東京築地拉麵 (已結業)

之前都提過我個人本身就好鍾意食有湯的食品，特別係湯河，湯米線之類，可以講得上係無湯不歡，總喜歡飲d熱辣辣的嘢落肚，甘先覺得滿足。其中日式拉麵都係我嘅其中一個最愛，濃濃嘅豬骨湯再配上唔同嘅蔬菜配料仲有半肥瘦嘅叉燒，再加埋爽口彈牙的拉麵，正正正！依家香港越開越多日式嘅拉麵店，究竟邊間嘅拉麵先至係好食呢，其實都幾睇個人嘅口味，而我就比較鍾意食啲超濃味嘅豬骨湯拉麵又或者有面鼓湯味嘅拉麵。今日我選左好特別嘅麵食，就係青檸烏冬。見張相就係喺個麵上面放在一片片嘅青檸，青檸上面有小許鰹魚碎，睇落去嗰種感覺都幾特別，因為完全都未見過呢個咁嘅配搭。食落去種感覺又幾特別喎，佢本身個湯底已經有酸酸地嘅味道，又清新食落涼涼地又好舒服，烏冬係扁身的，都幾彈牙。整個配搭就好似特別為夏天而設甘。呢到仲有好幾種烤物，燒珍寶大蝦--大蝦都非常之大隻而且非常之厚肉，又好爽口，燒出嚟熱辣辣。個頭剝開之後仲有啲膏。蝦本身上面已經有鹽作為調味，所以我冇點任何嘅調味料都已經好夠味但係本身都會配一種醬汁，嗰種醬汁同烤牛肉串嘅醬汁唔同，呢種醬汁有少少檸檬嘅味道，點落去可以提升到蝦嘅鮮味都係一個唔錯嘅選擇。燒大帶子--帶子都非常之大隻，

入到嚟嘅第一種感覺係呢到嘅裝修好特別，一入去就已經有種日式屋內的感覺，餐廳嘅枱都係用木製造，櫈係藍色，有種喺多啦a夢屋入面的感覺。我記得之前夢中見過一個男仔變成叮噹咁保護我。因為呢個夢中，呢個男仔化身身叮噹，抱住我好溫暖，所以未食已經感覺好良好。初頭入去嘅時候本身就淨係想食拉麵，見佢個名係東京築地拉麵就覺得一定有拉麵食，點知入到去除咗拉麵之外仲有好多唔同款式嘅食品，例如就係串燒，烤物，炸物，沙律等等，另外仲有甜品，個感覺都幾特別。首先就講下拉麵，呢度嘅拉麵有七至八款。有傳統嘅豬骨拉麵，亦有黑油湯拉麵，辣味拉麵同埋蔬菜湯底拉麵，一次過有成七八款拉麵揀，有少少花多眼亂。但係我都揀咗我最愛嘅豬骨湯拉麵，豬骨湯拉麵舊叉燒係半肥瘦，而且入邊仲有萵筍，粟米，海苔等等嘅配料。另外有半隻糖心蛋雞蛋，豬骨湯湯底嘅味道剛好，唔會太淡或者太濃，好有豬骨的味道，食完之後個咀唇會有黏黏地的感覺，相信就係豬骨嗰種骨膠原嘅感覺，食得多，皮膚都靚d，哈。頭先都提過呢度除咗面食之外，都會有啲燒烤食，估唔到呢度嘅燒烤食品又幾好食喎，叫咗一個特長嘅燒牛肉串燒，一碟有兩條串燒，一條串燒入邊有四舊牛肉同三條乾蔥。佢嘅長度真係好

呢間店都係我個list到好一陣子，今天終於的起心肝試一試，落樓梯先到達，仲要開兩道勁實既門，時間尚早，入座率七成左右，看了餐牌便決定叫左築地牛丼，蒜香燒青口，12吋特長串燒，和歌山紀洲梅子𣲙，黃金濃厚豚骨湯叉燒拉麵拉麵。嗯，好似好美味咁，但是...先講下牛肉丼，細細碗，夠熱，牛肉份量多，質疑地原來係牛腩咁，不是不好味，唔通築地D牛肉丼係咁既？至於杯梅子冰都幾開胃，梅味濃郁，碗拉麵就普通，拉麵不會過淋，湯底幾好，似雞湯味，但是好油，叉燒質地鞋，不是一大片，好似碎件，溏心蛋不流心，全熟....串燒得個長字，牛肉粒超多肥膏，個人不討好，攪到我青囗都冇影相，青口冇鮮味，細到咸，至是一小撮蒜蓉，不新鮮，試過就算了。

同老婆仔收工行左陣朗豪坊, 見到東京築地拉麵竟然唔使等位, 就唸住簡簡單單食個拉麵就算。點知只能說我地太天真了, 築地拉麵又點止拉麵咁簡單。一入到去店面唔大,走日式居酒屋風格既裝修, 但係都乾淨企理既。坐低緊係叫杯野似先, 和歌山紀洲梅子冰, SODA水底加D梅汁, 酸酸地好開胃。跟住就緊係要黎番個三文魚刺身做前菜啦。又肥又新鮮, D油香搞到好想食多碟。跟住黎左隻招牌蒜香燒帶子。又新鮮又大隻既帶子加埋蒜頭吊一吊味, 啖啖肉冇得輸啦。炭燒雞肉串就同平時街買到既差唔多, 勝在火喉燒得唔錯, 香口得黎仲保流到D肉汁。老婆仔最鐘意就食雞翼, LI個黑椒脆皮雞翼名副其實皮夠脆又好香黑椒味, 老婆仔俾滿分, 我就覺得咸左少少。嘩,好大隻燒蝦。LI隻燒巨虎蝦果然夠巨, 足足有7寸長, 肉質彈牙又夠蝦味, 一定要D蝦夠新鮮先做到。最後仲叫左條Waiter介紹既燒活鯛魚, 果然冇介紹錯。新鮮既鯛魚燒出黎又香又脆, 加埋海鹽同檸檬汁帶番魚既鮮味出黎, 冇得彈。你冇睇錯, 我地真係冇叫到拉麵, 不過拉麵店既燒烤都咁出色, 佢既拉麵都應該唔差得去邊,下次有機會一定要去試下

雅蘭旁開了間東京築地拉麵,感覺好似好平咁個餐牌上面都好多選擇,例如魚生,串燒,同拉麵等,而且貨錢都唔貴.最尾叫了築地拉麵，因為食拉麵一向淨係食開豬骨湯底, 可惜個湯好似落得太多鹽,又唔夠香, 碗入面仲有糖心蛋、叉燒和同竹筍，糖心蛋既蛋黃甜甜地,煮得唔錯, 叉燒好細塊, 食到算係好彩, 另外, 竹筍落太多啦,食唔曬燒巨虎蝦好大隻呀! 有個碟咁大隻呀! 而且肉質彈牙, 都幾鮮美三文魚刺身Total有6塊,油脂分佈得好平均,都幾新鮮.入口即溶

同一個喜歡食日本野既女朋友一齊，時不時都要搵下新店帶佢去食！三文魚厚切新鮮！燒帆立貝有專人燒好，唔駛怕自己燒到燶左，咁大隻一定係啖啖肉，蒜粒小草都食埋，都有海鮮味！雞拼盤有芝麻醬、泡菜辣醬，我個人喜歡點芝麻醬，雞肉唔老，食落脆脆有肉感！泡泡抹茶，唔會太甜，淡淡抹茶味！

走進雅蘭地庫，即使黎緊會去日本，見到日本野既我都要入去食日本菜！前菜螺肉都係必點，本身喜歡質感爽口，又辣辣地開胃！七輪製麵方法，睇menu係用北海道高級麵粉，又的確係彈牙d！平時食開既拉麵都係豬骨、黑蒜，見到有我喜歡既菠菜湯底，清新味道，如果加埋菠菜就岩曬我呢個菠菜控！12吋長既牛肉大蔥串，牛肉都幾堅韌！溫泉蛋一向喜歡食糖心既口感，再配上小草，賣相味道都滿分！

Order左一個黑鬼濃厚豚骨湯叉燒拉麵，哇，d黑油唔知係咩東東，撈埋一齊好怪，湯味極度淡，冇心機做湯底嘅拉麵店，個拉麵麵底一般，豚肉冇咩味，總之，出X一丁都好過佢多多聲，唯一好味係個泡菜餃子雞翼，不過佢地應該係入貨，並不是自己整，完。

晚飯經過見到有間東京築地拉麵，本身對拉麵麻麻哋，但望落去有啲神秘感就試吓落去食下啦⋯⋯原來呢間鋪頭唔係淨係食拉麵，仲有好多其他嘅選擇我同老公叫咗一個黑鬼濃厚豚骨湯叉燒拉麵，牛丼，炸雞同埋芒果戀人一場黎到都試吓味啦，豚骨湯湯底香濃，叉燒半肥瘦，拉麵麵底好彈牙，唔錯喎牛丼-牛味道香又多牛，牛選用牛腩，好好食，雖然只有牛，冇其他配料，但一啲都唔單調炸雞-炸得好香口，雞肉肉質仲係好嫩，加埋個醬汁，好好味最後杯芒果戀人，有甜甜嘅芒果肉，又加上有啲乳酸，配搭得適當，好解渴

I ordered a squid ink pork fillet ramen and chicken wings - mediocre. For the same price, there are definitely better alternatives. E.g. IppudoThe ramen is your standard supermarket non-handmade noodles (big no no), soup is alright but lacking in aroma. While the chicken wings are grilled to a great touch, there was perhaps not sufficient time to allow seasoning to sink in and for the wings to defrost. As a shop that also sells grilled kebab sticks and seafood - did expect better.

同左個FD去銀座睇戲之後搵野食，咁我就想食拉麵，就去左地下個間築地拉麵，叫左碗特上大盛拉麵($78)，因為貪佢咩都有唔洗諗，而且一次試晒如果唔好食下次就可以搵第二間食-0-。湯底杰度OK, 豬骨夠香濃。糖心蛋用味噌醃過，唔錯。豚肉肥瘦均勻，叉燒亦都好淋，D油花溶係口嘅感覺好正！拉麵煮得啱啱好，重點係要夠彈牙，麵質都唔錯，放左一陣都仲keep到彈牙。芒果閃電口感好得意，底層係芒果凍，中間落左爆炸糖，飲個時會係口度啪喇啪喇咁幾過癮，面頭仲有幾粒小芒果冰球，雖然冰球芒果味唔重，我估係用芒果糖漿整。Ｄ間嘢嘅出品總體都叫唔錯嘅，起碼個拉麵幾好食，飲品都有特色。

聽同事說在旺角雅蘭中心地庫新開了一家拉麵店還不錯的。於是放工就與同事去試試，餐廳的環境就像一個小鳥居一樣，粉藍色的。小編叫了一個築地拉麵，豬骨湯底蠻香的，裡面有 糖心蛋、叉燒和一些竹筍，吃起來麵條還滿彈牙，湯底濃香而不太油膩。另外叫了一些燒物，7寸長的烤大蝦，表面灑上一些海鹽，小小的鹹味，食下去又相當彈牙，長度足足有一個手掌長。還叫了一客炸雞，用鐵筲箕裝著，看起來還蠻過癮的，炸雞炸得金黃色，咬一半裡邊還有肉汁，還蠻嫩滑不老，配上酸甜醬汁，甜甜的味道，蠻醒胃的。餐廳雖然不算大，但座位寬闊，坐著用餐相當舒服，沒有拘束感。東京築地拉麵地址: 旺角彌敦道639號雅蘭中心地庫B102號舖電話: 2625 9200營業時間: 星期一至日:11:30-23:00消費: $100~150

今日係旺角行街行到攰，見到雅蘭中心地庫有間食拉麵，就一心行入去食拉麵。一行到落去就有人招呼我地，好快就坐低係度睇ＭＥＮＵ。望左佢個ＭＥＮＵ，除左拉麵之外，仲有日式小食同串燒咁，所以就決定乜都試下喇。首先叫左兩杯野飲，左邊係芒之戀人，芒汁味好重，幾有料到；右邊係泡泡抹茶，抺茶味唔夠Ｄ　ＣＲＥＡＭ濃味，飲飲下就有Ｄ淡，不過都係盛惠廿八蚊杯，收貨啦。想食既拉麵好快就到左，呢款係叫赤神，話辣又唔算，未去到地獄咁勁，唔食辣既人都可以食到既辣，但佢個辣味同埋個豬骨湯加埋又幾好味。另外我朋友就食一個比較特別既青檸冷烏冬，烏冬質素好，同埋襯住個青檸汁，好開胃，不過唔食得太酸既朋友唔好試，因為檸味非常濃。呢個泡菜卷可以ＰＡＳＳ，無乜特別，始終人地都係做拉麵，唔可以太ＭＥＡＮ。另外一個泡菜餃子雞翼，幾花心思既一個小食，去骨仲要塞爆泡菜係雞翼度，一咬落去啖啖肉之餘仲有好多泡菜拌住，加分。呢個叫仙境沙律，只係想睇下佢幾仙境，其實佢係一個有沙律菜底既炸麵，上枱個陣凍的。。。咁沙律係凍，正常，但個炸野又係凍，點諗都唔係好岩。。。味道可以，雖然凍左但都脆身既。。。最令我地驚喜既係佢地既燒物，我地點左燒帆立貝、燒巨虎

黑板工作背後為的只是支撐著要過生活,生活會變得苦中更苦、所以有時我會將自己變得糊塗,黑板工作背後為的只是支撐著要搵一餐斗吃得開心的飯、今午為了方便去附近朗豪坊購物,選擇上開業多時(東京築地拉麵 ),那麼你應該會間為何不直接往朗豪坊樓上搵食、如果你也曾到訪過朗豪坊特別在假日簡直一位難求,固才有這做法。。。沒有再研究以上題目,經過樓梯步入地庫坐下不久已聞到陣陣怪味、可能是冷氣出風有問題,也不管已坐下心想來個「速食」便鬆人,叫上食物視線向周邊撈,看著一些一面企在出菜位侍應一面跟同事耍樂、一邊箱水吧區枱上五、六、七個客人飲完玻璃杯子,再返回侍應身上原來口渴在堂上已每人一杯啜口飲品,此景可真有如港式屋邨茶記,真是非常親民~~點上的豚骨湯义燒拉麵HK$68.終上枱,血紅般湯底 只屬假象,辣度沒有想像中強、所謂义燒一夾即散,入口只不過是一堆肥膏而言、洗腦下一圈圈半肥帶瘦俏影通通在一剎那成泡湯,湯底之下幼麵帶黃、口感柔韌適中這個可能是略爭回個人心內點點分數,65分不見紅吧!飲品選取泡泡抹茶HK$28.當厚忌廉令視覺上加多上兩分,甜度恰好只是抹茶淡得好像未有落一般,要好集中 好集中腦袋神腦才能感應得到、

提起築地，必然會勾起腦海裡穿插於日本築地市場內外的鮮美回憶。壽司刺身、海鮮燒等，無不教人回味。在香港營營役役的生活之中，想再次尋回築地的味道似乎是不太可能，那麼大概就只能在辛勞的工作後找些精神上的補足。走進挺隱蔽的入口，沿著兩旁貼滿食物照的樓梯，走到盡頭來到了東京築地拉麵。現代的枱櫈、古代的壁畫，給人一份古今交錯、新舊融合的格調。雖叫東京築地拉麵，但看著餐牌的拉麵、燒物、掦物等等，食品的紅合卻更像日本食堂。黑鬼濃厚豚骨湯叉燒拉麵 $68豚骨湯表面在奉桌不久便結了一層湯衣，呷了一口稠稠的質感，膠原感濃厚。雖然拉麵在浸了一會才吃，惟麵條仍不失爽彈，沾起湯汁更感滋味。肉質嫩腍的叉燒肉味香濃，但一夾便散似乎有欠美觀。綠魅拉麵 $62我家那位的綠魅拉麵，綠綠的湯底原來是菠菜湯底。湯頭流露挺厚的菠菜清香，入口沒有菠菜渣的發現，似乎是攪成汁後先隔起了菜渣，用心之舉。薑汁日式豆腐 $26香滑的豆腐被薄薄的粉漿包裹著，入口其實更像吉列豆腐。黃金焗帆立貝皇 $43/隻厚厚的芝士蓋著切粒的帆立貝，滿滿的芝士香濃還有陣陣蒜香，帆立貝的鮮味更為立體。蒜香燒帆立貝皇 $43/隻吃過焗，我們也試了燒的帆立貝。燒得香