札幌拉麵 Miso No.1 x 辛味屋

营业中

休息中

星期日鑽石山荷里活廣場的確多人，晚上大大小小的餐廳要等位是常識。面對呢種情況，習慣漁翁撒網式的攞籌方法 - 將揀餐廳的重任交比上天決定。結果，呢度有位先。一家(港x日)式拉麵店，地方都幾大，餐牌上當然不少得各種拉麵及套餐。然而，我的目光比另一種食物吸引住 - 咖哩飯，當下已經立即想好要吃什麼。吉列豬扒奄列咖哩飯 $66 (配沙律及例湯)自從屋企附近的咖喱店結業後已經好耐冇食過餐廳的咖哩吉列豬。實在懷念咖哩的味道。這個飯中的咖哩夠多，感覺稍稠，咖喱味頗香。吉列豬扒外層香脆，內裡豬扒腍，加上奄列，前菜有沙律，又有例湯，整個感覺豐富，性價比不錯。招牌牛油拉麵+自家製餃子 $88拉麵上有一大片牛油，牛油撈勻拉麵後，散發著陣陣牛油香。拉麵是豬骨湯底，加上昆布，令湯底味道討好。套餐可選一個小食，自家製餃子有四隻，煎得香，皮夠薄，餡料豐富，感覺不太油膩。想不到要吃咖哩飯，原來要靠點運。

當知道公司要搬去新蒲崗時，初頭的確有點納悶，寫字樓離港鐵站咁遠，上班很不方便，不過漸漸習慣下來後，又覺得還可以接受，加上近排發現原來新蒲崗美食如雲，由新鮮即包熱辣燙手的粢飯、台日兩地大受歡迎的鹽可頌、創眼的紫星雪糕雞蛋仔，以至煙韌彈牙的手拉麵、抵食爆汁小籠包、惹味海南撈粉等等，全部都可以搵到，著實令我這個饞嘴鬼，心花怒放。這天因工作關係，午飯要推遲至兩點過後，同事 S 提議行遠啲，來荷里活廣場這邊覓食，我當然樂意奉陪。在商場走了一圈，茫無頭緒，S 突然像發現新大陸似的說：「喂，這間很經濟，不如試試」。原來是看中了這家札幌拉麵 Miso No.1，走近門外的櫥窗跓足細看，雖然是食物模型，但看起來就跟真的一樣，讓人感覺很美味。看看腕錶，雖然已經過咗兩點，但想不到店裡仍然有不少食客。兩個餓鬼也顧不得儀態，入座後立即拿起店員遞上的餐牌，逐一細看。Tea Set、定食、蓋飯、咖喱、奄列、烏冬、拉麵套餐等等，選擇多到令人眼花繚亂，心大心細，一時間真的令人有點難以取捨。最後 S 選了客下午茶定食牛肉丼，而我就揀咗鰻魚蓋飯，再加幾個小食，大家 Share 來吃。牛肉丼 ($36) 以闊口湯碗盛載，上桌

依幾日打風又落大雨，本身約咗朋友出去食飯，不過太麻煩既關係，所以選擇咗去附近室內地方食個晚飯。鑽石山荷里活廣場真係一個美食天堂，唔同種類嘅嘢食都有，朋友話想食拉麵，於是就搵咗一間食過嘅餐廳試試等咗大約五分鐘就有位，餐牌有好多唔同既套餐而且價錢合理，我地就平平地叫咗個「自選二人套餐」價錢$198，包兩款拉麵三款小食抵到爛果汁提子酒日本牌子既果汁酒，酒味唔重，反而好香果汁味解渴一流螃蟹拉麵大大碗拉麵而且湯底濃郁，蟹柳質素幾好，味道唔錯豬軟骨拉麵賣相已經夠吸引，上枱時香氣撲鼻豬軟骨閔得夠林，而且有小小肥肉，肉質嫩滑燒牛舌爽口軟林，好香牛味加上檸檬汁吊起牛肉本身的鮮味吉列蝦外面嘅炸粉唔會太厚，而且蝦既size都算大，唔會炸得太乾自家製餃子足料餃子，好多餃肉，外皮都算薄，而且煎得好香

星期日下午三點帶著小女孩來到荷里活廣場， 行了一圈只有這間店舖的食物能吸引小女孩。這個時間完全不用排隊就能入座 ，小女孩選了滑蛋豬扒蓋飯，而我就選了燒牛肉蓋飯。連同蓋飯的伴有一個小薯蓉，小女孩邊吃邊說好味，滑蛋豬扒飯也是小朋友最愛，啖啖肉之餘，豬扒也很淋及香口。喜歡吃牛肉的我對燒牛肉蓋飯有點期望，味道偏淡但牛肉不肥，吃後不覺油膩，份量也足夠大人吃飽呢！

今日晚上和太太往荷里活廣場札幌拉面食晚餐, 我點了浦燒鰻魚定食, 凍奶茶和枝豆。浦燒鰻魚定食鰻魚好肥美, 入口即熔, 鰻魚汁鮮甜惹味, 送飯一流, 沙律菜新鮮爽口, 配沙律醬食落開胃, 薯蓉入口即熔, 食到薯仔爽脆的質感, 好美味足料的鰻魚定食；凍奶茶茶味香濃, 奶和茶的比例剛剛好, 奶茶茶味足, 飲落質感順滑；枝豆食落鮮甜,熱辣辣帶有鹽粒香味, 佐酒一流。餐廳座位舒適, 食物美味, 個人推介浦燒鰻魚定食, 值得再光顧的餐廳。

今日趁假期老公陪我去荃灣楊屋道街市買餸 順便食Lunch 他話不如近近地過對面荃新天地2期食拉面啦 無所謂成日行過都話想食 就今午去吧 都幾多人架 入坐卡位 Menu好多選擇 最後決定叫兩款share 咁就可試埋定食添午市的自選套餐選擇幾多 雜錦拉面 $68 貪佢材料多 一次過食到 繼有豬軟骨 叉燒 蟹棒 雞蛋 粟米 海帶 牙菜 麵質彈牙 啖湯無味精 味道偏淡拉面set可加$5 多選一款小食 選左燒雞翼 味道尚可 午市定食網燒雪花牛肉定食 $88已包括左一碗正宗日本珍珠米既飯 粒粒漲仆仆好飽滿 薯仔salad醃蘿蔔味噌湯網燒雪花牛肉陪菜絲好豐富喎 味道一流 雖然牛肉稍薄但不失牛味 加左$5 的凍檸水

叫左一碗雜錦拉麵跟串燒雞翼，一支啤酒，等左15分鐘先出拉麵，尚可接受。燒雞翼2串等左20分鐘先出就有d慢。先講拉麵，同十幾年前香港未正式興起食拉麵嘅店舖質素差不多，似足果d屋村商場開果d細店嘅質素。拉麵係package 的，湯底係開粉的，最重要係塊豬肉，又厚又鞋，無豬肉味！其一餸就無謂批評，預料之內。雞翼又係失敗之作，既然係急凍貨，點解唔先加入調味，糊椒粉，同鹽味我都食唔到。上碟的雞翼，我只能食到雪味同魚腥味。。。我懷疑佢地廚房將d餸放埋同d魚一齊。好難食我亦都無再食完佢。唔知係咪商場無選擇，夜晚8點幾要排隊。又或者我咀刁。130蚊我寧願光願其他店舖。此店毫無誠意，品牌差劣，不會再光臨。

八個字形容：金玉其外，敗絮其中。環境：門面好吸引人，但堂內一般，比較焗促。服務：無服務，多次揮手先有店員應，餐牌都無就問點咩餐，水或茶都無攞杯黎。第二，餐已點，但食物未到就要求埋單，當時係下午茶時間3點45分左，做法有點不妥。食物：1份招牌牛油拉麵+串燒雞軟骨+凍奶茶，先講雞軟骨燒得比較乾同硬，伴汁的檸檬塊都乾，食落口軟骨有種莫名其妙的腥味。主菜的拉麵係我食過最唔掂，最難食。湯底可以講無味道，連牛油的味道都無，飲完啖湯唔會有衝動食第2次，因為連基本日本濃郁的湯底都無，整碗拉麵外觀望上去好大，實質拉麵好少，夾4，5次就無，只有1片肉，我只咬了一口就唔想食，有種霉的味道。我諗杯凍奶茶應該無問題，但都係飲了一口，因為好甜。都唔知係我要求高，定係間餐廳的食品品質、服務就是這樣。有好多要改善的地方。

點解會揀呢間因為有水準我哋等嘅時間係晚上七點半左右雖然等嘅時間都要半個鐘左右但係佢嘅拉麵都幾好食同埋配上嘅小食都可以接受服務員嘅態度就普通啦見仁見智個別例子環境可以接受衛生程度都是今次都係叫咗三個拉麵三個小食其中一個小食係新嘅韭菜炒豬肝真係好好味有熱騰騰仲有五片咁多到我俾錢嘅時候我發覺係加左價因為平時我哋叫三個拉麵唔係咁嘅價錢不過有會員卡就免左加一點都好啦希望下次等嘅時間冇咁耐或者係會員嘅話就有得遙距攞飛啦繼續繼續努力我會支持你哋嘅

睇戲前趕住吃晚飯，本想吃隔離甘味，但見到呢間較少人就去等位Ordered 2人set $198（再+20轉左兩個饅魚飯（大））特別之處在於 餐牌上有寫明鰻魚飯&鰻魚飯（大）兩款，自然會理解為有兩個size的鰻魚飯，送到嚟見到咁細仲以為送錯細size，問一問staff先知道原來兩個size係一樣，照咁樣計食晚市一人餐仲抵Staff: 唔會主動refill茶，叫完都無左件事單點魷魚圈＄50 4粒抵唔抵就見仁見智

我地都有食過其他拉麵店，估不到今次去呢間拉麵店會係失望而回，其實係鋪面望入去係唔差，不過用餐後真是大感失望。我和男友Order了一碗草菇麵和一客鰻魚飯，仲加了一個小食雞泡魚乾，碗拉麵隻碗就夠大隻不過麵底份量極少，草菇又少，2片肉又瘦掹掹，鰻魚飯又唔係用珍珠米而採用白飯，麵豉湯味道又咸又重，雞泡魚乾燒出黎無黎味道賣相又凌亂，環境空氣焗促又無乜冷氣，食得非常十分辛苦，價錢雖然中等亦要加一，充滿改善空間

此店光顧了好幾次，一次比一次食物質素下降，才引發起我要寫寫食評。咖哩吉列豬排蛋包飯咖哩汁浠薄，不夠濃，完全沒有日式咖哩味道， 蛋過熟，好似一塊紙皮蓋上飯面，豬排還可以接受。曾幾何時這個是我的至愛豚肉拉麵老公点了這個，豚肉冇肉味，又乾又硬，面質煮得耐，糊口，不彈牙。另外，加$20，配搭一個炒飯，份量明顯比之前食過的少，在這物價高漲下， 都算吧！ 但口感也明顯不同，炒得不夠乾身，冇香味，可以講是稀爛，完全不合格唯一值得讚的是這碟酥炸廣島蠔，炸得很香脆，食落鬆化，蠔都食得到蠔的鮮味最後要提一提： 希望這店檢討一下服務員的態度，叫服務員refill water, 服務員明明見到，當看不到，叫左3次才走過來，太要不得。

今日放假，獨自留在家中，不如去屋企附近搵好野食😆😆黎到荷里活廣場，簡左食日本野，第一次試，唔知味道呢！？一個人唯有食一個餐！其實之前去日本，佢地有講過，一碗拉麵包含四個元素就係湯、醬料、麵和配料。今次就試下呢間既牛肉拉麵😋😋牛肉拉麵麵裡面有牛肉、粟米、昆布、京蔥絲、熟蛋，而且個湯仲好稠。 雖然賣相可以更好，但係聞落去唔錯😊首先，試一啖湯底，味道好濃，偏咸，但牛味重，增加左食慾，再加上微辛既赤味噌，味道富層次感👍🏻

今晚去鑽石山睇戲所以選擇附近食，food court拆左後只淨下元氣及泡菜國既燒烤，唔想咁熱氣所以簡哩間試下。位置及裝潢都係一般，唔闊落既2人位，枱面岩岩好夠放晒2人晚餐既食物，拉麵真係麻麻，小食仲好食過個拉麵多多聲，應該改名叫札幌小食嘍。雞軟骨串同燒雞翼都不過不失，南瓜炸餅都唔差喎，有人唔食南瓜都食到入口，哈。不過冇野飲同甜點嘍～服務都即叫即到，埋單出去counter比唔洗等，總結都正正常常，諗唔到食咩都會再幫襯。

In a time before all those places like Butao ramen opened up, there was this place. Sapporo Ramen Miso No. 1. The ramen was good or at least what I thought to be good until I went to Japan and realized how horrible it was. Followed by more and more ramen shops opening in Hong Kong that are nearly comparable to Japan itself. This place became forgotten and relegated to the land of mall food.So, here I was at a mall and I ended up eating mall food. Something cheap and fast. Realizing I haven't bee