松記糖水店 (已結業)

在銅鑼灣食完貴夾唔飽的晚飯, 路經便坐車便一試, 九時半了, 十分多人, 雙色豆腐花, 即芝麻味和原味, 非常非常的滑, 芝麻味香, 較好, 但原味太淡, 友人加了太多的黃糖, 甜了些, 下次小心, 另一碗三色湯圓, 六粒放疆湯, 疆湯夠辣, 些少赤喉, 芝麻, 奶黃, 花生 各兩粒, 湯夠熱, 但六粒湯圓都不夠熱, 不知是因為做定還是放太耐才上我們的枱…. 味道一般, 不太出眾, 與其他店沒有太大分別, 未必會再叫這款…

放工過黎銅鑼灣, 行過呢度本想食咋渣, 但見幻彩明珠好多水果, 就order了, 之前係深水埗店都會食呢款, 是這裡的招牌甜品 , 19蚊, 呢度應是鋪租貴呢, 甜品價錢會貴過深水埗店少少見menu已好吸引啦, 幻彩明珠都唔細碗架, 有大細西米, 西瓜, 哈蜜瓜, 蜜瓜, 奇異果, 芒果, 上面再加花奶, 芒果汁, 好match, 水果份外清甜

我同男朋友開開心心咁走入呢間無人既糖水舖，但係個老細逼我地坐係個好逼既位。我地想調位啦，佢好惡咁鬧我地，"你兩個坐返係度呀！" 跟住叫野食啦，又無人理我地 最後埋單，個老細好似我地前世得罪左佢咁，又黑面又無禮貌，一句多謝都無 我地兩個都唔係咁樣衰姐，又無得罪你，係唔係要鬧我同逼我受你氣呀 >:C

十點幾才收工。和妹妹在銅鑼灣找甜品吃冒著大雨。終於行到松記門口看見一堆人在門外。以為要等很久幸運的我們。不用等就可以馬上入坐由於淋了些雨。決定叫熱野。避免著涼妹妹就選擇她的個人最愛甜食等了一會。上菜時間榴槤班戟。正常個人比較喜歡滿記榴槤班戟的口感但松記的榴槤就較多楊枝金露。妹妹糖水不二之選不會太甜。十分足料啖啖西米及柚子粒六寶湯丸。等最耐老薑糖水。很夠薑味。略為太辣 (個人唔太食得辣)湯丸果然是主打食品。值得推介皮薄煙韌。流沙黑芝麻 / 奶黃 / 紅豆餡。正可惜。花生口味賣哂。無緣一試食完。甜蜜又溫暖

聚寶後一定係近來上了心的松記糖不甩 : 碟的一半是十分香幼細的黃豆粉 , 糖不甩也暖暖的而黏糯好嚼的 最後碟上餘下的黃豆也給我掃光 紅豆涼粉 : 差不多次次都食, 但不明為何加花奶 變左加忌廉 合桃糊 : 沒有炒香的合桃香味, 只既碗面上透著微微的油光 感覺是食緊一碗糊仔狀既物體, 雖然不敢推段是開粉貨色但味道絕對不討好的 總結 : 下次咪亂叫

第一次黎哩度,知道哩度都有冰同雪糕食所以就黎試下啦,店面唔算好大不過可能食糖品唔會坐好耐啦,都唔駛等位,今次兩個人黎又係試唔倒多D野,叫左個朱古力冰同埋友個個唔知咩雪糕糖水,我個朱古力綿綿冰好好味啊,超濃朱古力味,正!!見倒隔離兩台都食緊芝麻糊,雲石豆腐花同埋幻彩明珠,全部都好似好好味咁下次真係要叫多D人一齊黎食先得啦!

是日是與友人GATHERING的日子,友人介紹到此地一吃，說他又便宜又很好吃，總之就是正了的說。其實我是沒有聽過此處有間糖水店的(孤陋寡聞)是日晚上9點左右，我們一行8人到此處，一到店鋪前，見到入面有幾圍人客，也有好幾圍檯是「留座」的，心想應該是要排隊等候吧，怎料是不用的，直接誰去。一誰去，感覺是店鋪不太大，空間也很少，是有點迫。座位間夠一人前行。還境不是太大的問題吧，當然是食第食首要吧。我叫了一個叫SUMMER($21)的，他有一些生果在抵，再包了一些好像爆殊般的粒粒，吃起上來是煙煙軔軔的。其次還有2球雪糕吃(雪糕有4種味選，我選了紅豆和朱古力)。本人覺得水果是很好吃，尤其是芒果，十分的鮮甜。大家到此不妨一試....

吃過壽司刺身，要同事付鈔為我慶祝生日，為表謝意，請他們去吃糖水，有人提議去「松記」。座落在過海天橋附近，這晚雖然大雨滂沱，但竟然有不少捧場客。看著彩色圖文並茂的餐牌，甜品種類之繁多，令人有花多眼亂的感覺，真是難以抉擇，大家花了十分鐘才拿到主意，點了下列甜品：紫米露湯丸 用紫糯米煲好加椰汁和芝麻湯丸，不太甜，湯丸好味。芝麻糊湯丸 芝麻糊有芝麻香，但顏色出奇地深黑，甜度合意。芝麻糊豆腐花 一黑一白，豆腐花並不是超滑，要加點糖水才夠甜，黑白配兩者亦夾。幻彩明珠 像是個生果拼盤，有芒果，西瓜，蜜瓜，木瓜等，加上芒果汁，珍珠，很清爽怡人。椰汁喳渣 有芋頭，幾種豆，椰汁，好味。愈夜愈多人，糖水店確是一門好生意。

聽講松記幾出名,想試下好耐呀,係銅鑼灣經過見到~味入去試下,唔知食咩好之下叫左"哈囉",其實都唔知咩來呀,個面有涼粉,椰汁糕,西米,黑珍珠,睇落幾清涼,不過食到落底先知有豆呀,好似八寶粥既味.......個人唔太鍾意呀~~~~~~~!

早幾日喺time square 睇完戲見到對面有間糖水店原來係松記糖水，見門口有些人等位但不算太多，便即管去試試。可能係地方大座位多，等了約6分鐘很快便到我了。叫咗個招牌推介幻彩明珠，嘩！夠份量，有多種鮮果、大西米，黑珍珠及涼分等，感覺很清爽，還有很多芒菓汁及一些香滑的奶淋上面，味道奇妙地配合，吃了這個後已令我很滿足，因為份量真的不少呢！眼見左右食客點了多款不同的糖水，每款都好夠份量，下次真的要多帶幾個朋友一齊來試多幾款至得！

松記在銅鑼灣開業已有一段時間，一向不太好甜品的小弟當然不以為意，但今晚與「甜品怪」二人吃過晚飯後，決定一到添食甜品。松記位置不大，裝修簡單，為滿足一眾甜品客，小店放置多張長形小檯，客滿時難免肩碰肩腳撞腳，連通道也得側身才能通過。 以甜品而言，這裡的款式多得很，大多更是新派甜品，甚麼珍珠、椰果等配料比比皆是。小弟吃得甚飽，所以點個簡單的豆腐花便是。 雲石豆腐花 $13：為小店推介甜品，把黑芝麻混入豆漿共煮成的豆腐花，賣相灰色帶不規則黑點，的確有點像雲石。加入芝麻令豆腐花不太嫩滑，但味道卻帶有黑芝麻特有的香味，而且口感富層次。另外，店員把糖漿與黃糖分上，客人可按自己喜好添加，甜度自由選擇，很好。 芝麻雪糕紫米露 $19：小弟怕太飽而沒有試吃，但評語得知紫米露不會太甜太膩，似乎也不錯。十數元一個飯後甜品，價錢公道，而且質素不差，難怪閒日晚上近十時仍坐無虛席。如好甜食又不怕擠迫，不妨到松記一試。

今日叫了松記的糖水做下午茶...未叫之前同事已讚好!^^由於我是第一次食所以好期待!!^口^其中一樣叫了"香蕉明珠"...本想叫芒果明珠加條蕉...但要加多$8蚊所以放棄了...糖水到了! 點知打開食了一啖香蕉...噫!! 有沙既!??? 噢!!! 原來唔係沙...係太熟了...再睇真d...原來有d忌簾遮住...原來條野根本係爛心的!!!好心打返去提下佢條蕉爛唔好再俾人...(p.s.已經冇叫佢賠過條俾我地...)點知佢打返黎問我識唔識分條蕉係爛定熟wo...=..=所以我專登搵水沖乾淨俾大家評評...究竟香蕉是太熟還是熟到爛呢???????

我個日下晝4:30去食 唔係好多人大半年前去食點知d水準好差 今次去見到d人換哂個老闆都好似唔同左 一問之下原來呢間鋪轉左手我叫左個幻彩明珠 d水果好新鮮 份量都幾多下 同以前完全唔同! 以後行完街就有個休息既好地方不過住耐左個冷氣有少少太凍

油麻地, 長沙灣松記都食過N次...銅鑼灣呢間好似開左大半年, 路過終於有機會一試喇!每次去松記, 都係食幻彩明珠, 今次當然唔例外啦!味道同其他分店差唔多, 都係咁好味不過生果既份量好似少左DD...埋單$19蚊, 比其他分店貴$3...可能係舖租既問題啦...

Date dined : 30th July 2010 10pmFood 1 Purple rice dessert with 2 custard dumpling ( 紫米露+2奶皇湯丸) and 1 Tofu pudding with black sesame dessert (芝麻糊豆花)Taste: 芝麻糊豆花 - came within 1 minute. partner ordered the the black sesame to be warm and the tofu pudding to be cold. They got it right the first time which is quite rare indeed. The Tutu pudding was smooth and rich in tofu flavor. The black sesame was a disappointment though. It was rather runny, not much black sesame taste but OVER sweet.紫米露+2奶皇湯丸