影片
更多
2016-09-19
309 浏览
入到嚟嘅第一種感覺係呢到嘅裝修好特別，一入去就已經有種日式屋內的感覺，餐廳嘅枱都係用木製造，櫈係藍色，有種喺多啦a夢屋入面的感覺。我記得之前夢中見過一個男仔變成叮噹咁保護我。因為呢個夢中，呢個男仔化身身叮噹，抱住我好溫暖，所以未食已經感覺好良好。初頭入去嘅時候本身就淨係想食拉麵，見佢個名係東京築地拉麵就覺得一定有拉麵食，點知入到去除咗拉麵之外仲有好多唔同款式嘅食品，例如就係串燒，烤物，炸物，沙律等等，另外仲有甜品，個感覺都幾特別。首先就講下拉麵，呢度嘅拉麵有七至八款。有傳統嘅豬骨拉麵，亦有黑油湯拉麵，辣味拉麵同埋蔬菜湯底拉麵，一次過有成七八款拉麵揀，有少少花多眼亂。但係我都揀咗我最愛嘅豬骨湯拉麵，豬骨湯拉麵舊叉燒係半肥瘦，而且入邊仲有萵筍，粟米，海苔等等嘅配料。另外有半隻糖心蛋雞蛋，豬骨湯湯底嘅味道剛好，唔會太淡或者太濃，好有豬骨的味道，食完之後個咀唇會有黏黏地的感覺，相信就係豬骨嗰種骨膠原嘅感覺，食得多，皮膚都靚d，哈。頭先都提過呢度除咗面食之外，都會有啲燒烤食，估唔到呢度嘅燒烤食品又幾好食喎，叫咗一個特長嘅燒牛肉串燒，一碟有兩條串燒，一條串燒入邊有四舊牛肉同三條乾蔥。佢嘅長度真係好
入到嚟嘅第一種感覺係呢到嘅裝修好特別，一入去就已經有種日式屋內的感覺，餐廳嘅枱都係用木製造，櫈係藍色，有種喺多啦a夢屋入面的感覺。我記得之前夢中見過一個男仔變成叮噹咁保護我。
因為呢個夢中，呢個男仔化身身叮噹，抱住我好溫暖，所以未食已經感覺好良好。
初頭入去嘅時候本身就淨係想食拉麵，見佢個名係東京築地拉麵就覺得一定有拉麵食，點知入到去除咗拉麵之外仲有好多唔同款式嘅食品，例如就係串燒，烤物，炸物，沙律等等，另外仲有甜品，個感覺都幾特別。
首先就講下拉麵，呢度嘅拉麵有七至八款。有傳統嘅豬骨拉麵，亦有黑油湯拉麵，辣味拉麵同埋蔬菜湯底拉麵，一次過有成七八款拉麵揀，有少少花多眼亂。
但係我都揀咗我最愛嘅豬骨湯拉麵，豬骨湯拉麵舊叉燒係半肥瘦，而且入邊仲有萵筍，粟米，海苔等等嘅配料。另外有半隻糖心蛋雞蛋，豬骨湯湯底嘅味道剛好，唔會太淡或者太濃，好有豬骨的味道，食完之後個咀唇會有黏黏地的感覺，相信就係豬骨嗰種骨膠原嘅感覺，食得多，皮膚都靚d，哈。
頭先都提過呢度除咗面食之外，都會有啲燒烤食，估唔到呢度嘅燒烤食品又幾好食喎，叫咗一個特長嘅燒牛肉串燒，一碟有兩條串燒，一條串燒入邊有四舊牛肉同三條乾蔥。
佢嘅長度真係好張，比一隻筷子仲要長。另外佢仲會有一個特別嘅醬汁，牛肉食落去半肥瘦均勻，又淋，超級好食！如果鍾意食葱嘅朋友仲可以一啖牛肉一啖葱，配搭得十分之好。我就咁食呢個牛肉係冇點到醬汁，已經覺得好正。但係如果想試多幾種唔同味道，都可以試吓點下個醬汁，甜甜地有少少似日式嘅燒烤醬。
三文魚刺身--有時候想食日本野都不忘想食一下日本嘅刺身，呢度食拉麵竟然會有三文魚刺身供應，而且價錢亦都唔貴60幾蚊有6件。而且幾大件下，同埋見到三文魚嘅顏色都非常之鮮艷食落去味道亦都好好，好明顯係一啲好新鮮嘅三文魚，性價比高。
日式布丁--呢種布丁幾特別，感覺有少少似中式嘅豆腐花。豆腐花中間會隔咗一層Oreo嘅餅碎，但嗰種餅碎唔係脆嗰種，係一啲比較淋嘅餅。布丁夾住一層餅，最上面有幾款唔同嘅生果粒，唔太甜，幾好味。夢中我同呢個男仔同兩個小朋友食食下飯，大嘅掛住玩電話，細個兩個就唔肯食面，我發脾氣，一陣煙就將男仔變成叮噹，小朋友就變左熊貓。然後叮噹同我講，唔好嬲啦，最多比你攬啦。
我都想揾到個叮噹陪我食呢⼁間叮噹餐廳
张贴
