東京築地拉麵 (已結業)

服務態度係好的，但食物質素真係要改善........可能個人既執著，食沾面個湯吾夠熱真係好慘架，食完面仲要無得加湯，係吾係已經話比我知下次吾洗再食沾面？普通湯面個湯仲熱過個沾面......

日本菜看似簡單，但其實好講求技巧，壽司既醋飯比例、刺身既厚薄刀工、拉麵既湯底用料都會影響整體味道喺香港搵拉麵唔難，但要搵好食既就難上加難。如果唔仔細望都唔為意銀座馬會旁邊有間拉麵店，標榜湯底用心熬煮，展現日本地道風味。店內裝修亦好有當地餐廳既感覺喺香港少見既胡麻菠菜，細節位處理入微，切口非常齊整菠菜冰涼爽脆，淋上胡麻醬同木魚絲更香口開胃。夏天胃口麻麻，朋友點左呢款雞白湯拉麵。湯底清甜輕盈，麵條幼細軟綿，容易入口，雞腿片同叉燒各有兩片，以拉麵黎講幾多餸我最愛既沾麵，亦係呢度既招牌拉麵魚介湯底非常濃郁鹹香，無論嗅覺抑或味覺都能充分感受到鰹魚既獨有香氣，拉麵同湯底再添灑上鰹魚粉，使其鮮味十足黑豚肉肉質厚嫩，似五花腩般肥瘦層疊分明，一咬落去味蕾充斥住日式醬油既鮮甜雞肉棒以免治雞肉打成，口感彈牙，又帶雞軟骨既爽脆顆粒感，表面塗上甜醬油燒香，食落甜甜香香，幾惹味充滿夏日感既柚子梳打，抓住夏天的尾巴柚子酸甜清香非常解膩，平衡返麵食既飽滯感，呢個時候飲返杯正合時～～～

主打既拉麵 有4款提供比顧客選擇，包括黑鬼、赤神、綠魅。之前我同朋友黎食。用餐方式：只供堂食。輪候時間：平時約15-20分鐘；留意！午市比較繁忙，輪候時間可能會比較長。值得一提既係，呢間麵館既湯底，湯底味道濃郁，各款麵各有特式。我呢次試既係湯面。 食物方面：赤神拉麵：湯底味道有少少辣，鍾意食辣嘅朋友可以試吓。配料有叉燒，蛋同埋紫菜。黑鬼拉麵，味道校其他湯底更加濃郁，湯底上面黑蒜油。鐘意食濃味拉麵既朋友可以一試👍價錢合理，人均消費：69-100蚊左右。總括而言，值得推介，會再食。

算是天水圍區內數一數二既拉麵店。主打既拉麵 有4款提供比顧客選擇。另外有湯麵同埋沾麵選擇。用餐方式：只供堂食。輪候時間：平時約15-20分鐘；留意！午市比較繁忙，輪候時間可能會比較長。值得一提既係，呢間麵館既湯底，湯底味道濃郁，各款麵各有特式。我呢次試既係湯面。 食物方面：黑鬼拉麵，味道十分好，會係濃郁既湯底上面加上黑蒜油。麵質唔錯，鐘意食拉麵既朋友可以一試👍呢間拉麵店主打以不同特式既湯式，配搭出唔同口味嘅拉麵。推薦程度👍👍👍👍價錢唔貴，人均消費：69-100蚊左右。總括而言，會再去試埋其他款既拉麵！

築地拉麵就聽得多，我就未親身去過，唯有係香港食啦鋪頭入面就大大隻寫住築地呢度既款式好多，有沾麵、拉麵、小食我地先叫左個櫻花蝦沾麵，一大塊既肉肥瘦分明，仲有半隻溏心蛋、荀、蔥、紫菜同主角櫻花蝦湯底係好creamy好濃郁，每當拉麵浸落d湯，仲會食到櫻花蝦同埋吸收哂d精華鍾意食魚既朋友就可以試下好有魚既鮮味既魚介沾麵食唔慣沾麵都可以食返d清清地既雞白湯拉麵我地仲叫左堆小食開心share添朋友好鍾意食炸野，呢個炸單骨既雞翼就岩哂佢，夠哂香口我就食有漲卜卜既芝心雞翼

日式芝麻醬菠菜 - 芝麻醬是當然的好吃，加上木魚碎都不錯，可是到主菜菠菜就出事啦，不新鮮，過老，想必是做好放久了的。豚肉拉麵 - 豬骨湯底都不錯，濃淡適中，木耳和筍也不錯，配上粟米粒亦是日式拉麵正常配搭，拉麵口感也很好，不太硬亦不過軟，不過麵size似乎過小。鰻魚飯 - quality一般，睇餸食飯吧，價錢計。飯較硬，juice亦不夠。

日本築地出名多好味既日本菜，我個人認為天水圍呢間都算系正統，既有多種拉麵選擇，同時都有日式小食配搭。先上既系日式煎餃子同芝心餃子雞翼，兩者剛上枱都系熱既同香脆，作為飯前小食的確唔錯。之後上既系雞白湯拉麵，濃厚的雞湯底配上爽口彈牙的日式拉面，而每件雞肉質OK，連湯一齊食的確唔錯。而跟餐+8蚊翠梅梳打冰，味道酸酸地，加埋有氣梳打水，而呢個價錢系出面好難搵到。整體而言我同朋友都對呢餐好滿足，遲下有時間會再番黎再食。

其實喺天水圍想食拉麵嘅選擇並唔多，心血來潮就揀左銀座呢間東京築地食堂嘅拉麵店。Menu好清晰，我同女朋友一個食沾麵，一個食拉麵，沾了揀左櫻花蝦沾麵，拉麵則黃金濃厚豚骨湯叉燒拉麵沾麵唔使錢跟餐有前菜同冷熱飲品，我地都揀飲柚子冰，前菜就係中華沙律。拉麵屬偏淋嘅拉麵，櫻花蝦多到呢，湯同麵上面都有一堆，好香口，而黃金拉麵就正正常常。最尾嗌多左2個小食，雞翼同雞軟骨，雞軟骨大讚，雞翼呢如果有埋檸檬或者沙律醬點就更好☺️

其實呢間嘢喺銀座開左好耐，一直都冇去試，今晚陪男朋友嚟「侏儒村」買西褲，所以順路試埋。佢個餐牌好特別，係一份報紙嚟，好過癮。男朋友喜歡食沾麵，所以嗌左個嚟試下，佢個魚介湯同出面唔太一樣，佢唔係熱辣辣嘅，但味道唔會太濃。啲麵都彈牙嘅，而佢塊大大舊嘅叉燒都好吸晴，唔會林都好似湯渣咁，又唔會好硬，味道都適中。而最好食係佢個溏心蛋，好甜。而我自己就嗌左個鰻魚飯，鰻魚都幾大舊，啲米係珍珠米，唔錯。只係份量太多，食唔晒。小食另外嗌左個金菇肥牛同餃子，肥牛好夠味，餃子好似啲餡唔係好夠多。飲品試左佢個梅子冰，味道同酸梅湯一樣，但加埋粒日式酸梅會好飲好多。

天水圍銀座原來開左一間東京築地拉麵店，門口大大隻字寫住有"沾麵"做廣告，已經急不及待咁入去食。報紙形式既餐單，印刷得十分精美，簡單易看，最後點選了數款拉麵，其一係魚介沾麵，個魚介汁好易沾上個麵到，麵質厚身有質感，碗湯也濃郁好味，另外小食芝士雞翼，炸雞翼同餃子都勁正，勁好食，燒雞軟骨加左柚子醬汁，甜甜地都好正。拉麵價錢都係70/80一位左右，晚餐唔覺得好貴，覺得都算抵食另外不得不提，佢地既裝修好日本Feel，環境寬，很乾淨，令到我真係好似去了日本咁，絕對住本區有心機拉麵店。夜晚晚餐又多個好去處了。

天水圍晚餐，80-90蚊一個拉麵/沾麵，價錢不算平，算中間，但性價比整低。落單時，好簡單問一下店員：「沾麵係凍麵定熱麵？」 個店員就：「Err...應該係熱麵黎既，因為D湯係熱既，D麵會浸落去D湯度食」一問便知龍定蟲，咁基本既知識麵冇，對店鋪既產品都唔了解，就知已經伏左一半。傳統沾麵係凍麵熱湯。最後叫了一個黑鬼拉麵同魚介沾麵餐（餐飲係日式柚子冰）。跟餐小食：黃金魷魚，Ok 既（其實好難唔好食）餐飲：唔該改返個名叫凍柚子水，真係無言。。。叫得冰你期望都係碎冰掛拉麵：幾滴黑油就算，圖片只供參考。麵有鹼水味，應該是入貨的，而且質素差，口感唔彈。湯底正正常常。 配菜麵係一般，糖心蛋過熟沾麵就伏啦(懶冇睇食評既後果）同之前師兄食評一樣「唔熱既沾麵同唔凍既可樂」一樣，不過我認為係同暖既可樂一樣咁嚴重。麵係微凍，湯係暖既（冇錯，只係暖，不是熱）。結果就係麵唔會熱，同埋食到一半，湯說已經凍晒！ 湯頭偏鹹，但唔濃，，湯麵冇飲急急腳食完走。

今日喺銀座睇完戲，不嬲都知呢一邊冇乜乜嘢好嘢食，經過見到呢間東京築地拉麵店，就試吓啦。叫咗兩個面，加一碟菜同埋一個小食。菜方面就要坐胡麻醬菠菜，啲菜都算嫩唔會鞋，簡單地淋上胡麻醬。面食方面，叫咗一個魚介沾麵同雞白湯拉麵。個魚介沾面都幾好食沾麵個湯都幾濃郁，如果個湯再熱少少會更加好。跟住個面嘅有一款前菜係送嘅，係啲黃金魷魚冷盤。另外我哋自己再嗌左一款小食，就係雞軟骨棒，呢一個好好味，你面有好多軟骨，咬感好好。另外我哋再嗌左兩杯有只麥冰，消消暑，味道都幾有層次嘅。環境方面都見到光猛同埋企理整齊。服務員亦都不斷會為你加茶。

因為想食日本野，呢晚同媽媽去左銀座築地食飯我地睇menu見到魚介沾麵都好好奇，上網一search，原來魚介係指魚類或貝類的總稱，我諗姐係用魚類或貝類來熬製湯頭既沾麵，沾麵唔係第一次食，但魚介真係第一次見，就叫左黎試下。個湯冇想像中既魚腥味，反而有少少似豬骨湯，味道幾好，沾麵仲配左大大隻塘心蛋同叉燒，麵夠彈牙，總括黎講都唔錯我地仲叫左厚燒鰻魚丼，鰻魚真係勁大條，上面既燒汁甜甜地又唔會太咸，送飯一流！鰻魚底下仲鋪左一層蛋絲，令成個飯更有層次我地仲叫左兩款小食，一款係純情豬菇力卷，一款係日式煎餃子純情豬菇力卷姐係肥牛金菇，呢款令我非常意外，咬落去勁多汁，個汁好好味，肥牛都好夠牛味餃子方面都煎得幾靚，配左醋比大家點，入面都係普通豬肉，不過不失，都ok飲品方面叫左兩杯和歌山紀州梅子冰，第一次飲梅子飲品，飲落都幾特別，好香梅味，有少少似咸柑桔，上面仲有串梅子非常可愛

自己一個人搵食嘅好處，就是即使係食飯時間，都比較容易有位。點知坐低落單後，等左20min竟然漏單，無言！如題，沾麵個湯唔熱，只是暖呢樣非常唔專業！絕對不能接受！失望到唔想講咁多。

本來想食一個普通嘅雞白湯，但係見到餐牌上有碗綠色嘅湯底，即刻俾佢吸引左。本來以為綠色嘅湯底係會有好大浸草青味，但食落冇草青味之餘，而且魚湯味甚濃，令人驚喜。而另外嘅豚肉拉麵，湯底有炸洋蔥嘅香味，比較特別