松記糖水店 (已結業)

好耐無拍拖, 補祝情人節, 同HONEY去松記.叫左一個幻彩明珠同榴槤PANCAKE.幻彩明珠加花奶, 我鐘意, 有野咬下又夠甜.但個PANCAKE真係好怪... 幾時改左個樣變成咁?一盒好似壓到實晒咁, 以前都係兩件好靚仔的.味道無變, 但可能屈係個盒度, 外邊個皮濕濕好核突.下次唔會再食榴槤PANCAKE了...

Gatherings and hang outs often end with having desserts. I've been here several times, and every time I come here is because of giving a final touch for a perfect gathering with friends. Under my impression, the desserts served in this place were okay. Nothing really surprising or great but acceptable and convenient enough to re-visit. Actually the gimmick of the shop was pretty famous in Cheung Sha Wan. I don't know if the desserts are really fabulous there but the one in Causeway Bay was not r

松記自從在銅鑼灣開分店後便經常吃完晚飯來吃 這次和朋友在附近吃完茶餐廳 有點意猶未盡 就過來吃幸好時間尚早 不用等位 今次就點了三色涼粉 賣相不錯的 有涼粉 水晶粉同類似大菜糕的涼粉涼粉不錯 幾彈 但係另外兩個就麻麻地 太甜 太淋 一咬最碎曬另外 有很多款甜品加了價 summer 由$22加了到$26幅度都好驚人 但最出名個幾款還是不錯的

　　我常常坐車經過鵝頸橋，都會看到這家糖水店，今天終於有機會親臨品嚐其中的甜品。 推門進內，六點幾的時間，食客卻不算少，有外地遊客，也有不少是穿著校服的學生，來這裏邊吃甜品邊聊天。桌子有點細，光線充足，環境不錯。　　我翻翻餐牌，餐牌很新，圖文並茂，十分清晰，才更新過不久，讓人目不暇給，選擇十分之多，我很欣賞他們的作法，雖然主打仍是傳統的甜品，但它也納入新元素，可算是傳統甜品的新演繹。　　我最愛的甜品分別是芝麻糊和杏仁露，於是來個雙拼。　　等了不久，便上來了。　　圖片裏的雙拼是太極形，界線分明的，實際上就看不到了。只見一堆芝麻糊在正中央，然後週圍圍上了杏仁露。　　初嚐一口，夠熱，這是第一要點，先吃週邊的杏仁露，嗯，杏仁味濃，兼有奶香，夠濃稠，料足，正中央的芝麻糊夠烏亮，有芝麻香，並且軟滑。　　整個的吃起來夠滋潤。　　稍為有點可惜的是店家比較吝嗇，這樣平價的傳統甜品雙拼竟要２０元，是稍貴，並且份量有點少。如果份量再多一點則更佳。在冬季這麼乾燥的天氣，這個甜品可謂我的首選至愛。烏髮亮膚滋潤芝麻杏仁露！

時不時在銅鑼灣吃完飯後, 總有一些意猶未盡的感覺, 那就決定徒步走到鵝頸橋底那邊, 誓要將幻彩明珠消滅 還記得早兩年前想吃到幻彩明珠的話, 就要專程去到九龍那邊才可以品嘗得到, 現在近多了!! 每次來我亦都只會叫幻彩明珠, 從來都沒有試過其他, 專一嗎? 今晚人太多了, 所以只好買外賣回家吃吧! 雖然是外賣, 但份量絕對不會因而有改變, 還有點迫爆的感覺! 最喜歡它很夠料, 有多款瓜, 奇異果, 芒果, 涼粉, 黑珍珠還有很有咬口的大粒珍珠, 再加上一些奶, 奶可以隨你喜歡加與不加, 但個人覺得加奶才是重點, 加了奶是比較香滑的, 但肚子受不了的就要考慮考慮呢. 生果非常新鮮又夠多, 每次吃完都感覺份外滿足

晚餐不是很飽，留有位置吃吃甜品才回家。咖啡木糠布甸雖質感比想象中硬了少許，但尚算滑口，咖啡香味不算突出。芝麻糊雲石豆腐花，芝麻糊幾香，不太甜，雲石豆腐花都算滑，但芝麻香味明顯結芝麻糊搶拈了，還是摼$2食回芝麻糊拼普通豆腐花才是更好選擇。六寶湯丸有六款選擇，分別有芝麻、花生、紅豆、奶皇、綠茶奶皇及紫米奶皇湯丸，勝在款式夠多，味道方面，還是偏愛芝麻及奶皇湯丸，倘若湯丸皮能再煙韌一點會更理想。

心情不太好, 自己去左食番d 甜野補償下, 等自己開心d先, 次次黎松記都會叫 幻彩明珠,,,中意佢用料多, 又好味, 唔太甜, 味道分量岩岩好, 男男女女都岩食, 唔會太多 又唔會太小唔夠喉, 有好多生果, D 生果感覺到係新鮮的, 西瓜, 哈蜜瓜, 仲有唔同的珠珠, 好似有 西米, 大大粒. 黑珍珠, 脆脆的, 好咬口, 涼粉都有好多係底.有時會走 涼粉, 因為怕太多食唔曬, 覺得呢間 抵食 又好味, 所以 值得再試, 見到身邊好多人叫 SUMMER, SUMMER 有枝朱古力條,,, 雪糕,,, 等等,, 真係增肥之選.....呢間分店第1次黎, 但我覺得味道 同其他分台差不多, 去過 好幾間分店...果然係 水準有保證,,,

從前住在總店咐近反而甚少幫襯,反而這天在隔鄰吃完拉麵後想吃點甜,路過門外卻走了入來!時間尚早剛好避開了晚飯後的輪候人龍雜果三色涼粉----頗大推頭的賣相雜果份量不少,吃起來也夠冰凍夠甜.除了認同黑色的是涼粉外,其它兩款也是像無味的大菜糕.剩下的真是無能為力,糖水杰身如糖漿!怎吃?六寶湯丸----薑水味道不算濃,湯丸的外皮吃起來欠軟糯帶點硬身.不知是否搓粉時油下得不夠?數款餡料中以奶黃及紅豆的味道最佳.始終每人口味有別,友人照單全收吃得高興,自己的正選還是佐敦佳佳的濃薑水麻蓉湯丸.

廿四年前的電影「胭脂扣」，有無人記睇過? (本人是看重播的。。。) 套戲最印象深刻是有一幕，「十二少」為了博取「如花」紅顏一笑，竟然燒銀紙來煲紅豆沙吃，果真是淒美得來又不失霸氣。現實生活中，出街吃糖水也如燒銀紙一樣，完全唔明點解可以賣咁貴。本錢少利潤大，難怪糖水舖開得成行成市。是日來到「松記」，要等位之餘，內裡坐的地方十分迫，枱與枱之間之間亦非常窄狹。先來個「幻彩明珠」(高音~)：此店招牌之作。其實是碗加了芒果汁及珍珠的生果涼粉，正常飯碗 size，西瓜兩大件，賣 $23。芒果汁有色無味，珍珠、涼粉之類都是原材料大大包買回來的那種，唔明有乜咁幻彩同特別。再來個「金枝玉露」(高高音~)：哦，原來是碗馬蹄露加蛋花加珍珠等等，賣 $28。蛋花加花奶，好花呀！第三個是「西瓜滑冰」(拉長音~)本少爺的選擇，$20，還不錯。叫「沙冰」會比「滑冰」貼切。最後是....登登登櫈：「木瓜雪耳糖水」(低音~)反高潮地非常平實，類似酒樓飯後送的甜品，賣 $22。點解唔改個勁啲嘅名？可以考慮叫做「胭脂扣黃金」呀。最後送上歌詞的下聯：「癡心枉注，願那天未曾遇....」

一向幫趁長沙灣的幾間松記, 第一次來到cwb分店, 仲要剛剛已食完聰嫂, 撐住肚子都要來, 全因松記新出左一系列新甜品~~好似係同某牌子煉奶的cross over此乃---(我忘了名字), 但卻是我最新的my favourite !!佢一出場我已覺賣相很好,黑糯米軟得來有咬口, 包住香甜蕃薯茸, 舖面的水晶珠爽口彈牙, 椰汁略甜 (所以不明白那又怎能叫食客再自行加煉奶哩?!!)但略甜有原因..... 因為主角要用冰托起, 以免浸在椰奶中, 只係當冰未溶的時候, 實在過甜...以$24的價錢, 份量看來少了點, 但其實此品食得人好飽肚, 好味 ps1) 店員十問九唔知, 比併幾間不同的松記, 都係長沙灣的紅色舖服務最好ps2) 這甜品製作需時, 比平日要等耐一點ps3) 若用佢來再創食法, 唔浸椰汁拿去好似點心咁蒸熱, 食前才醮椰絲及椰漿, 應該都會又靚又美味, 呵呵呵~

有時係銅鑼灣食完Dinner通常都會去呢間松記坐坐.呢間既甜品的確好好食.賣相又夠靚.生果新解之餘仲好甜 價錢都好平均,一般都係廿零蚊搞掂!坐既位夠晒寬敞,好舒服,有時仲坐到唔捨得走XD極力推介招牌:幻彩明珠<3呢個糖不甩都幾好味^__^

松記外賣1）楊枝甘露（$25）--比較多奶，芒果唔夠，成碗係奶白色的，柚子肉帶澀味，非常一般。2）凍芝麻糊加豆腐花（$18）--芝麻糊2／3咁多，豆腐花1／3，所以似食芝麻糊多啲，好在兩樣都滑。3）雜果涼粉（$23）--堂食用碗方便食，外賣盒太直身，要食晒面頭啲水果先食到涼粉，幸好兩樣都新鮮。由落單至取貨，5分鐘唔使，真係超快，又可以用八達通，連找贖都慳返，快靚正！

晏晝去完cafe玩左5粒鐘..好肚餓..之後揀左去松記食糖水啦..去到等位..好熱呀好彩鋪頭出面有menu睇..唔係都幾難過終於入得去..我太肚餓啦..要order兩個甜品我嗌左椰汁紫米露+雪糕..(比我發現左咁叫..係比嗌雪糕紫米露平一蚊架)同埋..佢既椰汁紫米露唔係好甜..溝左雪糕之後..個甜度岩岩好糖不甩..幾好食..係呀,糖不甩係無餡架..我地4個人..咬之前係咁話入面有冇餡另外我仲order左木糠布甸另外我d fds就嗌左..

聽過"松記"大名很多次了,今次還是第一次嘗試吃它們的出品,適逢今天HAPPY FRIDAY,就和同事們一起叫外賣,來一客忙裡偷閒的甜品~我們大慨中午12時多FAX訂單到銅鑼灣分店,總共要了17個糖水之多,因為怕有錯漏,亦打電話確認了一次,另外因為有同事趕著3:30PM要離開公司的關係,我們再問一下可否3:30PM前送到,接電話的服務員說一定沒問題。等了又等,摧了再摧之下結果外賣3:50左右才能抵達。說回味道吧,糖不甩賣相份外吸引,一粒粒漲卜卜圓碌碌,(很像"咖哩魚蛋"啊~)上面灑上花生碎的糯米丸子,夾著點點的薑汁味的表皮,帶出了丸子的香甜味道,咬下去軟糯煙韌不黏牙,吃完一粒再一粒~好味!!綠茶奶皇湯圓也是頭一次吃到,SIZE不算太大粒,青色的表皮一如普通的綠茶味湯圓,咬下去卻沒甚綠茶味道,不知道是不是被獨門製的薑湯"搶風頭"蓋過了味道,奶皇餡我一直以為是"流心"的原來不是,>.<奶皇味道也不見突出,是有點兒失望了......反而薑湯實在不錯,不太甜,有薑味卻不辣。順帶一提,糖水以外另加$3的湯圓原來只有一粒,所以其中一碗特別指明+$6要2粒,送來以後到吃時發現只有一粒,

晚飯在鵝頸橋底的"隨你鐘意" 食過後, 一出店就看見松記, 由放鋪面吸引及站在店門口就入去一試....好多選擇, 想了一會, 叫一個推介的芒果西米露, 還有得多涼粉......加其他材料, 不是是什麼..口感十足.....而朋友叫了一個多豆糖水....豆的種類真的是多到不得了....我好欣賞, 因為我好愛食豆的, 可以一次過食唔同種類........很新鮮...埋單都是三十元留下..真是抵...抵..抵....!!