板前壽司 (已結業)

某星期日中午十二點幾, 在嘉連威老道上完堂, 行經呢度, 已經有人排隊, 見自己一個人, 應該唔使排隊, 又走去試試, 結果一入去就有位.裡頭不見大家講的日本師傅, 日籍客人就有一個坐我左手邊. 一坐低就見他另叫的一客煎蛋剛剛到, 本來也想跟著叫一客, 不過見他吃了一件就沒有再吃, 心想不如下次去一門試試算了. 拿著order紙剔完又剔, 多數試他們三四十完的壽司, 有幾款蝦, 蟹腳, 帶子, 赤貝等, 印象中味道都ok, 不過唔知點解赤貝有一件好食, 一件麻麻. 火燒壽司就凝住和花亭好食d.另外冷烏冬就唔彈牙, 因為叫了太多壽司, 所以冇食晒. 炸蠔亦因為太飽要包走. 就當日觀察, 迥轉帶上的壽司唔係咁吸引, 另叫會好d.

一間完完全全既地道"旺角日本料理鋪頭"...師傅唔似師傅,仲話標榜日本人手造.見都未見過"似日本人"既人.旺角人就有,我點解咁講係因為我好鍾意食壽司,係真係食"用心造既壽司"佢地真係"用心造到好求其",唔知佢地係咪啪左野先造壽司,我見到個肥仔"師傅"跳晒舞造壽司,嘩~~~~兩個字"一流"....我真係唔明點解有咁多人去食,我好多朋友都叫我去試下,佢地話好好食,咁我咪去下囉,點知今次連叫我果個朋友都話唔會再黎,佢話冇晒以前既味道,一d專業態度都冇,衣衫不整,污污jojo......一流.....

有日行開尖沙咀，唔知食咩好，於是又見板前唔係太多人，咁就入去試啦，我又唔覺有乜咁特別囉，只係標榜手握囉，但其實o係日本間間壽司店都係o架啦！有d貴囉，唔太值呀！

IMPORANT WARNINGThis sushi shop is like heroin. You will become addicted to it once you try. Think twice... hahaHuge waiting crowds for most of the time. If the queue is too long, you may go across the street to the Relaxing Tea House for a cup of quality herbal tea whilst you are waiting. Highly recommend Roasted Fatty Tuna (Toro) sushi. Much better than Toro sashimi. When the surface of the toro is roasted, it brings out the fragrance of the tuna oil much better than it being raw. Must m

半年內第二次幫襯，上次LUNCH兩個人食左三百幾，今次都係兩個人，太約三百蚊有找，兩次都好好彩坐壽司吧，日本師傅好專注，全部好新鮮，望住佢整，我地叫左兩件北海道雪場蟹腳壽司，$35一舊，OK 好食!其它都好正，服務不過不失，但真係好味過豐壽司好多咯，好想快再去!又唔駛排咁耐，豐壽司只係舖位細先好似好多人排唧!

仍然排晒長龍，因為預先點左人去排隊，所以終於食到喇!雖然坐迴轉台，基本上我都係落order的多，其實迴轉的選擇不太多。三文魚同toro切得好薄，食了都好似冇野到口咁。軟殼蟹手卷d紫菜好脆，隻蟹又好熱新鮮炸起，見佢炸完係廚房扲出o黎，先至搵師傅包。特大海鰻壽司，見個師傅係部機即時烘熱，大大條都幾有鮮味。海膽、火灸鰻魚、赤貝、親子卷、板前特卷、瀨尿蝦箱押壽司等都係屬一般，與其他食友d comments一樣，d壽司飯好散，而且亦都唔夠醋味(哈哈!牛油果實話我)最唔得係牡丹蝦刺身，最新甜個蝦頭，竟然上台時冇左個蝦頭，d蝦身又細又霉，size似甜蝦多d，不過2隻都係只收40蚊的價錢。因為信用卡有9折，如果唔係兩個人400蚊，真係唔抵。如果以這個價錢再加多些少錢，可以食到較有水準的壽司。

日前到了一次, 坐在sushi bar叫了一些火焰sushi,帶子及三文比峰sushi 來的不清潔.比奧sushi來的喧鬧價錢又不見得平.日本師傅只顧同女仔講野,失去為板前(師)的尊嚴.

黎過兩次食brunch, 因為貪呢個時候唔多人﹐唔係排隊...食過好多隻壽司﹐最好味就一定係帶子壽司﹐一定要試!!!因為佢就帶子切得夠厚身﹐食落口同埋D 飯一齊就好有口感﹐very good!!! 佢有兩隻帶子壽司﹐一個就係普通帶子魚生擺係壽司飯上面﹐另一隻都係一樣﹐不過整完舊壽司﹐就會用火燒舊帶子。。。我覺得都係前者比較好味~

喱間長龍壽司店,次次都大排長龍,難得今天唔使排隊,入去試一試.食左8碟壽司,包括海膽壽司, 蟹腳壽司,母子壽司(三文魚+三文魚子)等等,落單叫的是即叫即整的,魚生超級新鮮,魚仲好有彈性,唔錯,海膽壽司好抵食.但在迴轉中的壽司則麻麻地,變乾身左,而且來來去去都系個幾款.軟殼蟹手卷只軟殼蟹好細只,有半只.火炙尤魚壽司有小小燒焦味,好香口,口感一流...要提一提的是D紫菜好脆好香,正正正!有D野唔系今好,D師傅一路整野一路講野,又沒有帶番口罩,系度噴口水,好核突.其次,台面本menu好污穢,有好多污積,"癡立立",衛生情形一般.價錢唔算太貴,物超所值!

To: erichenghk如果你想以迴轉壽司的消費來品嚐手握壽司,我想信目前香港只有一間, 位於尖沙咀加連威老道“板前迴轉壽司”. 由日本師主理. 我已光顧了數次, 食物品質肯定是上等的, 包括特級肥TORO, 肉質彈牙的牡丹蝦, 鮮甜肉厚的帶子, 甘香海膽, 美味北海道蟹, 香口秋多魚, 矜貴特長海曼,還有... 不能盡錄. 所有壽司都是手握上碟, 口感一流. 真正日本cuisine. 板前的裝修亦是五星級, 燈光柔和適中, 增加品嚐食物的氣氛. 除迴轉counter 座位, 亦有卡位, 有幸一次與gf能坐著sushi bar, 面對日本師, 欣賞其純熟的握壽司手法, 點選自己喜歡的食物, 真的如置身於高級日本餐廳.

好少一個人去食迴轉壽司，臨放假前就試下個感覺如何。去番呢度，係因為上次同個朋友黎果陣都見到有唔少單身漢一條友食，好似好好feel咁，今次就扮下人地囉。一個人食迴轉壽司的感覺唔錯，鍾意食乜就乜。食左6碟壽司，味道一般啦，不是十分出色，唔去亦唔會有損失。想講下d 師傅仔，一路整野就一路吹水，ok，吹水冇所謂，但有可能將d 口水噴晒落d 野食度，一係就帶番口罩，一係就收下咀好喎，俾d客圍住都唔醒目d呀！

見冇人排隊, 試下呢個"峰"copycat 得唔得.結論係...極之十分唔得:1. 師傅們6個人企o係窄窄的地方工作, 互相阻礙, 效率係"負數". 我食了一碟自取, order紙落了3碟, 終於15分鐘後有第一碟, 30分鐘後有第2碟. 原因? 全部人掛住做外賣, 一個外賣order 最少有10-16件, 手上有7個外賣order, 店內d客想讓位比出面d人都唔得啦.2. 特上海鰻壽司, $25一件, 用現成鰻魚汁, 味道冇可能出事. 後來都出事, 出o係邊? 就係阿師傅用筷子夾條海鰻上碟時, 跌左半條出碟, 再夾返? 就如圖中咁, 散哂lor.3. 衛生好有問題, 睇住個師傅從迥轉帶上, 拎了一碟轉了over30分鐘之希靈魚壽司, 入一個外賣盒, 跟住即刻比waitress, 食左唔肚痛就奇...4. Waitress禮貌尚可, 但整間店d人都好旺角...感覺好唔專業, 亦唔敬業樂業. 可見於師傅們見日本師傅行開就大聲講佢壞話, 或者waitress們同你追單可以追到去左sideboard 與同事咬耳仔, 好野wor! 下次請我都唔去!

一個字: 正!魚生新鮮! 用紙落單o個o的又即叫即整!!推介火炙鰻魚壽司!!價錢唔算太貴(兩個人食o左16 碟!) XDDD最衰就係要排隊等好耐...

昨晚第一次去食,6:00pm去到已經有20張飛我前面,15分鐘後有.一開始念住坐出面bar,點知姐姐仔帶我入去裏面bar.原來個日本人師父同幾本地師父裏面,一面睇佢做,一面吃好好feel. D食物好新鮮(可能係多人,見D order10-20張咁出,D 師父做到唔停).小弟愛吃鰻魚,佢個鰻魚壽司"正". $$ 又唔係太貴.

全晚幾個香港師傅仔就係咁大聲講野，全程吹水，好討厭，我食壽司絕對有大把口水伴碟，呢個係唯一最最最唔滿意同唔能夠接受地方，但係個日本師傅就真係好認真，好專心做自己野，食物質素是不差的，價錢也可以接受，最抵食係三文魚刺身，一流！！