札幌拉麵 Miso No.1 x 辛味屋

营业中

休息中

今日放假得閒行左去荷理活食札幌 見到有好多人排隊然後再等 見到餐牌好吸引入左去叫左個豬軟骨拉麵食 同叉燒炒飯份量吾會太多吾會太少 岩岩好夠一個人食好飽tim..😛豬軟骨拉麵湯底好濃好味道到爆呀雞蛋係流心蛋 正是我最中意既蛋然後個炒飯好多配料 食到我津津有味排左咁耐隊都係值得😘😘食完隔離又有戲院睇埋戲走侍應態度又好 服務真係好好 黎既食物速度又好快👍👍👍👍真係值得一讚 我一定會成日黎食🙈🙈

放工相約女友往荷李活廣場札幌拉面, 我們點了照燒雞扒定食, 薯仔沙律、牛油拉面、煎餃子和凍奶茶, 照燒雞扒煎得香脆, 配上少少酸的漬物和珍珠米, 食得很開胃, 味噌湯夠濃, 味道剛剛好；薯仔沙律薯仔打得好似雲呢拿雪糕、沙律好香滑, 美味；牛油拉面, 牛油配上拉面, 面條和湯底食落好滑好香, 叉燒切得薄薄, 肉質美味；煎餃子煎得香脆, 略嫌煎得太耐, 有少少焦, 但味道食落不膩、最後奶茶味略嫌茶味比較重, 飲落去比較苦一點。整得食物不錯, 照燒雞扒定食值得一食

同阿祥多年兄弟，每年生日都會食個飯慶祝，今晚係新蒲崗收工，約埋阿祥係荷里活食飯！見到開左間新食肆，等左15分鐘位，終於入得！一般晚市蓋飯$59，鰻魚蓋飯都係多$10，就試呢個！鰻魚蓋飯前菜有個薯蓉加麵豉湯，薯蓉香又甜，麵豉湯比較咸，味道重，飲左幾啖唔飲了。起初以為蓋飯四四方方飯量會少，點知原來都幾深，我喜歡有個蓋蓋住，保持溫度，鰻魚一條剪開兩條，心理上多左，鰻魚配上鰻魚汁非常好味！鰻魚汁香又濃，點配鰻魚更覺滋味！鰻魚骨少和新鮮，送飯好好味！阿祥的滑蛋豬扒蓋飯賣相相當吸引，炸到金黃色既豬扒同黃黃既滑蛋相映成趣！我喜歡滑蛋又大塊又夠多，真材實料！可惜豬扒量少，皮亦炸得比較厚，所以相對肉少，如果女仔既份量應該就剛剛好，男孩子，特別係阿祥就少了一些

好耐冇嚟呢個商場，原來開咗間新食店，見佢門口咁多人，睇餐牌又唔貴，橫豎都係一個人晚餐，就攞張飛等等啦。不過好彩都唔算等好耐，等位時已經睇埋餐牌，善用時間嘛！ 今次試下個燒鯖魚定食，有魚，有飯，有湯，有前菜，和沙律; 好豐富啊！鯖魚燒烤得唔錯，魚皮香而脆口，魚肉說唔會太乾，仲有魚油味添，而且條魚份量都唔少，碗飯又大，簡直係男士嘅份量，怪不得我這小女子飽到頂住啦！前菜係醃蘿蔔片，酸酸甜甜，加埋好creamy嘅薯仔沙律，飲埋碗清甜的海帶湯。。。這個晚餐很豐富啊！

位於鑽石山既札幌拉麵店，本身中意食拉麵既我點可放過大好機會！必點既招牌牛油拉麵，牛油溶係湯底，都食得出有牛油味，但如果牛油size大啲會更好！豬肉拉麵豬肉既數量足料，但肉質有點點鞋，湯底濃點會更好 推薦的是炒雜菇有牛油味既蒜香炒雜菇係呢一餐最好食既送，呢樣係必食，真心係覺得好食，雖然份量好少好少。。。 串燒雞翼，串燒雞軟骨一般，不過不失。。 枝豆可以一試既，但單點價錢就有啲貴 餃子味道算係中等，配埋餃子汁，可以入口。。 來一張大合照。。。。。

來到荷里活廣場，基本上好多餐廳都試過哂，呢間應該只開了1、2個月⋯門口又有不少人等位，唸住無死啦、試下啦⋯⋯當時已經八點幾，我地仲要等11張細枱，結果等左成半個中，仲要坐門口位睇睇餐牌，跟餐的拉麵要成8x，每碗的餸都不吸引而且份量不多⋯結果知慳識儉嘅老公散叫左招牌牛油拉面，盛惠58元！我就叫左炸雞烏冬套餐！ 先上枱嘅係老公叫嘅牛油拉面，由於事前見其他飯友的食評話舊牛油好大舊，對塊牛油嘅Size 有點失望………而當佢完全溶入湯底之後，更加係食唔出啲牛油味叉燒只有一片是意料中事，薄切叉燒質感冇乜特別似冇處理過湯底味濃偏咸，拉面面條較粗偏向彈牙，兩者配合起來其實不錯配料方面只有昆布粟米，有啲寡囉 無幾耐我個烏冬也來了！烏冬裡一粒配料也沒有！賣相不吸引！先飲一口湯⋯所說的豬骨湯是無味的！好似出前一丁個湯底仲好飲！說到炸雞⋯⋯得3件，咬一口⋯⋯嘩！炸粉超多，雞肉更是梅的⋯⋯從來都無食過咁難食的炸雞烏冬！如果唸住入泥食的朋友，要食烏冬真係要三思⋯⋯

鰻魚飯 鰻魚飯最緊要條魚夠大，鐘意食鰻魚嘅朋仔千奇唔好錯過。條鰻魚直頭有你手板甘大，有你面皮甘厚，而且重有bb嘅皮膚甘滑！淨系條鰻魚已經有100分，何況系個汁，足以令你食到3碗飯！不過可惜嘅系份量少左啲不過10分都有8分。自家制餃子餃子成日食，自家制餃子會唔會真系自家製就唔肯定啦。個餃子簡簡單單，可以食到主家媽媽餃子的味道，個餃皮唔會太厚，而且入面個涵份量十足！有豬肉、菜、等等。。。。。簡單得黎又幾好食，可以一試。10分有7.5分。吉列魷魚圈聽個名都流口水，食落口又點話。鐘意海鮮嘅朋仔就唔好錯過，呢個吉列魷魚圈，個魷魚真系好夠厚，而且都好新鮮！再加埋沙律醬食真系食完一舊又一舊，成日食吉豬，食到悶啦。系要食下新嘢🤗10分有8.5分。自即選二人套餐 $192套餐有選擇種類好多，有飯又有拉麵，另外重有得揀3樣小食。招牌牛油拉麵聽個名就覺得好正，事實並非如此😳呢個招牌牛油拉麵湯底唔太濃，話就話牛油拉麵，但就無乜牛油味，而且碗拉麵入面嘅叉燒，其實就同普通瘦肉無分別，食落有啲乾、硬。食拉麵個湯底最緊要，雖然個湯底真系差左小小，不過個拉麵無論個軟硬度，還是鹼水度都非常好。食落好有彈性，可以食得出個師

鑽石山龍蟠街3號荷里活廣場3樓325號舖約了老朋友在家附近見面拿東西, 放工就趕去荷里活廣場,住在附近但大半年也沒有來了, 看到食肆又換上了新的,二話不說就選了間食日本拉麵。食物以飽肚的飯麵為主, 另有小食, 套餐形式價錢合理,我們就點了2個SET芝麻醬沙律，好多粟米粒，個芝麻醬更是滿載芝麻碎，但就水沒濾清，份量偏少得幾片生菜很空虛。$85 泡菜拉麵 拉麵材料有筍 叉燒,。當然並不可以同專業的拉麵店相提並論,叉燒雖只有一塊但夠大塊, 瘦得來卻又不會柴,湯是麵豉醬味 ,淡淡的合怕太多油及太鹹的人.麵條就似味千那糞, 老實的說只是一般,泡菜醃了不太久, 辣味同發酵不足。小食分別要了炸豆腐, 豆腐嫩身入口好柔, 伴柴魚碎及甜醬汁,吃下很輕鬆沒有負擔, 小食比麵食做得更好。加炸忌廉餅,炸後脆而不油，個味好清淡，質地好creamy，多蘸上沙律醬來提升味道吧。麵包糠層香脆不滲油，一脆一滑口感幾特別。$66吉列雞扒咖喱飯，配麵豉湯，甜咖哩內有薯仔粒外更有豬肉塊，兩者都煮得腍身。雞扒不肥,但避免吸收太多油我都習慣去掉,飯的水準合理好吃。如果以拉麵來說還是有點距離, 勝在就是一碗麵的價位,就包含了小食及

豆丁曾經表示想學習彈奏夏威夷ukulele小結他，可是未清楚豆丁是三分鐘熱度，還是持之以恒態度，所以不敢胡亂購買。剛好朋友預備了一支粉紅色的ukulele，作為送給豆丁的生日禮物。真是一份很實用的禮物！（自從出現了粉紅豬卡通片，豆丁開始喜歡上粉紅色！）今天就來到荷里活廣場取ukulele，順道與朋友一同午餐。近年來很少到這商場，選擇餐廳方面，就留給朋友作主吧！她推介這家拉麵店。在家附近的商場也有這家拉麵分店呢！每次路過，都有很多客人排隊，至今也未曾光顧札幌拉麵。今天試一試朋友推介的拉麵吧！　　店門櫥窗展示了各款拉麵式樣！豆丁很專注地看顏色鮮艷的拉麵摸型呢。職員安排入座後，呈上茶杯。先放好ukulele，再細看餐牌。有拉麵套餐，定食套餐。拉麵套餐主要有一大碗拉麵，再配一款小食。我倆各點了一個套餐，再加一款小食。　枱面放了各款調味料及紙巾。招牌牛油拉麵　餐牌註明是招牌，當然要試試。上來時，碗的呎寸是真的很大。叉燒，筍，蔥花，海帶，粟米及牛油。牛油置頂，很完整。唯有先把牛油掉在味噌湯底上，讓其慢慢溶化。溶化後的牛油，又真是做到麻油的效果，讓湯底帶點香味，也令湯底更濃。只是一小塊牛油的份量不能

岩岩睇完戲睇下有咩好食見到呢間mix札幌拉麵和咖哩飯就試下拉麵個湯底幾好味個拉麵幾彈牙叉燒唔肥 但好易散開咖哩飯有驚喜雖然冇咩肉 夠多汁同埋有少少辣下次可以試下佢個咖哩系列餃子大大隻但太淋唔似煎個汁太鹹和太油PS. 收銀個個好冇禮貌，多謝都唔講句

今日lunch同同事行過見到呢間舖頭有兩個名， 睇真d原來有兩品牌：札幌拉麵同辛味屋咖哩。我地覺得幾特意，所以決定試下。平日lunch來到，12點幾都已經幾爆下。札幌拉麵食唔少，決定試下咖哩。同事叫左炸雞塊奄列咖哩飯，雞肉略嫌炸得太深色，但食落去味道又幾好，個奄列係日本新派蓋飯奄列，比較熟，咖哩汁好鮮甜，配料都唔少薯仔紅蘿蔔，再加埋奄列同飯一起食，好送飯。我自己就叫左個野菜豬肉咖哩烏冬，好足料，有勁多菜，湯底咖哩味唔算太濃，但夠鮮甜，唔會食到最後覺得好漏。我地兩個埋單都係$126.5，套餐跟沙律、湯或者飲品。平均每人都係$60零蚊，宜家咩都貴情況下，簡直抵食夾大件。

午餐。見到荷里活廣場終於有新食店 希望見到新曙光。點了香蔥拉麵配迷你滑蛋豬扒飯。拉麵唔彈牙 食落似機製拉麵。配料有香蔥 豬肉一片 豬肉好鞋口 湯底只有鹽味 完全無驚喜可言。豬扒飯的豬扒似乎是翻炸 好厚粉。同事點了咖哩炸雞烏冬 咖哩湯底好稀 勝在烏冬是手打的 炸雞確實幾滑 唔會太厚粉。結論是 不會再來。

星期五晚收工，約左老公係荷李活睇戲，大概7點幾，好多餐廳都好爆，呢間新開就特別爆，7:30到拿60號籌，但仲係叫緊33號飛，不過為左試新野，等下都要gei….大概等左20-30分鐘，我地終於有位坐，裝修都幾靚，好多卡位，座位都算比較舒服。我地試左個$192二人餐，可以揀兩碗麵或者飯同三款小食。不過除左普通拉麵同飯，好多款拉麵都要加錢，我地加錢叫左香蔥拉麵同豬肉拉麵，小食就試左串燒雞翼同雞軟骨，炒草菇同餃子。我地幾中意拉麵個麵底，比起其他拉麵相對彈牙，湯底都算香口，唔會太油，叉燒亦都唔會太肥。小食內面我就比較中意串燒，燒得好香，燒到雞油出曬來，食落口幾爽身。至於餃子就偏燶左少少，但餡料好足，佢地話自家製，可以食得出好新鮮。我覺得呢間拉麵店小食好出色，拉麵都算比較健康，絕對可以當飯堂咁一試再試。唯一不足，可能新開，太爆，上菜時間略長，希望下次再來可以神速上菜！

開左新食店試下先,門外店名有兩個好奇怪入座後餐牌有兩款,有齊兩間食店名嘅食品 😮見限定想試蝦餃子 ,但侍應生話近期都未有貨喎😳點左個自選套餐海鮮拉麵 ,外貌ok食就麻麻雞軟骨魷魚筒真係超正炸豆腐 ,炸得好靚好吸引超滑

係鑽石山肚餓覓食，咁岩見到有間野新開食拉麵，睇睇佢價錢合理5-7×，就試一試佢，反正其他食肆都。先講返食物方面，我叫左碗什錦拉麵同餃子，本身都對拉麵冇乜期望，本人唔太鍾意食，但係一黎到，以為剩係賣相ok ja, 點知食落又幾好味，拉麵夠彈口有口感，唔似得其他果d所謂既拉麵鋪咁一pat pat, 湯底味道適中，唔太濃唔太淡，岩哂大眾口味，老少咸宜。 餃子外表煎得岩岩好，有金黃色既外表，d餡足料又夠味，唔錯。 不過有讚有彈，食物份量方面我覺得一般，對我依d大食怪黎講唔係太夠（平時食開3碗飯），希望可以日後可以有選擇份量，大不了加錢。咁一間食肆除左食物要得之外，態度好都會加分，佢地員工態度友善，會主動加水，問我有咩需要，依點加唔少分！總體黎講，依間野係鑽石山黎講真係清泉，依個價錢有咁既質素真係唔錯，比起d乜野×蘭，我會揀返依家，希望日後質素同態度都keep住la!