板前壽司 (已結業)

琴日見唔多人....走左黎食....等位等左十分鐘....都叫好彩.....呢度D壽司價錢都算平.....而且全部都係人手握.....但係唔夠實....有D散...(其中有D飯熱熱地既....要扣分呀).....三文魚壽司只係$9一碟....我地兩個人就食左三碟.....仲食左: 蟹柳...牡丹蝦....板前蝦....帶子....牛油果鰻魚卷等...睇menu見到有個甜品叫"芒果饅頭"好似好得意咁....就叫左黎試下....點知原來係一個半球體既芒果有甸....底下有一小層朱古力餅....伴士多啤梨粒&醬....我只係食得出士多啤梨味....完全冇芒果味...而且咁細舊就要$20....貪得意既代價原來係咁唔抵架......P.S. 見佢有一款白菜壽司...條白菜仔乾"睜睜"地"灘"係舊飯上面....見到都唔開胃....究竟係邊個師傅諗出黎既"驚世傑作"呀????