札幌拉麵 Miso No.1 x 辛味屋

营业中

休息中

一杯凍奶茶可以甜到飲一啖就想嘔，8成係糖漿！！！未試過飲到咁差既凍奶茶！大家真係唔好叫凍奶茶！食完都要用茶漱口，甜到漏🙄真係唔會再入去幫襯希望佢地會改善一下食物質素同員工態度！！

今日同朋友睇戲，朋友話想食呢間就黎左食雖然呢間叫札幌拉麵，但都有飯叫我就叫左個吉列豬扒滑蛋飯蛋唔夠滑，飯尚算夠汁豬扒都算脆，但偏un, 唔算易咬，不過味道尚可..

早排同妹妹去過札幌拉麵食二人餐麵食晚餐, 但食完之後都唔夠飽, 亦不算出色,  反而見到鄰座食客既蛋包飯較為吸引。今次再度幫襯札幌拉麵, 唔ORDER拉麵, 反而試試呢度既飯!【吉列豬扒奄列咖哩飯】HK$66份量都幾大, 不過呢款飯沒有納入二人套餐, 只好散叫一人份量套餐。吉列豬扒表皮略脆, 但重點放於奄列咖哩飯上, 薄薄蛋層包住個飯, 以日本米做飯, 每粒飯粒粒分明, 淡淡既蛋香味配上甜甜既咖哩, 令整個飯生色不少!【滑蛋豬扒蓋飯】HK$59建議先將成個飯攪勻, 否則入面既燒汁而令味道偏鹹, 由於送上檯時, 飯被蓋蓋住, 蒸汽水份同埋豬扒下既蛋令吉列豬扒既外皮整林, 不過肉質不會鞋身而且帶有肉味, 飯既份量岩岩好。呢款套餐仲可以另加$25加一個小食【炸忌廉】同樣是吉列炸皮, 表面不油膩而鬆脆, 內裡忌廉滑滑的, 口感很棉, 外脆內軟正好形容這款小食【2串雞軟骨X2串雞翼】HK$45雞翼燒得很乾身, 外皮香脆, 帶點焦香味, 至於雞軟骨爽脆, 表面仲有少少鹽吊味【炒魷魚鬚】HK$38魷魚鬚很爽, 不會炒得過火而令魷魚鬚太韌而難咬開想不到呢度既飯類比起拉麵更為出色, 份量大份很多! 今次

今日去左diamond hill 睇戲, 睇完戲當然係搵食啦~ 朋友話想食拉麵, 去到只需等2張檯, 所以就食呢間~一開始先要個蟹籽沙律，不過蟹籽唔夠多，如果多返d 會好d ....由於我地唔算肚餓, 我地2個人share 左一個餐, 再加小食、串燒等.揀左個一個晚餐, $88+5 (海鮮拉麵), 包一款小食, 我地揀左餃子~ 海鮮拉麵有蝦、魷魚等海鮮, 拉麵份量都幾多, 湯底味濃～而餃子皮薄餡靚，煎得幾香，唔錯！另外要左燒鯖魚、雞軟骨/雞翼串，燒鯖魚啖啖肉，愈食愈滋味！而雞軟骨/雞翼咸味適中，好ｏｋ!

今天放工同老公去左荷里活廣場睇戲，睇完已經到了晚餐時間，廣場都有多間食店，諗緊食乜？突然想起剛才去戲院時，經過一間名叫札幌Miso No.1 x 辛味居，門口餐牌圖文並茂，美食有多款選擇。今晚就入座試試吧！餐廳地方整潔，座位舒適！餐牌圖文並茂，吾怕吾識點食！我們點了一款自選2人套餐，任選2款拉麵或飯，3款小食。老公選了滑蛋豬扒飯(大)，豬扒外脆內嫩，份量也很多，蛋也很嫩滑，好味！鰻魚飯(大)：這款是我選的，鰻魚肉厚有口感，鰻魚汁味甜，飯軟硬適中，十分美味！吉列蝦：酥脆的吉列蝦，點些沙律醬更好味！炒魷魚鬚:用特製醬汁炒，惹味有口感！北海道南瓜炸薯餅：酥脆味帶甜，令我食不停口！老公見有香口小食，一定會叫返枝啤酒嘆下！

星期四晚大家工作差吾多一個星期，放工後吾想出去其他地方食飯 就反反荷李活搵食；同姐姐一樣想食下麵之類既野 行經三樓見到拉麵店 價錢合理就拎左飛仔等埋位。餐廳內好多食客 坐位有適當既距離 感覺不錯！我地兩個人又想食啲經濟啲既野 就叫左個 "$198 二人套餐"；可以系指定拉麵或飯中 揀兩碗 加 指定小食中 揀三款。雜錦拉麵（需另加$15)：話明雜錦拉麵當然樣樣野刀齊喇！蟹棒甜甜的又軟身。叉燒又吾會肥。半隻蛋，粟米等等。拉麵硬度適中，份量剛剛岩一人份量。湯底又香濃呢！招牌牛油拉麵（需另加$10)：朋友揀左依款。牛油溶於湯底中，等又到湯底有牛油既香味。當中有叉燒 粟米粒 等等！燒雞翼2串及雞軟骨2串：雞翼同雞軟骨吾會燒到黑晒！雞翼好香脆，雞軟骨又吾會太硬。個人推介依款小食！炒魷魚鬚：見好多食客刀order左，所以我地又試下。雖然用炒既方法整，但魷魚鬚完全吾硬吾un 味道帶有咸咸地香口，份量適中！自家製餃子（大）：餃子中帶在菜同豬肉，大大隻非常飽肚，外皮又吾會過厚。一咬仲有吾少汁在口中呢！

家住荷里活廣場附近，基本上每一間食肆都光顧過。今日返工前落街食個lunch，揀左札幌拉麵No.1。午市套餐選擇十分之多，拉麵以外，仲有辛味屋嘅咖哩飯同其他日式定食。猶豫緊食拉麵定係食咖哩飯嘅時候，發現menu後面果頁仲有牛扒定食，第一眼就俾網燒雪花牛扒定食所吸引。網燒雪花牛扒定食($88)，加$3有一杯熱飲。如同一般日式餐廳，本身已經有熱茶供應，而定食亦都包含味噌湯。肥美嘅牛扒，最外嘅部分略嫌乾身，但中間部位十分juicy，點左惹味醬汁，再配白飯，一流。白飯亦都係意外之作，煮得軟綿綿又有飯香。味噌湯、漬物、薯蓉同椰菜定都水準中上，對得起呢個價錢之餘，仲有驚喜。整體黎講，呢個價錢食到咁多款食物，仲要味道幾好，實在抵食。

依間日式餐廳我同家人都幾鍾意來吃的，簡單形容：又平又正！日式咖哩炸豬排蛋包飯基本上係我每次黎食既指定菜式呀！咖哩係日式甜咖啡，香而不辣，非常滋味！炸豬扒即叫即炸，皮脆肉嫩，好香口！跟餐仲可以加多個炸忌廉。忌廉很多呢...一咬就爆哂出黎，即使美食當前十不能心急，要慢慢吃小心燙嘴。除左咖哩飯，拉麵🍜又係另一個好選擇！媽媽點既豬軟骨拉麵拉麵彈牙，湯底濃而不太鹹。豬軟骨很入味呀！跟餐小食揀左煎餃子...餃子皮脆，入面餡料滿滿的，口感非常豐富！另外追加了雞翼及雞軟骨小食，入口吃到燒烤香味，好惹味呀！雞皮燒得脆脆的，入口肉汁仍在，令人食極都唔夠喉呀！

每次到荷里活廣場，一到晚飯時間，都會見到這日本餐廳門前聚集左人排隊。今天跟男朋友到附近逛街，終於可以一嚐這間以日本拉麵為名既餐廳。店內擁有日式裝潢設計，食日本野時更有日本風味。先看菜單，有很多不同價錢的套餐。我們最後選了$198自選二人套餐，包括了鰻魚飯（大）（+$10）、海鮮拉麵（+$15）、三款小食：自家製餃子（大）、串燒雞軟骨、牛油炒草菇。鰻魚飯方面，多汁鮮甜，以這樣的價格，簡直超值。海鮮拉麵方面，湯底味道充滿海鮮甜味，海鮮配料分量尚可，絕對是平民拉麵尚佳之選。至於三款小食，全都合格以上，牛油炒草菇更值得推介，草菇惹味鮮甜、大小適中、配上牛油更叫人難忘，下次光顧定必再點這味草菇。

就嚟聖誕節，要準備買禮物畀人， 冇理由自己一個出去，行街咁傻豬，就約咗個老友，去鑽石山左行行右行行，行到下午茶時間， 我哋兩個都覺得肚餓，都唔使點諗，果斷去食日本嘢。因為下午茶時段多數都會比較抵食，加上平時少嚟鑽石山 冇理由唔搵間鋪頭試一試。我就點咗咖哩烏冬， 平時食濃湯烏冬食得多，估唔到烏冬配咖哩都咁有爆炸力， 又一驚喜之作，最重要湯底咖哩味十足， 唔會冇味道好似水咁，至於烏冬方面，用料都幾有誠意，都煮得唔錯，口感彈牙煙靭。 吉列豬扒，外脆內軟，又夠肉汁，味道不錯。原來還有小食可以選擇， 小食種類都叫幾多，估唔到咁嘅價錢，有咁嘅質素。

今晚同朋友黎鑽石山睇戲，又要苦惱食啲乜。由於我地都鍾意食日本菜，札榥拉麵就good fit la! 烏冬晚市套餐:牛肉咖喱烏冬＄69咖喱烏冬很吸引，咖喱香濃美味，烏冬口感煙韌，牛肉份量也挺多，很滿足🤗炸雞塊咖喱烏冬＄69炸雞塊令人很驚喜，新鮮炸起，外脆內軟，滋味無窮，十分推薦！雞泡魚乾 $55很入味，適合慢慢細嚼的一款小食。自家製餃子（小）$32餃子也不賴，可以放心點。來荷里活廣場逛街不妨試試，價格便宜，食物也不錯😊

今日晚上和太太往鑽石山扎幌拉面食晚餐, 我們點了鰻魚蓋飯配炸魚柳, 枝豆、普通拉面和提子果汁酒。枝豆上桌時熱辣辣, 食落好鮮甜, 配上少量鹽粒, 食落美味；鰻魚飯鰻魚肉汁鮮甜味美, 鰻魚汁份量適中,飯好軟綿；炸魚柳肉質鮮甜,外脆內嫩, 椰菜絲和車厘茄食落新鮮, 能中和炸魚的油膩, 佐酒一流, 味噌湯湯鹹度和溫度適中, 昆布味道爽口；薯蓉食落好腍好香, 入口軟滑, 薯仔味香濃；最後提子果汁酒, 提子味鮮甜, 酒味香醇。餐廳座位舒適, 食物美味, 價錢合理, 超值的晚餐。

鑽石山呢個廣場翻新後都多左吾小餐廳今晚試呢間拉麫店 價錢吾貴 款式都幾多我見好多人都食吉列豬扒好吸引 不過我又怕氣我揀左個豬肉拉麪 貪佢夠多豬肉個湯底吾算濃味 豬肉亦無咩肥膏整體感覺吾太肥仔跟餐仲有得揀餃子 煎得好香口點埋大量醋PERFECT食麪想飲汽水 加$8都可接受丫朋友仔揀左咖喱豬肉烏冬 聞落好香喎忍吾住試左佢小小 我覺得烏冬出色過拉麫入口好彈牙 咖哩吾辣但好香豬肉片份量超多跟餐$25可以加配小食 平過散叫推介炸忌廉即叫即整熱辣辣超脆炸粉亦吾算太厚 點埋沙律醬到喊人均$100吾貴 下次平平地再戰

今日係荷里活廣場行街食飯，一條龍呀！經過宜間日式餐廳見到晚市套餐幾吸引又抵食就入左lu~~~一入店內就已經聞到香噴噴嘅咖喱味，令我食指大動了！最後我點左個吉列豬扒咖喱烏冬...烏冬煙韌有嚼勁，完完全全吸左咖喱湯底嘅味道非常好食。咖喱湯底香濃微辣，濃郁又不太鹹，我比一百分💯呀！吉列豬扒新鮮熱辣，入口非常香脆。草菇拉麵菇香味十足，拉麵麵條都有適中，咬落口應煙靱！小食揀左炸豪，生鮮熱辣香脆。食既時候要小心一點，一咬d汁就流出，非常juicy!另外小食又order了多春魚，魚子非常多，很有口感呀！加埋檸檬汁，更能去除魚既腥味！食日本野又點少得order煎餃子呢！餃子煎得微燶， 餃子皮薄，帶有焦香味！內裡肉肉滿滿，肉汁很多呀！

平時響鑽石山荷里活廣場食飯都好頭痛，因周圍都排長龍，所以今日特登早啲食晚飯，6:00 已去到，見到有間札幌拉面店，難得仲有位，隨即入內食，叫左個二人套餐$198，包括自選兩個主食，可選拉麵或飯、三款小食。第一款主食，叫了豚肉拉麵，拉麵麵質彈牙， 湯底濃郁，略嫌多了油份，但勝在夠味、落足料去煮既濃湯底，令麵條沾滿味，豚肉醃過夠稔身，粟米粒夠多夠甜，還有大量海帶。第二主菜叫了鰻魚飯，有大半條鰻魚，厚肉，醬汁味十足，醃夠味的燒鰻魚撈埋飯食份量啱啱好。而三款小食揀了煎餃子，有六隻夠大隻，份量都幾多！餡料以豬肉餡料加少少菜泡製而成，煎得香脆，另一款叫了出名的炸南瓜忌廉薯餅，好creamy , 炸至外身鬆脆，沾上沙律醬一絕。第三道小食係魷魚鬚，用醃味醬汁炒過，魷魚煙韌，有鮮魷魚甜味。仲不時加添麥茶，服務很好呀！臨走時門外又企滿人了，幸好今次早到咋。