札幌拉麵 Miso No.1 x 辛味屋

营业中

休息中

吉列豬扒，簡直垃圾中垃圾。今次中計了，今日因到書局買野，順便找野食，医肚结果使我同女友抓破頭，從未食過這麽難食，品質差，薄如瘦肉，外表更嚇死人，在香港街那處炸都好過它，简直………

晚飯來札幌吃了一個二人套餐,除了兩碗拉麵外,還有眾多小食可供選擇,我們就揀左炒菇, 雞軟骨,同埋餃子。拉麵方面,就揀左豬肉拉麵,和招牌牛油拉麵。 前菜是一碟毛豆,我們一邊嚼著柔軟甘甜的毛豆,一邊等拉麵和小食的到來。 拉麵方面,兩碗看上去分別不大,只是一碗有加牛油,另一碗沒有,我索性試一試一塊牛油之分,湯底的分別到底大不大? 我先按下自己那碗拉麵的牛油,只見金黃色的牛油慢慢溶化在濃厚的湯底之中,再喝一匙,感覺到湯底的香濃中,有一層淡淡的牛油香味,質感幼滑。再一試朋友的普通豬肉拉麵湯底,也香濃好飲,但的確少了一點幼滑香味,那一塊牛油說是招牌,果然不能小覷。湯底不俗,再食拉麵,拉麵的軟硬度適中,口感彈力幾夠,沾滿湯汁就更好味了。叉燒肥瘦相宜,味道濃郁,除左叉燒之外,還有海帶,玉米,芽菜等配料,吃時甚為爽脆,口感豐富。吃著拉麵的時候,陸續有各款小食上枱。餃子說是自家製,就讓我試一下有何名堂。份量較為迷你,一邊煎得焦脆,內裡則半菜半肉,餡料鮮美,感覺很平衡,也不會肥膩。雞軟骨成串,炸得非常香口,軟骨脆得來幾有咬口,幾好。 牛油炒菇,有一陣甚香的牛油味道,菇本身頗新鮮,菇

這天和一個很久沒見的朋友到荷里活廣場吃飯，他喜歡吃拉麵，我地就試左依間札榥拉麵。 其實中午時間都幾多人，好彩岩岩好有位，唔洗等。我喊左個雜錦拉麵，佢就喊左個招牌牛油拉麵，大食既佢驚唔夠飽又喊多個自家製餃子一齊食。雜錦拉麵先到，其湯頭呈琥珀色的渾厚色澤，熱氣冒騰，一嘗之下，濃香鮮美。 再挾起金黃的拉麵條，咬落爽彈有力度，有少少掛湯不夠，但仍然幾有水准。 和芽菜，甘荀，海帶，粟米等爽脆配料同食，咬落索索聲，口感甚為豐富。餸料較多，有蟹棒，豬軟骨，叉燒，溏心蛋等。蟹棒: 輕咬下其絲條纖維，紅白細嫩，有鮮味滲出。豬軟骨: 豬肉燜得極是軟爛入味，軟骨Q彈。叉燒: 很是鬆化，肉味濃郁，相當不錯。溏心蛋: 唯一出事位，蛋黃唔夠溏心。好鍾意飲湯既我，忍唔住手舀左啖朋友的牛油拉麵既湯黎飲。 感覺的確係滑啲，同埋有淡淡牛油香味，下次我應該會喊牛油拉麵。自家製餃子遲上，份量精致，一口可容，蘸醋入口，餃子底微焦，咬落先是香脆，然後陷入柔軟的餃子皮內，嘗到新鮮滾燙的豬肉和菜滋味，細細咀嚼下，甚是鮮美。總結來說，份量一般，味道幾好。

🍲🍚記得日本餐廳非常流行一碗麵配一碟咖哩飯每次到日本旅行也吃得飽飽的想不到某天經過荷里活廣場覓食亦能重温那飽肚的感覺店內裝潢帶有日本公路拉麵店的味道仿如真的在日本用膳一樣可惜美夢總是要終結的由食物送到上枱 樣貌已經決定了它的命運拉麵用包裝拉麵吃下去還帶點包裝膠袋味道叉燒不像叉燒 只是一塊加工豬肉湯底只是味道湯吃飽後只好不停喝水止渴咖哩飯方面就是最普通的咖哩可惜送到上枱的時候已經是冰冷的連飯也是冰冷的教人如何繼續吃下去價錢：$44抵食：2好味：💀（1最低 5**最高）💀指數：💀💀💀💀地址:札幌拉麵 Miso No.1 x 辛味屋 (鑽石山)鑽石山龍蟠街3號荷里活廣場3樓325號舖#explosion鑽石山 #explosion日式

拍拖經過鑽石山荷里活廣場，見到札幌拉麵有不少人排隊，睇下menu發現原來幾抵wor! 唔怪得咁多人等位啦~吉烈豬扒奄列咖哩飯套餐只不過是$66!!配埋湯同薯仔沙律! @-@日式咖哩甜味重，不太辣，啱哂我口味!豬軟骨拉麵套餐配上餃子又都係$85!豬軟骨煮得夠冧，易入口。拉麵份量夠多，一定飽肚!可惜雞蛋並不是流心蛋。餃子外皮很薄，煎得香脆!雞翼和雞軟骨咸度適中，加上檸檬酸更惹味~炸豆腐外脆內軟，話咁快清晒~當晚也有叫沙律來清一清煎炸的感覺。以這個價錢，不能要求太高  叫左咁多野，平均每人都係$13x乍，食到肚皮都脹晒，好坻食!

樓下新開既餐廳,每次經過都見門口勁多人等位,,,上星期見得閒就拎張籌等下,門口外面擺左勁多sample,等左5分鐘就入得啦,,一睇有2款menu,一款拉麵一款咖哩,比想像中更加多選擇,諗到頭都痛埋,最後決定食中華冷面+餃子冷面酸酸甜甜,好開胃平時食日本餐都一定會叫餃子,呢間果然無令我失望,真係好正冷面加埋餃子都係$80,又飽又抵食

鑽石山荷里活廣場勝在泊車有優惠, 憑電影戲票就享有免費3小時, 是駕車的喜愛。 睇戲前先來個晚餐。 廣場內食店選擇算不上是多, 星期五晚上大多都要等位, 選擇了較為“快食”的札幌拉麵。食店是自助取票形式, 雖然門外等位的食客不少, 不過上菜快, 翻檯快, 店員都很快手, 人流都不斷, 所以好快就輪到。 簡單裝潢, 燈火通明, 乾淨的格局。有定食, 有套餐, 也有2人餐, 選擇都蠻多。選了一個2人餐 $192螃蟹拉麵 (+$15)有別於一般拉麵店的豬骨湯底, 這家用上麵豉湯底, 濃味度一般, 鹹味稍稍多了點, 較為一般。 一讚的是湯底很熱騰騰, 不錯。拉麵軟硬度適中, 份量都頗為多。 配菜方面, 蟹柳是雪藏製品, 肉質還可以接受。這碗拉麵的蛋不是平常吃拉麵的流心蛋, 而是全熟的蛋, 有點失望。不少得粟米, 芽菜, 大蔥和海帶。 整體中規中矩。鰻魚飯 (+$10)以這價錢來說, 鰻魚質素很好, 腍軟滑身, 沒有魚腥味, 比一般雪藏貨色來得更好, 如果鰻魚再大條一點就更完滿。 而醬汁味調得不錯, 不會過甜或過鹹。 飯用上珍珠米, 粒粒飽滿有嚼口, 吃罷都很滿足, 推介。自製餃子餃子內的肉餡比

今日黎左札幌食野，等左一陣位好快有得入去 環境不錯👍👍👍👍今日叫左個金菇牛肉定食 d金菇牛肉真係好入味，並且原來是限量發售 今天很好運😆份量又足夠🙈又吾係好貴👍叫左個小食炒豬肝 看圖片都覺得很吸引 食落去津津有味真係值得一讚 又叫左個炸雞軟骨小食 好脆好夠份量食到個肚漲漲的下次黎到再試其他野先食

今日同個FD中午黎左食野 點左辛辣拉麵真係好正個湯好夠味 拉麵夠彈牙 真係無得彈叫左個豬扒蛋飯食一人份量真係岩岩好 入面有d洋蔥加埋滑蛋好夾好中意食呢個餐同叫左個小食雞軟骨好好味放假再帶朋友黎食

今日一個人去左呢間度試下D鰻魚飯，上網睇到食評，見寫得吾錯，都係抱住一個試下的心態，可能中午比較人多，所以排隊都排左十五分鍾，一坐底，店員都有向我介紹這個飯，所以我就叫左呢個飯食，出奇地，又真係吾錯，價錢合理，滿意，還值得一纘，這裡的服務員有禮貌！

好耐無黎過鑽石山行街啦 估唔到多左咁多新餐廳！ 果陣7點幾同個fd有得肚餓 見到呢到有好人排隊 個fd話不如試下 我地跟住walk in入去雖然人都幾多 但等左唔夠10分鐘到就有位啦入到去間野 打開個餐牌 見到個小食同拉麵 好似幾吸引咁 就叫左黎食我地叫左 炸蠔 ，豬肉咖哩烏冬同 炸豬排奄列咖哩飯等左一陣到野食就到啦！ 個咖哩烏冬 賣相勁吸引 有蔥花系面 同d咖哩 味道勁濃 夾埋d豬肉食 都幾夾個咖哩飯既奄列d蛋汁系流心既 勁驚喜囉 我同個fd都覺得個飯唔錯 個飯都幾大個 share食最啱既炸蠔到枱面 重系勁熱 放入嘴到 都辣親個嘴 果然系即炸系唔同d既食完埋單 同個fd每人百幾蚊到 價錢同食物都成正比！

今日去荷理活行街食經過係3樓既札幌拉麵miso no.1 ，看入面裝潢感覺好舒服就同我的好朋友去左睇餐牌 價錢又吾係好貴好合理 就等左5分鐘到 好快就有得入去d職員仲同我地講儲印花有折 好抵叫左個咖哩飯食 d汁好濃好好味 D配料看落去都好吸引有洋蔥薯仔紅蘿蔔 ，，豬排好大塊好脆，真係值得推介 又叫左個滑蛋雞肉飯 .d汁好好味，d蛋又吾會太乾身 價錢又合理 同埋會有個薯仔沙律配埋，食左一啖就問d職員有冇得散叫呢個真係好好味，我又再食呢個薯仔沙律送餐的速度都好快d員工個個都好有禮貌好好笑容食完都覺得好開心下次一定會帶多朋友黎食。

今晚同仔仔兩人去左呢度食晚餐，雖然比較人多，但值得一等，因為這裡食物水平很好食，今晚点了咖哩朱扒飯，燒魷魚，焗金菇，餃子，呢度食物有很多款式，價$亦合理，吾太貴，下次一定再黎食！

一個人的晚餐。。。煮也懶，不吃又餓，樓下商場剛開沒多久的餐廳，試試無防反正，人都是貪新鮮，排隊就排吧。餐牌中各種拉面， 頓時感覺有種選擇困難狠狠的選了雜錦拉面，好大的一碗面有日式叉烧，蟹肉，雞蛋，玉米等還有一大塊豬軟骨(由於豬軟骨太吸引，還沒拍照卻已經在嘴裡，嘻嘻)很Q很爽口的面條，軟硬適中，第一次覺得拉面好吃， 聽侍應姐姐話係日本空運過來的曾經有個日本朋友跟我說湯底是每一碗拉面的靈魂，湯底做得好一碗拉面也就自然升級，可以說，這餐廳的豬骨湯做得還不錯，加上味噌，味道恰到好處。新開的餐廳，值得一選，下次再續問題是，我忘了拿印花卡，好像可以換優惠卷的

被吸引的是門面的食物擺設簡潔而不失大體。。入座一杯熱呼呼的茶帶來一個美好的中午最喜歡的是牛油拉面，細心品嚐湯頭，再將大大的牛油溶化在湯里味道更上一層像帶點牛奶的味道，吃起拉面，帶着每一口的香濃滑口，天衣無縫的搭配。再加上一碟香噴噴的自家制餃子，滿足