影片
更多
2016-07-19
4190 浏览
今日係旺角行街行到攰，見到雅蘭中心地庫有間食拉麵，就一心行入去食拉麵。一行到落去就有人招呼我地，好快就坐低係度睇ＭＥＮＵ。望左佢個ＭＥＮＵ，除左拉麵之外，仲有日式小食同串燒咁，所以就決定乜都試下喇。首先叫左兩杯野飲，左邊係芒之戀人，芒汁味好重，幾有料到；右邊係泡泡抹茶，抺茶味唔夠Ｄ ＣＲＥＡＭ濃味，飲飲下就有Ｄ淡，不過都係盛惠廿八蚊杯，收貨啦。想食既拉麵好快就到左，呢款係叫赤神，話辣又唔算，未去到地獄咁勁，唔食辣既人都可以食到既辣，但佢個辣味同埋個豬骨湯加埋又幾好味。另外我朋友就食一個比較特別既青檸冷烏冬，烏冬質素好，同埋襯住個青檸汁，好開胃，不過唔食得太酸既朋友唔好試，因為檸味非常濃。呢個泡菜卷可以ＰＡＳＳ，無乜特別，始終人地都係做拉麵，唔可以太ＭＥＡＮ。另外一個泡菜餃子雞翼，幾花心思既一個小食，去骨仲要塞爆泡菜係雞翼度，一咬落去啖啖肉之餘仲有好多泡菜拌住，加分。呢個叫仙境沙律，只係想睇下佢幾仙境，其實佢係一個有沙律菜底既炸麵，上枱個陣凍的。。。咁沙律係凍，正常，但個炸野又係凍，點諗都唔係好岩。。。味道可以，雖然凍左但都脆身既。。。最令我地驚喜既係佢地既燒物，我地點左燒帆立貝、燒巨虎
首先叫左兩杯野飲，左邊係芒之戀人，芒汁味好重，幾有料到；右邊係泡泡抹茶，抺茶味唔夠Ｄ ＣＲＥＡＭ濃味，飲飲下就有Ｄ淡，不過都係盛惠廿八蚊杯，收貨啦。
想食既拉麵好快就到左，呢款係叫赤神，話辣又唔算，未去到地獄咁勁，唔食辣既人都可以食到既辣，但佢個辣味同埋個豬骨湯加埋又幾好味。
另外我朋友就食一個比較特別既青檸冷烏冬，烏冬質素好，同埋襯住個青檸汁，好開胃，不過唔食得太酸既朋友唔好試，因為檸味非常濃。
呢個泡菜卷可以ＰＡＳＳ，無乜特別，始終人地都係做拉麵，唔可以太ＭＥＡＮ。
另外一個泡菜餃子雞翼，幾花心思既一個小食，去骨仲要塞爆泡菜係雞翼度，一咬落去啖啖肉之餘仲有好多泡菜拌住，加分。
呢個叫仙境沙律，只係想睇下佢幾仙境，其實佢係一個有沙律菜底既炸麵，上枱個陣凍的。。。咁沙律係凍，正常，但個炸野又係凍，點諗都唔係好岩。。。味道可以，雖然凍左但都脆身既。。。
最令我地驚喜既係佢地既燒物，我地點左燒帆立貝、燒巨虎蝦同埋燒活鯛魚。先講條魚，佢都係收你６８蚊，成條燒成條上，肉質甘甜，仲鎖到Ｄ汁係Ｄ魚肉度，抵讚！個帆立貝就燒得有少少過火，不過夠大粒，係乾身左Ｄ，味道係鮮味架。
隻燒虎蝦就真係抵讚，佢寫住巨，佢無呃你係真係巨虎蝦，成隻手板咁長，仲粗過我手指！食落肉質彈牙，唔痴殼，連個蝦頭都可以放心啜，唔腥，仲有野味添！係新鮮蝦先做到呢Ｄ質素。
食飽順便整埋個甜品食下，佢得一款架咋，叫豆腐布丁，不過我地見佢一上枱，第一個反應係ＯＲＥＯ豆腐花。。。嗯，豆腐花咪豆腐花味咯。本來淨係想食拉麵，點知發現呢間野Ｄ燒物整得幾有水準，比一般串燒舖抵食，可以再去試下Ｄ燒物。
张贴
