板前壽司 (已結業)

Had dinner at Itamar Sushi tonite. The 2 of us got there around 6, didn't need to wait to be seated. Food was ok, environment-wise just so-so. Insects flying around, and there were at least 3 of them! Their service wasn't good either. The 2 of us spent around 250 and that was acceptable. I highly doubt I'll go again tho, unless they fix the problem w/ insects !

成日行過板前壽司都見到鬼咁多人等位,上兩個禮拜就走去試下,等左半粒鐘,個肚又餓,望住人地埋單,又數下到自己未,yeah!終於到我咁好彩又俾我坐到個好位,唔洗對住師父個'羅友'食壽司,試左好多隻,我最鍾意都係帶子壽司,其他都唔錯,但係有野要彈彈,佢地好似唔夠峰壽司乾淨,人家用抺手紙抺"針板'同埋刀,抺乾帶子都係用抹手紙,但係佢地用條唔係好白的白布抺帶子跟住拎去燒,仲有,個肥佬師父對手濕水太多,我見到佢對手甩皮,白曚曚的,好核突,同埋幾個師父成日o係度玩,講野又大聲,想靜少少食番餐都唔得,去厠所時經過裏面bar枱,反而裏面日藉師父靜靜地加上環境又好d,行過都覺得好舒服,下次去都係揀入面左好d

上個星期的Lunch真係食過不停，星期四就約左個fd 到板前壽司食下。因為怕會多人等位，約12:30已經到達，入到去，見個回轉counter大約都有九成滿座。坐低就拿拿林見什麼岩食就取了，食的壽司包括瀨尿蝦、蟹柳、三文魚、北寄貝、甜蝦、魷魚頭、海膽手卷等等。各款壽司的份量都適宜，個飯亦唔會太大，尤其三文魚色澤新鮮，亦大大塊蓋著下面的飯；但我同個fd 都覺得d 飯稍為淡左d 同容易散，如果加多少少醋相信會好食d。最後各人叫了甜品，我的是芒果饅頭，其實即是芒果布甸，口感同味道都唔錯，但就嫌細左d。個fd 就叫了士多啤梨香芋雪榚，兩個甜品的賣相都幾靚。但奇怪的是，我們由12:30 食到兩點，門口都唔見有人龍，難道假日會多人d ？

今晚同男友黎開飯. 六點幾已經到. 當然唔洗等位啦. 環境係幾開揚的. 街外行人個個都駐足觀看. 我地被安排坐入去比較入的位置. 所以都可以.一開波已經"劈"了三碟三文魚壽司.真係夠肥美. 另叫了蟹腳壽司.好過"峰"; 海膽飯係一球混了紫菜的飯.上面有兩塊海膽.用個香檳杯裝的.成個"新地"咁款..賣相雖得意但感覺幾fancy(得滯)特上海鰻壽司& 吉烈炸蠔表現得最好.推介也.我覺得呢間"板前"拍得住"峰".(食物方面). 服務就"峰"好d. 次氣勁. 茶好快凍. 侍應應該勤d加茶. 次次都要人叫.....

環境好好~ 感覺好舒服, 裝修很雅致, 而食物的質素亦叫人非常滿意,食物又豐富又美味

食過兩次, 第一次係星期六一點幾黎食, 坐order檯, 睇住一個日本師傅同兩個香港人整壽司, 味道幾好, 價錢都唔貴, 活鰻壽司幾好味, 但有兩件壽司d飯係一夾就散, 失左d分數! 隔左唔夠兩星期, 星期一晚再去食, 今次坐迴轉檯, 眼見轉下轉下o個d賣相唔係好得, 食左兩碟之後都係自己order, 但上檯的賣相同入口的味道都係唔得, 同上次差好遠, d野唔新鮮, 但係d飯冇散, 唔知係星期一撞唔o岩佢地返貨時段定係迴轉檯的問題, 下次會俾多次機會再驗證下!

琴日見唔多人....走左黎食....等位等左十分鐘....都叫好彩.....呢度D壽司價錢都算平.....而且全部都係人手握.....但係唔夠實....有D散...(其中有D飯熱熱地既....要扣分呀).....三文魚壽司只係$9一碟....我地兩個人就食左三碟.....仲食左: 蟹柳...牡丹蝦....板前蝦....帶子....牛油果鰻魚卷等...睇menu見到有個甜品叫"芒果饅頭"好似好得意咁....就叫左黎試下....點知原來係一個半球體既芒果有甸....底下有一小層朱古力餅....伴士多啤梨粒&醬....我只係食得出士多啤梨味....完全冇芒果味...而且咁細舊就要$20....貪得意既代價原來係咁唔抵架......P.S. 見佢有一款白菜壽司...條白菜仔乾"睜睜"地"灘"係舊飯上面....見到都唔開胃....究竟係邊個師傅諗出黎既"驚世傑作"呀????

夜晚差不多十點都仲要等位!迴轉帶上的壽司款式不算多, 不過可以order, 各款壽司都不錯, 人手握飯比一般的迴轉壽司好吃... 材料亦新鮮...

之前吃過兩次,也不是這麼好吃,很普通吧了.但價錢就很貴,不值這價錢.比元氣和元祿好不了多少.

今天與老公一同到此店吃午餐，叫了壽司和麵豉湯：-三文魚壽司幾新鮮，-麵豉湯好大碗，抵!-帆立貝壽司勁厚身，比元氣的好味N倍，-吞拿魚腩壽司顏色麻麻，味道ok，其他壽司味道也不錯，可以再去!

尋晚同—成班人去食飯，好多人等位，最好早d 去。個度d壽司好好味，—而且有d 幾有特色，睇住個靚仔日本師父一邊整，我地一邊食，好正呀~!而且價錢一d都唔貴，大約9-35一碟，非常抵食，一定會再去!!

由於事隔個月前,所以印象已有點模糊,但記得那天和小肥於11:30am便到埗(人家才剛剛開舖),難得星期天倒乜咁早行街又見仲食得落(之前在家已吃了早餐),便入內試試...先說環境,由於從舖內才發現門身全用上玻璃,感覺勁開揚,座在內相對感覺沒侷促感,加上星期天的早上,街上還沒那麼多遊人,很悠閒的感覺;外面全吧枱,對內有數個卡座位,再入內又有個較私隱的吧枱.吧裏的師傅(日本和香港),有條不紊地弄着壽司,看着日本師傅的功架,又幾好睇.打開Menu,發現此店有很多特色,如火炙,壽司海鹽(抺茶,純海鹽,咖喱),料理,甜品,款式也見心思,但價錢絕對不算貴.板前蝦壽司是我的推介,肉質爽甜,食味一流.燒豚拖羅入口溶化也不錯,板前卷物內有小青瓜,三文,吞拿,面加海胆,yummy.咖喱海鹽壽司(但不記得是那款加面)也很特別,咖喱味輕但頗香;火炙鰻魚如不添加醬汁上面會更香口,帶子壽司肉肥但不夠鮮甜,其餘不大記起的算中規中矩.但麵豉湯卻出乎意料之外的好喝,$9一碗,份量比一般的大一倍,連海草及豆腐粒,還有大大件的三文魚腩在內,滿口魚香.單尾點了一客蕃薯凍批,面頭舖了一抺新鮮士多啤梨果肉連汁,非常滋味.座在鄰座的

朋友KC 試過尖咀加連威老道間板前壽司﹐回來大聲讚好﹐給予評分為元祿40 分﹐元氣50 分﹐東港城目黑55 分﹐板前70 分。我嘴饞﹐星期六馬上去試。幸好一點前去到﹐不用等位。稍遲十多分鐘已排有長龍﹐直到二時多亦未見散去。食過之後﹐完全明白可謂七十分的評價了。三文魚刺身﹐三十五元而矣﹐火炙一半切花捲起﹐長碟送上﹐一啖過後﹐濃濃的三文魚腩油厚厚的凝在口腔良久不散。海膽飯與三文魚子飯都是用一個小杯盛上﹐輕輕的一口咬爆文魚子﹐流進口中甜甜的三文魚子油便知絕非濫竽充數之貨色﹐更非那些以假貨侍客之流可相比。當然一口一杯的海膽飯與三文魚子飯豈能滿足﹐於是再來多個海膽與三文魚子軍艦壽司﹐但可惜負有軍艦之名﹐充其量亦只是小艇矣。不過價錢三文魚子只是二十海膽再加五﹐難道真係想比隻車。。。。。。應該說是軍艦你食﹖坐在比較近門口的位子﹐看著大師傅即使是九元一碟的三文魚壽司﹐亦是一手一手逐碟逐碟的握出來﹐你已經不能回頭再吃同樣價錢﹐用機搾壓出來的一團團沒有感情﹑一沾鼓油就散的壽司了。結論是元氣價錢手握壽司的質素﹐即使有某一兩位侍應當你向她們要求落單﹑添茶﹑結賬時﹐認為你打擾了她們聊天的雅興時﹐附送了一個白眼兩

星期日去左呢間野食.d 環境ok la ....d 師傅手勢都唔錯下(d飯唔容易散)，不過係我個人而言，最好就係果個豚拖羅同個特上海鰻.......d料同醬汁係一個唔錯既配搭。仲有d服務真係唔錯

有次睇雜誌話繼'峰'後,又一好味店,咁一定要試下啦!不過,我只係覺得ok咋!同'峰'?頌有一段路.價錢其實都差不多.食物比起佢,就比較細件及少.好味的有....甜蝦卷(牛油果甜蝦卷物) 朱叉燒壽司(唔記得叫乜名)因為無海胆,所以無評語.但我個人始終都係覺得'峰'好d,雖然我九龍人要過海就麻煩d.