪爆關人咩事,我都係來食嘢啫...等咗好耐終於入度去D魚生仲要唔新鮮...跟住仲要見到佢地D員工喺壽司吧度偷食壽司囉,不知所謂,要食都去D無人見到嘅地方慢慢食啦,返工時間尊重下D客人啦...呢間壽司店一定唔會再去囉..."一定"

下午三點幾去食, 條壽司bar得玉子壽司, 北寄貝壽司, 同幾碟唔知咩魚壽司, 最爆笑有三至四碟桃, 係!! 真係桃佢話日本桃$35一碟(金碟), 半條切開生食日本粟米, 仲有最爆笑有Furaro T頂蜜瓜$35一碟(金碟), 佢係成個碟蜜瓜放上隻碟, 我同老婆即時話無可能, 我老婆係日航空姐, 每次都買T頂蜜瓜返港, 一個都要幾仟Yen啦, 後來問waiter原來得切開8份之1俾你食, 真係笑到碌地, 唔知就真係"坤"到你傻仔, 我以為入錯生果鋪...最不知所謂就我order 4 碟壽司, 1 罐可樂, 居然20分鐘後連罐可樂都未到! 找過經理問下, 點知話無落order, 激到我彈起, 最後食得一碟就憤然離去, 盛惠$13, 我話俾個經理聽一定會post個comment...仲有呀有幾個貌似自由行想追order點知俾另外一個經理大大聲串, 話幫佢cancel就cancel, 唔會收$$...真係服務九流.....

5/8/2007 下午＋二時多到達，等了接近一小時終於有位。壽司的品質中規中矩，但是我卻看到以下的情境：因為我是坐迴轉枱，壽司師傅的製作過程可說是一目了然，就在我正在品嘗蟹棒壽司之際，我看到一位壽司師傅正把迴轉枱 上的5-6碟相同的壽司(我不清楚是什麼魚，只知道是生的)收起並把它們和他剛弄好的同類型壽司混在一起放回迴轉枱。之後另一位壽司師傅也作了相同的舉動。雖然不知他們是不是有心將在迴轉枱 上已有一段時間的壽司和新弄好的壽司混在一起，但是此舉確實有混淆視聽之嫌。

我記得第一次食板前，覺得好好食架...食到捧住個肚...第二次同表妹黎食，諗住都會好滿意啦，點知...點解渣左咁多架？唔係話難食o既，主要係覺得d魚生無味囉，好淡，唔知食緊d咩落肚，食左一陣都無乜機食，隻隻魚都無味o既?!第三次晌旺角個間食，仍然係咁淡...好彩原來個火灸三文魚咁好食!!!不過如果俾我揀，我會揀峰壽司~~~

本人十分氣憤﹗上星期六(8月4日)，本人於晚上7:30pm去銅鑼灣板前壽司攞飛，我個飛係370，當時係叫緊34。於是我就同我朋友係銅鑼灣行一陣，每隔一個鐘就返去睇下叫到幾多號碼，到了晚上10:25pm，當時都仲係叫緊324號，咁我見仲有50個號碼咪去世貿中心既洗手間，點知5分鐘後返去，已經叫到037號，咁我咪走去同經理講，佢一d都唔同情我等左3個鐘頭，叫我從新排隊，周埋個經理d態度真係差到爆。我等了3個鐘都係想試下依間壽司係唔係真係咁好食，點知佢比我既感覺係我以後唔會再去。

今日同bf黎食，十一點半黎到諗住冇人啦，點知入面已經坐滿晒人啦，等左半個鐘左右..叫左︰三文魚腩--好味，三文魚好大件特上鰻魚--舊鰻魚好大呀，但唔合比例有少少怪魚貝--口感好得意蝦天婦羅--好脆好味軟殼蟹--冇咩味海胆手卷--d海胆好味，但紫菜腍燒鵝肝--好有味不錯凍蕃薯--甜甜地不錯帆立貝--好鮮味象拔x--麻麻豚肉--不錯埋單三百，頗貴今次黎雖然都覺得好食，但好似冇上次咁好..同埋服務真係唔掂..不過都值得再吃，但唔明點解多人到咁誇囉

終於食倒呢個板前啦成日都見好多人排隊今日終同媽媽來試食左個個壽司套餐\，好多都好好味喎仲有帆立貝、三文魚腩、象拔PONG、仲有D食過唔知係乜但係全部都好好味好新鮮最後仲食左南瓜雪糕好好味呀價錢又唔貴唔怪得咁多人啦

最近有條壽司癮一星期食兩次壽司食過一峰浪速之後黎試板前真係無晒QUOTA;)條特上海鰻超特上美味!直得一試*v*嘻!d南瓜天婦羅都好靚炸到岩岩好!我會特別推介既係荵粒吞拿魚腩軍艦*打十萬八粒星比佢yummy!不過三文魚頭就唔係咁岩我口味喇而服務方面我都覺得幾好咁多人排抵佢既: )

成日都會同男朋友去食,次次都係要拿飛同等幾耐下,不過依然會等,必食幾款(1.) 珍寶帆立貝--好肥味,好大件,好好味(2.) 三文魚腩--幾大件,同埋好新鮮(3.) 特上海鰻–成條鰻魚上,三個人食一件都得(4.) 玉子–今次呢碟有點凍,不過都係好好味(5.) 芝士飛魚子---唔太濃芝士味,好味(6.) 甜薯-- 凍凍地,好得意我個人認為佢抵食過元綠, 佢D waiter 態度都ok, 雖然要等,不過覺得都值得,下次一定再幫襯

同寶貝去完石澳曬太陽..落銅鑼灣...每次都係等個半中...1.蟹子沙律($18)2.牛乳湯($15)必食同必飲三文魚($9)x4 :好正,切到好似三文魚腩咁.回本... 蟹棒($12):唔太中意,雪味好勁.珍寶帶子($35) :去親必食.. 海膽($25)x2 :頭一碟就好靚.第二碟唔得鵝肝($25) :口感好,暖暖o既鵝肝..板前蝦($20):冇特別...甜蟹膏甜蝦軍艦($18):紫菜脆..好緊要...象拔蛑($20):叫左好後悔,總之叫响螺..都算ok,以咁o既價錢....

想黎食好耐，但次次經過都咁多人等。我地等了差不多兩小時，才可入去。我地點了珍寶帆立貝，嘩，超級大粒。好甜美。好好味。三文魚腩壽司-好新鮮。蝦膏甜蝦壽司-蝦膏幾鹹，隻甜蝦好大隻，同甜。火灼池魚，配上蔥絲，鮮甜，好好味。燒三文魚頭，嘩，熱辣辣，好鮮甜肉質嫩滑，好味。三文魚手卷，嘩，紫菜好香脆。三文魚又非常新鮮。火灼鰻魚壽司，熱辣辣燒起的鰻魚，好肥美，真係好味。鰻魚春卷，好清新，有d甜豉油，配生菜青瓜絲，好好味。魚背壽司，真係幾特別，口感唔錯。象拔蚌壽司，好鮮甜，好好味。總括來說，呢度d壽司真係幾多款，用料好新鮮。唔怪得咁多人黎。同埋親自睇住師傅整，好得意，佢地又整得幾熟練。