松記糖水店 (已結業)

剛剛睇完食評,我覺得真係要為cwb這間松記糖水抱不平....billy kwan 先生,你話你係松記的忠實fans....但你連價錢都打錯...小妹真係覺得你似中傷佢地多囉...!!!自問我都係忠實fans...每次叫"幻彩明珠"時都必定加奶....而每次張單都係出"+$5"menu入面清清楚楚寫明加奶加$5...$5我梗比,因為我就係鐘意果d忌廉奶我真係唔明點解你會話佢加你$1...-_-"先生其實你係咪真係去左松記架???中傷人都唔該你有根有據啦...唉!!!

自問是松記fans!! 知道港島區開松記，又近公司就滿心歡喜可以成日食喇松記o既忌廉奶真係全港獨家，我先咁迷戀佢有次黎cwb呢間食，叫完個甜品，講左多奶通常黎食開都知...(多奶)會印埋落張單度今次見冇...就算啦~~可能佢上甜品時會加多d比我就ok啦最後發現真係冇加多到比我，咪同個服務員話「我想要多少少奶呀」結果回應係「要加一蚊喎！」我話之前落單講左，佢冇加比我喳佢望一望我張單，之後話返我「冇o家喇，你下次見到咁要講返呀！！」哼！為左你呢「一蚊」，我費事再同佢嗌交，又唔想再益左佢地，呢一蚊點都唔會加！食剩好多就比錢走結論，為左一蚊奶而令到d客咁唔開心，呢間分店睇黎都唔想做得長而且可能舖租關係，定價都係比其他分店略貴，所以呢間分店已經要black list

二戰有聯軍登陸諾曼第，揭開反勝的序幕，今有松姐先在深水埗一帶站穩了腳，再在九龍各區擴張後，再到了老銅開一所分店，看看水準又是否一樣呢？五個人吃過了抵食的住家菜，坐了來就是為了滿足一下甜胃，雖然本人的甜胃很弱，但吃一個甜品，也當然是樂意奉陪，最後五個人點了六款甜品，其中的可樂啫哩是供大家分吃的。先來的是咖啡木糠布甸，布甸是有咖啡味的，但就是有形無神的那一款，奶味很不夠，而木糠就是太幼了，有時不是越幼越好，如吃麵條，不是越幼越好吃的，總要有點口感才行，總括來說是普通至極。友人點的薑汁撞鮮奶也試了一點，奶撞得不太凝固，看起來非常之液態，薑汁味雖然是夠，而且也有奶香，但光是撞得半水模樣的撞鮮奶，真的不太開胃，是否要到澳門才可吃到好的撞奶？友人點的六寶湯丸就沒有試了，但看六粒也是不同款式，有新穎的也有傳統的，新穎的有奶黃餡的湯丸；另也有紫糯米奶黃；最後的一款是綠茶皮奶黃餡，聽友人說奶黃餡不是太香；另外傳統的有花生、芝麻及豆沙餡的湯丸，聽友人說全部也尚算不錯，但看起來其糯米皮就不太黏糯了。我點的雪山，食客可自選雪糕的口味，我配上了紅豆雪糕，紅豆雪糕夠滑夠甜有奶香，但偏偏就是紅豆香不夠，雪糕下有椰汁

初七人日, 一家人食完鼎太豐唔飽, 知道呢度開左松記, 就來試下點了哈囉, 豆腐花拼紫米, 豆腐花拼西米, 紫米杏仁, 紅豆冰真係幾平啊, 哈囉, 多豆多料, 都係 $19, 真係幾平 入面有高清電視, 座位都幾舒適, 光光猛猛埋單 $78, 可以 八達嘟

我平時都常常去深水埗及佐敦分店,但今日去開銅鑼灣,就試吓銅鑼灣分店.今晚約晚上九點入去,裡面坐位都有六七成客坐咗,自己搵位,因冇人招呼,order完冇耐,嘢食就嚟咗,之後有個金色長髮既服務員過嚟,問我係唔係兩個人(其實佢態度好差),我話係,因我有一大袋野放咗係旁邊既位,咁我攞番既時候,就問番個金色長髮既服務員,你有冇圓櫈俾番我擺番個袋,佢搵都唔搵即刻話冇呀,(仲要好差態度),其實我都見到有圓櫈,但佢冇諗住去搵,之後,我話咁而家抱住點食,佢好"吋"咁話你放係地下,(如果我要放係地下,我洗乜問你),隔離枱order咗楊枝甘露,當送到嚟,佢地見同照片有分別就問吓,請問呢個係乜嚟,個金色長髮既服務員就答楊枝甘露囉.我覺得經過呢次之後,我以後都唔會再去銅鑼灣分店,我嚟食野都要俾錢,仲要受氣,個金色長髮既服務員態度非常差,根本就係趕客.

同羊小姐食完晚飯，我地既例牌活動當然係要去食返個糖水啦，醒起新開左松記，就同佢過左黎食啦。黎到大概 9:15，都仲算幾多位，不過入到去完全無人理你無人招呼自己搵位搞掂，真係=o=。諗左一陣由於貪心既羊小姐咩都話想食，我地最後叫左一凍一熱既糖水。落單阿哥態度勁差好似唔想落咁... 咩料？先黎「Summer」，係SSP食過幾次，今次都係叫返呢個例牌野，可以揀兩款雪糕，要左曲奇同埋朱古力。曲奇雪糕繼續好味，朱古力雪糕就食到好多碎冰…… 其餘係粉圓同埋生果，D生果普遍都係好淡無咩味，睇黎佢係用D平價生果 (雖然佢D糖水都係平價)，而且D生果唔夠凍，感覺麻麻，雪凍D會好好多。有D芒果汁，不過都係無咩味，唔係特別好食。奶皇湯圓我試左一粒同埋一啖薑水，薑水得個辣字，但又淡到爆，唉…… 湯圓都係一般，屋企媽咪個D好食好多。奶皇餡只係微甜，唔係好食到奶皇味，而且個皮好淋.... 所以都係麻麻地。總括，價錢係平，不過質素又真係幾一般，服務又真係麻麻，所以... 我唔會再主動提出話黎呢度囉。

銅鑼灣開左松記...鵝頸橋附近..近巴士站....真係好開心呢...係銅鑼灣返工, 可以食d 平價甜品...晚上9點幾去到...竟然仲有好多位...可以坐到50人...和朋友各點了幻彩明珠....$19...比佐敦分店貴左$3, or 20%...well...ok ge...係銅鑼灣黎講...仲算平....朋友更買了幻彩明珠外賣..., 加$1...得閒會成日過黎食的~

好多人都話松記好食, 但我覺得麻麻, 好普通囉, 我食左幻彩明珠, 只係一些生果拌涼粉, 我個fd 食左一個叫ck酥 ge 野, 都唔係拿破倫, 係好始蛋卷皮咁, 同張相差好遠, 佢 d 野又普通又唔係平喎~~ , 但d 侍應都 ok ge

自上年友人介紹去Jordan食過松記之後, 就鍾情佢的”幻彩明珠”, 12月中終於登陸銅鑼灣, 亦已經試過買外賣同家人分享。今晚行完time square, 又行去買”幻彩明珠”回家, 買咗3個 $20 each。生果仍然勁多，都幾新鮮咖；涼粉都ok；不過今次d珍珠硬咗少少…..不過..無損我對佢的熱情。絕對有下次 (不過, 其實我都係獨沽一味食佢的幻彩明珠)!!Service真係差咗d, 職員全程無笑容 (上次12月買果陣, 門口個阿姐好好咖, 大幅免費笑容, 見我拎住好多嘢, 又幫我拎, 又叫我坐住等d外賣) ….或許…我都係外賣啫…都係唔係expect太多?!?!

水準跟深水埗及佐敦店差不多...keep到一貫既好味!兩個人叫了馬啼爽及薑汁撞奶...馬啼爽很清甜, 又有口感~~朋友點了薑汁撞奶就說太重薑味...但店員態度就很差, 個個都好似唔想做咁....(還是喜歡左佐敦既姐姐)

前幾日去佐敦搵啖食之後食左松記o個次覺得唔錯~~~今次o向銅鑼灣搵啖食之後又係去試松記不過今趟就非常失望所以正如題目所講, 短期內唔食lu2個人每人order一款可佈之作:雪糕冰燕, 嘩~真係估唔到可以咁難食, 底係d透明狀o既jelly啦可以講, 未加椰汁前係一d味都冇, 仲"乾曾曾"咁tim, 之後加左椰汁之後味道更怪, 唔應該用怪去形容, 簡直係難食..............上面得一個雪糕球, 咁o既價錢起碼都可以有幾舊生果呱............得一個雪糕球好遜!!!六寶湯丸, 點解我評為差, 因為湯丸唔夠熱, lee個係大忌, 我已經等左超級耐, 男友碗難食o既冰燕食完之後都未o黎, 催左幾次先仲話湯丸要耐d, ok...................但等左咁耐個心唔夠熱law..........唉~~~太超過啦~~~!!! anyway佢d涵料係唔錯, 幾創新, 最鍾意係花生同奶黃, 但可惜佢唔合格ma, 唔熱又唔夠薑味................就算個樣幾靚幾有心思都冇用, 最重要一環做唔好~~~睇個menu好似有好多item, 但有d冬天唔太o岩食, 其他多款

除夕夜, 倒數叫喊完, 立刻跳入來吃一碗新年糖水!!人很多, 卻很幸運地找到位子, 再遲一點就沒位子了!而位子也較迫,客人雖多, 效率卻很快的.點了約五分鐘後便送來五碗糖水了.叫了一碗哈囉,有芒果汁, 珍珠粒,涼粉粒等等!一大口吃下去, 甜甜的味道衝向舌甘,各種不同質感的料子在口中滾動, 感覺十分的好!更值得一提的是,男女店員也很年輕, 有活力.水準跟長沙灣的老店味道一致, 值得推介!

18-12-2009銅記糖水鋪來來去去一係食發記 (http://www.openrice.com/restaurant/commentdetail.htm?commentid=186226) 一係一品齋 (http://www.openrice.com/restaurant/commentdetail.htm?commentid=1928275), 見松記 (http://www.openrice.com/restaurant/commentdetail.htm?commentid=105258) 開分店開到過海了, 食完難吃 dinner (http://www.openrice.com/restaurant/commentdetail.htm?commentid=2050584) 後又嚟食碗糖水當 therapy 兼暖暖胃.已食飽 dinner, 唔食湯丸了, 今次簡單叫個熱椰汁紫米露 ($12)... 用勁大個碗 serve , 質地杰撻撻, 似「粥」/「糊」多 d 喎. 食落椰汁味 ok, 係幾濃紫米香, 甜度又剛好,「隊」晒成碗, 幾滿足. 環境幾大, 格局「茶記」得很,