板前壽司 (已結業)

d壽司好過"峰壽司"好多..."板前"的壽司新鮮d,厚身d,用料好過"峰壽司",侍應都幾有禮拜,仲有一個既係師傅又係阿head既人會跟進下食客對佢地既評價.最近,仲新出左新壽司.

我同朋友係25/3下午約二時多到板前壽司試，點知要等位，大概等5張飛，約半個鐘，終於等到「卡位」，入到去先知原來個舖分兩部份，前部份就係大家見到坐晒客0既，後面原來大把位﹗其實，先前我已經問過經理，唔坐bar 可否快d﹗一聲無﹗我覺得有心要客人在門外等，幫佢造勢﹗手法下等﹗以後都唔去﹗

今日終於呢間人氣壽司店試下.下晝成兩點鐘都坐滿人.由於冇位所以被安排坐在後面壽司檯前.叫三文魚,火炙三文魚,魚,魷魚,秋刀魚,海鰻,蟹腳,加州卷,三文魚子軍艦,同埋蟹條壽司.畫完order紙後壽司檯後日籍壽司師傅收張order後就開始整.由於對住壽司檯坐,成個製作過程都睇得好清楚.魚類壽司(不包括三文魚)都係日籍壽司師傅整,手勢好正宗,而其他壽司手卷就由旁邊兩個本地師傅整,但係唔見有肥肥地師傅.整好後用木板立刻放到你面前,感覺好似D高檔壽司專門店咁,即整即食!材料都幾新鮮,壽司飯入口時仍然微暖,亦沒有散開.最好吃係秋刀魚壽司,一來少見D,二來入口清新非常好!!而火灸三文魚亦唔錯,一D都唔鞋.海鰻壽司亦沒有之前其他食家所講咁差,重燒得幾好幾滑添!最唔好就係加州卷,一夾即散!總體而言,壽司水準比元氣好得多,相當唔錯!侍應招呼ok,禮貌亦ok.

我frd想食好耐,咁趁5點放學就走去食,唔駛等位食左:甘卷(有甜蝦係面),彩虹果卷(牛油果做面),加州卷,火炙鰻魚,呢四個都唔錯,average la~帶子,三文魚卷就好好食喇,帶子鮮甜,三文魚夠新鮮,成餐最欣賞就係呢兩樣玉子燒太甜喇...不過都可以接受我觀察到d師傅有得有唔得,果個比較高既佢握得唔實,一夾就散...但係另一個男仔整既就ok,d飯係整得實,睇佢地手勢都知...有個肥肥地既師傅眼神好恐怖...試一次就夠喇~不過整得都係好既,因為service唔錯,d野都新鮮,想食多d款既要靠order紙~

諗住咁多人排隊,就以為好好食, 約埋知己好友去試下...點知...真係令人好失望.一: 壽司飯仲係熱o既! 二: 壽司飯一夾就散!師傅手勢唔好又冇力!三: 壽司飯好細舊!四: 魚生唔新鮮!五: 味道唔好!即使係鰻魚壽司都整得唔好食!六: 壽司師傅不停玩, 講野!!! 好唔衛生!總之以後都唔會再食... 相比峰壽司就好好多!!!排隊都係抵o既.

心血來潮想食日本菜，朋友說這一間很多人，想試一試。我想兩個人等極有限，我自己6:30拎左飛仔，行o左一陣返o黎，7:00朋友到，仲有九張枱，見前面的兩位女孩子，叫中飛仔好似中獎咁開心，我地兩個再行多半個鐘，返o黎仲有六張枱，已經係差不多8:00........我放棄.......

用料算唔錯，但係件件壽司一夾就散，食完成個豉油碟都係飯，真係唔太得囉~我寧願去峰壽司啦，正好多!

之前聽說這間店經常很多人等位，去到後真的等了大半個鐘以上。迴轉的壽司也不是經常更新。鰻魚及不知名的酸味三文魚壽司最為好吃，其他也算OK。服務也算可以。* 不知碟的顏色是代表什麼價錢！？(與menu 上的不同)價錢就…

我對我既朋友唔住, 為左食呢間咁不知所謂既壽司, 要等到9 點幾先有得食, 等唔係問題, 難食+服務態度惡劣係重點!1.第一大罪狀, 師傅極度惡劣! 一來冇日本師傅,二來如前面食評所講, 有個肥佬大家記得認住佢, 手勢騎呢, 佢會好大力咁拍隻手同沾水, 握飯時仲張飯飛左落食客面前, 然後扮冇野, 佢整蟹腳壽司時, 心不在焉,將隻蟹腳一反, 由隻碟到成跌左出黎, 佢只係係食客面前換左舊飯, 蟹腳照用, 好野!成晚佢d 動作簡直好似跳舞咁, 以為睇戲先見到既野, 肥佬比到你!2. 佢地師傅技術極差, 又做唔切d單, 又求其, 睇住佢個爐條鰻魚燶左, 肥佬係另一師傅提醒下先知, 拎出來之後, 佢反轉左燶個面比客人就算!3.迴轉帶上壽司均是千年貨色, 坐左2 粒鐘, 佢地只係放過唔夠8碟新野出黎, 大家都唔會食迴轉帶果d,呢8 碟都係order 錯左, 整多左等等....=非常難以想像, 如果你唔剔紙, 一定會餓死, 完全失去自己選擇壽司既樂趣!佢地係不停咁做人客order , 唔會整壽司出來, 迴轉帶是形同裝飾!4. 壽司質素, 當然係差啦, 手勢咁唔正中, 點會整到好野...唉!我食左13

我已經食過好幾次,最鍾意佢D壽司料大大,飯細細,而食落口D飯仲有微溫,D料都幾新鮮,雖然新年期間去嗰次有D失手,可能D食材運送既問題啦,好似冇咁新鮮,但最近去嗰次已經回復水準。我最鍾意食佢呢度既魚背壽司,每次例必番兜,牡丹蝦、帆立貝、北海道雪場蟹腳亦好鮮甜、TORO入口即溶, 幾正!我仲食過佢地既櫻肉壽司(即係馬肉),睇落似生牛肉,肉面放咗舊好似脂肪既物體,食落有好濃既肉味,再加埋舊脂肪滲出嚟既香味,簡直係絕呀!其餘軟殼蟹手卷、特大海鰻、火炙三文魚、板前蝦都可一試,本人覺得板前蝦比峰壽司既峰蝦好食,板前蝦爽之餘仲比峰蝦多一份甜味。最後一定要食埋個南瓜雪糕先走呀,好好味架!

麵豉湯︰很足料。有很多蔥和類似海帶或紫菜的墨綠色蔬菜，還有一件三文魚。以湯來說，味道不錯，但沒有麵豉味，根本不像是麵豉湯... ^___^"蟹肉蟹子沙律︰份量不算大，但普通壽司店的蟹肉蟹子沙律其實大部份都是青瓜絲，這裡的蟹柳算是比較合乎比例了。冷麵︰夠冰涼。麵條夠幼身，硬度也適中，不會像在咬塑膠條般...飯︰大小、形狀、溫度、結實程度也掌握得不錯。而且每件壽司的壽司飯也握得很一致，值得一讚。材料︰視乎不同材料了... 我這次吃的鱆紅魚和"立" 魚的肉質都過於結實，但其他的材料一般都很好，例如香港很少壽司店有的秋刀魚，味道有點像池魚及鰺魚。帶子大片又新鮮。也有與峰壽司類似的墨魚姿，味道相若。三文魚子甜過於鮮，但味道仍不錯。印象最深的是吞拿魚(赤身)，雖然只是十多元，但質感及味道都比一般壽司店的出色。可惜沒有我最喜歡的油甘魚... 9___9"價錢︰視材料而定。普通魚類的價錢可以接受，但大部份我看得上眼的款色都要$20 或以上一碟，而且有些一碟只得一件，對我來說是有點貴了...

黎過一次, 當時係星期一至五的其中一日, 時間係下午三點幾. 唔係繁忙時間, 所以門口沒有排隊的人龍, 但入面一樣人頭湧湧, 香港人真喜歡日本料理啊!食左壽司同手卷, 水準中等/中上, 冇乜特別. 平均$135一位, 都唔算太貴.總括而言, 我覺得一試無坊, 但我未必會再幫襯.

星期五晚要幫朋友手在尖沙咀工作，未夠鐘人己在加連威老道。行過這裡，見至少也有廿人在等，心血來潮，試下一個人會唔會好快有位，橫掂幾年都未正式坐低食過迥轉壽司，就攞張飛試試。想不到人不及迫番出去，就已經叫我的號碼，各位在等的，我是吃先了！先來綠茶色，在履帶拿過醬油及芥末，先看環境。四位壽司師傅，三位年青本地人，一位日本師傅。價錢走平價路線，由9蚊食到25蚊，已經可以吃到大部份款式，再貴的如海膽等，斷估不會在這裡吃到靚貨，所以無謂叫。坐得幾舒服，一個人吃也很寫意。迥轉的看已是轉了不少時光，都係即叫較好，一叫師傅就整，唔錯。一個人吃不了太多，先吃碟蛋卷，暖暖的，賣相砌得幾靚，味道太甜，不過十蚊唔使又算已交功課；其他吃了尤魚鬚、尤魚、帆立貝、鰻魚、熟蝦，味道普遍不錯，當然不能與有師傅坐鎮的壽司料理專門店相比，但都算是手握，比機製的壽司連鎖店又勝一籌。之前見有食評說飯是散的，但吃過幾件也沒有此弊病，握得還算不錯。不過衛生情況就是一般港人整壽司的弊病。見佢有箱押壽司，明知只賣15蚊，不會是什麼好東西，也叫來看看。上檯時賣相還好，吃落就知只是兩層飯夾鰻魚的壽司三交治，味道還好，都可以試試；最後吃了條納

板前壽司,係我一個好美好既回憶,佢由開張到現在我都有幫0親,因為真係做得好出色,真正手握又有日本人處理,佢地唔係冇日本人,而只係夜晚先會出現佢後面仲有吧位架但.......好可惜佢地而家既質數真係差得好犀利飯粒硬壽司散,佢地都唔知有冇學過做壽司,條毛巾我睇住佢地成個鐘都唔洗下d樓面仲恐怖,"人肉佈景板"嗌極都冇人應,可惜唯一可以令到我仲去食就係坐壽司吧,起碼可以保持到水準但.....我諗我都唔會好似以前咁密去食喇,因為味道果方面.............現在我只有回憶先可以品嚐番以前既味道喇....

我朋友知我鍾意食壽司,佢話呢間好好食叫我去試下,咁我咪又去試下囉! 我朋友好有誠意好有心, 晚上6點幾就來等位, 所以我7點來到已經有位. 因為我個friend 講到咁好食, 所以我滿懷希望! 點知真係有小小失望law!!!首先佢地標榜的"手握壽司", 啲飯係一啲都唔實, 還未放壽司上自己隻碟上已經散咗!!! 好多碟都係咁的情況! 好唔得ah!而我亦好同意"日本美女"所講: 話標榜日本人手造.見都未見過"似日本人"既人. 只見到d師傅係到玩咁!至奇就係坐我身邊的一位單身來食壽司的女人, 1個人來, 只叫了2碟甜蛋壽司及3碗"麵使湯" 飲, 唔通d"麵使湯" 真係咁好飲???!!!